1 Tẽꞌthaloonika 4:13 - ꞌBuuk cĩ Thõõth cĩ Nyekuci

¹³ ꞌGotoonoga hĩ ngoonoga, aitiõõ hõllõngaa hadiimmuung naag ngagiit ĩĩtõ eet ꞌcĩg hõllõngaa agayyu thõõth cĩ ꞌgoonogu baag adaahito ẽlẽk, hátĩ hiittiõõ hõllõngaa arruennu gẽrrẽẽt, hĩ eeta ꞌcĩg hõllõngaa aꞌnyak muhẽẽnĩt.

1 Tẽꞌthaloonika 4:13 ပူးပေါင်းရင်းမြစ်များ

ꞌThianaattõ 37:35

Au lohollia cĩgĩnnĩg aĩ hiita hamammaayatta ĩnõõnnõ, abũrĩ pad. Aĩ hinnia, “Halu loholeec caannĩ ĩꞌthõng hadaoothĩk ꞌlook tilaalõnĩ noho.”

Maatteeo 27:52

Nĩngĩtĩ abbuuhẽnĩ ꞌlõõhĩta nẽ ũrũgta eleeti cĩg eet cĩg Nyekuci baag adaahito.

Yõaannẽ 11:24

Ẽdẽcĩ Maarta aĩ, “Dĩdĩ, arũgna hatĩ Laaꞌtharõ tarĩ hatĩ ũrũgta eeta vẽlẽk, kõr cĩ decciaanĩt cĩ lootu.”

Dtiicanĩ cĩg ꞌThooyyiahu 13:36

“Baa nga arũgĩ Daavide, baa athĩhĩ nẽẽ Nyekuc. Ma baa adaaha, ikia adaĩ biyyiẽẽnĩĩ cĩg halang cĩnĩĩng nẽ õtõngõl ẽlẽ cĩnnẽẽnĩ.

Dtiicanĩ cĩg ꞌThooyyiahu 7:60

Nĩngĩtĩ akannĩ huruꞌnyia nẽ urruuo ĩĩ, “Makayyioohit, ma haaꞌnyihi ĩhõõggõ heteheelito ꞌthẽccan icci.” Baa aduha nẽẽ thõõth icci noho, nĩngĩtĩ adaaknĩ.

Dtiicanĩ cĩg ꞌThooyyiahu 8:2

Ma ho, iita adaacõ nuyyiooha cĩg Makayyiooktak Tẽẽvẽnõ nẽ utullẽẽcõ ĩnõõnnõ gẽrrẽẽt.

ꞌRooma 1:13

ꞌGotoonoga hĩ ngoonoga, hõllõngaa hadiimmuung naa ngagiit herehuung ngaatĩ hammuhi naa tabattĩ mẽẽlĩg hikia hicinuung ngagiita, nẽẽthĩ hinnia, hũlũhoothĩha hĩĩ noho, hátĩ hũlũllũũmana eet hõrggẽẽnaa cunuung helemit Nyekuc, hĩ baa hadĩmani eetinii ꞌcĩg hõllõngaa ĩĩn ꞌJudeei.

1 Korinthia 10:1

ꞌGotoonoga hĩ ngoonoga, hõllõngaa hadiimmuung naa ngagiit herehuung thõõth baa hĩbaangĩ cĩggaac, baag baangaani horrwaa ꞌcĩ õdõhõhĩĩ kak. Baa ẽtẽrẽth ĩhõõggõ vẽlẽk diith ꞌcĩ uwwattẽẽkĩ ĩhõõggõ nẽ abaaktĩ nẽẽg bũlũc ẽdẽcĩ ꞌgõõl ꞌcĩ õdõhõhĩĩ.

1 Korinthia 12:1

Nẽẽthĩ ꞌyioko, ꞌgotoonoga hĩ ngoonoga, thõõth ꞌcĩ ajinnaangu niig nganĩĩt ꞌbaaninit cĩ Lori ꞌcĩ Ẽllẽẽmĩth ko, hõllõngaa hadiimmuung naa ngagiit herehuung thõõth cieeni.

1 Korinthia 15:6

Ma urutaa cĩ, ikia uppwaannak lemmiook ꞌcĩg ĩllõõan ꞌmiiaꞌnya ꞌtur (500) tabattĩ hõdẽẽthõng. Baa nga arũgĩ eeta ꞌcĩg mẽẽlẽẽgĩ, nẽẽthĩ, baa adaahito ũgẽẽgĩ.

2 Korinthia 1:8

Niig ꞌgotoonoga hĩ ngoonoga, hadiimmuung naag ngagiit agaac pĩĩrnanĩt baa happĩĩrnanna naag looccaa cĩ Aaꞌthia. Baa haꞌnyaka naag pĩĩrnanĩt ꞌcĩ maka gẽrrẽẽt ꞌcĩ ĩllõõan ꞌtirrian cĩnaang nẽ hiita hummukta hiita, hadaakta hatĩnĩ.

Eevvetho 2:12

Baa nohota, baa erekuung ngagiit Krĩstõ. Baa iiginnu eet cĩg looc cĩrrĩĩng looccaa cĩ Ĩꞌthĩraẽlĩ nẽ hõllõngaa othollu lõhõt baa adak Nyekuci hĩ ĩhõõggõ. Baa aattiyyu niig loota nĩnga, baa aitiõõ Nyekuci hĩ ngagiit tõõ nẽ iittiõõ muhẽẽnĩtĩ ꞌcĩ abũnnaa buúk tõõ.

Eevvetho 2:3

Baa gõõng haattĩg naag vẽlẽk noho, ngaatĩ hanũĩ hẽlẽggĩ ꞌcĩg abũraneek eleeti cĩggaac. Nẽ hĩnĩngĩtĩ thooꞌthiok baag hadĩman naaga, ikia ĩlĩĩlĩeeheet Nyekuci ngagĩĩt haau hĩcĩ alĩĩllĩk eet vẽlẽk.

1 Tẽꞌthaloonika 4:14

Hẽlẽmĩ naag haĩ, baa adaak Yeesu nẽ ũrũga tarĩ nẽ tarĩ hẽlẽmĩ haĩ, ma hatĩ õbõdaaĩ Nyekuci Yeesu tarĩ, õõkõra hatĩ nẽẽ hĩ eet baag ẽlẽmĩ ĩnõõnnõ baa nga hadaahito nẽẽgĩ.

1 Tẽꞌthaloonika 4:15

Hĩcĩ aduha thõõth cĩ Makayyiookto, haduhaakuung naag ngagiit hanneekuung, naag ꞌcĩg nga harũgĩ ĩꞌthõng kõr ꞌcĩ õbõdaanĩ Makayyioohiti ho, aitiõõ hatĩ hõllõngaa huwwattẽẽkĩ ꞌgoonogeet baag adaahito ẽlẽk.

1 Tẽꞌthaloonika 5:10

Baa adaahĩ nẽẽ, hĩnĩngĩtĩ ngagĩĩta, hátĩ hõõt hũrũmtĩ hĩ ĩnõõnnõ ũdũt, tananga nga harũgĩ hode hadaahito ẽlẽk.

1 Tẽꞌthaloonika 5:6

Nẽẽthĩ hoti ho, occa hõllõngaa hattumanni naag hoogin hĩ eeta ꞌcĩg oogin ko, hĩcĩttĩ nẽ haauto dĩkĩĩm huꞌthuutti eleeti.

2 Pẽẽtũrũ 3:4

Õthõõth hatĩ nẽẽg aĩ, “Aau thõõth baa aĩ, õbõda hatĩ Yeesu tarĩ hutuno? Nganĩngĩtĩ adaaknĩ hĩbaangĩ, aalla ꞌgii vẽlẽk nganĩngĩtĩ ẽhẽnytaanĩ Nyekuci looc.”

2 Pẽẽtũrũ 3:8

Nẽẽthĩ, ꞌgotoonoga hĩ ngoonoga, ma hataarroꞌthu thõõth icci. Hĩ Makayyioohit, aduhõõ kõrra hõdẽẽthõng hĩ irkiꞌnyia aalib hõdẽĩ thõng nẽ irkiꞌnyia aalib hõdẽĩ, aduhõõ hĩ kõr hõdẽẽthõng thõng.