1 Tẽꞌthaloonika 5:6 - ꞌBuuk cĩ Thõõth cĩ Nyekuci

⁶ Nẽẽthĩ hoti ho, occa hõllõngaa hattumanni naag hoogin hĩ eeta ꞌcĩg oogin ko, hĩcĩttĩ nẽ haauto dĩkĩĩm huꞌthuutti eleeti.

1 Tẽꞌthaloonika 5:6 ပူးပေါင်းရင်းမြစ်များ

Yõõna 1:6

Ma nĩngaata, ĩtĩnga makayyioohiti ꞌcĩ aꞌthuhan haahũl nẽ ũũk ijin ĩnõõnnõ ĩĩnnĩk, “Oongiyyi gõõng nii ne pĩĩrnattaa ꞌcĩ aaĩ hoti ho? Tĩnga nẽ alau nyekuꞌnya cugunnig. Horoong hatĩ ammaannĩkeet nẽ eelliaeet hiittiõõ hõllõngaa hadũddĩ.”

Maatteeo 13:25

Ma baa nga oogin eeta vẽlẽk, ikia mirohiti athaceek hinyomo cĩg ꞌdwaannak manatõõ nẽ ũũha.

Maatteeo 24:42

“Nẽẽthĩ hoti ho, aaut dĩkĩĩm, hĩnĩngĩtĩ hõllõngaa agayyu niig kõr ꞌcĩ hatĩ akuuni Makayyioohiti cunuung.

Maatteeo 25:13

“Nẽẽthĩ hoti ho, aaut dĩkĩĩm, hĩnĩngĩtĩ hõllõngaa agayyu niig kõr hode ꞌthaa ꞌcĩ hatĩ hakuuni naana.

Maatteeo 25:5

“Baa hinnia hõllõngaa aku nyattaraan hĩdĩĩkoothong, nĩngĩtĩ adũꞌngĩ buheeci niccieeg vẽlẽk nẽ atagguutho loota.

Maatteeo 26:38

Nẽ ĩĩnnĩk Yeesu ĩhõõggõ, “Hommoꞌthi naa gẽrrẽẽt haau hĩcĩ hatĩ hadaaha thõng. Haaut ꞌjieena hĩ nganĩĩt hõdẽĩ.”

Maarko 13:37

Nẽ thõõth ꞌcĩ haduhaakuung naa ngagiit ko, ĩĩn thõõth ꞌcĩ haduhaahi naa eet vẽlẽk. Ũkũmattoothĩk aaut dĩkĩĩm!”

ꞌLuuka 12:37

Abũnnaa hatĩ dticcianniooha ꞌcĩg ma aku makayyioohiti cĩnĩĩng, ammũdeek acĩnĩ. Haduhaakuung dĩdĩ, aku hatĩ akũmanoothĩk makayyioohiti nẽ aaꞌnyĩk dticcianniook cĩgĩnnĩg haauto loota nẽ aaꞌnyĩk ꞌgẽẽn hudukto hĩ ĩnõõnnõ hõdẽĩ.

ꞌLuuka 12:39

“Agaac thõõth icci, má haga baattĩ olu kõr ꞌcĩ akuuni igorriaahiti, occa hõllõngaa aaꞌnyĩk õlõ cĩnnĩ hĩgõrĩthĩ.

ꞌLuuka 21:36

Aaut hõdõõkõthĩ dĩkĩĩm nẽ alayyioou, hátĩ horoong iliittia hẽlẽggĩ ꞌcĩg au nẽ, hátĩ horoong iita uuluyyu ngaatĩ abillu muumaa cĩ Ngeertĩ Eeto.”

ꞌLuuka 22:46

Nĩngĩtĩ annẽẽkĩ ĩhõõggõ, “Ĩtĩngaac alayyio, hátĩ hiittiõõ hõllõngaa attĩmaniinnu.”

Dtiicanĩ cĩg ꞌThooyyiahu 20:31

Hõlõ, ebehit eleeti jurrung! Ummuhuttooth nõõ ngaatĩ hirrioonĩkuung naa ngagiit hõdẽĩ hõdẽĩ irkiꞌnyia iyyio baalin hĩ waathĩn tilaalõnĩ.

1 Korinthia 15:34

Udtuukta thõõth ꞌcĩ abathĩ nẽ ibillu ꞌthẽccan, hĩnĩngĩtĩ aattĩg eeta ũgẽẽgĩ hõrggẽẽnaa cunuung, ꞌcĩg nga hagaacõ thõõth cĩ Nyekuci. Haduha naa thõõth icci, hátĩ haggamuung ngagiit ngaaoni.

1 Korinthia 16:13

Aaut dĩkĩĩm, okomit lemiittaa cunuung, aanytĩk ꞌthinneeti hokomit.

Eevvetho 2:3

Baa gõõng haattĩg naag vẽlẽk noho, ngaatĩ hanũĩ hẽlẽggĩ ꞌcĩg abũraneek eleeti cĩggaac. Nẽ hĩnĩngĩtĩ thooꞌthiok baag hadĩman naaga, ikia ĩlĩĩlĩeeheet Nyekuci ngagĩĩt haau hĩcĩ alĩĩllĩk eet vẽlẽk.

Eevvetho 5:14

hĩnĩngĩtĩ lanyit ꞌcĩ aaꞌnyĩk ꞌgii vẽlẽk hedeeꞌnyia. Ĩnõõ ꞌcĩ aĩnnĩ ꞌBuuhi cĩ Nyekuci, “Anneek uꞌnyaakiahit tĩnga, rũga daahĩtha, hátĩ haaꞌnyi Krĩstõ lanyit.”

Eevvetho 6:18

Nẽ alayyio hõdõõkõthĩ hĩcĩ etereꞌthuung Lorii ꞌcĩ Ẽllẽẽmĩthĩ. Aaut dĩkĩĩm nẽ alayyiooyyu lemmiook vẽlẽk.

Pilippi 4:5

Ĩĩtõ tarbalĩg hĩ eet vẽlẽk hõdõõkõthĩ, hĩnĩngĩtĩ aku hatĩ Makayyioohiti hĩdĩĩkoothong.

Kolooꞌthe 4:2

Ĩrrĩcatta laiinit, aaut dĩkĩĩm nẽ ĩĩttĩhu Nyekuc ĩlaallẽ.

1 Tẽꞌthaloonika 4:13

ꞌGotoonoga hĩ ngoonoga, aitiõõ hõllõngaa hadiimmuung naag ngagiit ĩĩtõ eet ꞌcĩg hõllõngaa agayyu thõõth cĩ ꞌgoonogu baag adaahito ẽlẽk, hátĩ hiittiõõ hõllõngaa arruennu gẽrrẽẽt, hĩ eeta ꞌcĩg hõllõngaa aꞌnyak muhẽẽnĩt.

1 Tẽꞌthaloonika 5:10

Baa adaahĩ nẽẽ, hĩnĩngĩtĩ ngagĩĩta, hátĩ hõõt hũrũmtĩ hĩ ĩnõõnnõ ũdũt, tananga nga harũgĩ hode hadaahito ẽlẽk.

1 Tẽꞌthaloonika 5:8

Nẽ naag eeta ꞌcĩg haattĩg lanyita ho, haꞌnyahit muhẽẽnĩt ꞌcĩ tẽllĩ nẽ eteiinneet hilib cĩ lemiitto hĩ cĩ mĩnnaanõ nẽ hitihimit naꞌngaala cĩ eliinit cĩnaac.

1 Timotteeo 2:15

Nẽẽthĩ, ẽẽla hatĩ Nyekuci ngaaĩ hittirria lõhõlĩ, hatĩ aꞌthũũnnĩ nẽẽg lemiinit cĩnĩĩng hĩ mĩnnan hĩ ꞌlẽẽmĩth hĩ ngaatĩ aattiyyi jurrung.

1 Timotteeo 2:9

Hadiimi naa ngaaĩ hitihimti jurrung ꞌgõõlaa ꞌcĩ abũnnaa nẽ abathĩ ngaatĩ ahimtẽẽnĩ tahatak ꞌgõõlaa ꞌcĩ ẽhẽnytĩ ĩma hode ngaatĩ ahimti dihidok ꞌcĩg ĩĩn ꞌdaab hode pẽalꞌnya hode ceremwa ꞌcĩg adahĩ ꞌrabbẽẽt ꞌcĩg mẽẽlĩg.

1 Timotteeo 3:11

Nẽ ꞌgõõlaa cĩ buúk, abũnnaa iꞌngolli ngaaĩ cĩggĩĩng eet nẽ udukta thõõth ꞌcĩ ĩĩn dĩdĩ nẽ hõllõngaa õngõmĩt eeta, hode hõllõngaa ĩĩn duuttiak nẽ aanytĩk huꞌthuutti thooꞌthiok vẽlẽk ꞌcĩg abũnnaa ꞌcĩg adĩman nẽẽgĩ.

1 Timotteeo 3:2

Abũnnaa ĩĩn makayyioohiti cĩ lothippit cĩ lemmioohu, eet ꞌcĩ aꞌnyak ngaa hõdẽẽthõng, eet ꞌcĩ aꞌthũũnnĩ ẽlẽ cĩnnĩ nẽ ĩĩ eet ꞌcĩ iꞌngolli eet, abũnnaa ĩĩn eet ꞌcĩ iꞌngolli hẽẽrõn nẽ aga ngaatĩ allimanĩ eet.

2 Timotteeo 4:5

Nẽẽthĩ niina, ꞌthũũtĩ ẽlẽ cunni jurrung hõdõõkõthĩ. Ma haireehi pĩĩrnanĩt dtiica cĩ Nyekuci. Dticcian dtiic hĩ ꞌlimmannioohiti cĩ nyeemuut ꞌcĩ abũnnaa nẽ dẽcaak dtiic ꞌcĩ aaꞌnyi Nyekuci ho jurrung.

Tiito 2:12

Allimanneet thõõth cĩ Nyekuci ꞌcĩ abũnnaa, hũtũbũrĩt thooꞌthiok ꞌcĩg ĩĩn ꞌriiring cĩg looc nicci nẽ huꞌthuutti eleeti cĩggaac hũnnẽẽc ꞌlimman cĩ Nyekuci dioo, hĩcĩ adiim nẽẽnĩ;

Tiito 2:6

Nẽ ꞌgõõlaa nĩĩcĩ dioo, kũttan nyahaappanĩt huꞌthuutti eleeti cĩggĩĩng jurrung.

1 Pẽẽtũrũ 1:13

Aaut dĩkĩĩm nẽ aanytĩk muhẽẽnĩt cunuung hũũlan. Aarrik muhẽẽnĩt cunuung ꞌcĩ abũnnaa vẽlẽk ꞌgõõlaa ꞌcĩ hatĩ ĩĩnnĩ Nyekuci tarbal hĩ ngagiit hatĩ uppwaanna Yeesu Krĩstõ.

1 Pẽẽtũrũ 4:7

Õbõhĩ decciaanĩtĩ cĩ lootu. Nẽẽthĩ hoti ho, uꞌthuutti eleeti nẽ ĩrrĩcattaau laiinit jurrung.

1 Pẽẽtũrũ 5:8

Uꞌthuutti eleeti nẽ aauttu dĩkĩĩm. Awanĩt mirohiti cunuung habuui cĩ loriẽẽt ꞌcĩg abathĩ looc hĩ ꞌmaa ꞌcĩ arruuk adiim eet ꞌcĩ aruhi.

Terethiinit 16:15

Ummuhuttooth thõõth baa aduha Yeesu aĩ, “Ma hikia naana, akuleeku hatĩ ꞌjieen, hanĩha hatĩ naa hĩ igorriaahiti! Aggatan hatĩ Nyekuci eet ꞌcĩ aaĩ dĩkĩĩm nẽ aꞌnyak cẽrẽm ẽlla, hátĩ hiittiõõ hõllõngaa õvvõ ngũtũtũũny nẽ aaꞌnyĩk ẽlẽ cĩnnĩ ngaaoni.”

Terethiinit 3:2

Ĩtĩngaac ũkũmatteek ꞌtirrian ꞌcĩ abadtẽc ꞌcĩ nga idiongan ko, hĩnĩngĩtĩ õbõhĩ edeccia. Nẽẽthĩ hoti ho, ĩttĩmanit gẽrrẽẽt, hátĩ ittiranit. Baa hũmmũda naa ngaatĩ hõllõngaa athiknu niig Nyekuc.