2 Korinthia 7:4 - ꞌBuuk cĩ Thõõth cĩ Nyekuci

⁴ Haꞌnyahi naa lemiinit hĩ ngagiit ꞌthĩnĩtaa caannĩ dĩdĩ. Hirriannuung naa ngagiit gẽrrẽẽt buúk nẽ nga õkõmĩ ꞌthĩnĩt caannĩ gẽrrẽẽt. Tananga nga haꞌnyahi pĩĩrnanĩt, aalla haccamanoothihi naa gẽrrẽẽt noho.

2 Korinthia 7:4 ပူးပေါင်းရင်းမြစ်များ

Dtiicanĩ cĩg ꞌThooyyiahu 5:41

Ma baa uduhutta ꞌthooyyiaha ꞌcieethaa cĩ lokihoo, baa atalĩ nẽẽg gẽrrẽẽt, hĩnĩngĩtĩ accamana Nyekuci ĩhõõggõ pĩĩrnattaa cĩ uukẽnĩ ꞌthaarĩĩ cĩg Yeesu.

ꞌRooma 5:3

Hõllõngaa noho dioo, haccamanoothĩk naag buúk, hĩnĩngĩtĩ ꞌcannan cĩnaac, hĩnĩngĩtĩ haga naag eelleet ꞌcannani ngagĩĩt haallattia hidticattoothĩk Nyekuc,

1 Korinthia 1:4

Hanneehi naa Nyekuc hõdõõkõthĩ ĩlaallẽ, hĩnĩngĩtĩ ngagiit ngaatĩ aaꞌnyuung bũnnai cĩnnĩ ꞌthaarĩĩ cĩg Yeesu Krĩstõ.

2 Korinthia 1:14

tananga hõllõngaa athĩkneetu ngagĩĩt ꞌyioko. Ma hatĩ kõr ꞌcĩ õbõdaaĩ Makayyioohiti Yeesu, au hatĩ irrianneetu niig ngagĩĩt haau hĩcĩ hirriannuung naag ngagiit ko.

2 Korinthia 1:4

Amammaayanneet nẽẽ ngagĩĩt pĩĩrnatta vẽlẽk, hátĩ hamammaayanit naag buúk eet ꞌcĩg aꞌnyak pĩĩrnanĩt mammaayaniittaa baa hammũda naag hĩ Nyekuc.

2 Korinthia 10:8

Hirriana mõnõ naa gẽrrẽẽt, hĩnĩngĩtĩ makaaꞌthĩt baa aaꞌnya nganĩĩt Makayyioohiti, hátĩ heelluung ngagiit lemiittaa cunuung ko thõng nẽ hõllõngaa haini, hátĩ hĩdĩmanuung ngagiit ꞌbuth. Occa hatĩ hõllõngaa haꞌngaaoni naa ngaatĩ hirrianĩ.

2 Korinthia 11:21

Aggamma nganĩĩt ngaaoni ngaatĩ occa haĩnnĩ, hõllõngaa hattiran naag ngaatĩ occa hadĩmanĩ thooꞌthiok tĩko. Nẽ má irrian ẽẽtĩ, occa hirriani naa buúk.

2 Korinthia 2:14

Ĩlaallẽ hĩ Nyekuc ngaatĩ aaꞌnyĩkĩ Krĩstõ hutuanõõĩ nyeitee. Eelleet ngagĩĩt Nyekuci buúk, ngaatĩ hõõ hĩꞌthaanĩka nyeemuut cĩ Krĩstõ ꞌcĩ ẽmmẽdĩ loonyini vẽlẽk nẽ õꞌngõlĩ nyeemuut ciee haau hĩgõõng mõhõõkacĩ.

2 Korinthia 3:12

Hĩcĩ haꞌnyak naag muhẽẽnĩt icci dĩdĩ, occa hõllõngaa hiꞌngolli naag ngaatĩ hadticanĩ thõõth cĩ Nyekuci.

2 Korinthia 7:14

Baa hirriannuung naa ngagiit hĩ ĩnõõnnõ, tananga baa hõllõngaa aaꞌnyaangu niig nganĩĩt ngaaoni. Nẽẽthĩ, thooꞌthioha baag haduhaaka naag ĩnõõnnõ vẽlẽk hĩnĩngĩtĩ ngagiita, iita ẽdẽẽnyta ĩĩtõ dĩdĩ nẽ ikia edeeꞌnyia ꞌrianĩĩthĩ cĩnaang buúk hĩ Tiito ĩĩ dĩdĩ.

2 Korinthia 8:24

Ĩdĩmanit ĩhõõggõ jurrung, ꞌgõõlaa ꞌcĩ occa acĩnĩ lothippiꞌnya cĩg lemmioohu mĩnnan cunuung, hátĩ hiita hagaacõ nẽẽg, inni hirriattuung naag ngagiit ko.

Pilippi 1:14

Nẽẽthĩ ꞌyioko, hĩnĩngĩtĩ hecebbi naa baabuutha, iita okomit nuyyiook cĩg Makayyiooktak ꞌthinneeti nẽ ĩꞌthĩlanit ngaatĩ irriõõnĩ nyeemuut cĩ Nyekuci.

Pilippi 1:20

Hammuhuneehi naa haini, hõllõngaa hatĩ haꞌngaoni ũdũt, nẽẽthĩ, aalla hatĩ õkõmĩ nganĩĩt ꞌthĩnĩt, hĩnĩngĩtĩ Krĩstõ, haau hĩ gõõng hõdõõkõthĩ. Nẽ haga naa haini, aꞌnyahaak hatĩ rũgẽtĩ caannĩ Krĩstõ bulẽẽnĩt, tananga harugi hode hadaahi.

Pilippi 1:26

ĩnõõ cĩ hátĩ, ma hikia hẽhẽẽrõnaahuung tarĩ, au hatĩ irriannu niig Yeesu Krĩstõ gẽrrẽẽt nẽ accamattoothihu, hĩnĩngĩtĩ nganĩĩta.

Pilippi 2:17

Aaĩ lemiiniti cunuung hĩ dtiic cunuung hĩ ꞌgaarrieeniti ꞌcĩ aaꞌnyĩhoothĩk Nyekuc. Tananga hudduuttoothĩk biyyieeta cĩgannĩg buúk hĩ ꞌgaarrieenit hõdẽĩ, hatali hatĩ gẽrrẽẽt hĩ ngagiita.

Kolooꞌthe 1:24

Haccamanoothihi naa hatĩ haccanannii hĩnĩngĩtĩ ngagiit ẽllaa caannĩ, hĩnĩngĩtĩ hõthõlla naag hĩ Krĩstõ ꞌcannan cĩnnĩ ꞌcĩ aalla, hĩnĩngĩtĩ ẽlẽ cĩnnĩ ꞌcĩ ĩĩn lothippit cĩ lemmioohu.

1 Tẽꞌthaloonika 2:19

Ma uppwaanna Makayyioohiti Yeesu, ngagiit hatĩ dioo ꞌcĩg aaꞌnyeetu ngagĩĩt muhẽẽnĩt ꞌcĩ abũnnaa hĩ taliinit nẽ aauttu hĩ bulẽẽnĩtĩ cĩnaang.

1 Tẽꞌthaloonika 2:2

Baa hippiirriawa naag nẽ hodoomtea ꞌtaaũnaa cĩ eet cĩg Pilippi, nẽẽthĩ, eliittaa cĩ Nyekuci, iita okomit ꞌthinneeti cĩggaang nẽ hillimattuung ngagiit nyeemuut cĩnnĩ ꞌcĩ abũnnaa, tananga baa abũrreet eeta ꞌcĩg mẽẽlĩg ngagĩĩta.

2 Tẽꞌthaloonika 1:4

Ĩnõõ ꞌcĩ hirriannuung naag ngagiit hĩ lothippiꞌnya cĩg lemmiook cĩg Nyekuci loonyini vẽlẽk. Haduhaaka naag ĩhõõggõ thõõth ꞌcĩ emmeeꞌthu niig pĩĩrnanĩt hĩ thõõth ꞌcĩ aallannu niig elemmu Nyekuc, tananga aꞌnyaku ꞌcannan hĩ pĩĩrnanĩt cobbi gẽrrẽẽt.

Vilõmẽẽnõ 1:7

ꞌGõtõna, aaꞌnya mĩnnanĩ cunni nganĩĩt haccamanoothĩk gẽrrẽẽt nẽ amammaayanaa, hĩnĩngĩtĩ aaꞌnyĩk tarbalꞌthẽẽt cunni eet cĩg Nyekuci haccamattoothĩk.

ꞌJeemith 1:2

ꞌGotoonoga hĩ ngoonoga, má attĩmaniinnu niig ꞌgoolliohĩ cũũmõ cũũmõ, aanytĩk hĩĩ ꞌgõõl ꞌcĩ occa accamanoothiku niig gẽrrẽẽt.