2 Korinthia 7:9 - ꞌBuuk cĩ Thõõth cĩ Nyekuci

⁹ Nẽẽthĩ ꞌyioko, haccamanoothĩha naana nẽ hõllõngaa haccamanoothihi, hĩnĩngĩtĩ hadĩmannuung ngagiit ꞌbuth. Haccamanoothihi, hĩnĩngĩtĩ baa ittiha Nyekuci huciith cunuung ko, hĩĩ ꞌgõõl ꞌcĩ obodooꞌthu niig hĩ ĩnõõnnõ nẽ baa aitiõõ ẽẽtĩ umwaa hõrggẽẽnaa cunuung ꞌcĩ hĩdĩmatta naag ꞌbuth tõõ.

2 Korinthia 7:9 ပူးပေါင်းရင်းမြစ်များ

Maatteeo 3:8

Idticanit thooꞌthiok ꞌcĩg ẽtẽrꞌtha aĩ, ũtũngteehu niig ꞌthẽccanẽẽt cugguung dĩdĩ.

ꞌLuuka 15:10

Haduhaakuunga, ꞌgõõlaa ꞌcĩ aaĩ hoti, atalĩ hatĩ aajĩlẽẽta cĩg Nyekuci, hĩnĩngĩtĩ ꞌthẽccannioohit hõdẽẽthõng ꞌcĩ ũtũngeek ꞌgõõl cĩ ꞌthẽccaneetu.”

ꞌLuuka 15:32

Nẽẽthĩ, hatalit nẽ haccamattoothĩk gẽrrẽẽt, hĩnĩngĩtĩ baa aau ꞌgotonu hĩ ẽẽtĩ ꞌcĩ adaak ẽlẽk nẽ ꞌyioko ũrũga daahĩtha. Baa iꞌnginõõthĩ nẽ ꞌyioko ummuddia.’ ”

ꞌLuuka 15:7

“Haduhaakuunga, ꞌgõõlaa ꞌcĩ aaĩ hoti, aaĩ hatĩ taliiniti cobbi gẽrrẽẽt hẽẽtahujjieen, hĩnĩngĩtĩ ꞌthẽccannioohit hõdẽẽthõng ꞌcĩ ũtũngeek ꞌthẽccan cĩnnĩ, hĩllõõan eet hẽẽn tũrkũwwec hĩ tũrkũwwec ꞌcĩg abũnnaa ꞌcĩg iittiõõ hõllõngaa adiim tũngẽẽnĩt cĩ ꞌthẽccaneetu.”

Dtiicanĩ cĩg ꞌThooyyiahu 20:21

Baa hilooti naa eet cĩg ꞌJudeei hĩ ꞌGirik helemit Nyekuc nẽ ũtũngteek ꞌthẽccan nẽ elemit Makayyioohit cĩnaac Yeesu.

2 Korinthia 1:12

Nẽ ꞌyioko, ĩĩn ciee ꞌrianĩĩth cĩnaang nẽ aduha ꞌthinneeti cĩggaang ꞌgõõl baa harũmẽẽnĩ hĩ ngagiita nẽ dĩdĩ baa gõõng harũmĩ naag hĩ ngagiit lõꞌngõõc. Baa bũnnai cĩ Nyekuci ꞌcĩ aaꞌnyeet hĩdĩmatta noho, hõllõngaa ꞌgẽẽnyĩth cĩ looc nicci ꞌcĩ hadĩmanna noho ho.

2 Korinthia 2:16

Nẽ eeta ꞌcĩg iꞌngittõõthĩ, õꞌngõlĩ nyeemuut ꞌcĩ abũnnaa hĩ ĩhõõggõ, muyuuk ꞌcĩ õꞌngõlĩ daahĩth, nẽ hĩ eet cĩg eelliaa, õꞌngõlĩ nyeemuut hĩ ĩhõõggõ, muyuuk cĩ rũgẽtõ nẽ nganĩ ꞌthẽk ꞌcĩ occa ũũlũ ngaatĩ adticanĩ dtiic icci aaddi ho?

2 Korinthia 7:8

Tananga haaꞌnyuung ngagiit waraga caannĩ ho mothiinit, hõllõngaa homoꞌthi naana. Tananga nẽẽꞌthẽk homoꞌthi, hacinoothi aaꞌnyuung waraga caannĩ ho liilii hĩdĩĩc haaga.