1 Timotteeo 5:3 - ꞌBuuk cĩ Thõõth cĩ Nyekuci

³ ꞌThũũtĩ ngaatĩbõyyĩꞌnya dẽẽdẽ cĩg aattĩg pĩĩrnatta.

1 Timotteeo 5:3 ပူးပေါင်းရင်းမြစ်များ

Luugithõõ 20:12

Tingõlĩ maaꞌnyu hĩ ngaanu, hátĩ rũũg ĩꞌthõng looccaa ꞌcĩ aaꞌnyuung Makayyioohiti Nyekuci cunuung ko.

Maatteeo 15:6

Ĩĩn occa ꞌthẽk ꞌgõõl ꞌcĩ iꞌngoliinnu maajihu hĩ ngaaggu cieeni? Amaaccu niig tilooinit cĩ Nyekuci nẽ unuyyu nyepitee cunuung.

Maatteeo 23:13

“Pĩĩrnanĩt hĩ ngagiit ꞌlimmanniook cĩg nyattal cĩ Mũũꞌtha hĩ Variꞌtheei, niig oloꞌngiaaha cieegi! Aꞌnyuuggu niig habuccieet cĩ hẽẽtkujjieen hẽbẽrẽẽnnĩĩ cĩg eetuk. Nẽ aitiõõ niig hõllõngaa occa aduhunnu habuccieet cĩ hẽẽtkujjieen hode ẽlẽmaaku eet ꞌcĩg adiim aduhuni.

ꞌLuuka 2:37

Ma baa adaak maac cĩnnẽẽnĩ, ikia ĩĩ ngaatĩbõyyĩ ĩꞌthõng hõdõlanit irkiꞌnyia cĩgĩnnĩg hĩĩtõ hẽẽn turkiyyio hĩ ꞌwec. Aalla alayyi nẽẽ ꞌCieethaa cĩ Nyekuci baalin hĩ waathĩn nẽ ẽdẽta ẽlẽ ꞌgẽẽna waathinniook ũgĩ.

ꞌLuuka 7:12

Ma baa õbõktõ nẽẽ hĩ hattũũg cobbi cĩ ꞌtaaũnõõ, irrionganaak hinnia eeta buulenit umwa ꞌcĩ adaahĩ battaali. Baa odoyyii buuleniti ciee adaahĩ ho nẽ ĩĩn ngaannia ngaatĩbõyyĩ. Nẽ baa õõkõr lothippiti cĩ ꞌtaaũnõõ hĩ ĩnõõnnõ.

Yõaannẽ 1:47

Ma baa acĩn Yeesu Nathaniele aku obokii ho, ikia õthõõth ĩnõõnnõ ĩĩ, “Eet ꞌcĩ ĩĩn Ĩꞌthĩraẽleenit dẽẽdẽ cieeni, ꞌcĩ hõllõngaa ĩĩn oloꞌngiaahit.”

Dtiicanĩ cĩg ꞌThooyyiahu 6:1

Ma baa waathinniook nicciag, iita ittoorri nuyyiooha hĩĩtõ mẽẽlĩg, nĩngĩtĩ au alĩlalõõnĩ eeta cĩg ꞌJudeei ꞌcĩg õthõõth ꞌGiriheeyyi hĩ cĩg õthõõth Ebereeiyyi. Baa alĩlanõõ nẽẽg, hĩnĩngĩtĩ hõllõngaa aaꞌnyĩhoothĩk ngaatĩbõyyĩꞌnya ꞌcĩg õthõõth ꞌGiriheeyyi ꞌgẽẽn kõr ꞌcĩ eꞌngeriini ꞌgẽẽn waathinnioohĩ vẽlẽk.

Dtiicanĩ cĩg ꞌThooyyiahu 9:39

Nĩngĩtĩ õõkõrĩ Pẽẽtũrũ hĩ ĩhõõggõ, ma baa õdõlan ko, iita ootti eeta ĩnõõnnõ ꞌcieetha lokora. Baa abĩlĩ ngaatĩbõyyĩꞌnya nĩngaata alu nẽ etereꞌthieek ĩnõõnnõ koouꞌnya hĩ ceremwa ũgĩ ꞌcĩg baag alũũlla ꞌDõõrka baa nga arũgĩ.

Dtiicanĩ cĩg ꞌThooyyiahu 9:41

Aggam Pẽẽtũrũ ĩnõõnnõ aꞌthiit hĩtĩnga ꞌjieena. Ma nĩngaata, ũtũvva Pẽẽtũrũ lemmiook hĩ ngaatĩbõyyĩꞌnya nẽ eteretheek ĩhõõggõ ngaatĩ ũrũgaaĩ ꞌDõõrka.

1 Tẽꞌthaloonika 2:6

Baa hõllõngaa hadiimma naag dĩhĩthẽẽnĩt cĩ eetu nẽ hõllõngaa hadiimma hĩ ngagiit hode hĩ eet umwa. Nẽẽthĩ, hĩ ꞌthooyyiaha cĩg Krĩstõ, occa hinnia baa hau hajinnuung ngagiit eliinit.

1 Timotteeo 5:2

Tingõlĩ ngaaĩ ꞌcĩg obbitig, haau hĩcĩ iꞌngolli ngaanu. Cĩĩn buheeci hĩcĩ acĩnĩ ngoonogu.

ꞌJeemith 1:27

Thõõth cĩ Nyekuci ꞌcĩ tẽllĩ ꞌcĩ ẽlẽmĩ Nyekuci Baangẽẽtĩ cieeni, ꞌcĩ haꞌthũũnnĩ booyyiok hĩ ngaatĩbõyyĩꞌnya pĩĩrnattaa cĩnĩĩng nẽ huꞌthuutti eleeti ngaatĩ ẽꞌthẽcanneet lõõcĩ niccieeni.

1 Pẽẽtũrũ 2:17

Itingolli eet vẽlẽk nẽ ĩmmĩnattu ꞌgotoonogu hĩ ngoonogu ꞌcĩg ĩĩn lemmiook. Itingolli Nyekuc nẽ itingollieeu habu cunuung.

1 Pẽẽtũrũ 3:7

Nẽ niig maaccwaana ꞌgõõlaa ꞌcĩ aduhõõ thõng, ũrũmtĩ hĩ ngaaĩ cugguung jurrung, itingolli ĩhõõggõ hĩ ꞌgoonogu ꞌcĩg hõllõngaa attiran haauto hĩ niiga, hĩcĩ othollu ꞌbaaninit cĩ rũgẽt ꞌcĩ ĩĩn ngeju, ĩdĩmanit ĩhõõggõ jurrung, hátĩ hiittiõõ ꞌgii ꞌcĩ occa alaam laiinit cunuung tõõ.