1 Tẽꞌthaloonika 4:6 - ꞌBuuk cĩ Thõõth cĩ Nyekuci

⁶ Nẽẽthĩ, niig lemmiooha, ma higgoolonnu ꞌgõõlaa cĩ igoriꞌthu ngaaĩ cĩg ꞌgoonoginnu, hĩnĩngĩtĩ baa huduktaahuung naag ngagiit jurrung hiittihuung, uuk hatĩ Nyekuci eet ꞌcĩg adĩman thooꞌthiok ꞌcĩg ĩĩn ꞌriiring ꞌcĩg aattĩg nohotaa.

1 Tẽꞌthaloonika 4:6 ပူးပေါင်းရင်းမြစ်များ

Luugithõõ 20:15

Ma hĩgõrꞌthĩ.

Luugithõõ 20:17

Ma habũraneehi ꞌcieeth cĩ eet ꞌcĩ aaronnu. Ma habũraneehi ngaa cĩ eet ꞌcĩ aaronnu hode dticciannioohit cĩnnĩ ꞌcĩ maacĩ hode ꞌcĩ ngayyi hode olĩ cĩnnĩ hode thigir cĩnnĩ hode ꞌthẽk ꞌgiimwa cĩ eet ꞌcĩ aaronnu.”

Maarko 10:19

Aga nii tilooinit ꞌcĩ aĩ, ma haruhi, ma hattihi ngaa cĩ eet umwa, ma hĩgõrꞌthĩ, ma haddangaahi, ma higgooli, tingõlĩ maaꞌnyu hĩ ngaanu?”

ꞌLuuka 12:5

Ĩꞌnya huduhaahuung eet ꞌcĩ occa itieelinnu: Itieelli Nyekuc, hĩnĩngĩtĩ ĩnõõnnõ dioo ꞌcĩ aꞌnyak ꞌtirrian ꞌcĩ occa adhuheekuung ꞌgwoo ꞌcĩ aalla ũdũt, urutaa ꞌcĩ uruktõõĩ eleeti cugguung ẽlẽk. Haduhaakuung dĩdĩ, itingolli ĩnõõnnõ.

ꞌLuuka 16:28

hĩnĩngĩtĩ haꞌnyahi ꞌgotoonoga ꞌtur õlõ. Aꞌnyĩĩk nuun hũũk hirrioonik ĩhõõggõ, hátĩ hiittiõõ hõllõngaa au nẽẽg buúk ngaatĩ ꞌcannaanõ ho.’

ꞌRooma 1:18

Ẽtẽrꞌtha Nyekuci liilii cĩnnĩ hẽẽtahujjieen, ꞌcĩ aꞌnyaheek nẽẽ eet vẽlẽk ꞌcĩg ĩĩn ꞌthẽccanniook, ꞌcĩg ammũt thõõth ꞌcĩ ĩĩn dĩdĩ ꞌthẽccanẽẽtĩĩ cĩggĩĩng,

ꞌRooma 12:19

ꞌGotoonoga hĩ ngoonoga, ma haruhaannu oolo. Aanytĩk Nyekuc huruha oolo nẽẽnĩ. Aĩ Nyekuci, “Nganĩĩt Nyekuc ꞌcĩ occa haruha oolo.”

ꞌRooma 13:4

Hĩnĩngĩtĩ ĩĩn makayyiooha dticcianniook cĩg Nyekuci ꞌcĩg eelluung ngagiita. Nẽẽthĩ, má ẽꞌthẽcannu niig thooꞌthiok, itingolli ĩhõõggõ, hĩnĩngĩtĩ aꞌnyak nẽẽg makaaꞌthĩt ꞌcĩ occa uukuung ngagiita. Ĩĩn nẽẽg dticccianniook cĩg Nyekuci, ꞌcĩg occa uuk eet hetereꞌthia lilii cĩ Nyekuci.

2 Korinthia 7:11

Nẽ ĩcĩnĩt dako nõõ ꞌgii ꞌcĩ adtican Nyekuci ngaatĩ aꞌnyahaakuung ngagiit mothiinit. Adiim ẽtẽrꞌthaannu niig dĩdĩ, ngaatĩ ammĩrru niiga. Alĩĩlĩyyu niiga, akuleeku niig ꞌjieen nẽ ũmũyanuung ngaatĩ acinnu thõõth ꞌcĩ ĩĩn dĩdĩ ngaatĩ adticaniini nẽ etereꞌthiaau iittu, aũlannu niig thõõthaa cĩ vẽlẽk dĩdĩ.

ꞌGalaaꞌthia 5:21

iinan hẽlẽggĩ cĩg eetuk nẽ ĩĩn duuttiak nẽ adĩman thooꞌthiok ꞌcĩg abathĩ ꞌcĩg aattĩg hĩ cieeg karramẽẽtĩ. Ĩꞌnya da huduhaahuung thõõth umwa tarĩ hĩ baa haduhaakuung baa ĩĩcĩ oou, eeta ꞌcĩg adtican thooꞌthiok iccig, hõllõngaa hatĩ aduhun nẽẽg habuccieet cĩ Nyekuci nẽ ĩĩtõ lõhõlĩ cĩgĩnnĩg.

Eevvetho 4:17

Hĩ nuyyioohiti cĩ Makayyiookto, haduhaakuung hanneekuung ibilli authet ꞌcĩ aattiyyu hĩ eeta ꞌcĩg aggiithi ꞌcĩg hõllõngaa aga Nyekuc.

Eevvetho 4:28

Ẽẽtĩ ꞌcĩ baa gõõng ĩgõrꞌthĩ, aꞌnyĩĩk hũtũngeek ĩgõr, adiim ꞌthẽk adtican ẽẽtĩ dtiic ꞌcĩ occa ẽẽl ĩnõõnnõ athĩnĩĩ cĩgĩnnĩg ẽmmẽn, hátĩ hũmmũda ꞌgii ꞌcĩ occa õthõl hĩ pĩĩrnatttiaak.

Eevvetho 5:6

Ma haaꞌnyiku eet umwa higgooluung õlõnga haaga, hĩnĩngĩtĩ thooꞌthiok iccig, alĩĩllĩk Nyekuci eet ꞌcĩg hõllõngaa athĩhĩ thõõth cĩnnĩ.

1 Tẽꞌthaloonika 2:11

Agayyu niig buúk ngaatĩ haꞌthuunnuung naag ngagiit hõdẽĩ hõdẽĩ jurrung, hĩgõõng aꞌthũũnnĩ nyakangaan hĩ morwahit lõhõlĩ cĩggĩĩng.

2 Tẽꞌthaloonika 1:8

ꞌcĩg aꞌnyak ꞌgwoo ꞌcĩ alanyĩtĩ. Uuk hatĩ Makayyioohiti cĩnaac Yeesu, eet ꞌcĩg hõllõngaa aga Nyekuc nẽ hõllõngaa athĩhĩ nyeemuut cĩnnĩ ꞌcĩ abũnnaa.

Ebereei 13:4

Aꞌnyĩĩk maac hĩ ngaa hũrũmtĩ ũdũt. Aallattia ũrũmtĩ ũdũt, hĩnĩngĩtĩ uuk hatĩ Nyekuci eet ꞌcĩ adĩman thooꞌthiok ꞌcĩg ĩĩn ꞌriiring ꞌthũwaana.

Ebereei 2:6

Nẽẽthĩ, aaĩ nĩngĩmwaa ꞌcĩ eheeddi ꞌBuuhaa cĩ Nyekuci aĩ, “Inni nii Nyekuci ꞌmuuk eet gẽrrẽẽt nẽ ũꞌthũũtĩ ngeertĩ eet ꞌcĩ holli õõ buúk gẽrrẽẽt ko?

ꞌJeemith 2:6

Nẽẽthĩ, baa hinnia odoommu niig hullaha thõng. Hõllõngaa nooyyia balliook ꞌcĩg arratannuung ngagiita? Hõllõngaa noyyia ĩhõõggõ ꞌcĩg agurreekuung ngagiit lokihooa?

ꞌJeemith 5:4

Ĩthĩktõ! Ĩthĩhĩt ulwa cĩ dticcianniook cĩg manẽẽn cugguung, baag iggoollu hõllõngaa adũmannu ꞌrabbẽẽt cĩggĩĩng. Allweekuung ngagiit ꞌrabbẽẽta tĩko, baag edennu niiga. Õdõlan ulwaanĩ cĩ dticcianniook cĩg manẽẽn cugguung, Makayyioohit cĩ ũũrũta cĩ hẽẽtkujjieen.