1 Tẽꞌthaloonika 4:3 - ꞌBuuk cĩ Thõõth cĩ Nyekuci

³ Adiimmuung ngagiit Nyekuci aꞌnyahit ꞌthinneeti ꞌcĩg ẽllẽẽmĩthĩ nẽ ma hattihoonnu tahatak.

1 Tẽꞌthaloonika 4:3 ပူးပေါင်းရင်းမြစ်များ

Maatteeo 12:50

Hĩnĩngĩtĩ ẽẽtĩ ꞌcĩ adĩman thõõth cĩ Baaba caannĩ cĩ hẽẽtkujjieen, ĩĩn morwahit caannĩ hĩ ꞌgõtõna hĩ ngõõna caannĩ.”

Maatteeo 15:19

Adukna ꞌthinneetini cugguung muhẽẽnĩtĩ ꞌcĩ abathĩ, ruhẽẽnĩt hĩ ꞌtihẽẽnĩt cĩ ngaa cĩ eeto, hĩ ꞌtihõõnĩt tahatak, hĩ ĩgõr hĩ thooꞌthiok ꞌcĩg addangaakĩ eeta ꞌgõõnõgĩ hĩ ngaatĩ aduhaanĩ eeta thooꞌthiok ꞌcĩg abathĩ hẽꞌthẽcanit ꞌthaar cĩg eet umwa.

Maatteeo 5:32

Nẽẽthĩ, hanneekuung naa nẽẽ, occa õõg ẽẽtĩ ngaa, hatĩ aggamoothĩk hĩ eet umwa diooni. Nẽ ẽẽtĩ ꞌcĩ õõg ngaa cĩnnĩ, aaꞌnyĩk ĩnõõnnõ hẽꞌthẽcanõõ ngaatĩ ooginni hĩ eet umwa nẽ ẽẽtĩ ꞌcĩ attik ngaa ꞌcĩ itiggia eet umwaanĩ, adĩman nẽẽ ꞌthẽccan ꞌcĩ attihi ngaa cĩrrĩĩng.”

Maatteeo 7:21

“Hõllõngaa eet vẽlẽk ꞌcĩg aũyya nganĩĩt anneeka, ‘Makayyioohit, Makayyioohit,’ ꞌcĩg hatĩ aduhun habuccieet cĩ hẽẽtkujjieen. Nẽẽthĩ, eet ꞌcĩ adtican dtiic cĩ Nyakangaan caannĩ cĩ hẽẽtkujjieen diooni, ꞌcĩ hatĩ aduhuni.

Maarko 3:35

Ẽẽtĩ ꞌcĩ ammĩnan nẽ ũnũ thõõth cĩ Nyekuci, ĩĩn ꞌgõtõna hĩ ngõõna hĩ morwahit caannĩ.”

Yõaannẽ 4:34

Nĩngĩtĩ ẽdẽcĩ Yeesu ĩhõõggõ annẽẽkĩ, “ꞌGẽẽn caannĩ ꞌcĩ hadĩmanĩĩ thõõth ꞌcĩ adiim Nyekuci! Baa ĩnõõnnõ ꞌcĩ ĩꞌthõõannaa nganĩĩta nẽ occa hẽdẽcaahi dtiic baa aaꞌnya nẽẽ hidticanõ.

Yõaannẽ 7:17

Má atab ẽẽtĩ umwaa adĩman tabiinit cĩ Nyekuci, aku hatĩ aga nẽẽ ma aku ꞌlimmanĩ caannĩ ho hĩ Nyekuc, hode hothoothi naa ẽmmẽn.

Dtiicanĩ cĩg ꞌThooyyiahu 15:20

Nẽẽthĩ hinnia, occa heheedĩk ĩhõõggõ waraga ꞌcĩ haduhaakĩ hũtũngteek ngaatĩ adahĩ ꞌgiimwa ꞌcĩ aaꞌnyĩhoothĩk hẽlẽggĩ ꞌcĩg aar eeta hĩĩtõ nyekuꞌnya. Occa adukiaak ĩhõõggõ hiittiõõ hõllõngaa adak iding umwa ꞌcĩ acud eeta thõng, hode iding ꞌcĩ nga aꞌnyak biyyi. Nẽ occa adukiaak ĩhõõggõ hũtũngteek ꞌthẽccan ꞌcĩ abathĩ dtẽc ꞌcĩ attihi ngaaĩ tahatak.

Dtiicanĩ cĩg ꞌThooyyiahu 15:29

Nẽẽthĩ, ma hadaku ꞌgiimwa ꞌcĩ aaꞌnyĩhoothĩk nyekuꞌnya ꞌcĩg hõllõngaa ĩĩn dĩdĩ. Ma hadaku iding umwa ꞌcĩ nga aꞌnyak biyyi, hode iding ꞌcĩ acudi thõng. Ma hadĩmannu ꞌthẽccan ꞌcĩ thooꞌthiok ꞌcĩg ĩĩn ꞌriiring. Má anuyyu tilooinit icci, adĩmannu hatĩ thooꞌthiok ꞌcĩg abũnnaa. Hõlõ, ũnnẽẽc baaĩ nuun tilooinit icci jurrung.

Dtiicanĩ cĩg ꞌThooyyiahu 20:32

“Nẽẽthĩ ꞌyioko, haaꞌnyuung naa ngagiit hebehuung Nyekuci. Ummuhuttooth nyeemuut cĩ Nyekuci ꞌcĩ maka ngaatĩ ĩĩnnĩ nẽẽ tarbal. Occa eelluung ngagiit nyeemuut ciee nẽ aaꞌnyuung ngagiit ꞌgii cunuung hĩ eeta cĩg Nyekuci.

Dtiicanĩ cĩg ꞌThooyyiahu 26:18

hadiimmii naa nganiit bĩĩt ꞌbuuk ĩhõõggõ hẽbẽrĩ cĩggĩĩng, hátĩ hũtũngteek muguur, hõõt hĩ lanyit nẽ tarĩ, hũtũngteek ꞌtirrian cĩ ꞌThĩttaanõ, hõõt ꞌtirrianaa cĩ Nyekuci. Hátĩ hũtũngtoothĩk ꞌthẽccanẽẽta cĩggĩĩng nẽ lemiittaa cĩnĩĩng hĩ nganĩĩta, iita ĩĩtõ nẽẽg buúk dhoorit cĩg eet ꞌcĩg ẽllẽẽmĩth cĩg Nyekuci.’

ꞌRooma 1:29

Iita ẽꞌthẽcattõõ nẽẽg ꞌgoolliohĩĩ cĩg mẽẽlĩg nẽ ĩĩtõ eet ꞌcĩg abathĩ, ĩĩn lobolobbwaak nẽ idticatteek ꞌgõõnõgĩ thooꞌthiok ꞌcĩg abathĩ. Ehethiini hẽlẽggĩ cĩg eetuk, aruk eeta, ẽppẽhanõõ hĩ ꞌgõõnõgĩ, ĩggõõl eet nẽ ummuhit ngaatĩ adĩmanĩ thooꞌthiok ꞌcĩg abathĩ. Aangal ngaatĩ õꞌngõmtĩ ꞌgõõnõgĩ,

ꞌRooma 12:2

Ma nga hanuyyu thooꞌthiok cĩg looc nicci tarĩ, nẽẽthĩ ũtũkẽẽc muhẽẽnĩt cĩ ꞌthinneeti cugguung hĩĩtõ ngeju. Ĩnõõ ꞌcĩ hatĩ uuluyyu ngaatĩ attĩmannu nẽ ummuddiaau tabiinit cĩ Nyekuci, ngaatĩ abũnnayyĩ hĩllõõan.

ꞌRooma 6:22

Nẽẽthĩ ꞌyioko, hĩcĩ õõgtau niig ꞌthẽccaana nẽ iittu appahacaaꞌnya cĩg Nyekuci ho, ikia ꞌbaaniniti baa ammũdaannu niig ko, uukuung ngagiit thõõthaa ꞌcĩ ẽllẽẽmĩth hĩ rũgẽtaa ꞌcĩ aalla ooo.

1 Korinthia 1:30

Iiginnu niig lõhõlĩ cĩg Nyekuci, hĩnĩngĩtĩ baa ĩꞌthõõa nẽẽ Yeesu Krĩstõ hikia hẽẽlaeet ngagĩĩta nẽ aaꞌnyeet Nyekuci ngagĩĩt heggeenyit. Ĩnõõ ꞌcĩ elemmeet nẽẽ ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ko.

1 Korinthia 7:2

Nẽẽthĩ, hĩnĩngĩtĩ mẽẽlĩg thooꞌthioha ꞌcĩg ĩĩn ꞌriiring, abũnnaa aꞌnyak ẽẽtĩ ngaa cĩnnĩ nẽ aꞌnyak ngaa maac cĩnnĩ.

2 Korinthia 12:21

Hiteelli naa haini ma hõbõda tarĩ, aaꞌnya hatĩ Nyekuci nganĩĩt ngaaoni hõrggẽẽnaa cunuung. Nẽ homoꞌthi hatĩ naa, hĩnĩngĩtĩ mẽẽlĩg eeta ꞌcĩg nga hũtũngteek ꞌthẽccanẽẽt cĩggĩĩng baag ꞌrẽẽttĩg. Nga mẽẽlĩg eeta ꞌcĩg adĩman hẽlẽggĩ ꞌcĩg ĩĩn ꞌriiring, ꞌwaangĩth, hĩ thooꞌthiok ꞌcĩg hõllõngaa aũlan lothippita, hĩ thooꞌthiok ꞌcĩg aaꞌnyeet ngaaoni.

ꞌGalaaꞌthia 5:19

Muhẽẽnĩt ꞌcĩ abathĩ ꞌcĩ aaꞌnyĩk eet helemit thooꞌthiok ꞌcĩg ĩĩn ꞌriiring, hĩ dtiicanĩ ꞌcĩg abathĩ.

Eevvetho 5:17

Nẽ ma haggiithennu, agaac tabiinit cĩ Makayyiookto.

Eevvetho 6:6

Ĩthĩhĩt ĩhõõggõ, hõllõngaa hĩnĩngĩtĩ haccamattoothĩk nẽẽg hatĩ ebekuung ngagiit thõng diooni, nẽẽthĩ, ĩthĩhĩt ĩhõõggõ hĩ appahacaaꞌnya cĩg Krĩstõ ꞌcĩg adĩman tabiinit cĩ Nyekuci ꞌthinneetini dĩdĩ.

Kolooꞌthe 1:9

Hĩnĩngĩtĩ thõõth icci, ngaanĩngĩtĩ baa hathĩkna naag thõõth cunuung, nga hibillia ngaatĩ halaiinnuung ngagiita. Halayya naag Nyekuc haaꞌnyuung agaac tabiinit cĩnnĩ, ꞌgẽẽnyĩtha hĩ gaiittaa cĩ Loriio.

Kolooꞌthe 3:5

Nẽẽthĩ hoti ho, ũtũngteek thooꞌthiok ꞌcĩg ĩĩn ꞌriiring ꞌcĩg abũraneek eleeti cugguung. Thooꞌthiok ꞌcĩg aattĩg hĩcĩg attihõõnĩ eeta tahatak, muhẽẽnĩt cĩ thooꞌthiok ꞌcĩg ĩĩn ꞌriiring, thõõth ꞌcĩ abũraneeku thooꞌthiok ꞌcĩg abathĩ, hode ma hainnu ngaam ngaam, aduhoo thooꞌthioha cieeg hĩ ngaatĩ alayyu nyekuꞌnya ꞌcĩg hõllõngaa ĩĩn dĩdĩ thõng.

Kolooꞌthe 4:12

Ĩꞌthaayyuung Epavarato cĩ lothippit cunuung ngagiita, ꞌcĩ ĩĩn dticciannioohit cĩ Yeesu Krĩstõ. Alayyi nẽẽ hõdõõkõthĩ gẽrrẽẽt, hĩnĩngĩtĩ ngagiita, hátĩ okomit lemiittaa cunuung nẽ ĩdĩmattu tabiinit cĩ Nyekuci jurrung.

1 Tẽꞌthaloonika 4:2

Ummuhuttooth thõõth baa hallimannuung naag ngagiit ꞌthaarĩĩ cĩg Makayyioohit Yeesu.

1 Tẽꞌthaloonika 4:4

Nẽ niig hõdẽĩ hõdẽĩ, illimanit ngaatĩ occa iꞌngoliinnu eleeti cugguung ꞌgõõlaa ꞌcĩ ẽllẽẽmĩthĩ.

1 Tẽꞌthaloonika 5:18

Ĩĩttĩk Nyekuc ĩlaallẽ hõdõõkõthĩ, hĩnĩngĩtĩ ꞌgõõl ꞌcĩ adiimmuung nẽẽ ngagiit aautti hĩ lemmiooha ho cieeni, niig eeta ꞌcĩg elemmu Yeesu Krĩstõ.

1 Tẽꞌthaloonika 5:23

Aꞌnyĩĩk Nyekuc cĩ ganõõnõ ꞌcĩ aaꞌnyeet ngagĩĩt vẽlẽk haaut lõꞌngõõc, haaꞌnyuung hĩĩtõ tẽllĩg loriẽẽta cugguung hĩ eleeti cugguung thooꞌthiohĩ vẽlẽk nẽ aaꞌnyuung ngagiit vẽlẽk aaut hiꞌthihi ꞌthẽccan umwa ũdũt, ĩꞌthõng hõbõda Makayyioohiti cĩnaac Yeesu Krĩstõ.

2 Tẽꞌthaloonika 2:13

Nẽẽthĩ, hadiimma naag hanneeka Nyekuc hõdõõkõthĩ ĩlaallẽ ꞌgotoonoga hĩ ngoonoga, hĩnĩngĩtĩ ammĩnannuung Makayyioohiti Yeesu ngagiita nẽ ẽbẽraauung Nyekuci ngagiit dtiicaa cĩ Lori ꞌcĩ Ẽllẽẽmĩthĩ hĩ ngaatĩ elemmu thõõth ꞌcĩ ĩĩn dĩdĩ.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Ebereei 10:36

Adiim emmeꞌthu thooꞌthiok, hátĩ idticanit tabiinit cĩ Nyekuci. Nẽẽthĩ hatĩ ummuddiaau thõõth baa aduha nẽẽnĩ.

Ebereei 12:16

Ma hẽlẽmaaku eet umwa ꞌcĩ adĩman thooꞌthiok ꞌcĩg ĩĩn ꞌriiring nẽ ũtũbũr Nyekuc hĩ baa Eꞌthaau, baa ũũtẽnĩ ꞌgattan cĩnnĩ cĩ ꞌtirriaattõ, hĩnĩngĩtĩ ahat ꞌcĩ baa aduk tabattĩ hõdẽẽthõng.

Ebereei 13:21

Halayyi naa haini, aꞌnyĩĩk Nyekuc haaꞌnyuung ĩthĩhĩt ĩnõõnnõ nẽ hatĩ gõõng ĩdĩmattu thooꞌthiok ꞌcĩg aũlanĩ. Aꞌnyĩĩk Yeesu heeluung ĩdĩmanit thõõth ꞌcĩ aaꞌnyĩk Nyekuc haccamanoothĩk. Aꞌnyĩĩk bulẽẽnĩt haau hĩ Yeesu Krĩstõ ooo! Aamẽn.

Ebereei 13:4

Aꞌnyĩĩk maac hĩ ngaa hũrũmtĩ ũdũt. Aallattia ũrũmtĩ ũdũt, hĩnĩngĩtĩ uuk hatĩ Nyekuci eet ꞌcĩ adĩman thooꞌthiok ꞌcĩg ĩĩn ꞌriiring ꞌthũwaana.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.

1 Pẽẽtũrũ 4:2

Ẽtẽrꞌtha thõõth ciee aĩ ũtũngteehu niig hẽlẽggĩ ꞌcĩg ĩĩdĩ ꞌthinneeti cugguung nẽ idiimtu ithiktu thõõth cĩ Nyekuci rũgẽtaa cunuung vẽlẽk.

1 Yõaannẽ 2:17

Aꞌnginoothi hatĩ lõõcĩ ciee hõdẽĩ hĩ thooꞌthiok vẽlẽk ꞌcĩg abũraneek eeta. Nẽẽthĩ, ẽẽtĩ ꞌcĩ adĩman thõõth ꞌcĩ accamana Nyekuci, arũgĩ hatĩ nẽẽ ũdũt.

Terethiinit 21:8

Haduhaakii hatĩ naa ꞌgii ꞌcĩ edeeꞌnyiak eet ꞌcĩg ĩĩn teelliak hĩ eet ꞌcĩg hõllõngaa ẽlẽmĩ thõõth caannĩ hĩ ꞌthẽccanniook hĩ eet ꞌcĩg aruk ꞌgõõnõgĩ hĩ eet ꞌcĩg adĩman thooꞌthiok ꞌcĩg ĩĩn ꞌriiring, hĩ ꞌcĩg adtican thooꞌthiok cĩg ngaritu hĩ eet ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya hĩ oloꞌngiaak vẽlẽk. Adhuhoothĩk hatĩ nẽẽg ꞌgelemit cĩ ꞌgwoo ꞌcĩ aalla ooo. Nẽẽthĩ, ĩĩn niccia daahĩth ꞌcĩ ĩĩn ꞌramma.”

Terethiinit 22:15

Ma battaala ꞌtaaũna, baa aattĩg eeta ꞌcĩg aattĩg hĩ ũthũrẽẽta ꞌcĩg adĩman thooꞌthiok ꞌcĩg ĩĩn ꞌriiring, hĩ buuyyiak hĩ ngarĩta hĩ eet ꞌcĩg adtican thooꞌthiok ꞌcĩg ĩĩn ꞌriiring, ꞌcĩg ooginni hĩ ngaaĩ ꞌcĩg eetuk tahatak, hĩ eet ꞌcĩg aruk ꞌgõõnõgĩ, hĩ ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya, hĩ eet ꞌcĩg accamana ngaatĩ õthõõthĩ õlõng ooo haaga nẽ otongomit ꞌgõõnõgĩ.