1 Tẽꞌthaloonika 4:4 - ꞌBuuk cĩ Thõõth cĩ Nyekuci

⁴ Nẽ niig hõdẽĩ hõdẽĩ, illimanit ngaatĩ occa iꞌngoliinnu eleeti cugguung ꞌgõõlaa ꞌcĩ ẽllẽẽmĩthĩ.

1 Tẽꞌthaloonika 4:4 ပူးပေါင်းရင်းမြစ်များ

Dtiicanĩ cĩg ꞌThooyyiahu 9:15

Nẽẽthĩ, baa anneek Makayyioohiti Yeesu Anania, “Bĩtõ! Ĩĩn ẽẽtĩ ciee eet caannĩ ꞌcĩ tiiri ꞌcĩ eberriaa hillimman eet ꞌcĩg hõllõngaa ĩĩn ꞌJudeei hĩ habuẽẽt hĩ eet cĩg Ĩꞌthĩraẽlĩ thõõth caannĩ.

ꞌRooma 1:24

Nẽẽthĩ hoti ho, ikia alahaneek Nyekuci ĩhõõggõ hĩdĩmanit thooꞌthiok ꞌcĩg ĩĩn ꞌriiring ꞌcĩg aaꞌnyĩkĩ nẽẽg eleeti cĩggĩĩng ngaaoni.

ꞌRooma 12:1

Nẽẽthĩ niig ꞌgotoonoga hĩ ngoonoga, halayyuung naa ngagiit tamaatittaa cĩ Nyekuci, aanytĩk eleeti cugguung haauto hĩ ꞌgaarriẽẽna ꞌcĩg arũgĩ, hĩĩ tẽllĩg haccamana Nyekuci, ĩĩn ciee ꞌgõõl ꞌcĩ occa alaiinnu niiga.

ꞌRooma 6:19

Hothoothi naa hoti, hĩnĩngĩtĩ hõllõngaa attirannu niiga. Hĩ baa gõõng aalla aaꞌnyiku eleeti cugguung hĩĩtõ appahacaaꞌnya cĩg thooꞌthiok ꞌcĩg ĩĩn ꞌriiring hĩ ꞌcĩg abathĩ, nẽẽthĩ ꞌyioko, aanytĩk ĩhõõggõ hĩĩtõ appahacaaꞌnya cĩg thõõth ꞌcĩ abũnnaa ꞌcĩ okooyyuung thõõthaa ꞌcĩ ẽllẽẽmĩthĩ.

1 Korinthia 6:15

Aitiõõ niig hõllõngaa agayyu ngaatĩ ĩĩnnĩ eleeti cugguung dhoorit cĩ ẽlẽ cĩ Krĩstõ? Ĩcca occa hattiha naa ẽlẽ cĩ Krĩstõ nẽ hũrũmeeha hĩ cĩ ꞌwaaꞌngiaktõ? Aitiõõ ũdũt!

1 Korinthia 7:2

Nẽẽthĩ, hĩnĩngĩtĩ mẽẽlĩg thooꞌthioha ꞌcĩg ĩĩn ꞌriiring, abũnnaa aꞌnyak ẽẽtĩ ngaa cĩnnĩ nẽ aꞌnyak ngaa maac cĩnnĩ.

1 Korinthia 7:9

Nẽ má hõllõngaa ũũlũ ngaatĩ aꞌthũũnnĩ eleeti cĩggĩĩng, aꞌnyĩĩk hũꞌthũwattõõ, mẽẽn ngaatĩ aꞌthũwaniini hĩllõõan ngaatĩ abũranẽẽkĩ ꞌtihõõnĩt.

2 Korinthia 4:7

Haattĩg naag hĩ lohilihilita ꞌcĩg itiangthiini baliiniti ciee ho. Aku ꞌtirriani ꞌcĩ ĩĩn dĩdĩ hĩ Nyekuc, hõllõngaa aku hĩ ngagĩĩta.

Pilippi 4:8

Nẽẽthĩ ꞌyioko, ꞌgotoonoga hĩ ngoonoga, thõõthaa ꞌcĩ adtuurna, ummuhit thooꞌthiok ꞌcĩg ĩĩn dĩdĩ hĩ thooꞌthiok ꞌcĩg hiꞌngolli hĩ thooꞌthiok ꞌcĩg aũlanĩ, hĩ thooꞌthiok ꞌcĩg tẽllĩg hĩ thooꞌthiok cĩg occa hammĩnanĩ hĩ thooꞌthiok ꞌcĩg accamana ꞌthinneeti. Ummuhit thooꞌthiok ꞌcĩg ẽllẽẽmĩth gẽrrẽẽt ꞌcĩg occa hadĩhĩthĩ.

Ebereei 13:4

Aꞌnyĩĩk maac hĩ ngaa hũrũmtĩ ũdũt. Aallattia ũrũmtĩ ũdũt, hĩnĩngĩtĩ uuk hatĩ Nyekuci eet ꞌcĩ adĩman thooꞌthiok ꞌcĩg ĩĩn ꞌriiring ꞌthũwaana.

1 Pẽẽtũrũ 3:7

Nẽ niig maaccwaana ꞌgõõlaa ꞌcĩ aduhõõ thõng, ũrũmtĩ hĩ ngaaĩ cugguung jurrung, itingolli ĩhõõggõ hĩ ꞌgoonogu ꞌcĩg hõllõngaa attiran haauto hĩ niiga, hĩcĩ othollu ꞌbaaninit cĩ rũgẽt ꞌcĩ ĩĩn ngeju, ĩdĩmanit ĩhõõggõ jurrung, hátĩ hiittiõõ ꞌgii ꞌcĩ occa alaam laiinit cunuung tõõ.