1 Tẽꞌthaloonika 5:10 - ꞌBuuk cĩ Thõõth cĩ Nyekuci

¹⁰ Baa adaahĩ nẽẽ, hĩnĩngĩtĩ ngagĩĩta, hátĩ hõõt hũrũmtĩ hĩ ĩnõõnnõ ũdũt, tananga nga harũgĩ hode hadaahito ẽlẽk.

1 Tẽꞌthaloonika 5:10 ပူးပေါင်းရင်းမြစ်များ

Maatteeo 20:28

haau hĩ Ngeertĩ Eeto baa aku hikia hidticanoothĩk eet, hõllõngaa hidticattoothĩk eeta ĩnõõnnõ, baa aku ajalana nẽẽ rũgẽt cĩnnĩ hẽẽla eet ꞌcĩg mẽẽlĩg.”

Yõaannẽ 10:11

Hĩĩnĩ naa tũhayyioohit ꞌcĩ abũnnaa. Ẽlẽmana tũhayyioohiti ꞌcĩ abũnnaa, rũgẽt cĩnnĩ, hĩnĩngĩtĩ aꞌtha cĩgĩnnĩg.

Yõaannẽ 10:15

Hĩcĩ agayya nganĩĩt Baaba, haga naa buúk ĩnõõnnõ. Nẽ hẽlẽmanaa naa rũgẽt caannĩ, hĩnĩngĩtĩ aꞌtha cĩgannĩg.

Yõaannẽ 10:17

“Ammĩnannaa Baaba nganĩĩt, hĩnĩngĩtĩ hẽlẽmanaa naa rũgẽt caannĩ hadaahõ nẽ hatĩ hikia hũrũga tarĩ.

Yõaannẽ 15:13

Aitiõõ mĩnnanĩ ꞌcĩ ĩllõõan thõõth ꞌcĩ occa adaaknĩ ẽẽtĩ, hĩnĩngĩtĩ ꞌgõõnõgĩ tõõ.

ꞌRooma 8:34

Aitiõõ eet ꞌcĩ occa etteedĩkeet ngagĩĩt thõõth tõõ, hĩnĩngĩtĩ baa adaak Yeesu Krĩstõ nẽ ũrũga daahĩtha, hĩnĩngĩtĩ ngagĩĩta nẽ iccioloongan bulẽẽtta, attiaa cobbi ĩĩcĩ Nyekuci nẽ alaiinneet ngagĩĩta.

1 Korinthia 15:3

Hĩnĩngĩtĩ baa huduhaahuung naa ngagiit nyeemuut ꞌcĩ abũnnaa ꞌcĩ tiiri, hĩ baa ꞌthẽk adukiaaka nganĩĩt baa aĩ, adaahĩ Krĩstõ, hĩnĩngĩtĩ ꞌthẽccanẽẽt cĩggaac, hĩ baa aduha ꞌBuuhi cĩ Nyekuci.

2 Korinthia 5:15

Nẽ baa adaahĩ Krĩstõ, hĩnĩngĩtĩ eet vẽlẽk, hátĩ hiittiõõ eeta ꞌcĩg arũgĩ hõllõngaa arũgĩ, hĩnĩngĩtĩ eleeti cĩggĩĩng diooni. Abũnnaa arũgĩ nẽẽg, hátĩ haccamattoothĩk hĩ Krĩstõ baa adaahĩ nẽ ũrũga tarĩ, hĩnĩngĩtĩ ĩhõõggõ.

2 Korinthia 5:21

Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.

Eevvetho 5:2

nẽ ĩmmĩnattoou hĩ baa ammĩnanneet Krĩstõ ngagĩĩt nẽ ẽlẽmana ẽlẽ cĩnnĩ hĩĩ ꞌgaarrieenit ꞌcĩ õꞌngõlĩ ẽmmẽdĩ, ꞌcĩ abũnnaa ꞌcĩ aaꞌnyĩhoothĩk Nyekuc.

1 Tẽꞌthaloonika 4:13

ꞌGotoonoga hĩ ngoonoga, aitiõõ hõllõngaa hadiimmuung naag ngagiit ĩĩtõ eet ꞌcĩg hõllõngaa agayyu thõõth cĩ ꞌgoonogu baag adaahito ẽlẽk, hátĩ hiittiõõ hõllõngaa arruennu gẽrrẽẽt, hĩ eeta ꞌcĩg hõllõngaa aꞌnyak muhẽẽnĩt.

1 Tẽꞌthaloonika 4:15

Hĩcĩ aduha thõõth cĩ Makayyiookto, haduhaakuung naag ngagiit hanneekuung, naag ꞌcĩg nga harũgĩ ĩꞌthõng kõr ꞌcĩ õbõdaanĩ Makayyioohiti ho, aitiõõ hatĩ hõllõngaa huwwattẽẽkĩ ꞌgoonogeet baag adaahito ẽlẽk.

1 Tẽꞌthaloonika 4:17

Nẽẽthĩ hatĩ naag eeta ꞌcĩg nga harũgĩ kõr niccia, hũrũmtoothĩk hĩ eet ꞌcĩg arũgna ho nẽ hõõt hommottio hĩ Makayyioohit diitha hẽẽtahujjieen. Nẽẽthĩ hatĩ kõr niccia, hõõt hũrũmtĩ naag hĩ Makayyioohit ooo.

1 Tẽꞌthaloonika 5:6

Nẽẽthĩ hoti ho, occa hõllõngaa hattumanni naag hoogin hĩ eeta ꞌcĩg oogin ko, hĩcĩttĩ nẽ haauto dĩkĩĩm huꞌthuutti eleeti.

1 Timotteeo 2:6

Baa ẽlẽmana nẽẽ ẽlẽ cĩnnĩ, hátĩ hõõga eet vẽlẽk haauto lõꞌngõõc. Nyeemuut ciee ꞌcĩ aaꞌnyĩk Nyekuci eet loonyini vẽlẽk, hatĩ ũttũbanoothĩk kõrra tĩho.

2 Timotteeo 2:11

Thõõth ꞌcĩ ĩĩn dĩdĩ cieeni, “Má baa hadaahito naag hĩ Krĩstõ, harũgĩ hatĩ naag hĩ ĩnõõnnõ buúk.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

1 Pẽẽtũrũ 2:24

Baa ẽhẽẽl Krĩstõ ꞌthẽccanẽẽt cĩggaac. Baa ododdothoothĩk nẽẽ hurucceea, hátĩ hiittiõõ hõllõngaa hẽꞌthẽcan naag tarĩ nẽ hátĩ hĩthĩhĩt thõõth ꞌcĩ aũlanĩ. Aaꞌnyuung nẽẽ ngagiit ũbũttaath ngatũbẽẽnnĩĩ cĩgĩnnĩg.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.