1 Tẽꞌthaloonika 4:16 - ꞌBuuk cĩ Thõõth cĩ Nyekuci

¹⁶ Alluuccia hatĩ Makayyioohiti hẽẽtahujjieen ẽggẽrꞌnya moloohaa cobbi nẽ ẽggẽrꞌnya mõlõõhĩ cĩ habu cĩ aajĩleetu, hĩ molook cĩ tũũrĩ ꞌcĩ avvẽẽnĩ Nyekuci. Ma nĩngaata, arũgna hatĩ eeta baag adaahĩ lemiittaa cĩ Krĩstõ, ĩĩcĩ oou.

1 Tẽꞌthaloonika 4:16 ပူးပေါင်းရင်းမြစ်များ

Luugithõõ 19:16

Ma baa loohoth cĩ kõr ꞌcĩ ĩĩn iyyio, ikia ammad lõõcĩ nẽ ĩccaaõ habath dtẽc nẽ edeeꞌnyia loduruui muura hujjieen nẽ ẽggẽrẽny tũũrĩ hĩdĩĩtĩ lõõcĩ pĩd. Nĩngĩtĩ abarti eeta tuggẽẽtĩ tõõ habath lõõcĩ dtẽc.

Luugithõõ 20:18

Ma baa adtuuha eeta madĩĩth nẽ ĩthĩhĩt ꞌgerenyi cĩ tammwo nẽ ĩthĩhĩt tũũrĩ nẽ tarĩ udtuukta bũrrẽt muura hujjieen ko, iita abarritit nẽẽg tẽẽlꞌthĩta, nĩngĩtĩ abĩllaanĩ ꞌrẽẽna,

Maatteeo 16:27

Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.

Maatteeo 16:28

Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ngaati, ꞌcĩg hatĩ hõllõngaa adaahĩ nga hĩcĩnĩt Ngeertĩ Eeto, ngaatĩ alluuccianĩ habuccieetaa cĩnnĩ.”

Maatteeo 25:31

“Nẽ kõr ꞌcĩ hatĩ akuuni Ngeertĩ Eeto bulẽẽttaa cĩnnĩ hĩ aajĩlẽẽt cĩgĩnnĩg vẽlẽk, iccioloongan hatĩ nẽẽ dtaabawaa cobbi bulẽẽttaa cĩ hẽẽtkujjieen.

Maatteeo 26:64

Ẽdẽcĩ Yeesu aĩ, “Eei, aaĩ hĩcĩ aduha nii ho. Nẽẽthĩ, haduhaakuung ngagiit vẽlẽk, horumwa acinnu hatĩ niig Ngeertĩ Eeto iccioloongan attiaa cobbi ĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Dtiicanĩ cĩg ꞌThooyyiahu 1:11

Ma nĩngaata ijinit ꞌthooyyiak ĩĩttĩk, “Niig eeta cĩg ꞌGalileea, abillu nĩnga nẽ ĩcĩttoothu hẽẽtkujjieen inni? Yeesu ꞌcĩ acinnu niig odongi õkõ hẽẽtahujjieen ko, õbõda hatĩ ꞌgõõlaa nĩĩcĩ dioo ĩĩcĩ acinnu ꞌyioko niig odongiini õkõõĩ hẽẽtahujjieen ko.”

1 Korinthia 15:18

Nẽ eeta baag adaahito lemiittaa cĩ Krĩstõ buúk, iꞌngittõõthĩ.

1 Korinthia 15:20

Nẽẽthĩ dĩdĩ, baa ũrũga Krĩstõ daahĩtha! Nẽ aaꞌnyeet ngagĩĩt hagaac, ngaatĩ hatĩ arũgnaanĩ eeta ũgẽẽgĩ buúk daahĩtha.

1 Korinthia 15:23

Nẽẽthĩ, occa hẽrẽẽa naag vẽlẽk hõdẽĩ hõdẽĩ kõr cĩnaac. Baa nõõ arũgtha Nyekuci Krĩstõ ĩĩcĩ oou daahĩtha nẽ arũgthaa hatĩ eeta cĩgĩnnĩg buúk daahĩtha hatĩ õbõda nẽẽnĩ.

1 Tẽꞌthaloonika 1:10

Nẽ athithan tarĩ eeta ꞌgõõl ꞌcĩ ereeyyu niig Ngeertĩ Nyekuci, ꞌcĩ hatĩ aku hẽẽtahujjieen, baa arũgtha Nyekuci daahĩtha, ĩnõõnnõ Yeesu ꞌcĩ hatĩ aku ẽẽlanneet ngagĩĩt lĩĩlĩẽẽttaa cĩ Nyekuci, kõr ꞌcĩ hatĩ aku ẽttẽẽdĩ nẽẽ thooꞌthiok cĩg eetuk, hatĩ kõr ꞌcĩ decciaanĩt cĩ lootu.

1 Tẽꞌthaloonika 3:11

Nẽẽthĩ ꞌyioko, aꞌnyĩĩk nuun Nyekuc Baangeet cĩnaac hĩ Makayyioohit Yeesu Krĩstõ, hubbuktĩheet ꞌgõõl ꞌcĩ haau hacinnuung ngagiit hĩdĩĩkoothong.

2 Tẽꞌthaloonika 1:7

nẽẽthĩ, õõgannuung hatĩ nẽẽ ngagiit ꞌcannaanaa cunuung. Nẽ õõganneet hatĩ ngagĩĩt buúk, hatĩ õbõda Makayyioohiti Yeesu hẽẽtahujjieen, ookorria hĩ aajĩlẽẽt cĩgĩnnĩg ꞌcĩg attiranĩ,

2 Tẽꞌthaloonika 2:1

Nẽẽthĩ ꞌyioko, ꞌgotoonoga hĩ ngoonoga, hummuddia da jurrung ꞌgõõl ꞌcĩ hatĩ õbõdaanĩ Makayyioohiti cĩnaac Yeesu Krĩstõ, hĩ ꞌgõõl ꞌcĩ hatĩ halũttiaanĩ naag hõõt hommottio hĩ ĩnõõnnõ. Nẽ hanneekuung naag ngagiit nẽẽ,

2 Pẽẽtũrũ 3:10

Anĩhaakeet hatĩ kõrra cĩ Makayyiookto hĩ igorriaahiti. Aꞌnginoothi hatĩ hẽtkujjieen moloohaa cobbi nẽ hatĩ õbõ ꞌgwaa loonyin vẽlẽk. Nẽẽthĩ hatĩ ũtũũthĩ lõõcĩ hĩ hẽlẽggĩ vẽlẽk ꞌcĩg aattĩg loota.

ꞌJuud 1:9

Tananga Mikaĩlẽ habuui cĩ aajĩleetu buúk, baa hõllõngaa ũũlũ ngaatĩ õdõõmĩ habu cĩ loriẽẽt ꞌcĩg abathĩ baa ẽppẽhanõõnĩ nẽẽg ꞌrammaattĩg ẽlẽ cĩ Mũũꞌtha. Thõõth vẽlẽk ꞌcĩ baa õthõõth Mikaĩlẽ dioo ꞌcĩ aĩ, “Uuki hatĩ nganiit Makayyioohiti!”

Terethiinit 1:10

Ma baa kõr ꞌcĩ halaiinna naag lemmiooha, ikia aggama Lorii ꞌcĩ Ẽllẽẽmĩth nganĩĩt nẽ hĩthĩha molook cobbi ꞌcĩ ẽggẽrẽny ĩĩcĩ bahuc caannĩ haau hĩ mõlõõhĩ cĩ tũũrĩõ.

Terethiinit 1:7

Ĩcĩnĩt da ꞌyioko! Õõkõra nẽẽ hĩ diith hẽẽtahujjieen, acĩn hatĩ eeta vẽlẽk ĩnõõnnõ, nẽ ꞌthẽk adtuuha hatĩ eeta baag acuhan ĩnõõnnõ buúk. Alu hatĩ eeta vẽlẽk loota nĩnga ĩnõõnnõ. Dĩdĩ, aaĩ hatĩ thõõth cieeni! Aamẽn.

Terethiinit 14:13

Nĩngĩtĩ hathĩknĩ molook cĩ aku hẽẽtahujjieen aĩ, “Tẽhẽẽd thõõth icci loota. Iꞌthianaanĩ kõr nicci, aggatan hatĩ Makayyioohiti eet ꞌcĩg adaahĩ, hĩnĩngĩtĩ ẽlẽmĩ nẽẽg ĩnõõnnõ.” Ẽdẽcĩ Lorii ꞌcĩ Ẽllẽẽmĩthĩ aĩ, “Eei, ammũda hatĩ nẽẽg ꞌyiomman dtiicaa cĩnĩĩng õkõmĩ ho nẽ tarĩ, hatĩ aaꞌnyĩhoothĩk ĩhõõggõ ꞌbaaniniti ꞌcĩ adũman dtiic cĩnĩĩng.”

Terethiinit 8:13

Ma ho, hĩcĩna ꞌthuuti umwa ꞌcĩ alilliaan hẽẽtahujjieen ẽggẽrẽny gẽrrẽẽt aĩ, “Pĩĩrnanĩt, pĩĩrnanĩt, pĩĩrnanĩt cobbi gẽrrẽẽt hĩ eet cĩg looc nicci, hatĩ adtahit aajĩlẽẽta ꞌcĩg ĩĩn iyyio ꞌcĩg adtuurna tũũrẽn cĩggĩĩng.”

Terethiinit 8:2

Nẽ hĩcĩna aajĩlẽẽt ꞌcĩg ĩĩn tũkĩramma abĩlĩ muumaa cĩ Nyekuci ho, ngaatĩ aaꞌnyĩhõõthĩkĩ tũũrẽna hõdẽĩ hõdẽĩ.