1 Tẽꞌthaloonika 5:2 - ꞌBuuk cĩ Thõõth cĩ Nyekuci

² hĩnĩngĩtĩ agayyu niig buúk jurrung ainnu, adhukiaakeet hatĩ kõrra ꞌcĩ õbõdaanĩ Makayyioohiti hĩ gõõng anĩhaakeet igorriaahiti baal.

1 Tẽꞌthaloonika 5:2 ပူးပေါင်းရင်းမြစ်များ

Maatteeo 25:13

“Nẽẽthĩ hoti ho, aaut dĩkĩĩm, hĩnĩngĩtĩ hõllõngaa agayyu niig kõr hode ꞌthaa ꞌcĩ hatĩ hakuuni naana.

ꞌLuuka 21:34

“Aaut jurrung, ma hattumaniinnu ꞌgõõlaa ꞌcĩ ara aduunnu nẽ ĩdĩmattu thooꞌthiok ꞌcĩg abathĩ hĩ ngaatĩ apuppuddu, hĩnĩngĩtĩ rũgẽt cĩ looc nicci. Má adĩmannu noho, alubaakuung hinnia hatĩ kõrra ꞌcĩ decciaanĩt cĩ lootu nyahamalliak hĩ nyerite.

1 Korinthia 1:8

Aaꞌnyuung hatĩ nẽẽ ngagiit ittiranit ĩꞌthõng kõr ꞌcĩ hatĩ õbõdaanĩ nẽẽnĩ, hátĩ ĩmmĩrĩt niig kõrraa cĩ Makayyioohit cĩnaac Yeesu Krĩstõ.

1 Tẽꞌthaloonika 5:4

Nẽ niig ꞌgotoonoga hĩ ngoonoga ꞌcĩg hõllõngaa aattiyyu muguratõõ ho, ma haaꞌnyiku kõr ꞌcĩ hatĩ õbõdaanĩ Yeesu ho, hukuleehuung ꞌjieen hĩ igorriaahiti ꞌcĩ aku baal.

2 Tẽꞌthaloonika 2:2

ma haaꞌnyiku eet ꞌcĩg aĩ, “hĩĩgĩnna põrõvẽtaaꞌnya” higgoolluung hĩĩttĩhuung, ikia Makayyioohiti ẽlẽk. Horoong iggoolluung hatĩ nẽẽg anneekuung ĩĩn thõõth ciee, ꞌcĩ hathĩknaanna cũrũmũũm hĩ Lori ꞌcĩ Ẽllẽẽmĩthĩ, hode hĩ eet umwa hode aĩ, haggiilanna waragẽẽtĩĩ baag heheedi naa Paaulo.

2 Pẽẽtũrũ 3:10

Anĩhaakeet hatĩ kõrra cĩ Makayyiookto hĩ igorriaahiti. Aꞌnginoothi hatĩ hẽtkujjieen moloohaa cobbi nẽ hatĩ õbõ ꞌgwaa loonyin vẽlẽk. Nẽẽthĩ hatĩ ũtũũthĩ lõõcĩ hĩ hẽlẽggĩ vẽlẽk ꞌcĩg aattĩg loota.

Terethiinit 16:15

Ummuhuttooth thõõth baa aduha Yeesu aĩ, “Ma hikia naana, akuleeku hatĩ ꞌjieen, hanĩha hatĩ naa hĩ igorriaahiti! Aggatan hatĩ Nyekuci eet ꞌcĩ aaĩ dĩkĩĩm nẽ aꞌnyak cẽrẽm ẽlla, hátĩ hiittiõõ hõllõngaa õvvõ ngũtũtũũny nẽ aaꞌnyĩk ẽlẽ cĩnnĩ ngaaoni.”

Terethiinit 3:3

Ummuhuttooth thooꞌthiok baag allimanoothikuung ngagiit nẽ uꞌthuuttu jurrung. Ũtũbũrĩt thooꞌthiok ꞌcĩg abathĩ. Má attumaniinnu, hanĩhaakuung hatĩ naa hĩ igorriaahiti kõrraa ꞌcĩ hõllõngaa agayyu niiga.