1 Tẽꞌthaloonika 4:12 - ꞌBuuk cĩ Thõõth cĩ Nyekuci

¹² Nẽẽthĩ hatĩ ꞌgõõlaa cĩ, au hatĩ iꞌngoliinnuung eeta cĩg battaalu ꞌcĩg nga hagaacõ thõõth cĩ Makayyiookto nẽ hatĩ iittiõõ hõllõngaa alihinnu ꞌgiimwa hĩ eet umwa tarĩ.

1 Tẽꞌthaloonika 4:12 ပူးပေါင်းရင်းမြစ်များ

Maarko 4:11

Ẽdẽcĩ Yeesu ĩhõõggõ anneek, “Baa aaꞌnyĩhoothĩhuung ngagiit thõõth ꞌcĩ ammiꞌthi cĩ habuccieet cĩ Nyekuci. Nẽ haduhaahi naa eet ꞌcĩg battaalu thooꞌthiok ꞌcĩg awantoothĩk,

ꞌRooma 12:17

Ma haruhaannu oolo hĩ eet ꞌcĩ adĩmannuung ngagiit ꞌbuth. Nẽ ĩdĩmanit thooꞌthiok ꞌcĩg ammuk eeta vẽlẽk aĩ abũnnaa.

ꞌRooma 13:13

Ĩdĩmanit thooꞌthiok ꞌcĩg abũnnaa ꞌcĩg accamana Nyekuci, ma hookoroonnu hĩ eet ꞌcĩg abathĩ, hode aduunnu thõng, ma hattihoonnu tahatak, hode eggerꞌnyoonnu hode ma hiinannu hẽlẽggĩ cĩg eetuk.

Eevvetho 4:28

Ẽẽtĩ ꞌcĩ baa gõõng ĩgõrꞌthĩ, aꞌnyĩĩk hũtũngeek ĩgõr, adiim ꞌthẽk adtican ẽẽtĩ dtiic ꞌcĩ occa ẽẽl ĩnõõnnõ athĩnĩĩ cĩgĩnnĩg ẽmmẽn, hátĩ hũmmũda ꞌgii ꞌcĩ occa õthõl hĩ pĩĩrnatttiaak.

Pilippi 4:8

Nẽẽthĩ ꞌyioko, ꞌgotoonoga hĩ ngoonoga, thõõthaa ꞌcĩ adtuurna, ummuhit thooꞌthiok ꞌcĩg ĩĩn dĩdĩ hĩ thooꞌthiok ꞌcĩg hiꞌngolli hĩ thooꞌthiok ꞌcĩg aũlanĩ, hĩ thooꞌthiok ꞌcĩg tẽllĩg hĩ thooꞌthiok cĩg occa hammĩnanĩ hĩ thooꞌthiok ꞌcĩg accamana ꞌthinneeti. Ummuhit thooꞌthiok ꞌcĩg ẽllẽẽmĩth gẽrrẽẽt ꞌcĩg occa hadĩhĩthĩ.

Kolooꞌthe 4:5

Aaut jurrung hatĩ arũmeennu hĩ eet ꞌcĩg hõllõngaa ĩĩn lemmiook, illimatteek ĩhõõggõ nyeemuut cĩ Nyekuci hatĩ ammũdaannu ꞌgõõl ꞌcĩ arũmeennu hĩ ĩhõõggõ.

1 Tẽꞌthaloonika 5:22

Ũtũbũrĩt thooꞌthiok vẽlẽk ꞌcĩg abathĩ.

1 Timotteeo 3:7

Abũnnaa ĩĩn eet ꞌcĩ accamana eeta vẽlẽk dĩdĩ, hátĩ hiittiõõ hõllõngaa aꞌnyak ꞌthaar ꞌcĩg abathĩ nẽ udhuhoothĩk thooꞌthiok ꞌcĩg abathĩ cĩg habu cĩ loriẽẽt ꞌcĩg abathĩ.

1 Pẽẽtũrũ 2:12

Aaut jurrung hatĩ arũmeennu hĩ eet ꞌcĩg nga helemit Nyekuc, tananga õhõppõõcannuung nẽẽg ngagiit thooꞌthiohĩĩ ꞌcĩg abathĩ. Ma hatĩ kõr ꞌcĩ ẽttẽẽdĩ Nyekuci thooꞌthiok, adĩhĩth hatĩ nẽẽg Nyekuc ngaatĩ aduhaanĩ thooꞌthiok ꞌcĩg abũnnaa ꞌcĩg baag acĩn adĩmani niina.

1 Pẽẽtũrũ 3:1

Nẽẽthĩ, má ĩĩnĩ ngaa cĩ eeto, adiim athihi thõõth cĩ maac cunni. Tananga abũrĩ nẽẽ nyeemuut cĩnaang, aaꞌnyihi hatĩ nii ĩnõõnnõ hikia hĩĩ lemmioohit ꞌgõõlaa ꞌcĩ adĩmanĩĩ thooꞌthiok ꞌcĩg abũnnaa. Iittiõõ hatĩ eet umwaa ꞌcĩ occa aduhaak ĩnõõnnõ thõõth ꞌcĩ aku ĩĩnnĩ nẽẽ Lemmioohit tõõ,