1 Tẽꞌthaloonika 5:21 - ꞌBuuk cĩ Thõõth cĩ Nyekuci

²¹ ĩttĩmanit hẽlẽggĩ vẽlẽk. Nẽ akatti hẽbẽrĩ thooꞌthiok iccig jurrung nẽ uꞌthuutti thõõth ꞌcĩ abũnnaa diooni.

1 Tẽꞌthaloonika 5:21 ပူးပေါင်းရင်းမြစ်များ

ꞌLuuka 12:57

Ma nĩngaata, uduhaak Yeesu eet ĩĩnnĩk, “Hõllõngaa occa agayyu thõõth ꞌcĩ aũlan nẽ idticattu inni?

Yõaannẽ 15:4

Aallattia hĩ nganĩĩta nẽ hatĩ haala naa hĩ ngagiita. Aitiõõ tabaac ꞌcĩ occa õddõngõt ẽmmẽn tõõ, adiim aalla hẽẽtaa cĩ viinoo. Nẽẽthĩ, occa hõllõngaa oddongottu niig, hatĩ hõllõngaa aallannu hĩ nganĩĩta.

Yõaannẽ 8:31

Baa aduhaak Yeesu eet cĩg ꞌJudeei ꞌcĩg ẽlẽmĩ ĩnõõnnõ anneek, “Má aꞌthuunnu niig ꞌlimman caannĩ, iiginnu nuyyiook cĩgannĩg dĩdĩ.

Dtiicanĩ cĩg ꞌThooyyiahu 11:23

Ma baa õdõlan Baarnaba nẽ ikia udtuuha bũnnai ꞌcĩ adĩman Nyekuci ho, accamanoothĩk nẽ irrioonĩk ĩhõõggõ haallattia hĩĩtõ lemmiook dĩdĩ cĩg Makayyiooktak ꞌthinneetinii cĩggĩĩng vẽlẽk.

Dtiicanĩ cĩg ꞌThooyyiahu 14:22

Baa aaꞌnyĩk nẽẽg ꞌthinneeti cĩg nuyyioohu hokomit nẽ irrioottĩk ĩhõõggõ huꞌthuutti lemiinit. Nĩngĩtĩ aduhaakĩ ĩhõõggõ annẽẽkĩ, “Hippiirria ꞌthẽk nga huduhunit habuccieet cĩ Nyekuci.”

Dtiicanĩ cĩg ꞌThooyyiahu 17:11

Baa abũnnaa eeta cĩg Berea hĩllõõanit cĩg Tẽꞌthaloonika nẽ baa accamana nyeemuut gẽrrẽẽt. Korrioohĩ vẽlẽk, agiil nẽẽg ꞌBuuk cĩ Nyekuci, hátĩ hummuddia hatĩ ĩĩn thooꞌthioha ꞌcĩg aduha Paaulo ho dĩdĩ.

ꞌRooma 12:2

Ma nga hanuyyu thooꞌthiok cĩg looc nicci tarĩ, nẽẽthĩ ũtũkẽẽc muhẽẽnĩt cĩ ꞌthinneeti cugguung hĩĩtõ ngeju. Ĩnõõ ꞌcĩ hatĩ uuluyyu ngaatĩ attĩmannu nẽ ummuddiaau tabiinit cĩ Nyekuci, ngaatĩ abũnnayyĩ hĩllõõan.

ꞌRooma 12:9

Aꞌnyĩĩk mĩnnan ꞌcĩ ammĩnannu niig ꞌgoonogu hĩĩ dĩdĩ. Ũtũbũrĩt thooꞌthiok vẽlẽk ꞌcĩg abathĩ nẽ uꞌthuuttu ꞌgii vẽlẽk ꞌcĩ abũnnaa.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

1 Korinthia 2:11

Hĩnĩngĩtĩ nganĩ hõrggẽẽnaa cĩ eetu ꞌcĩ aga muhẽẽnĩt cĩ eeto hĩllõõan eet tĩho? Nẽ ꞌgõõlaa ꞌcĩ aduhõõ thõng, aitiõõ ẽẽtĩ ꞌcĩ aga muhẽẽnĩt cĩ Nyekuci tõõ, Lori cĩ Nyekuci dioo ꞌcĩ aga.

ꞌGalaaꞌthia 6:10

Nẽẽthĩ, hĩdĩmanit eet vẽlẽk jurrung, hatĩ hummuddia ꞌrõtĩ ꞌcĩ hadĩmanĩ ĩhõõggõ jurrung, ettebehini hatĩ ĩĩn nẽẽg eet ꞌcĩg ẽlẽmĩ Makayyioohit Yeesu.

Eevvetho 5:10

Nẽ ummuddia thõõth ꞌcĩ aaꞌnyĩk Makayyioohit haccamanoothĩk.

Pilippi 1:10

Hĩnĩngĩtĩ hadiimmuung naa ngagiit agaac ꞌgõõl ꞌcĩ ẽbẽraannu thooꞌthiok ꞌcĩg aũlanĩ, hátĩ nuun aꞌnyahit rũgẽt ꞌcĩ tẽllĩ nẽ iittu eet ꞌcĩg ammĩrru, ĩꞌthõng kõr ꞌcĩ hatĩ õbõdaanĩ Krĩstõ.

Pilippi 3:16

Nẽẽthĩ ꞌyioko, adiim occa haalla haꞌthũũnnĩ naag thõõth ꞌcĩ ĩĩn dĩdĩ ꞌcĩ haꞌnyahit ẽlẽk ko.

Pilippi 4:8

Nẽẽthĩ ꞌyioko, ꞌgotoonoga hĩ ngoonoga, thõõthaa ꞌcĩ adtuurna, ummuhit thooꞌthiok ꞌcĩg ĩĩn dĩdĩ hĩ thooꞌthiok ꞌcĩg hiꞌngolli hĩ thooꞌthiok ꞌcĩg aũlanĩ, hĩ thooꞌthiok ꞌcĩg tẽllĩg hĩ thooꞌthiok cĩg occa hammĩnanĩ hĩ thooꞌthiok ꞌcĩg accamana ꞌthinneeti. Ummuhit thooꞌthiok ꞌcĩg ẽllẽẽmĩth gẽrrẽẽt ꞌcĩg occa hadĩhĩthĩ.

1 Tẽꞌthaloonika 5:15

Ĩcĩnĩt jurrung, ma haruhaannu oolo, ĩĩtõ tarbalĩg hĩ lemmiook hõdõõkõthĩ hĩ eet vẽlẽk.

1 Tẽꞌthaloonika 5:22

Ũtũbũrĩt thooꞌthiok vẽlẽk ꞌcĩg abathĩ.

2 Tẽꞌthaloonika 2:15

Nẽẽthĩ, ꞌgotoonoga hĩ ngoonoga, ĩnõõ ꞌcĩ hanneekuung, ĩbĩlĩt okomit nẽ uꞌthuuttu thooꞌthiok baag hallimaneekuung naag jurrung, hode haduhaakuung ũtũũgaa hode hẽhẽẽdakuung waragaawa.

2 Timotteeo 1:15

Aga nii buúk, ũtũngteeha nganĩĩt eeta ũgẽẽgĩ cĩg looc cĩ Aaꞌthia, tananga Vijeelo hĩ Hermojeno buúk ũtũngteehaanĩ.

2 Timotteeo 3:6

Ĩĩn eeta nicciag, eet ꞌcĩg maacĩg ꞌcĩg õvvõ halaꞌngiõõhĩĩ cĩg eetuk, nẽ ũlũllũũmanit ngaaĩ ꞌcĩg hõllõngaa attiran, ꞌcĩg ẽꞌthẽcattõõ ꞌcĩg aggam muhẽẽnĩtĩ ꞌcĩ abũranẽẽkĩ thooꞌthiok vẽlẽk ꞌcĩg abathĩ.

2 Timotteeo 4:14

Ĩdĩmanaa tarĩ Alĩthandoro, ẽẽtĩ gõõng attur thĩĩk lohippongora, ꞌbuth gẽrrẽẽt. Adũman hatĩ Makayyioohiti thõõth ꞌcĩ adĩmaneeka nẽẽ nganĩĩt ko.

Ebereei 10:23

Hĩrrĩcatta naag ngaatĩ haꞌnyahĩ muhẽẽnĩt cĩnaac nẽ hõkõmtĩ thõõth baa aduhaakeet Nyekuci ngagĩĩta, hĩnĩngĩtĩ adĩman hatĩ nẽẽ thõõth baa aduha nẽẽnĩ.

1 Yõaannẽ 4:1

ꞌGotoonoga hĩ ngoonoga, ma helemmu eet vẽlẽk ꞌcĩg aĩ haꞌnyaka Lori cĩ Nyekuci. Ĩttĩmanit ĩhõõggõ vẽlẽk, hátĩ ummuddia, hatĩ aꞌnyak nẽẽg lori ꞌcĩ aku hĩ Nyekuc dĩdĩ. Mẽẽlĩg põrõvẽtaaꞌnya ꞌcĩg ĩĩn oloꞌngiaak ꞌcĩg ĩꞌthaattothoothĩk looc nicci ẽlẽk.

Terethiinit 2:2

“Haga naa hẽlẽggĩ vẽlẽk ꞌcĩg adĩmannu niiga nẽ hĩcĩna ngaatĩ adticaniinnu gẽrrẽẽt, hĩ ngaatĩ emmeeꞌthu thooꞌthiok. Nẽ tarĩ, hagawa ngaatĩ hõllõngaa anuꞌthaannu eet ꞌcĩg abathĩ. Ittiamattu niig eet ꞌcĩg õõlõng aĩ, hĩĩgĩnna ꞌthooyyiak nẽ ĩko nẽẽ hõllõngaa ĩĩn ꞌthooyyiak dĩdĩ. Ummuddiaau niig dĩdĩ, ngaatĩ ĩĩnnĩ nẽẽg oloꞌngiaak.

Terethiinit 2:25

Uꞌthuutti thõõth cĩ Nyekuci jurrung ĩꞌthõng hikia naana.

Terethiinit 3:11

“Hakuu hatĩ naa hĩdĩĩkoothong, uꞌthuutti thõõth caannĩ baa allimanoothikuunga, hátĩ hiittiõõ ẽẽtĩ ꞌcĩ hatĩ aggamaannuung ꞌbaaninit ꞌcĩ haaꞌnyuung naa ho tõõ.

Terethiinit 3:3

Ummuhuttooth thooꞌthiok baag allimanoothikuung ngagiit nẽ uꞌthuuttu jurrung. Ũtũbũrĩt thooꞌthiok ꞌcĩg abathĩ. Má attumaniinnu, hanĩhaakuung hatĩ naa hĩ igorriaahiti kõrraa ꞌcĩ hõllõngaa agayyu niiga.