1 Tẽꞌthaloonika 5:11 - ꞌBuuk cĩ Thõõth cĩ Nyekuci

¹¹ Nẽẽthĩ hoti ho, ũkũtanit ꞌgoonogu ngaatĩ eelonnu nyaagwaana, irrioottĩk, hátĩ hokomit ĩhõõggõ ꞌthinneeti, haau hĩcĩ ꞌthẽk adĩmannu ꞌyioko ho.

1 Tẽꞌthaloonika 5:11 ပူးပေါင်းရင်းမြစ်များ

ꞌRooma 14:19

Hĩttĩmanit ngaatĩ haattiyyi ganõõna nẽ heelito eleeti cĩggaac, haꞌnyahit lemiinit ꞌcĩ attiranĩ.

ꞌRooma 15:14

Hagawa naa ẽllaa caannĩ ꞌgotoonoga hĩ ngoonoga hĩĩna, aꞌnyaku niig eleetinii cugguung bũnnai hĩ ꞌgẽẽnyĩth ꞌcĩ maka ꞌcĩ occa allimannu ꞌgoonogu ũgĩ ꞌcĩg ĩĩn lemmiook.

ꞌRooma 15:2

Occa haaꞌnyĩk naag eet ꞌcĩg haarõõ haccamattoothĩk, hĩnĩngĩtĩ bũnnai cĩnĩĩng, hátĩ hĩtĩlĩthĩt nẽẽg thõõthaa cĩ Makayyiookto.

1 Korinthia 10:23

Ainnu niig ũgẽẽgĩ, “Occa hadĩmanna ꞌgii vẽlẽk hĩcĩ hadiimma!” Nẽẽthĩ haduhaakuung dĩdĩ, hõllõngaa occa abũnnaa hode eelluung hẽlẽggĩ vẽlẽk.

1 Korinthia 14:12

Má adiimmu niig ꞌbaaninit cĩ Lori ꞌcĩ Ẽllẽẽmĩth dĩdĩ, eberria thĩ ꞌbaaninit ꞌcĩ hatĩ ẽẽl lothippit cĩ lemmioohu jurrung.

1 Korinthia 14:29

Aanytĩk põrõvẽtaaꞌnya ꞌramma hode iyyio hothoothito nẽ ittiamanit eeta ũgẽẽgĩ thõõth ꞌcĩ adukiaa ho jurrung.

1 Korinthia 14:5

Hadiimmuung naa ngagiit othoothit thooꞌthiohĩĩ ꞌcĩg ꞌrĩĩng, nẽẽthĩ nẽẽꞌthẽk, hadiimi occa aduhaannu thooꞌthiok cĩg horumwa. Ĩllõõan ẽẽtĩ ꞌcĩ aduha thooꞌthiok cĩg horumwa eet ꞌcĩ õthõõth ũtũũgaa ꞌcĩ ꞌrĩĩng, hatĩ hõllõngaa õkõbaneek eet hĩthĩhĩt, hátĩ hũkũmaneek muhẽẽnĩt cĩ lothippit cĩ lemmioohu.

2 Korinthia 12:19

Unuuktihu baa niig ngaatĩ ammuku aĩ, hẽẽlanna naag eleeti cĩggaang? Baa hõthõõꞌtha thooꞌthiok ꞌcĩg aga Nyekuci buúk aĩ, hĩĩgĩnna nuyyiook cĩg Krĩstõ. Nẽ ꞌgotoonoga hĩ ngoonoga, ꞌgii vẽlẽk ꞌcĩ hadticanna naaga, hadticanna, hátĩ hõkõm lemiiniti cunuung hĩ Krĩstõ.

Eevvetho 4:12

hillimanit eeta cĩg Nyekuci ꞌgõõl ꞌcĩ adticanõõthĩkĩ eet ũgĩ, hátĩ hĩtĩlĩth ẽlẽ cĩ Krĩstõ hittiran.

Eevvetho 4:16

Arũm Krĩstõ ẽlẽ cĩnnĩ ho hĩĩ hõdẽẽthõng nẽ aaꞌnyĩk hidticattõõ dhooriꞌnya vẽlẽk jurrung, hĩcĩ alĩthĩ hokomit hĩnĩngĩtĩ mĩnnani.

Eevvetho 4:29

Ma hothooꞌthu thooꞌthiok ꞌcĩg abathĩ. Aanytĩk thooꞌthiok ꞌcĩg aduhaannu hĩĩ ꞌcĩg abũnnaa, hátĩ hẽẽl eet ꞌcĩg athiknuunga.

1 Tẽꞌthaloonika 4:10

Nẽ dĩdĩ, ammĩnannu niig ꞌgotoonogu hĩ ngoonogu lokor cĩ Maccedoonia ho vẽlẽk. Nẽ hanneekuung ĩrrĩcatta gẽrrẽẽt ittoorrik hĩllõõan mĩnnan gõõng hõdõõkõthĩ.

1 Tẽꞌthaloonika 4:18

Nẽẽthĩ, ũkũtanit ꞌgoonogu thooꞌthiohĩĩ cĩg.

1 Timotteeo 1:4

Duhaak eet hũtũngteek thooꞌthiok ꞌcĩg ara nẽẽg athithan, õthõõthĩ dtẽẽllẽn ꞌcĩg ĩĩn õlõng hĩ ngaatĩ agiilanĩ hattũũgẽt baag maajihi cĩggĩĩng baag baangaani, ꞌcĩg aaꞌnyĩk ĩhõõggõ hẽppẽhattõõ haaga nẽ hõllõngaa aaꞌnyĩk ĩhõõggõ hidticanit thõõth cĩ Nyekuci, ꞌcĩ hammũda ꞌgõõlaa ꞌcĩ hẽlẽmmĩ thõõth cĩnnĩ diooni.

Ebereei 10:25

Hommottio hõdõõkõthĩ ngaatĩ laiitto nẽ occa hõllõngaa hadiim hĩthahĩth eet gõõng abũrĩ ngaatĩ adĩmanĩ noho, nẽẽthĩ, adiim hakũtan eleeti hõdõõkõthĩ, hátĩ gõõng homottio hĩ ꞌyioko ho, hĩcĩ acinnu niig buúk, õbõhĩ kõrra ꞌcĩ õbõdaanĩ Makayyioohiti ho.

Ebereei 3:13

Eellio nyaagwaana hõdõõkõthĩ hĩcĩ ꞌyioko adukiaakeet kõr nicci ho, hátĩ hiittiõõ ẽẽtĩ ꞌcĩ hatĩ ĩggõõl ꞌthẽccanĩ nẽ õkõm ngaatĩ athĩknĩ thõõth cĩ Nyekuci tõõ.

2 Pẽẽtũrũ 1:12

Nẽẽthĩ hoti ho, hammuhaakuung hatĩgõõng naa ngagiit thooꞌthiok iccig, tananga agayyu niig ĩhõõggõ ẽlẽk nẽ okomtu thõõthaa ꞌcĩ ĩĩn dĩdĩ, ĩĩ baa allimanoothikuung ngagiita.

ꞌJuud 1:20

Nẽẽthĩ, ꞌgotoonoga hĩ ngoonoga, aallattia uꞌthuutti lemiinit thõõthaa ĩbaa ẽllẽẽmĩth allimanoothikuung ngagiita, hĩcĩ eelluung Lorii ꞌcĩ Ẽllẽẽmĩth ngagiit alayyio ho.