1 Tẽꞌthaloonika 3:6 - ꞌBuuk cĩ Thõõth cĩ Nyekuci

⁶ Ma baa õbõda Timotteeo õdõlaneet ngagĩĩt ngaati, ikia aꞌnyahaaheet nyeemuut ꞌcĩ abũnnaa ꞌcĩ aku hĩ ngagiit ꞌcĩ aĩ, nga aꞌthuunnu niig lemiinit hĩ mĩnnan cunuung cĩ Nyekuci gẽrrẽẽt noho. Nẽ tarĩ ĩĩ, accamanoothiku gẽrrẽẽt, hatĩ ammuhaanneetu ngagĩĩt ammuku ainnu, hommottio occa! Haau hĩcĩ hammuka naag buúk ngaatĩ haĩnna, hommottio occa!

1 Tẽꞌthaloonika 3:6 ပူးပေါင်းရင်းမြစ်များ

Dtiicanĩ cĩg ꞌThooyyiahu 16:1

Ma ho, iita oboddioothĩ Paaulo hĩ ꞌThĩĩla ꞌtaaũnnioohĩ cĩg ꞌDerbe hĩ Liꞌthira, ngaatĩ baa aayyi nuyyioohiti umwaa ꞌcĩ haĩ Timotteeo. Baa ĩĩn aattĩ Timotteeo buúk nuyyioohit ꞌcĩ ĩĩn ꞌJudeeinit nẽ ĩĩ maaꞌnyia ꞌGiriheenit.

Dtiicanĩ cĩg ꞌThooyyiahu 18:1

Baa ũtũngeek Paaulo ꞌtaaũn cĩ Aathẽnĩ nẽ ũũk ꞌtaaũnaa cĩ Korinthia,

Dtiicanĩ cĩg ꞌThooyyiahu 18:5

Ma baa au ꞌThĩĩla hĩ Timotteeo looccaa cĩ Maccedoonia, ikia aala Paaulo illiman eet cĩg ꞌJudeei thõõth baa ĩĩnnĩ Yeesu Krĩstõ.

1 Korinthia 11:2

Hirriani naa hĩnĩngĩtĩ ngagiita, hĩnĩngĩtĩ ammuhaannaangu niig nganĩĩt hõdõõkõthĩ nẽ uꞌthuuttu ꞌlimman baa hallimaneekuung naana.

1 Korinthia 13:13

Nẽẽthĩ ꞌyioko, aattĩg thooꞌthioha iyyio, lemiinit hĩ muhẽẽnĩt ꞌcĩ abũnnaa hĩ mĩnnan. Nẽẽthĩ, thooꞌthiohĩĩ cĩg vẽlẽk, mĩnnan ꞌcĩ ĩllõõanĩ.

ꞌGalaaꞌthia 5:6

Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

Pilippi 1:8

Nyekuc ꞌcĩ aga dĩdĩ, ngaatĩ hadiim hakuu hacinnuung naa ngagiita. Aga nẽẽ ngaatĩ haꞌthuunnuung naa ngagiit, hĩcĩ aꞌthuunnuung Yeesu Krĩstõ ngagiita.

Kolooꞌthe 1:4

Baa hĩthĩkta naag ngaatĩ elemmu niig Yeesu Krĩstõ nẽ ĩmmĩnattu eet vẽlẽk cĩg Nyekuci,

Kolooꞌthe 4:18

Hẽhẽẽdakuung naa Paaulo ꞌthaainit icci athĩnĩĩ cĩgannĩg. Ma hataarroꞌthu thõõth ꞌcĩ hecebiini naa baabuutha ho. Aꞌnyĩĩk bũnnai cĩ Nyekuci haau hĩ ngagiita.

1 Tẽꞌthaloonika 1:3

Gõõng haduhaaka naag Nyekuc Baangeet hõdõõkõthĩ thõõth cĩ lemiinit cunuung hĩ dtiic cunuung cĩ mĩnnaanõ, ꞌcĩ ĩĩn dĩdĩ hĩ ĩnõõnnõ, hĩ ngaatĩ aꞌnyaku muhẽẽnĩt ꞌcĩ õkõmĩ hĩ Makayyioohit cĩnaac Yeesu Krĩstõ.

1 Tẽꞌthaloonika 2:17

ꞌGotoonoga hĩ ngoonoga, baa nõõ heꞌngerrio naag hĩ ngagiit hĩdĩhĩdĩĩc. Nẽẽthĩ hinnia, nga hatarrioꞌthuung naag ngagiit ꞌthinneetinii cĩggaang. Hammuka gẽrrẽẽt ꞌgõõl ꞌcĩ haau hacinnuung ngagiit tarĩ, ĩnõõ ꞌcĩ hattĩmanna gẽrrẽẽt ꞌgõõl ꞌcĩ hõbõdaanna ho.

1 Tẽꞌthaloonika 2:9

Nẽ dĩdĩ ꞌgotoonoga hĩ ngoonoga, occa nẽẽꞌthẽk ammuhooꞌthu pĩĩrnanĩt baa harayya naag dtiic ꞌcĩ õkõmĩ waathĩn hĩ baalin, hátĩ hiittiõõ hõllõngaa haꞌnyahaaka eet umwa heciinit nga hallimannuung nyeemuut ꞌcĩ abũnnaa cĩ Nyekuci.

1 Tẽꞌthaloonika 3:7

Nẽẽthĩ, ꞌgotoonoga hĩ ngoonoga, aaꞌnyeetu niig ngagĩĩt hĩĩtõ ꞌthinneeti ꞌtiee, hĩnĩngĩtĩ nga aꞌthuunnu lemiinit cunuung hĩ Nyekuc, tananga haꞌnyaka pĩĩrnanĩt cobbi hĩ ukẽẽnĩt cĩ ꞌyioko ho.

2 Tẽꞌthaloonika 1:3

ꞌGotoonoga hĩ ngoonoga, hẽbẽaneeka naag hõdõõkõthĩ ngaatĩ hanneeka Nyekuc ĩlaallẽ, hĩnĩngĩtĩ ngagiita. Hĩnĩngĩtĩ alĩthĩ lemiiniti cunuung ꞌcĩ elemmu Nyekuc hĩ mĩnnan ꞌcĩ ammĩnannu niig ꞌgoonogu hõdõõkõthĩ.

1 Timotteeo 1:5

ꞌLimman eet haꞌnyahit mĩnnan ꞌthinneetini dĩdĩ nẽ aꞌnyahit ꞌthinneeti ꞌcĩg tẽllĩg hĩ lemiinit dĩdĩ.

2 Timotteeo 1:3

Hanneehi naa Nyekuc ꞌcĩ hadticanoothihi ꞌthĩnĩtaa ꞌcĩ tẽllĩ ho ĩlaallẽ, hĩ baa anneek nyakangaaꞌnya cĩggaac ĩnõõnnõ ĩlaallẽ. Hammuhaannii naa nganiit baalin hĩ waathĩn hiriiri, hatĩ hala Nyekuc.

Vilõmẽẽnõ 1:5

Hathihi naa thõõth cĩ lemiinit cunni ꞌcĩ aꞌnyahi nii hĩnĩngĩtĩ Makayyioohit cĩnaac Yeesu, hĩ mĩnnan ꞌcĩ ammĩnanĩĩ nii eet cĩg Nyekuci vẽlẽk.

Ebereei 13:3

Ummukta ꞌgoonogu ꞌcĩg aattĩg baabuuthatõõ, haau hĩcĩ ababuuthaniinnu hĩ ĩhõõggõ hõdẽĩ. Ummuhuttooth ꞌgoonoggu ꞌcĩg ẽhẽc eeta hippiirria nẽ má uuki nẽẽgĩ, aꞌnyĩĩk haau hĩcĩ uukennu niig buúk.

Ebereei 13:7

Ummuhuttooth makayyiook cugguung baag allimaneekuung ngagiit thõõth cĩ Nyekuci. Ummuhuttooth thooꞌthiok ꞌcĩg abũnnaa baag adĩman nẽẽg rũgẽtaa cĩnĩĩng nẽ unuyyu terethiinit cĩ lemiinit cĩnĩĩng.

1 Yõaannẽ 3:23

Adiimmeet Nyekuci ngagĩĩt helemit Ngeerĩnĩ Yeesu Krĩstõ nẽ hĩmmĩnanit eleeti cĩggaac. Thõõth baa ilootĩkeet Nyekuci ngagĩĩt hĩdĩmanit cieeni.