1 Tẽꞌthaloonika 5:13 - ꞌBuuk cĩ Thõõth cĩ Nyekuci

¹³ Itingolli nẽ ĩmmĩnattu ĩhõõggõ gẽrrẽẽt, hĩnĩngĩtĩ dtiic ꞌcĩ adtican nẽẽg ko. Nẽ niig buúk hõrggẽẽnaa cunuung, aaut hĩ ꞌgoonogu lõꞌngõõc.

1 Tẽꞌthaloonika 5:13 ပူးပေါင်းရင်းမြစ်များ

ꞌThianaattõ 45:24

Ma baa ẽdẽcaak dtiic icci vẽlẽk, ikia itilooĩk ꞌgõtõõnõgĩ ꞌgõõl ĩĩnnĩk, “Ma hooyyu hegernyoonnu ꞌgõõla.”

Maatteeo 10:40

“Ẽẽtĩ ꞌcĩ elemmuung ngagiita, ẽlẽmma nganĩĩt buúk nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩta.

Maarko 9:50

“Ĩĩn immilla ꞌgii ꞌcĩ abũnnaa, nẽẽthĩ, má iittiõõ hõllõngaa ammũccarĩĩ, occa hatĩ aaꞌnyiku niig hikia hũmmũccar tarĩ hutuno? Aꞌnyahit muhẽẽnĩt hõrggẽẽnaa cunuung hũbũna haau hĩ immilla nẽ aauttu lõꞌngõõc hĩ ꞌgoonogu.”

Yõaannẽ 15:17

Nẽ thõõth ꞌcĩ haduhaakuung naa cieeni. Ĩmmĩnanit eleeti cugguung.”

2 Korinthia 13:11

Dtuurnattaa caannĩ, ꞌgotoonoga hĩ ngoonoga, ĩlaallẽ, hũũha naana. Aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga, ĩthĩhĩt ĩlaali caannĩ, aꞌnyahit muhẽẽnĩt hõdẽẽthõng, aaut niig vẽlẽk lõꞌngõõc. Nẽ hatĩ au ganõnĩ cĩ Nyekuci hĩ mĩnnan cĩnnĩ hĩ ngagiita.

ꞌGalaaꞌthia 4:14

Nẽ tananga baa hommoori gẽrrẽẽt, baa hõllõngaa aaꞌnyuung ngagiit mõõrĩthĩ caannĩ ꞌcannan nẽ tarĩ hõllõngaa appallaarannaangu hode iiggiayyiaangu thõng buúk. Baa akũmaneekaangu hinnia haau hĩcĩ akũmaneeku aajĩlõ cĩ Nyekuci, hode akũmaneeku Yeesu Krĩstõ dẽẽdẽ.

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

ꞌGalaaꞌthia 6:6

Abũnnaa eeta ꞌcĩg allimanoothĩk thõõth cĩ Nyekuci ngaatĩ õthõlĩ hẽlẽggĩ vẽlẽk ꞌcĩg abũnnaa, hĩ eet ꞌcĩg alliman ĩhõõggõ ho.

Eevvetho 4:3

Ĩttĩmanit ngaatĩ aꞌthuunnu rũmẽẽnĩt cĩ Lori cĩ Nyekuci ꞌthinneetinii cugguung. Ĩdĩmanit hoti, ꞌgõõlaa ꞌcĩ aattiyyu lõꞌngõõc.

Kolooꞌthe 3:15

Aanytĩk ganõn cĩ Krĩstõ haggamuung ꞌthinneeti cugguung, hĩnĩngĩtĩ baa utuvvuyyiaau niig, hátĩ aaut ganõõna, hĩ eeta cĩg ẽlẽ hõdẽẽthõng. Nẽ iittihu ĩnõõnnõ ĩlaallẽ.

1 Tẽꞌthaloonika 5:14

Haduhaakuung thõõthaa ꞌcĩ õkõmĩ gẽrrẽẽt hõlõ, itilooc eet ꞌcĩg ĩĩn nyamuttiook hidticattõõ hĩ eeta vẽlẽk, uduktaak teelliak hokomit ꞌthinneeti, eelit pĩĩrnattiaak nẽ ĩdĩhattu thooꞌthiok hõrggẽẽnaa cunuung.

2 Tẽꞌthaloonika 3:16

Halayyi naa haini, aꞌnyĩĩk Makayyioohit cĩ ganõõnõ haaꞌnyuung ngagiit ganõn waathinniook vẽlẽk hĩ ꞌgoolliohĩ vẽlẽk. Aꞌnyĩĩk Makayyioohit haau hĩ ngagiit vẽlẽk.

2 Timotteeo 2:22

Lĩĩta thooꞌthiok ꞌcĩg abathĩ ꞌcĩg abũraneek nyahaappanĩta hĩ buheeci. Nũũ thõõth ꞌcĩ abũnnaa hõdõõkõthĩ, ꞌnyaak lemiinit cĩ Nyekuci hĩ mĩnnan nẽ aau lõꞌngõõc nẽ laa Makayyioohit hõdẽĩ hĩ eet ꞌcĩg tẽllĩg.

Ebereei 12:14

Ĩttĩmanit gẽrrẽẽt ngaatĩ aattiyyu lõꞌngõõc hĩ eet vẽlẽk! Aaut rũgẽtaa ꞌcĩ tẽllĩ. Ma hõllõngaa adĩmannu noho, aitiõõ hatĩ hõllõngaa acinnu Makayyioohit.

ꞌJeemith 3:18

Ma irrioon eeta cĩg ganõõnaak ganõn, ammũda hatĩ nẽẽg bũnnai.