2 Korinthia 2:3 - ꞌBuuk cĩ Thõõth cĩ Nyekuci

³ Baa hẽhẽẽda waraga baalĩ, hátĩ ma hikia, hiittiõõ eeta ꞌcĩg aaꞌnya haccamanoothĩk, hõllõngaa aaꞌnya hõmõthĩ. Baa õkõmĩ nganĩĩt ꞌthĩnĩt, hĩnĩngĩtĩ ngagiit vẽlẽk ꞌcĩg hatĩ othollu taliinit caannĩ.

2 Korinthia 2:3 ပူးပေါင်းရင်းမြစ်များ

1 Korinthia 4:21

Ne ꞌcĩ adiimmu niig hikia hĩdĩmaneehuung naa hatĩ hõdõlanuunga? Adiimmaangu niig nganĩĩt hikia hĩ ngagiit hĩ ẽẽtĩ ꞌcĩ aꞌngaꞌngarĩĩ thõng, hode hĩ ẽẽtĩ ꞌcĩ aꞌnyak mĩnnan hĩ tarbalꞌthẽẽt?

2 Korinthia 1:15

Baa hagaoothi naa ꞌrianĩĩth cunuung hĩnĩngĩtĩ ngagĩĩta nẽ hikia hummuha ngaatĩ hẽhẽẽrõnaakuung ngagiit ĩĩcĩ oou. ꞌGõõlaa cĩ, iita ummuddiaau niig ꞌgattan ꞌcĩ hẽhẽẽrõnaakuung naa tabattĩ ꞌramma.

2 Korinthia 1:23

Baa haari naa Nyekuc hĩĩ hebereec caannĩ. Ĩnõõ ꞌcĩ hõllõngaa hõbõdaanĩ naa ꞌtaaũnaa cĩ Korinthia tarĩ haini, hátĩ hiittiõõ hõllõngaa hakuu hiloottuung ngagiita.

2 Korinthia 12:11

Baa haarĩha naa ẽlẽ caannĩ haau hĩ ꞌgiiꞌthiahiti nẽ baa ngagiit ꞌcĩg attĩnganeekaangu nganĩĩt hĩdĩman noho ho, hĩnĩngĩtĩ occa baa ngagiit ꞌcĩg ẽẽllaangu nganĩĩta. Tananga haau naa hĩ ꞌgiimwa haaga, habũnna hinnia naa buúk huduktooa hĩ ꞌthooyyiak ꞌcĩg tiirik ko thõng.

2 Korinthia 12:21

Hiteelli naa haini ma hõbõda tarĩ, aaꞌnya hatĩ Nyekuci nganĩĩt ngaaoni hõrggẽẽnaa cunuung. Nẽ homoꞌthi hatĩ naa, hĩnĩngĩtĩ mẽẽlĩg eeta ꞌcĩg nga hũtũngteek ꞌthẽccanẽẽt cĩggĩĩng baag ꞌrẽẽttĩg. Nga mẽẽlĩg eeta ꞌcĩg adĩman hẽlẽggĩ ꞌcĩg ĩĩn ꞌriiring, ꞌwaangĩth, hĩ thooꞌthiok ꞌcĩg hõllõngaa aũlan lothippita, hĩ thooꞌthiok ꞌcĩg aaꞌnyeet ngaaoni.

2 Korinthia 13:10

Ĩnõõ ꞌcĩ hẽhẽẽdakuung naa ngagiit thooꞌthiok iccig nga haayyia ꞌrẽẽna, hátĩ ma hikia, hiittiõõ hõllõngaa hothoothikuung komiitta makaaꞌthĩtaa caannĩ, ĩĩ baa aaꞌnya Makayyioohiti. Baa aaꞌnyĩhoothĩkaa nganĩĩt makaaꞌthĩt ciee, hátĩ heelluung ngagiita nẽ baa hõllõngaa aaꞌnyĩhoothĩkaa, hátĩ hĩꞌthannuung ngagiit thõng.

2 Korinthia 2:9

Thõõth baa hẽhẽẽdakuung naa ngagiit waraga haini, hátĩ hũmmũda nẽ hagawa dĩdĩ, hatĩ ma anuyyu niig thooꞌthiok vẽlẽk ꞌcĩg haduha naana.

2 Korinthia 7:12

Tananga baa hẽhẽẽdakuung naa ngagiit waraga, baa hõllõngaa hẽhẽẽda, hĩnĩngĩtĩ eet ꞌcĩ baa ẽꞌthẽcan thõõth hode hẽẽla eet ꞌcĩ baa ĩdĩman ꞌgoonnia ꞌbuth ꞌcannaana. Baa hẽhẽẽda, hátĩ heteretheehuung ngagiit Nyekuci ꞌgõõl ꞌcĩ aallakeetu niig ngagĩĩta.

2 Korinthia 7:16

Haccamanoothihi naa ꞌyioko gẽrrẽẽt, hĩnĩngĩtĩ õkõm ꞌthĩnĩt caannĩ hẽlẽggẽẽnnĩĩ cĩg adticannu niiga.

2 Korinthia 7:6

Nẽẽthĩ, Nyekuc ꞌcĩ amammaayan eet ꞌcĩg ahayũngattĩ ꞌthinneeti, amammaayanneet ngagĩĩt ngaatĩ ĩꞌthõõakeet Tiito.

2 Korinthia 7:8

Tananga haaꞌnyuung ngagiit waraga caannĩ ho mothiinit, hõllõngaa homoꞌthi naana. Tananga nẽẽꞌthẽk homoꞌthi, hacinoothi aaꞌnyuung waraga caannĩ ho liilii hĩdĩĩc haaga.

2 Korinthia 8:22

Nẽ thõõth umwa cieeni, hĩꞌthõõanna naag ꞌgotooneet cĩnaang umwa hĩ Tiito, hĩ nuyyioohit cĩ Makayyiookto. Hĩttĩmatta naag ꞌgotooneet icci tabattĩ mẽẽlĩg nẽ hummuddiaawa ĩĩn nẽẽ eet ꞌcĩ aꞌnyak authet ꞌcĩ occa eelluung ngagiita nẽ ꞌyioko, adiim nẽẽ eelluung ngagiit hĩllõõan, hĩnĩngĩtĩ aarihuung nẽẽ ngagiit ꞌthĩnĩta dĩdĩ.

ꞌGalaaꞌthia 5:10

Nẽẽthĩ, iiginnu niig eet cĩg Makayyiooktak. Nẽ haini naa dĩdĩ, anuyyu hatĩ niig thõõth ꞌcĩ haduha naana nẽ utuburru nyeemuut ꞌcĩ aduha eet umwaanĩ. Nẽẽthĩ, uuk hatĩ Nyekuci eet ꞌcĩ ataddaannuung ngagiit ko.

2 Tẽꞌthaloonika 3:4

Haꞌnyakta naag lemiinit hĩ Makayyioohit ꞌcĩ aduhaakeet ngagĩĩt aĩ, aꞌthuunnu niig thooꞌthiok baag hallimaneekuung naag ngagiit nẽ hatĩ aalla aꞌthuunnu noho.

Vilõmẽẽnõ 1:21

Hĩcĩ heheedi naa waraga icci ho, haga naa ngaatĩ hatĩ adĩmanĩĩ thõõth ꞌcĩ hajinnii ho jurrung nẽ occa hatĩ adĩmani hĩllõõan.