1 Yõaannẽ 2:3 - ꞌBuuk cĩ Thõõth cĩ Nyekuci

³ Má hathĩhĩ naag tilooinit cĩ Nyekuci jurrung, haga naag ngaatĩ hagaĩ ĩnõõnnõ dĩdĩ.

1 Yõaannẽ 2:3 ပူးပေါင်းရင်းမြစ်များ

ꞌLuuka 6:46

Nĩngĩtĩ annẽẽkĩ Yeesu ĩhõõggõ, “Inni niig utuvvuyyiaangu nganĩĩt ĩĩttĩhaangu, ‘Makayyioohit, Makayyioohit,’ nẽ iittiõõ hõllõngaa adĩmannu thõõth ꞌcĩ haduhaakuung naa ho?

Yõaannẽ 14:15

Baa aduhaak Yeesu nuyyiook cĩgĩnnĩg anneek, “Má ammĩnannaangu niig nganĩĩta, aꞌthuunnu hatĩ thõõth ꞌcĩ haduhaakuung naana.

Yõaannẽ 15:10

Má aꞌthuunnu niig thõõth ꞌcĩ haduha naana, aallannu hatĩ mĩnnaanaa caannĩ, hĩcĩ haꞌthũũnnĩ naa thõõth ꞌcĩ aduha Baaba nẽ haala mĩnnaanaa cĩnnĩ.

Yõaannẽ 15:14

Iiginnu niig ꞌgoonoga hatĩ adĩmannu thõõth ꞌcĩ haduhaakuung naana.

Yõaannẽ 17:3

Nẽẽthĩ ꞌyioko, rũgẽt ꞌcĩ aalla ooo cieeni, hátĩ hagayyi nẽẽg nganiit Nyekuc hõdẽẽthõng ꞌcĩ ĩĩnĩ dĩdĩ, hĩ Yeesu Krĩstõ baa ĩꞌthõõa niina.

2 Korinthia 4:6

Baa aduha Nyekuci aĩ, “Aꞌnyĩĩk lanyit haara muguratõõ.” Nẽ ꞌyioko, aara lanyit cĩnnĩ ꞌthinneetinii cĩggaac, lanyit tĩho ꞌcĩ aaꞌnyeet hagaac hĩĩtõ, edeeꞌnyia bulẽẽnĩtĩ cĩnnĩ hĩ Yeesu Krĩstõ.

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

1 Yõaannẽ 2:13

Hẽhẽẽdakuung naa ngagiit nyakangaaꞌnya hĩ morwak waraga, hĩnĩngĩtĩ agayyu niig Krĩstõ baa aaĩ baa nga heteheꞌnyiaa lõõcĩ. Nẽ tarĩ, hẽtẽhẽẽdahuung waraga ngagiit nyahaappanĩt hĩ buheeci, hĩnĩngĩtĩ ĩllõõattu niig ꞌThĩttaan.

1 Yõaannẽ 3:14

Má hammĩnan naag ꞌgotoonogeet hĩ ngoonogeet, ẽtẽrꞌtha thõõth ciee aĩ, hũtũngteek naag daahĩth hiita rũgẽta. Nẽẽthĩ, ẽẽtĩ ꞌcĩ hõllõngaa ammĩnan ꞌgõtõnĩ hode ngõõnĩ, nga aalla nẽẽ daahĩtha.

1 Yõaannẽ 3:19

Má hammĩnan naag ꞌgotoonogeet hĩ ngoonogeet, haga naag haĩ hĩĩgĩn eet cĩg thõõth ꞌcĩ ĩĩn dĩdĩ nẽ haattĩg lõꞌngõõc muumaa cĩ Nyekuci.

1 Yõaannẽ 3:6

Nẽ eeta ꞌcĩg aalla arũmĩ hĩ ĩnõõnnõ ꞌthinneetinii cĩggĩĩng, hõllõngaa aalla adĩman ꞌthẽcan. Nẽẽthĩ, ẽẽtĩ ꞌcĩ ara ꞌthẽccan, hõllõngaa aga nẽẽ Krĩstõ dẽẽdẽ nganĩ.

1 Yõaannẽ 4:13

Haga naag ngaatĩ haattiyyi hĩ ĩnõõnnõ nẽ aau nẽẽ hĩ ngagĩĩta, hĩnĩngĩtĩ aaꞌnyeet nẽẽ ngagĩĩt Lori cĩnnĩ.

1 Yõaannẽ 4:7

ꞌGotoonoga hĩ ngoonoga, hĩmmĩnanit eleeti cĩggaac, hĩnĩngĩtĩ aku mĩnnanĩ hĩ Nyekuc. Ẽẽtĩ ꞌcĩ aꞌnyak mĩnnan, ĩĩn nẽẽ loholeec cĩ Nyekuci nẽ aga nẽẽ Nyekuc.

1 Yõaannẽ 5:19

Haga naag jurrung haĩ, hau naag hĩ Nyekuc nẽ aggam ꞌThĩttaanĩ eet vẽlẽk ꞌcĩg abathĩ ꞌcĩg looc nicci.

1 Yõaannẽ 5:2

Má hammĩnan naag Nyekuc nẽ hĩthĩhĩt ĩnõõnnõ, ꞌgõõl ꞌcĩ occa hagaĩ naag haĩnnĩ, hammĩnan naag lõhõlĩ cĩgĩnnĩg buúk niccia.

1 Yõaannẽ 5:3

Heterꞌtheek naag Nyekuc mĩnnan cĩnaac ꞌgõõlaa ꞌcĩ hathĩknĩ tilooinit cĩnnĩ nẽ hõllõngaa õkõmĩ tilooiniti cĩnnĩ ho.

Terethiinit 12:17

Ma ho, ikia ĩlĩĩlĩeek ꞌbuuhi nicciee ngaa nicci gẽrrẽẽt ũdũt, nĩngĩtĩ aahĩ jore nẽ õõt urukto hĩ lõhõlĩ cĩg ngaa nicci, ĩhõõggõ eeta ꞌcĩg athĩhĩ tilooinit cĩ Nyekuci nẽ elemit thooꞌthiok ꞌcĩg alliman Yeesu.

Terethiinit 14:12

Aĩ thõõth ciee, adiim ẽmmẽẽthĩ eeta cĩg Nyekuci ꞌcannan nẽ uꞌthuutti tilooinit cĩ Nyekuci ho nẽ uꞌthuutti lemiinit cĩnĩĩng hĩ Yeesu ũdũt.

Terethiinit 22:14

“Aꞌnyĩĩk haggatan Nyekuci eet vẽlẽk ꞌcĩg ũũny ceremwa cĩggĩĩng biyyiẽẽtĩĩ cĩg Yeesu. Ẽlẽmaakĩ hatĩ nẽẽ ĩhõõggõ huduhunit hattũũgẽt cĩg ꞌtaaũn cobbi nẽ aaꞌnyĩk huduhit hẽẽt ꞌcĩ abbiiri cĩ rũgẽt ꞌcĩ aalla ooo.