1 Tẽꞌthaloonika 5:22 - ꞌBuuk cĩ Thõõth cĩ Nyekuci

²² Ũtũbũrĩt thooꞌthiok vẽlẽk ꞌcĩg abathĩ.

1 Tẽꞌthaloonika 5:22 ပူးပေါင်းရင်းမြစ်များ

Luugithõõ 23:7

Ma haddangaahi eet umwa thõõthaa ꞌcĩ ĩĩn õlõng. Ma hetteedihi eet ꞌcĩ ammĩrĩ daahĩth, hĩnĩngĩtĩ nga huduha naa eet ꞌcĩ ĩĩn nyeꞌtheccioohit hĩĩ ammĩrĩ.

ꞌRooma 12:17

Ma haruhaannu oolo hĩ eet ꞌcĩ adĩmannuung ngagiit ꞌbuth. Nẽ ĩdĩmanit thooꞌthiok ꞌcĩg ammuk eeta vẽlẽk aĩ abũnnaa.

1 Korinthia 8:13

Nẽẽthĩ hoti ho, má aaꞌnyĩk idingi ꞌcĩ hadahi naa ꞌgõtõna hĩ ngõõna hẽꞌthẽcattõõ, occa hatĩ hõllõngaa hadahi naa iding tĩho tarĩ, hátĩ hiittiõõ nẽẽg hõllõngaa ẽꞌthẽcanĩ.

2 Korinthia 6:3

Baa hõllõngaa hõhõõrranna naag ꞌgõõl cĩ eet umwa, hátĩ hiittiõõ bathi ꞌcĩ ammuddiaa dtiicaa cĩnaang ko tõõ, ĩnõõ ꞌcĩ hattĩmanna gẽrrẽẽt ngaatĩ hõllõngaa hahĩĩnanna thõõth umwa ꞌcĩ abathĩ.

Pilippi 4:8

Nẽẽthĩ ꞌyioko, ꞌgotoonoga hĩ ngoonoga, thõõthaa ꞌcĩ adtuurna, ummuhit thooꞌthiok ꞌcĩg ĩĩn dĩdĩ hĩ thooꞌthiok ꞌcĩg hiꞌngolli hĩ thooꞌthiok ꞌcĩg aũlanĩ, hĩ thooꞌthiok ꞌcĩg tẽllĩg hĩ thooꞌthiok cĩg occa hammĩnanĩ hĩ thooꞌthiok ꞌcĩg accamana ꞌthinneeti. Ummuhit thooꞌthiok ꞌcĩg ẽllẽẽmĩth gẽrrẽẽt ꞌcĩg occa hadĩhĩthĩ.

1 Tẽꞌthaloonika 4:12

Nẽẽthĩ hatĩ ꞌgõõlaa cĩ, au hatĩ iꞌngoliinnuung eeta cĩg battaalu ꞌcĩg nga hagaacõ thõõth cĩ Makayyiookto nẽ hatĩ iittiõõ hõllõngaa alihinnu ꞌgiimwa hĩ eet umwa tarĩ.

1 Tẽꞌthaloonika 5:21

ĩttĩmanit hẽlẽggĩ vẽlẽk. Nẽ akatti hẽbẽrĩ thooꞌthiok iccig jurrung nẽ uꞌthuutti thõõth ꞌcĩ abũnnaa diooni.

1 Tẽꞌthaloonika 5:23

Aꞌnyĩĩk Nyekuc cĩ ganõõnõ ꞌcĩ aaꞌnyeet ngagĩĩt vẽlẽk haaut lõꞌngõõc, haaꞌnyuung hĩĩtõ tẽllĩg loriẽẽta cugguung hĩ eleeti cugguung thooꞌthiohĩ vẽlẽk nẽ aaꞌnyuung ngagiit vẽlẽk aaut hiꞌthihi ꞌthẽccan umwa ũdũt, ĩꞌthõng hõbõda Makayyioohiti cĩnaac Yeesu Krĩstõ.

ꞌJuud 1:23

Eellia eet ꞌcĩg adiim eelliaa ꞌgwoyyiaa ꞌcĩ aalla ũdũt. Nẽ tẽẽlꞌthĩtaa cĩ ꞌthinneeti cugguung, atamaattik eet ꞌcĩg adiim tamaati cunuung. Nẽẽthĩ, ĩcĩnĩt jurrung, umuddia ꞌgõõl ꞌcĩ occa aburru ꞌthẽccanẽẽt ꞌcĩg ẽꞌthẽcan rũgẽt cĩnĩĩng.

ꞌRuuth 3:14

Nĩngĩtĩ oongiyyi ꞌRuuthi ĩĩcĩ ꞌthoo cĩg ꞌBõathĩ ĩꞌthõng hõbõhĩ alĩĩthĩ, nẽẽthĩ, baa ĩꞌngaathĩ nẽẽ baa nga hõbõrrõõng uruto. Ma nĩngaata, uduhaak ꞌBõathĩ ꞌRuuth ĩĩnnĩk, “Ma haaꞌnyihi eet umwa haga ngaatĩ akuuni baa ngaa umwaa hilongana ngaati baal.”

ꞌRuuth 3:4

Ma ũũk ũꞌnyaahĩ, behooth nĩngĩtĩ õkõ oongiyyi jurrung. Ma ohoddia ũꞌnyaaha, bĩĩt dõõng cẽrẽm cĩ bungẽẽttõ nẽ atangu ĩĩcĩ ꞌthoonu. Ma ĩcĩnĩ, aduhaaki hatĩ nẽẽ nganiit thõõth ꞌcĩ occa adĩmani.”