1 Tẽꞌthaloonika 4:17 - ꞌBuuk cĩ Thõõth cĩ Nyekuci

¹⁷ Nẽẽthĩ hatĩ naag eeta ꞌcĩg nga harũgĩ kõr niccia, hũrũmtoothĩk hĩ eet ꞌcĩg arũgna ho nẽ hõõt hommottio hĩ Makayyioohit diitha hẽẽtahujjieen. Nẽẽthĩ hatĩ kõr niccia, hõõt hũrũmtĩ naag hĩ Makayyioohit ooo.

1 Tẽꞌthaloonika 4:17 ပူးပေါင်းရင်းမြစ်များ

Maatteeo 26:64

Ẽdẽcĩ Yeesu aĩ, “Eei, aaĩ hĩcĩ aduha nii ho. Nẽẽthĩ, haduhaakuung ngagiit vẽlẽk, horumwa acinnu hatĩ niig Ngeertĩ Eeto iccioloongan attiaa cobbi ĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Maarko 14:62

Ẽdẽcĩ Yeesu anneek, “Eei, acinnu hatĩ niig Ngeertĩ Eeto ngaatĩ iccioloonganĩ attiaa cobbi ĩĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Yõaannẽ 12:26

Ẽẽtĩ ꞌcĩ adticanoothĩkaa nganĩĩta, aꞌnyĩĩk hũnũa nganĩĩta nẽ nĩngĩtĩ haayyi naana, aaĩ hatĩ dticciannioohiti caannĩ buúk nĩngaata. Abuluth hatĩ Baaba eet ꞌcĩ adticanoothĩkaa nganĩĩta.

Yõaannẽ 14:3

Nẽ má hũũk hũkũmaneeha nĩngĩtĩ cunuung ko, hõbõda hatĩ nẽ hikia huukuung hõõt hũrũmtĩ hõdẽĩ nẽ aauttu niig buúk ngaatĩ haayyi naana.

Yõaannẽ 17:24

“Baaba, hadiimi naa eet vẽlẽk baag aaꞌnyaa nii hũrũmteea hĩ nganĩĩt ngaatĩ haayyi naana, hátĩ hĩcĩnĩt nẽẽg bulẽẽnĩt caannĩ, bulẽẽnĩt baa aaꞌnyaa nii nganĩĩta, hĩnĩngĩtĩ ammĩnannaa nii nganĩĩt baa nga heteheꞌnyiaa lõõcĩ.

Dtiicanĩ cĩg ꞌThooyyiahu 1:9

Ma baa uduha Yeesu thõõth icci ẽlẽk, õdõngĩ nẽẽ ũũk hẽẽtahujjieen acĩn ꞌthooyyiaha vẽlẽk, nĩngĩtĩ ammanyaniini nẽẽ diithatõõ.

Dtiicanĩ cĩg ꞌThooyyiahu 8:39

Ma baa iꞌngothia nẽẽg maamĩ battaala, ikia ammanyanõõĩ Lorii cĩ Makayyiookto Pilippo noho matadaꞌnyak, hiittiõõ hõllõngaa adtuuha ꞌgaalacĩ tarĩ, nẽẽthĩ, baa accamanoothĩk ꞌgaalacĩ gẽrrẽẽt, nĩngĩtĩ õkõõĩ ꞌgõõla cĩnnĩ.

1 Korinthia 15:52

Edeeꞌnyiaa hatĩ thõõth ciee hĩdĩĩkoothong, hĩllõõan ꞌgii gõõng adtuuha hẽbẽrẽẽcĩ hataman. Hĩnĩngĩtĩ adtaki hatĩ nyeeppuu ꞌcĩ adtuurna nẽ ũrũgta eeta vẽlẽk ꞌcĩg adaahito. Nẽ thĩ hatĩ hutuhuyyi naag vẽlẽk hiittiõõ hõllõngaa hadaahĩ tarĩ ũdũt.

2 Korinthia 5:8

Haaut hokomit, hĩnĩngĩtĩ mẽẽn ngaatĩ hadaaknĩ loota nĩnga nẽ hõõt õlõ hẽẽtahujjieen hũrũmtĩ hĩ Makayyioohit.

Pilippi 1:23

Ẽꞌngẽrra nganĩĩt thooꞌthioha ꞌcĩg ĩĩn ꞌramma ho hõrggẽẽna. Habũraneehi ngaatĩ hammũdõõthĩkĩĩ Krĩstõ, thõõth ꞌcĩ occa abũnnaa gẽrrẽẽt hĩ nganĩĩt niccia.

1 Tẽꞌthaloonika 3:13

Halayyi naa haini, aꞌnyĩĩk ꞌthinneeti cugguung hokomit, hátĩ hĩĩtõ tẽllĩg muumaa cĩ Nyekuc Baangeet cĩnaac, kõr ꞌcĩ hatĩ akuuni Makayyioohiti cĩnaac Yeesu Krĩstõ, hĩ eet cĩgĩnnĩg vẽlẽk ꞌcĩg ẽllẽẽmĩthĩ.

1 Tẽꞌthaloonika 4:15

Hĩcĩ aduha thõõth cĩ Makayyiookto, haduhaakuung naag ngagiit hanneekuung, naag ꞌcĩg nga harũgĩ ĩꞌthõng kõr ꞌcĩ õbõdaanĩ Makayyioohiti ho, aitiõõ hatĩ hõllõngaa huwwattẽẽkĩ ꞌgoonogeet baag adaahito ẽlẽk.

1 Tẽꞌthaloonika 4:18

Nẽẽthĩ, ũkũtanit ꞌgoonogu thooꞌthiohĩĩ cĩg.

1 Tẽꞌthaloonika 5:10

Baa adaahĩ nẽẽ, hĩnĩngĩtĩ ngagĩĩta, hátĩ hõõt hũrũmtĩ hĩ ĩnõõnnõ ũdũt, tananga nga harũgĩ hode hadaahito ẽlẽk.

2 Pẽẽtũrũ 3:13

Nẽẽthĩ, hẽrẽ naag hẽẽtkujjieen hĩ looc ꞌcĩ ĩĩn ngeju, baa aduha Nyekuci, looc ꞌcĩ abbĩꞌthĩĩ bũnnai cĩ Nyekuci.

Terethiinit 1:7

Ĩcĩnĩt da ꞌyioko! Õõkõra nẽẽ hĩ diith hẽẽtahujjieen, acĩn hatĩ eeta vẽlẽk ĩnõõnnõ, nẽ ꞌthẽk adtuuha hatĩ eeta baag acuhan ĩnõõnnõ buúk. Alu hatĩ eeta vẽlẽk loota nĩnga ĩnõõnnõ. Dĩdĩ, aaĩ hatĩ thõõth cieeni! Aamẽn.

Terethiinit 11:12

Ma ho, ĩthĩhĩt põrõvẽtaaꞌnya ꞌcĩg ĩĩn hẽbẽrĩ baag ĩĩn ꞌramma ho, molook cobbi ꞌcĩ aku hẽẽtahujjieen ꞌcĩ aĩ, “Iita lokora ngaati.” Ma baa õdõng diith ĩhõõggõ õkõõĩ hẽẽtahujjieen ko, ẽbẽk hinnia mĩrõha cĩggĩĩng ko noho.

Terethiinit 12:5

Ma nĩngaata, ũtũhũa ngaa nicciee loholeec ꞌcĩ maacĩ ꞌcĩ occa aku aggam loonyin vẽlẽk hĩbahĩtaa ꞌcĩ ĩĩn ꞌthiihit makaaꞌthĩtaa cĩ habuuo. Ma ho, ikia uvvucan aajĩlõ loholeec nẽ ũũhĩ hĩ Nyekuc nẽ ũũk aarĩk dtaabawaa cĩnnĩ.