1 Tẽꞌthaloonika 5:23 - ꞌBuuk cĩ Thõõth cĩ Nyekuci

²³ Aꞌnyĩĩk Nyekuc cĩ ganõõnõ ꞌcĩ aaꞌnyeet ngagĩĩt vẽlẽk haaut lõꞌngõõc, haaꞌnyuung hĩĩtõ tẽllĩg loriẽẽta cugguung hĩ eleeti cugguung thooꞌthiohĩ vẽlẽk nẽ aaꞌnyuung ngagiit vẽlẽk aaut hiꞌthihi ꞌthẽccan umwa ũdũt, ĩꞌthõng hõbõda Makayyioohiti cĩnaac Yeesu Krĩstõ.

1 Tẽꞌthaloonika 5:23 ပူးပေါင်းရင်းမြစ်များ

ꞌLuuka 1:46

Ma nĩngaata, ẽbẽnõ Maria ĩĩ, “Abuluth nganĩĩt ꞌthĩnĩt Makayyioohit,

Yõaannẽ 17:19

Hẽlẽmanaa naa ẽlẽ caannĩ, hĩnĩngĩtĩ ĩhõõggõ, hátĩ hĩĩtõ nẽẽg ooo eet cĩg thõõth ꞌcĩ ĩĩn dĩdĩ.

Dtiicanĩ cĩg ꞌThooyyiahu 20:32

“Nẽẽthĩ ꞌyioko, haaꞌnyuung naa ngagiit hebehuung Nyekuci. Ummuhuttooth nyeemuut cĩ Nyekuci ꞌcĩ maka ngaatĩ ĩĩnnĩ nẽẽ tarbal. Occa eelluung ngagiit nyeemuut ciee nẽ aaꞌnyuung ngagiit ꞌgii cunuung hĩ eeta cĩg Nyekuci.

Dtiicanĩ cĩg ꞌThooyyiahu 26:18

hadiimmii naa nganiit bĩĩt ꞌbuuk ĩhõõggõ hẽbẽrĩ cĩggĩĩng, hátĩ hũtũngteek muguur, hõõt hĩ lanyit nẽ tarĩ, hũtũngteek ꞌtirrian cĩ ꞌThĩttaanõ, hõõt ꞌtirrianaa cĩ Nyekuci. Hátĩ hũtũngtoothĩk ꞌthẽccanẽẽta cĩggĩĩng nẽ lemiittaa cĩnĩĩng hĩ nganĩĩta, iita ĩĩtõ nẽẽg buúk dhoorit cĩg eet ꞌcĩg ẽllẽẽmĩth cĩg Nyekuci.’

ꞌRooma 15:13

Hala naa Nyekuc ꞌcĩ aaꞌnyĩk eet muhẽẽnĩt ꞌcĩ abũnnaa, haggatanuung ngagiit accamattoothĩk aaut ganõõna, hĩnĩngĩtĩ lemiinit cunuung. Nẽ aꞌnyĩĩk ꞌtirrian cĩ Lori ꞌcĩ Ẽllẽẽmĩth haaꞌnyuung ngagiit muhẽẽnĩt ꞌcĩ abũnnaa.

ꞌRooma 15:33

Halayyi naa haini aꞌnyĩĩk Nyekuc ꞌcĩ aaꞌnyeet ganõn haau hĩ ngagiit vẽlẽk ooo. Aamẽn.

ꞌRooma 15:5

Aaꞌnyuung occa hatĩ Nyekuci temeethi hĩ kũttan hĩ lori cĩ rũmẽẽttõ hõrggẽẽnaa cunuung hĩcĩ anuyyu Yeesu Krĩstõ,

ꞌRooma 16:20

Ĩllõõan hatĩ Nyekuci ꞌcĩ aaꞌnyeet ganõn ꞌThĩttaan nẽ iittiõõ makaaꞌthĩt ꞌcĩ occa ĩllõõannuung ꞌThĩttaanĩ tõõ. Aꞌnyĩĩk bũnnai cĩ Makayyioohit cĩnaac Yeesu Krĩstõ haau hĩ ngagiita.

1 Korinthia 1:2

Hẽhẽẽdakuung naa ngagiit waraga, lothippit cĩ lemmiook cĩg Nyekuci ꞌtaaũnaa cĩ Korinthia. Baa ẽbẽraauung Yeesu Krĩstõ ngagiit ĩĩtõ eet cĩgĩnnĩg dẽẽdẽ nẽ alayyioou ꞌthaarĩĩ cĩgĩnnĩg, haau hĩcĩ ꞌyioko hala naag hĩ eet ũgĩ vẽlẽk ꞌcĩg aũ ĩnõõnnõ anneek Makayyioohit.

1 Korinthia 1:30

Iiginnu niig lõhõlĩ cĩg Nyekuci, hĩnĩngĩtĩ baa ĩꞌthõõa nẽẽ Yeesu Krĩstõ hikia hẽẽlaeet ngagĩĩta nẽ aaꞌnyeet Nyekuci ngagĩĩt heggeenyit. Ĩnõõ ꞌcĩ elemmeet nẽẽ ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ko.

1 Korinthia 14:33

Adiim Nyekuci hẽlẽggĩ vẽlẽk hidticattĩ lõꞌngõõc ꞌgõõlaa ꞌcĩ abũnnaa. Ma õmmõtõõ lothippiꞌnya cĩg lemmioohu,

2 Korinthia 5:19

Aĩ thõõth ciee nẽẽ, aaĩ Nyekuci ẽllaa cĩ Krĩstõ, ngaatĩ aaꞌnyeet ngagĩĩt hagayyio hĩ ĩnõõnnõ, ĩnõõ ꞌcĩ hõllõngaa agiilikeet ngagĩĩt ꞌthẽccanẽẽt cĩggaac. Nẽ aaꞌnyeet dtiic ꞌcĩ hõthõlĩ nyeemuut cĩ ganõõnõ.

Pilippi 1:10

Hĩnĩngĩtĩ hadiimmuung naa ngagiit agaac ꞌgõõl ꞌcĩ ẽbẽraannu thooꞌthiok ꞌcĩg aũlanĩ, hátĩ nuun aꞌnyahit rũgẽt ꞌcĩ tẽllĩ nẽ iittu eet ꞌcĩg ammĩrru, ĩꞌthõng kõr ꞌcĩ hatĩ õbõdaanĩ Krĩstõ.

Pilippi 1:6

Nẽ haga naa Nyekuc baa iꞌthianaanĩ dtiic icci abũnnaa hõrggẽẽnaa cunuung ko, aalla hatĩ adticanoothi dtiic cĩnnĩ ho, ĩꞌthõng hũttũbanoothĩk kõrra ꞌcĩ hatĩ õbõdaanĩ Yeesu Krĩstõ.

Pilippi 4:9

Agayyu niig ꞌlimman baa haaꞌnyuung naana nẽ agayyu thooꞌthiok baag athĩknaangu niig nganĩĩt hothoothi nẽ ĩcĩttaangu nganĩĩt ngaatĩ hadĩmanĩĩ. Ũnnẽẽc terethiinit baalannĩ. Nẽ hatĩ aau Nyekuci cĩ ganõõnõ hĩ ngagiita.

Kolooꞌthe 1:22

Nẽ ꞌyioko, ikia aganĩthuung nẽẽ ngagiit, hátĩ agayyio hĩ ĩnõõnnõ daahĩthaa cĩ Krĩstõ. Nẽ hĩnĩngĩtĩ thõõth icci, aꞌnyahaauung nẽẽ ngagiit muumaa cĩnnĩ nẽ iittu eet ꞌcĩg ẽllẽẽmĩth cĩg Nyekuci ꞌcĩg ammĩrĩ ꞌcĩg abillu muumaa cĩnnĩ hiꞌthihi ꞌthẽccan umwa.

1 Tẽꞌthaloonika 2:19

Ma uppwaanna Makayyioohiti Yeesu, ngagiit hatĩ dioo ꞌcĩg aaꞌnyeetu ngagĩĩt muhẽẽnĩt ꞌcĩ abũnnaa hĩ taliinit nẽ aauttu hĩ bulẽẽnĩtĩ cĩnaang.

1 Tẽꞌthaloonika 3:11

Nẽẽthĩ ꞌyioko, aꞌnyĩĩk nuun Nyekuc Baangeet cĩnaac hĩ Makayyioohit Yeesu Krĩstõ, hubbuktĩheet ꞌgõõl ꞌcĩ haau hacinnuung ngagiit hĩdĩĩkoothong.

1 Tẽꞌthaloonika 3:13

Halayyi naa haini, aꞌnyĩĩk ꞌthinneeti cugguung hokomit, hátĩ hĩĩtõ tẽllĩg muumaa cĩ Nyekuc Baangeet cĩnaac, kõr ꞌcĩ hatĩ akuuni Makayyioohiti cĩnaac Yeesu Krĩstõ, hĩ eet cĩgĩnnĩg vẽlẽk ꞌcĩg ẽllẽẽmĩthĩ.

1 Tẽꞌthaloonika 4:3

Adiimmuung ngagiit Nyekuci aꞌnyahit ꞌthinneeti ꞌcĩg ẽllẽẽmĩthĩ nẽ ma hattihoonnu tahatak.

1 Tẽꞌthaloonika 5:22

Ũtũbũrĩt thooꞌthiok vẽlẽk ꞌcĩg abathĩ.

2 Tẽꞌthaloonika 3:16

Halayyi naa haini, aꞌnyĩĩk Makayyioohit cĩ ganõõnõ haaꞌnyuung ngagiit ganõn waathinniook vẽlẽk hĩ ꞌgoolliohĩ vẽlẽk. Aꞌnyĩĩk Makayyioohit haau hĩ ngagiit vẽlẽk.

Ebereei 13:20

Aꞌnyĩĩk Nyekuc cĩ ganõõnõ baa arũgtha Makayyioohit cĩnaac Yeesu, ꞌcĩ ĩĩn tũhayyioohit cobbi cĩ aꞌthaannu, hikia hadak lõhõt ꞌcĩ aalla ũdũt hĩ eet cĩgĩnnĩg.

Ebereei 2:11

Yeesu hĩ eet ꞌcĩg aaꞌnyĩk nẽẽ helleemito ho, odoyyii Maaꞌnyia. Ĩnõõ ꞌcĩ hõllõngaa aꞌngaaõnnĩ Yeesu ngaatĩ avvĩyyĩ ĩhõõggõ annẽẽkĩ ꞌgõtõõnõgĩ hĩ ngõõnõgĩ.

Ebereei 4:12

Hĩnĩngĩtĩ arũgĩ thõõth cĩ Nyekuci nẽ attiranĩ. ꞌLẽhẽd hĩllõõan nyetuboot ꞌcĩ ꞌlẽhẽdĩ gẽrrẽẽt, ẽttẽẽd thõõth cĩ Nyekuci loriẽẽt hõdõlan lobulẽẽt hĩ õnyõ, ĩꞌthõng hũmmũda mũyan hĩ muhẽẽnĩt cĩ ꞌthinneeti cĩggaac.

ꞌJeemith 1:4

Nẽ illimanit ngaatĩ emmeeꞌthu thooꞌthiok vẽlẽk ũdũt, hátĩ ĩtĩlĩthĩt okomit dĩdĩ nẽ iitiõõ ꞌgii ꞌcĩ occa aꞌnyamannuung tõõ.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.

1 Pẽẽtũrũ 5:10

Tarbalꞌthẽẽtaa cĩnnĩ, baa ũtũvvaauung ngagiit Nyekuci, hátĩ otholit bulẽẽnĩt cĩnnĩ ꞌcĩ aalla ũdũt, hĩnĩngĩtĩ Yeesu Krĩstõ. Nẽẽthĩ, urutaa ꞌcĩ accanatteeu hĩdĩhĩdĩĩc, ẽẽlannuung hatĩ nẽẽ ngagiit nẽ aaꞌnyuung okomit lemiittaa cunuung.

2 Pẽẽtũrũ 3:14

Nẽẽthĩ hoti ho, ꞌgotoonoga hĩ ngoonoga, hĩcĩ nga ereeyyu thõõth icci ho, idticanit thõõth vẽlẽk ꞌcĩ aaꞌnyuung ngagiit ĩĩtõ tẽllĩg, hiꞌthihi thõõth ꞌcĩ abathĩ nẽ aauttu lõꞌngõõc hĩ ĩnõõnnõ.

ꞌJuud 1:1

Waraga ꞌcĩ heheedi naa ꞌJuudi dticciannioohiti cĩ Yeesu Krĩstõ ꞌcĩ hĩĩnĩ ꞌgõtõnĩ ꞌJeemithi cieeni. Heheedihi naa waraga icci eet vẽlẽk ꞌcĩg baag ũtũvva Nyekuci Baangẽẽtĩ ꞌcĩ amĩnannuung ngagiit tũhaiittaa cĩ Yeesu Krĩstõ.

ꞌJuud 1:24

Nẽ ꞌyioko, aꞌnyĩĩk bulẽẽnĩt vẽlẽk hũũk hĩ Nyekuc, ꞌcĩ ũũlũ ngaatĩ aꞌthuunnuung ngagiit ꞌgõõlaa ꞌcĩ occa arahannu, nẽ aꞌnyahaauung ngagiit taliittaa cobbi gẽrrẽẽt iita ngaatĩ aayyi nẽẽ bulẽẽttaa cĩnnĩ ĩĩcĩ hiꞌthihi ꞌthẽccan umwa.