1 Tẽꞌthaloonika 4:11 - ꞌBuuk cĩ Thõõth cĩ Nyekuci

¹¹ Emmeeꞌthik aaut lõꞌngõõc olooyyiohĩ, uꞌthuutti autheꞌnya cugguung nẽ idticattõ athĩnĩĩ cugguung gẽrrẽẽt, hĩ baa haduhaakuung naaga.

1 Tẽꞌthaloonika 4:11 ပူးပေါင်းရင်းမြစ်များ

Maarko 13:34

Aaĩ hatĩ kõrra niccia hĩ ẽẽtĩ ꞌcĩ õkõ hẽẽrõna, ꞌcĩ ũũnnĩk dticcianniook cĩgĩnnĩg hebehit õlõ nẽ eꞌngereek ĩhõõggõ vẽlẽk dtiicanĩ hõdẽĩ hõdẽĩ nẽ uduhaak eet ꞌcĩ ẽbẽk hattũũg haau dĩkĩĩm.

Dtiicanĩ cĩg ꞌThooyyiahu 18:3

nĩngĩtĩ õkõ ammũdaanĩ ĩhõõggõ ngaatĩ ĩĩnnĩ eet ꞌcĩg ẽhẽnyta maccamẽẽta. Baa ĩĩn Paaulo buúk eet ꞌcĩ ẽhẽnyta maccamẽẽta. Nĩngĩtĩ arũmẽẽnĩ Paaulo hĩ ĩhõõggõ nẽ idticattõõ hõdẽĩ.

Dtiicanĩ cĩg ꞌThooyyiahu 20:35

Hẽlẽggẽẽnnĩ vẽlẽk ĩcĩg hadticani naana, heterethuung naa ngagiit idticattõ gẽrrẽẽt, hátĩ eelit eet ꞌcĩg appĩĩrna. Ummuhuttooth thooꞌthiok baag aduha Makayyioohiti Yeesu aĩ, ‘Aku ꞌgattanĩ ꞌcĩ maka hatĩ haaꞌnyĩk naag eet umwa eliinit, hĩllõõan ngaatĩ aaꞌnyĩhoothĩkeet ngagĩĩta.’ ”

ꞌRooma 12:11

Idticattõ gẽrrẽẽt nẽ ma hĩĩgĩnnu nyamuttiook. Ĩrrĩcatta ngaatĩ anuyyu Lori ꞌcĩ Ẽllẽẽmĩth nẽ idticattoothihu Makayyioohit.

ꞌRooma 15:20

Baa gõõng ĩĩn ꞌrianĩĩth caannĩ ꞌcĩ hirrioonĩ nyeemuut ꞌcĩ abũnnaa gẽrrẽẽt, ngaatĩ nga hagaõõĩ Krĩstõ, hátĩ hiittiõõ hõllõngaa hiꞌthianaanĩ dtiic caannĩ dtiicaa ꞌcĩ baa iꞌthianaaĩ eet umwaa ẽlẽk.

1 Korinthia 4:12

Hadticaniinna gẽrrẽẽt athĩnĩĩ cĩggaang ẽmmẽn. Má accĩĩnneet eeta, haggatanna naag thõng, má adĩmanneet eeta ꞌbuth, hẽmmẽẽꞌtha.

2 Korinthia 5:9

Tananga haaut õlõ hẽẽtahujjieen hĩ Makayyioohit hode nga harũgĩ naag loota nĩnga, nga ꞌthẽk hadiim naag Makayyioohit haccamanoothĩk.

Eevvetho 4:28

Ẽẽtĩ ꞌcĩ baa gõõng ĩgõrꞌthĩ, aꞌnyĩĩk hũtũngeek ĩgõr, adiim ꞌthẽk adtican ẽẽtĩ dtiic ꞌcĩ occa ẽẽl ĩnõõnnõ athĩnĩĩ cĩgĩnnĩg ẽmmẽn, hátĩ hũmmũda ꞌgii ꞌcĩ occa õthõl hĩ pĩĩrnatttiaak.

1 Timotteeo 2:2

Laõõĩ habuẽẽt ꞌcĩg obbitig hĩ ꞌgaala vẽlẽk, hátĩ haaut naag vẽlẽk lõꞌngõõc, ꞌgõõlaa ꞌcĩ hiꞌngoliini Nyekuc nẽ huꞌthuutti thõõth cĩnnĩ.

1 Timotteeo 5:13

Nẽ tarĩ buúk, má aaꞌnyĩhoothĩk ĩhõõggõ eliiniti, au hatĩ alatan nẽẽg nẽ õtõõcõ olooyyiohĩ tahatak nẽ hatĩ iꞌthiattaaĩ otongomit ꞌgõõnõgĩ nẽ ĩĩtõ nyamuttiook ꞌcĩg õthõõth thooꞌthiok ꞌcĩg occa hõllõngaa õthõõth buúk.

Tiito 3:14

Abũnnaa adticanni eeta cĩggaac jurrung, hátĩ haꞌnyahit hẽlẽggĩ vẽlẽk ꞌcĩg adiim nẽẽgĩ, hĩnĩngĩtĩ abathĩ ngaatĩ ĩĩnĩ nẽẽg nyamuttiook.

1 Pẽẽtũrũ 3:4

Aꞌnyĩĩk ꞌlẽẽmĩth ꞌcĩ aku ꞌthinneetinii cugguung haaꞌnyuung ngagiit aaut lõꞌngõõc nẽ iittu tarbalĩg. Ĩĩn ciee ꞌlẽẽmĩth ꞌcĩ aalla ĩꞌthõng nẽ accamana Nyekuci gẽrrẽẽt.

1 Pẽẽtũrũ 4:15

Má accananiinnu niiga, occa hõllõngaa accananiinnu hĩnĩngĩtĩ aruku eet, hode hĩnĩngĩtĩ ĩgõr, hode hĩnĩngĩtĩ ĩkõõthannu thooꞌthiok ꞌcĩg abathĩ, hode aduknoothĩku thooꞌthiok cĩg eet ũgĩ.