1 Tẽꞌthaloonika 4:8 - ꞌBuuk cĩ Thõõth cĩ Nyekuci

⁸ Nẽ ẽẽtĩ ꞌcĩ ẽdẽcẽẽkĩ ꞌlimman icci, hõllõngaa ẽdẽcẽẽkĩ ꞌlimman cĩ eeto, ẽdẽcẽẽkĩ ꞌlimman cĩ Nyekuc ꞌcĩ aaꞌnyuung Lorii ꞌcĩ Ẽllẽẽmĩthĩ.

1 Tẽꞌthaloonika 4:8 ပူးပေါင်းရင်းမြစ်များ

Luugithõõ 16:8

Nẽ tarĩ ĩĩ Mũũꞌtha, “Agayyu hatĩ niig ĩko baa ꞌthẽk Makayyioohit dĩdĩ ꞌcĩ aaꞌnyuung ngagiit iding ꞌcĩ adaku ꞌjiaat hĩ ũbũnẽẽt vẽlẽk ꞌcĩg adiimmu niig ngerrenita, hĩnĩngĩtĩ ĩthĩk nẽẽ ngoongoi ꞌcĩ ongoongoeeku niig ĩnõõnnõ ho. Ngagĩĩt ꞌyioko ꞌthẽk hĩ nganĩ? Hõllõngaa ongoongoeekeetu niig ngagĩĩta, nẽẽthĩ hinnia, ongoongoeeku niig Makayyioohit.”

ꞌLuuka 10:16

Ma ho, uduhaak Yeesu nuyyiook cĩgĩnnĩg ĩĩnnĩk, “Ẽẽtĩ ꞌcĩ athiknuung ngagiita, athĩkna nganĩĩt buúk. Nẽ ẽẽtĩ ꞌcĩ aburruung ngagiita, abũrra nganĩĩt buúk. Nẽ ẽẽtĩ ꞌcĩ abũrra nganĩĩta, abũrĩ eet baa ĩꞌthõõannaa nganĩĩt buúk.”

Yõaannẽ 12:48

Aaĩ ꞌgaadĩ ꞌcĩ hatĩ ẽttẽẽd thõõth cĩ eet ꞌcĩ abũrra nganĩĩta nẽ ũtũbũr ꞌlimman caannĩ. Ẽttẽẽd hatĩ thõõth ciee hothoothi naa ho thõõth cĩnnĩ, kõr cĩ decciaanĩt cĩ lootu.

Dtiicanĩ cĩg ꞌThooyyiahu 13:41

“Ĩcĩnĩt niig eeta ꞌcĩg ararru Nyekuc ko! Abarrittu hatĩ nẽ adaaktu hĩĩ lõõcĩ ꞌthĩĩ. Hadĩmani hatĩ naa kõr nicci ꞌgiimwa ꞌcĩ hõllõngaa elemmu niig ũdũt, tananga huduhaahuung eet umwaanĩ!”

ꞌRooma 5:5

Nẽ hõllõngaa adĩmanneet muhẽẽnĩtĩ ꞌcĩ abũnnaa ho ngagĩĩt ꞌbuth, hĩnĩngĩtĩ aarĩk Nyekuci mĩnnan cĩnnĩ ꞌthinneetinitõõ cĩggaac Loriiaa ꞌcĩ Ẽllẽẽmĩthĩ, ĩĩ baa aaꞌnyeet nẽẽ ngagĩĩta.

1 Korinthia 2:10

Nẽẽthĩ, baa eteretheeheet Nyekuci ngagĩĩt thooꞌthiok iccig Loriiaa cĩnnĩ. Atarraaban Lorii thooꞌthiok vẽlẽk, tananga thooꞌthiok ꞌcĩg aaddi cĩg Nyekuci.

1 Korinthia 7:40

Nẽẽthĩ hoti ho, muhẽẽttaa caannĩ, hammuhi occa hathihi naa thõõth cĩ Lori cĩ Nyekuci ngaatĩ haĩnnĩ, occa accamanoothĩk ngaa hatĩ aaĩ ẽmmẽn.

2 Korinthia 1:22

nẽ aaꞌnyeet ngagĩĩt nyamacaar cĩnnĩ ꞌcĩ hĩĩgĩnnĩ naag cĩgĩnnĩg nẽ aarĩkeet Lori ꞌcĩ Ẽllẽẽmĩth ꞌthinneetinii cĩggaac, hẽtẽrẽtha ngaatĩ hĩĩgĩnnĩ naag cĩgĩnnĩg.

ꞌGalaaꞌthia 4:6

Nẽẽthĩ, hĩnĩngĩtĩ hĩĩtõ naag lõhõlĩ cĩgĩnnĩg, ikia ĩꞌthõõa Nyekuci Lori cĩ Ngeerĩnĩ, hikia haau ꞌthinneetinii cĩggaac. Nẽ aduhaakeet Lorii cĩnnĩ anneekeet, “Ĩĩn Nyekuci Baangeet.”

1 Pẽẽtũrũ 1:12

Baa adukiaak ĩhõõggõ aĩ, adticanoothikuung ngagiita, hõllõngaa adticanoothĩk eleeti cĩggĩĩng ẽmmẽn. Nẽ ꞌyioko, irrioonikuung ngagiit eeta ꞌcĩg allimannuung ꞌtirriaanaa cĩ Lori ꞌcĩ Ẽllẽẽmĩth, baa ĩꞌthooyyia hẽẽtahujjieen. Nẽ baa ĩĩn nyeemuut cĩnĩĩng ko, cunuung diooni, tananga baa adiim aajĩlẽẽta aga nyeemuut tĩho.

2 Pẽẽtũrũ 1:21

Baa hõllõngaa addanga põrõvẽtaaꞌnya thooꞌthiok iccig ẽmmẽn, baa ẽtẽrẽth ĩhõõggõ Lorii ꞌcĩ Ẽllẽẽmĩth hĩ Nyekuc.

1 Yõaannẽ 3:24

Má hathĩhĩ naag tilooinit cĩ Nyekuci, harũmĩ hatĩ naag ꞌthinneetinii cĩggaac hĩ ĩnõõnnõ nẽ hatĩ aau nẽẽ ꞌthinneetinii cĩggaac. Eterꞌtheekeet Lorii baa aaꞌnyeet nẽẽ ngagĩĩt ngaatĩ hĩĩgĩnnĩ naag hõdẽẽthõng hĩ ĩnõõnnõ.

ꞌJuud 1:8

Aattĩg eeta ꞌcĩg hothoothi naa ho, hĩ eeta ꞌcĩg ohonooꞌthi nẽ ẽꞌthẽcanit eleeti cĩggĩĩng ngaatĩ adĩmanĩ thooꞌthiok ꞌcĩg ĩĩn ꞌriiring. Abũrĩ nẽẽg makaaꞌthĩt vẽlẽk nẽ odoomito aajĩlẽẽt cĩg Nyekuci.