1 Tẽꞌthaloonika 4:15 - ꞌBuuk cĩ Thõõth cĩ Nyekuci

¹⁵ Hĩcĩ aduha thõõth cĩ Makayyiookto, haduhaakuung naag ngagiit hanneekuung, naag ꞌcĩg nga harũgĩ ĩꞌthõng kõr ꞌcĩ õbõdaanĩ Makayyioohiti ho, aitiõõ hatĩ hõllõngaa huwwattẽẽkĩ ꞌgoonogeet baag adaahito ẽlẽk.

1 Tẽꞌthaloonika 4:15 ပူးပေါင်းရင်းမြစ်များ

Maatteeo 17:25

Ẽdẽcĩ Pẽẽtũrũ anneek, “Eei, adũmanĩ.” Ma baa õdõlan Pẽẽtũrũ ꞌcieetõõ, iꞌthianaaĩ Yeesu ijin ĩnõõnnõ ĩĩnnĩk, “Ammuhi nii hutuno ꞌThimõõnẽ? Alũta habuẽẽta cĩg lootu occoro hĩ lõhõlĩ cĩggĩĩng hode hĩ eet ũgĩ?”

1 Korinthia 15:18

Nẽ eeta baag adaahito lemiittaa cĩ Krĩstõ buúk, iꞌngittõõthĩ.

2 Korinthia 12:1

Occa ꞌthẽk hirriani naa thõng, nẽẽthĩ, aitiõõ hinnia ꞌgii ꞌcĩ hammũda naa hĩ ꞌrianĩĩth tõõ. Nẽẽthĩ, occa hirrianĩ naa honoothi hĩ hẽlẽggĩ ũgĩ ꞌcĩg eterꞌtheeka Makayyioohiti nganĩĩta.

2 Korinthia 4:14

hĩnĩngĩtĩ haga naag haĩ, baa arũgtha Nyekuci Makayyioohit Yeesu daahĩtha. Arũgthanneet hatĩ Nyekuci ngagĩĩt buúk hĩ ngagiit daahĩtha, hĩ baa arũgtha nẽẽ Yeesu. Nẽ aꞌnyahaanneet hatĩ nẽẽ ngagĩĩt ngaatĩ aayyi nẽẽnĩ, hũrũmtĩ hõdẽĩ hĩ ĩnõõnnõ.

ꞌGalaaꞌthia 1:12

Baa hõllõngaa hammũda naa nyeemuut icci hĩ eet umwa haaga, baa eterꞌtheeka nganĩĩt Yeesu Krĩstõ Nyeemuut icci.

1 Tẽꞌthaloonika 2:19

Ma uppwaanna Makayyioohiti Yeesu, ngagiit hatĩ dioo ꞌcĩg aaꞌnyeetu ngagĩĩt muhẽẽnĩt ꞌcĩ abũnnaa hĩ taliinit nẽ aauttu hĩ bulẽẽnĩtĩ cĩnaang.

1 Tẽꞌthaloonika 4:13

ꞌGotoonoga hĩ ngoonoga, aitiõõ hõllõngaa hadiimmuung naag ngagiit ĩĩtõ eet ꞌcĩg hõllõngaa agayyu thõõth cĩ ꞌgoonogu baag adaahito ẽlẽk, hátĩ hiittiõõ hõllõngaa arruennu gẽrrẽẽt, hĩ eeta ꞌcĩg hõllõngaa aꞌnyak muhẽẽnĩt.

1 Tẽꞌthaloonika 5:10

Baa adaahĩ nẽẽ, hĩnĩngĩtĩ ngagĩĩta, hátĩ hõõt hũrũmtĩ hĩ ĩnõõnnõ ũdũt, tananga nga harũgĩ hode hadaahito ẽlẽk.

2 Tẽꞌthaloonika 2:1

Nẽẽthĩ ꞌyioko, ꞌgotoonoga hĩ ngoonoga, hummuddia da jurrung ꞌgõõl ꞌcĩ hatĩ õbõdaanĩ Makayyioohiti cĩnaac Yeesu Krĩstõ, hĩ ꞌgõõl ꞌcĩ hatĩ halũttiaanĩ naag hõõt hommottio hĩ ĩnõõnnõ. Nẽ hanneekuung naag ngagiit nẽẽ,