1 Tẽꞌthaloonika 5:14 - ꞌBuuk cĩ Thõõth cĩ Nyekuci

¹⁴ Haduhaakuung thõõthaa ꞌcĩ õkõmĩ gẽrrẽẽt hõlõ, itilooc eet ꞌcĩg ĩĩn nyamuttiook hidticattõõ hĩ eeta vẽlẽk, uduktaak teelliak hokomit ꞌthinneeti, eelit pĩĩrnattiaak nẽ ĩdĩhattu thooꞌthiok hõrggẽẽnaa cunuung.

1 Tẽꞌthaloonika 5:14 ပူးပေါင်းရင်းမြစ်များ

Maatteeo 12:20

Aitiõõ hatĩ nẽẽ hõllõngaa aduul ĩhaooc ꞌcĩ aggiingi, hode adĩĩt ꞌloomo ꞌcĩ attũllĩ, ĩꞌthõng hatĩ haꞌnyaha bũnnai.

ꞌLuuka 22:32

Nẽẽthĩ, halaooyyi naa nganiita ꞌThimõõnẽ, hátĩ hõkõm lemiiniti cunnẽẽnĩ. Nẽ ma õbõda hĩ nganĩĩta, ẽẽl ꞌgotoonogu buúk.”

Dtiicanĩ cĩg ꞌThooyyiahu 20:27

Hĩnĩngĩtĩ nga hũtũbũr naa ngaatĩ hallimaneekuung thõõth vẽlẽk cĩ Nyekuci.

Dtiicanĩ cĩg ꞌThooyyiahu 20:31

Hõlõ, ebehit eleeti jurrung! Ummuhuttooth nõõ ngaatĩ hirrioonĩkuung naa ngagiit hõdẽĩ hõdẽĩ irkiꞌnyia iyyio baalin hĩ waathĩn tilaalõnĩ.

Dtiicanĩ cĩg ꞌThooyyiahu 20:35

Hẽlẽggẽẽnnĩ vẽlẽk ĩcĩg hadticani naana, heterethuung naa ngagiit idticattõ gẽrrẽẽt, hátĩ eelit eet ꞌcĩg appĩĩrna. Ummuhuttooth thooꞌthiok baag aduha Makayyioohiti Yeesu aĩ, ‘Aku ꞌgattanĩ ꞌcĩ maka hatĩ haaꞌnyĩk naag eet umwa eliinit, hĩllõõan ngaatĩ aaꞌnyĩhoothĩkeet ngagĩĩta.’ ”

ꞌRooma 12:1

Nẽẽthĩ niig ꞌgotoonoga hĩ ngoonoga, halayyuung naa ngagiit tamaatittaa cĩ Nyekuci, aanytĩk eleeti cugguung haauto hĩ ꞌgaarriẽẽna ꞌcĩg arũgĩ, hĩĩ tẽllĩg haccamana Nyekuci, ĩĩn ciee ꞌgõõl ꞌcĩ occa alaiinnu niiga.

ꞌRooma 14:1

Elemit eet ꞌcĩ aꞌnyak lemiinit ꞌcĩ hõllõngaa attiranĩ nẽ ma hetteediku ĩnõõnnõ thooꞌthiok ꞌcĩg ẽppẽhanoonnu.

1 Korinthia 4:14

Hõllõngaa heheedi naa thooꞌthiok iccig, hátĩ haanytuung ngagiit ngaaoni, nẽẽthĩ, haĩ hitiloouung naa hĩ lohollia cĩgannĩg ꞌcĩg hammĩnani ꞌthĩnĩta.

1 Korinthia 8:7

Hõllõngaa aga eeta vẽlẽk thooꞌthiok iccig. Nẽ dĩdĩ, baa itiliꞌthia eeta ꞌcĩg mẽẽlĩg ꞌgõõlaa ꞌcĩ ẽlẽmmĩ thõõth ꞌcĩ aĩ, arũgĩ hẽlẽggĩ ꞌcĩg aar eeta hĩĩtõ nyekuꞌnya ho. Nẽẽthĩ, má adak nẽẽg iding ꞌcĩ aaꞌnyĩhoothĩk hẽlẽggĩ ꞌcĩg aar eeta hĩĩtõ nyekuꞌnya ho, accanan hinnia ĩhõõggõ muhẽẽnĩtĩ cĩ ꞌthinneeti cĩggĩĩng ꞌcĩg hõllõngaa õkõmĩ.

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

Eevvetho 4:2

Ĩĩtõ tarbalĩg gẽrrẽẽt nẽ aꞌnyaktu ꞌthinneeti ꞌcĩg alalĩ, aꞌnyahit ꞌthinneeti ꞌcĩg makatĩg hĩ ꞌgoonogu nẽ etemeeꞌthu thooꞌthiok vẽlẽk mĩnnaniitta.

Eevvetho 4:32

Nẽẽthĩ hinnianĩ, ĩĩtõ tarbalĩg nẽ atamaattihu ꞌgoonogu, hĩ baa ammaannikuung Nyekuci ngagiit, hĩnĩngĩtĩ Krĩstõ.

Kolooꞌthe 1:28

Hirrioonĩka naag eet nyeemuut cĩ Krĩstõ nẽ hidticattooyyia ꞌgẽẽnyĩth vẽlẽk hillimatta eet hĩ ngaatĩ hilootta eet vẽlẽk, hátĩ hiita hĩtĩlĩthĩt nuyyiooha cĩg Krĩstõ vẽlẽk hokomit lemiitta.

2 Tẽꞌthaloonika 3:15

Ma hinnia hainnu ĩĩtõ nẽẽg mĩrõk. Irrioottĩk nẽẽꞌthẽk ĩhõõggõ hĩcĩ occa irrioonĩku ꞌgotoonogu hĩ ngoonogu ꞌcĩg ẽlẽmĩ thõõth cĩ Nyekuci.

1 Timotteeo 3:3

Abũnnaa ĩĩn eet ꞌcĩ hõllõngaa ĩĩn duuttiahit hode ahaattiohit, abũnnaa ĩĩn eet ꞌcĩ alalĩ ꞌthĩnĩt. Abũnnaa ĩĩn eet ꞌcĩ arũmĩ hĩ eet vẽlẽk lõꞌngõõc nẽ hõllõngaa ammĩnan ꞌrabbẽẽta.

1 Timotteeo 6:11

Nẽ nii Timotteeo, ĩĩnĩ nii eet cĩ Nyekuci, ma hadĩmani thooꞌthiok ꞌcĩg abathĩ ꞌcĩg aattĩg noho, ꞌtĩmman gẽrrẽẽt ngaatĩ adĩmanĩĩ thõõth cĩ Nyekuci, hátĩ bũna au hĩ nẽẽnĩ, lẽẽm ĩnõõnnõ, mĩnnan ĩnõõnnõ nẽ etemeethu thooꞌthiok ꞌcĩg aꞌnyahaaki nẽẽnĩ nẽ ĩĩ tarballioohit.

2 Timotteeo 4:2

ꞌLimmaneek eet thõõth cĩ Nyekuci jurrung, tananga ammũjĩ hode õkõmĩ ngaatĩ adĩmanĩĩ noho, raa ꞌlimmaneek eet thõõth cĩ Nyekuci ooo, tẽrẽth eet ꞌgoolliok ꞌcĩg abathĩ, ꞌgerenyeek ꞌthẽccanniook, aꞌnyĩĩk ꞌthinneeti cĩggĩĩng hokomit nẽ ꞌlimmanõ ꞌthĩnĩtaa cĩ õkõmĩ.

Tiito 1:10

Hĩnĩngĩtĩ nga mẽẽlĩg eeta ꞌcĩg abũrĩ thõõth cĩ Nyekuci, ĩggõõl ꞌgõõnõgĩ ꞌgõõlaa ꞌcĩ õthõõthĩ thooꞌthiok ꞌcĩg ĩĩn õlõng, ettebehini eet baag ẽlẽmĩ nyattal cĩ Mũũꞌtha ꞌgõõlaa ꞌcĩ ẽttẽẽdĩ eleeti cĩggĩĩng.

Tiito 1:6

Abũnnaa ĩĩn makayyioohiti cĩ lothippit cĩ lemmioohu, eet ꞌcĩ aitiõõ thooꞌthioha ꞌcĩg abathĩ tõõ nẽ aꞌnyak ngaa hõdẽẽthõng nẽ abũnnaa ĩĩn lohollia cĩgĩnnĩg buúk lemmiook ꞌcĩg abũnnaa, ꞌcĩg hõllõngaa aꞌnyaha ngaaoni hĩ ꞌriiring nẽ ĩthĩhĩt thõõth cĩ maacõnĩ hĩ aatĩnĩĩng.

Ebereei 12:12

Nẽẽthĩ ꞌyioko, ma habarrittu, aanytĩk ĩbaati hĩ huthungti cugguung hittiranit.

Ebereei 13:3

Ummukta ꞌgoonogu ꞌcĩg aattĩg baabuuthatõõ, haau hĩcĩ ababuuthaniinnu hĩ ĩhõõggõ hõdẽĩ. Ummuhuttooth ꞌgoonoggu ꞌcĩg ẽhẽc eeta hippiirria nẽ má uuki nẽẽgĩ, aꞌnyĩĩk haau hĩcĩ uukennu niig buúk.