1 Tẽꞌthaloonika 4:7 - ꞌBuuk cĩ Thõõth cĩ Nyekuci

⁷ Baa avvaanneet ngagĩĩt Nyekuci hiita hĩĩtõ eet ꞌcĩg ẽllẽẽmĩth, ꞌcĩg haburi thooꞌthiok ꞌcĩg ĩĩn ꞌriiring.

1 Tẽꞌthaloonika 4:7 ပူးပေါင်းရင်းမြစ်များ

ꞌRooma 1:7

Hẽhẽẽdakuung naa ngagiit vẽlẽk waraga icci ꞌRoomattĩ. Ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac hĩ Makayyioohit cĩnaac Yeesu Krĩstõ, haau hĩ ngagiita.

1 Korinthia 1:2

Hẽhẽẽdakuung naa ngagiit waraga, lothippit cĩ lemmiook cĩg Nyekuci ꞌtaaũnaa cĩ Korinthia. Baa ẽbẽraauung Yeesu Krĩstõ ngagiit ĩĩtõ eet cĩgĩnnĩg dẽẽdẽ nẽ alayyioou ꞌthaarĩĩ cĩgĩnnĩg, haau hĩcĩ ꞌyioko hala naag hĩ eet ũgĩ vẽlẽk ꞌcĩg aũ ĩnõõnnõ anneek Makayyioohit.

ꞌGalaaꞌthia 5:19

Muhẽẽnĩt ꞌcĩ abathĩ ꞌcĩ aaꞌnyĩk eet helemit thooꞌthiok ꞌcĩg ĩĩn ꞌriiring, hĩ dtiicanĩ ꞌcĩg abathĩ.

Eevvetho 1:4

Baa nga hẽtẽhẽnya Nyekuci looc, baa ammĩnanneet nẽẽ ngagĩĩt nẽ aaꞌnyĩk Krĩstõ hẽbẽraeet ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ꞌcĩg hammĩrĩ muumaa cĩ Nyekuci. Hĩnĩngĩtĩ baa ammĩnanneet Nyekuci ngagĩĩta,

Eevvetho 2:10

Hĩĩgĩn naag eet ꞌcĩg ẽhẽnyta Nyekuci ꞌcĩg ĩĩn ngeju, baag hẽhẽnytaa haaut hõdẽĩ hĩ Yeesu Krĩstõ, hátĩ hĩdĩmanit dtiicanĩ ꞌcĩg abũnnaa baag ũkũmaneekeet Nyekuci ngagĩĩt baa ĩĩcĩ oou hĩdĩmanit.

Eevvetho 4:1

Halayyuung naa ngagiit baabutheeniti cĩ Makayyiookto, aaut ꞌgõõlaa ꞌcĩ abũnnaa hĩ baa ẽbẽraauung Nyekuci ngagiit ĩĩtõ eet cĩgĩnnĩg.

Eevvetho 4:19

Aitiõõ ĩhõõggõ ngaaoni tõõ. Ara nẽẽg adĩman thooꞌthiok ꞌcĩg ĩĩn ꞌriiring nẽ aalla arĩnyaneek ngaatĩ adĩmanĩ thooꞌthiok ꞌcĩg ĩĩn ꞌriiring vẽlẽk ko diooni.

1 Tẽꞌthaloonika 2:3

Hõllõngaa haaunna naag hallimannuung ngagiit, hátĩ hõmmõdattuung hode hallabtuung thõng.

2 Timotteeo 1:9

Baa ẽẽlaeet ngagĩĩt Nyekuci nẽ ẽbẽraaeet hĩĩtõ eet cĩgĩnnĩg ꞌcĩg haattĩg authetaa ꞌcĩ ẽllẽẽmĩthĩ. Adĩman Nyekuci hoti, hõllõngaa, hĩnĩngĩtĩ thõõth ꞌcĩ hadĩman naaga, adĩman nẽẽ noho, hĩnĩngĩtĩ bũnnai cĩnnĩ. Baa aaꞌnyeet Nyekuci ngagĩĩt bũnnai, ꞌthaarĩĩ cĩg Yeesu Krĩstõ, baa nga heteheꞌnyiaa lõõcĩ.

Ebereei 12:14

Ĩttĩmanit gẽrrẽẽt ngaatĩ aattiyyu lõꞌngõõc hĩ eet vẽlẽk! Aaut rũgẽtaa ꞌcĩ tẽllĩ. Ma hõllõngaa adĩmannu noho, aitiõõ hatĩ hõllõngaa acinnu Makayyioohit.

2 Pẽẽtũrũ 2:10

Ĩĩn thõõth ciee thõõth ꞌcĩ ĩĩn dĩdĩ, eetinii ꞌcĩg anũ thooꞌthiok ꞌcĩg abũraneek nẽẽg ꞌcĩg abathĩ nẽ odoomito eet ꞌcĩg ĩĩn makayyiook cĩggĩĩng. Aꞌthĩlan nẽẽg nẽ ĩthĩngõõnyanita, nẽ hõllõngaa iꞌngolli ngaatĩ accĩĩnĩ aajĩlẽẽt cĩg hẽẽtkujjieen.