1 Tẽꞌthaloonika 4:1 - ꞌBuuk cĩ Thõõth cĩ Nyekuci

¹ ꞌGotoonoga hĩ ngoonoga, baa haduhaakuung naag authet ꞌcĩ abũnnaa ꞌcĩ haaꞌnyĩkĩ Nyekuc hatal dĩdĩ, hĩcĩ aattiyyu niig ꞌyioko ho. Hanneekuung ngagiit ĩdĩmanit hoti hĩllõõan ꞌthaarĩĩ cĩg Makayyioohit cĩnaac Yeesu Krĩstõ.

1 Tẽꞌthaloonika 4:1 ပူးပေါင်းရင်းမြစ်များ

Yõaannẽ 15:2

Eꞌngeddeek nẽẽ taba ꞌcĩg uwwatan ẽllaa caannĩ tuu nẽ ũkũman taba ꞌcĩg õddõngõt, hátĩ hoddongotit jurrung.

Dtiicanĩ cĩg ꞌThooyyiahu 20:27

Hĩnĩngĩtĩ nga hũtũbũr naa ngaatĩ hallimaneekuung thõõth vẽlẽk cĩ Nyekuci.

ꞌRooma 8:8

Eeta ꞌcĩg aggam ꞌthẽccanẽẽta cĩggĩĩng, hõllõngaa aaꞌnyĩk Nyekuc haccamanoothĩk.

1 Korinthia 11:23

Baa Makayyioohit ꞌcĩ aaꞌnya nganĩĩt thõõth ꞌcĩ hakuu haduhaakuung ngagiit ko. Baa attiha Makayyioohiti Yeesu ũbũnĩ baalin baa õhõppõõcaniini nẽẽnĩ,

1 Korinthia 15:1

Nẽẽthĩ ꞌyioko, ꞌgotoonoga hĩ ngoonoga, hadiimi hammuhaakuung nyeemuut ꞌcĩ abũnnaa baa hirrioonĩkuung naa ngagiit nẽ nga elemmu hĩĩ noho.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

2 Korinthia 10:1

Haini naa Paaulo ammuku niig ainnu hĩĩnĩ naa teelliahit hatĩ harũmĩ hĩ ngagiita nẽ haꞌthĩlani hatĩ hayyia ꞌrẽẽna? Halayyuung naa ngagiit dĩdĩ haini ĩthĩktõ, hĩnĩngĩtĩ baa tarbal Krĩstõ nẽ alal ꞌthĩnĩt cĩ nẽẽnĩ.

2 Korinthia 13:11

Dtuurnattaa caannĩ, ꞌgotoonoga hĩ ngoonoga, ĩlaallẽ, hũũha naana. Aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga, ĩthĩhĩt ĩlaali caannĩ, aꞌnyahit muhẽẽnĩt hõdẽẽthõng, aaut niig vẽlẽk lõꞌngõõc. Nẽ hatĩ au ganõnĩ cĩ Nyekuci hĩ mĩnnan cĩnnĩ hĩ ngagiita.

2 Korinthia 5:9

Tananga haaut õlõ hẽẽtahujjieen hĩ Makayyioohit hode nga harũgĩ naag loota nĩnga, nga ꞌthẽk hadiim naag Makayyioohit haccamanoothĩk.

2 Korinthia 6:1

Hĩcĩ hadticanni naag hõdẽĩ hĩ Nyekuci, halayyuung naag ngagiit haĩnna, idticattõõĩ bũnnai cĩ Nyekuci ꞌgõõlaa ꞌcĩ abũnnaa.

ꞌGalaaꞌthia 6:1

ꞌGotoonoga hĩ ngoonoga, má ẽꞌthẽcanõõ ẽẽtĩ umwaa hõrggẽẽnaa cunuung, oboddiaaĩ niig ꞌcĩg okomtu Loriiaa cĩ Nyekuci ho eet nicci nẽ irrioottihu haau ꞌgõõlaa ꞌcĩ abũnnaa. Ma hataarroꞌthu ngaatĩ occa ẽꞌthẽcannu niig buúk kõr umwa.

Eevvetho 4:1

Halayyuung naa ngagiit baabutheeniti cĩ Makayyiookto, aaut ꞌgõõlaa ꞌcĩ abũnnaa hĩ baa ẽbẽraauung Nyekuci ngagiit ĩĩtõ eet cĩgĩnnĩg.

Eevvetho 4:20

Nẽẽthĩ niiga, baa hõllõngaa au agayyu niig Krĩstõ ꞌgõõlaa nĩĩca.

Eevvetho 5:17

Nẽ ma haggiithennu, agaac tabiinit cĩ Makayyiookto.

Pilippi 1:27

Thooꞌthiohĩ vẽlẽk, aaut ꞌgõõlaa ꞌcĩ aꞌnyahaaku nyeemuut ꞌcĩ abũnnaa cĩ Krĩstõ bulẽẽnĩt. Tananga hẽhẽẽrõnaakuung hode aitiõõ, hathĩkna hatĩ aĩ, aꞌnyaku niig vẽlẽk muhẽẽnĩt ꞌgõõla hõdẽẽthõng. Nẽ hatĩ hagawa hĩĩna, adticaniinnu niig vẽlẽk hõdẽĩ nẽ attĩmannu gẽrrẽẽt ngaatĩ aꞌnyahaannu eet ũgĩ hiita helemit nyeemuut ꞌcĩ abũnnaa,

Pilippi 1:9

Halayyi naa, hátĩ haala hĩtĩlĩth mĩnnanĩ cunuung hũũk ĩĩcĩ oou nẽ agayyu nẽ tarĩ ĩthĩktu jurrung.

Pilippi 3:14

Havviri naa, hátĩ hẽdẽcaak iret nẽ hátĩ hũmmũda dũman ꞌcĩ avvaanna Nyekuci hũũk hẽẽtahujjieen, hĩnĩngĩtĩ ꞌgii ꞌcĩ adĩman Yeesu Krĩstõ.

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

Kolooꞌthe 2:6

Nẽẽthĩ ꞌyioko, hĩcĩ elemtu niig Yeesu Krĩstõ hĩĩ Makayyioohit cunuung ko, aallattia ũnnẽẽc ĩnõõnnõ diooni.

1 Tẽꞌthaloonika 3:12

Aꞌnyĩĩk nuun Makayyioohit, hĩttõõr mĩnnan hõrggẽẽnaa cunuung, hĩ cĩ eet vẽlẽk hĩtĩlĩth hĩĩ maka gẽrrẽẽt, haau hĩcĩ hammĩnannuung naag ngagiita.

1 Tẽꞌthaloonika 4:2

Ummuhuttooth thõõth baa hallimannuung naag ngagiit ꞌthaarĩĩ cĩg Makayyioohit Yeesu.

1 Tẽꞌthaloonika 5:12

Hõlõ, halayyuung ꞌthinneeti cugguung, itingolli makayyiook cugguung ꞌcĩg ũũhayyuung nẽ idticattõõ gẽrrẽẽt hõrggẽẽnaa cunuung nẽ illimatteehuung ngagiit thõõth cĩ Makayyioohit Yeesu ho.

2 Tẽꞌthaloonika 1:3

ꞌGotoonoga hĩ ngoonoga, hẽbẽaneeka naag hõdõõkõthĩ ngaatĩ hanneeka Nyekuc ĩlaallẽ, hĩnĩngĩtĩ ngagiita. Hĩnĩngĩtĩ alĩthĩ lemiiniti cunuung ꞌcĩ elemmu Nyekuc hĩ mĩnnan ꞌcĩ ammĩnannu niig ꞌgoonogu hõdõõkõthĩ.

2 Tẽꞌthaloonika 2:1

Nẽẽthĩ ꞌyioko, ꞌgotoonoga hĩ ngoonoga, hummuddia da jurrung ꞌgõõl ꞌcĩ hatĩ õbõdaanĩ Makayyioohiti cĩnaac Yeesu Krĩstõ, hĩ ꞌgõõl ꞌcĩ hatĩ halũttiaanĩ naag hõõt hommottio hĩ ĩnõõnnõ. Nẽ hanneekuung naag ngagiit nẽẽ,

2 Tẽꞌthaloonika 3:1

Nẽ thõõth ꞌcĩ adtuurna ꞌgotoonoga hĩ ngoonoga, alayyiooyyieetu ngagĩĩt, hátĩ hĩꞌthanothoothĩk thõõth cĩ Nyekuci looc vẽlẽk hĩdĩĩkoothong, hátĩ hĩthĩhĩt eeta thõõth cĩnnĩ haau hĩcĩ athiknu niig ko.

2 Tẽꞌthaloonika 3:13

ꞌGotoonoga hĩ ngoonoga, ma happĩĩrnannu ngaatĩ adticannu thooꞌthiok ꞌcĩg abũnnaa ũdũt.

1 Timotteeo 5:21

Haduhaaki muumaa cĩ Nyekuci hĩ ĩcĩ Yeesu Krĩstõ, hĩ aajĩlẽẽt cĩgĩnnĩg vẽlẽk baag eberriaa hanneeki, nũũ thooꞌthiok ꞌcĩg haduhaaki naa ho. Nẽ ma hahali eet thõng.

2 Timotteeo 4:1

Haduhaaki dĩdĩ muumaa cĩ Nyekuci, hĩ ĩcĩ Yeesu Krĩstõ ꞌcĩ hatĩ aku ẽttẽẽd thooꞌthiok cĩg eet ꞌcĩg adaahito, hĩ ꞌcĩg nga arũgĩ vẽlẽk, hatĩ uppwaanna Yeesu hĩ habuccieet cĩnnĩ, haaꞌnyii tilooinit icci.

Ebereei 11:6

Má hiꞌthihi lemiinit, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ. Hadiim hẽlẽmĩ naag haĩ, aaĩ Nyekuci dĩdĩ nẽ hẽlẽmĩ ngaatĩ adũmanĩ Nyekuci eet vẽlẽk ꞌcĩg adiim ĩnõõnnõ.

Ebereei 13:16

Nẽ ma hatarroꞌthu ngaatĩ eellu ꞌgoonogu nẽ othollu ijjio cugguung hĩ ĩhõõggõ. Aduhõõ thõõth ciee hĩ ngaatĩ aaꞌnyiku Nyekuc ꞌgarrieenit ꞌcĩ atalĩ nẽẽ thõng.

Ebereei 13:22

ꞌGotoonoga hĩ ngoonoga, hẽhẽẽdakuung naa ngagiit waraga ꞌcĩ huturi haaga, hátĩ hũkũtanuung ngagiita nẽ halayyuung ngagiit ĩthĩhĩt thõõth ꞌcĩ haduha naa ho jurrung.

2 Pẽẽtũrũ 3:18

Aꞌnyĩĩk bũnnai hĩ gaiinit ꞌcĩ aku hĩ Makayyioohit hĩ Ellioohit cĩnaac Yeesu Krĩstõ, heelluung ngagiit ĩtĩlĩthĩt. Ĩdĩhĩthĩt Yeesu ꞌyioko hĩ ooo! Aamẽn.

1 Yõaannẽ 3:22

Aaꞌnyeet hatĩ nẽẽ ngagĩĩt ꞌgii vẽlẽk ꞌcĩ hajin naag ĩnõõnnõ, hĩnĩngĩtĩ hathĩhĩ naag thõõth cĩnnĩ nẽ hĩdĩmanit thooꞌthiok ꞌcĩg accamana nẽẽnĩ.