2 Pẽẽtũrũ 1:10 - ꞌBuuk cĩ Thõõth cĩ Nyekuci

¹⁰ Nẽẽthĩ ꞌyioko ꞌgotoonoga hĩ ngoonoga, ĩttĩmanit gẽrrẽẽt ngaatĩ ẽtẽrꞌthaannu aĩ aattiyyu niig hõrggẽẽnaa cĩ eet baag avvaa nẽ ẽbẽra Nyekuci. Má aallannu adĩmannu thõõth icci, aitiõõ hatĩ hõllõngaa ũũnnĩku lemiinit cunuung.

2 Pẽẽtũrũ 1:10 ပူးပေါင်းရင်းမြစ်များ

Maatteeo 22:14

“Hĩnĩngĩtĩ mẽẽlĩg eeta ꞌcĩg avvaa thõng nẽ ĩĩtõ hĩdĩcĩg ꞌcĩg eberriaa.”

ꞌRooma 11:29

Hõllõngaa õbõdĩ Nyekuci ꞌbaaninit baa aaꞌnyĩk nẽẽ eeta nẽ nga hataarõthĩ eet baag ẽbẽra nẽẽnĩ.

2 Timotteeo 2:19

Nẽẽthĩ, abĩlĩ thõõth ꞌcĩ Nyekuci õkõmĩ kak, aꞌnyũũgĩ nẽ ẽtẽhẽẽdĩ battaala thõõth ꞌcĩ aĩ, “Aga Makayyioohiti eet cĩgĩnnĩg.” Nẽ, “Eeta ꞌcĩg aĩ hĩĩgĩnna eet cĩg Makayyiooktak, aꞌnyĩĩk hũtũngteek thooꞌthiok ꞌcĩg ĩĩn ꞌthẽccan.”

Ebereei 6:11

Hadiimmuung naag ngagiit hõdẽĩ hõdẽĩ eellio nyaagwaana ooo ĩꞌthõng decciaanĩt cĩ lootu, hátĩ hikia muhẽẽnĩtĩ cunuung ꞌcĩ ammuku Nyekuc, hĩĩ dĩdĩ.

Ebereei 6:19

Haꞌnyak naag muhẽẽnĩt cĩnaac ꞌcĩ abũnnaa dĩdĩ ꞌcĩ aggammeet ngagĩĩta. Aduhun muhẽẽnĩtĩ cĩnaac ꞌcĩ abũnnaa ho cẽrẽm ꞌcĩ ẽꞌngẽr ꞌCieeth cĩ Nyekuci hõdõlan Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt.

ꞌJeemith 2:10

Hĩnĩngĩtĩ ẽẽtĩ ꞌcĩ aꞌthũũnnĩ nyattalliook vẽlẽk nẽ ẽꞌthẽcan hõdẽẽthõng, ẽꞌthẽcan nẽẽ nyattalliook cĩg Nyekuci vẽlẽk.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.

1 Pẽẽtũrũ 1:5

Nẽ hĩnĩngĩtĩ lemiinit cunuung ko, aꞌthuunnuung hatĩ ngagiit Nyekuci ꞌtirriaanaa cĩnnĩ, ĩꞌthõng ummuddia elliaanĩt icci, ꞌcĩ ereeyyi, hátĩ hetereꞌthiaa kõr cĩ decciaanĩt cĩ lootu, hátĩ hĩcĩnĩt eeta vẽlẽk.

2 Pẽẽtũrũ 1:3

ꞌTirriaanaa cĩnnĩ, aaꞌnyeet Nyekuci ngagĩĩt hẽlẽggĩ vẽlẽk ꞌcĩg hadiim naag haautti rũgẽtaa ꞌcĩ aaꞌnyĩk Nyekuc haccamanoothĩk. Hammũda naag hẽlẽggĩ iccig vẽlẽk ngaatĩ hau hagaĩ ĩnõõnnõ, baa aũũyyeet nẽẽ ngagĩĩt hiita hĩ ĩnõõnnõ bulẽẽttaa cĩnnĩ ĩcĩ ĩllõõan nẽ ẽllẽẽm gẽrrẽẽt.

2 Pẽẽtũrũ 1:5

Hĩnĩngĩtĩ thooꞌthiok ꞌcĩg ĩdĩmaneeheet Nyekuci ngagĩĩt ko vẽlẽk, ĩttĩmanit gẽrrẽẽt ngaatĩ athiknu thooꞌthiok ꞌcĩg aduha Nyekuci. Ittoorrik lemiinit cunuung bũnnai nẽ ittoorrihu bũnnai ꞌgẽẽnyĩth;

2 Pẽẽtũrũ 3:14

Nẽẽthĩ hoti ho, ꞌgotoonoga hĩ ngoonoga, hĩcĩ nga ereeyyu thõõth icci ho, idticanit thõõth vẽlẽk ꞌcĩ aaꞌnyuung ngagiit ĩĩtõ tẽllĩg, hiꞌthihi thõõth ꞌcĩ abathĩ nẽ aauttu lõꞌngõõc hĩ ĩnõõnnõ.

2 Pẽẽtũrũ 3:17

Nẽẽthĩ hoti ho, ꞌgotoonoga hĩ ngoonoga, hĩcĩ agayyu niig thõõth icci ẽlẽk ko, aaut dĩkĩĩm, hátĩ hiittiõõ hõllõngaa idiahannuung eeta ꞌcĩg adĩman thooꞌthiok ꞌcĩg abathĩ nẽ ũtũngteehu authet ꞌcĩ abũnnaa.

ꞌJuud 1:24

Nẽ ꞌyioko, aꞌnyĩĩk bulẽẽnĩt vẽlẽk hũũk hĩ Nyekuc, ꞌcĩ ũũlũ ngaatĩ aꞌthuunnuung ngagiit ꞌgõõlaa ꞌcĩ occa arahannu, nẽ aꞌnyahaauung ngagiit taliittaa cobbi gẽrrẽẽt iita ngaatĩ aayyi nẽẽ bulẽẽttaa cĩnnĩ ĩĩcĩ hiꞌthihi ꞌthẽccan umwa.

Terethiinit 22:14

“Aꞌnyĩĩk haggatan Nyekuci eet vẽlẽk ꞌcĩg ũũny ceremwa cĩggĩĩng biyyiẽẽtĩĩ cĩg Yeesu. Ẽlẽmaakĩ hatĩ nẽẽ ĩhõõggõ huduhunit hattũũgẽt cĩg ꞌtaaũn cobbi nẽ aaꞌnyĩk huduhit hẽẽt ꞌcĩ abbiiri cĩ rũgẽt ꞌcĩ aalla ooo.