1 Tẽꞌthaloonika 3:3 - ꞌBuuk cĩ Thõõth cĩ Nyekuci

³ Hõllõngaa hadiimma naag eet umwa hũtũngeek thõõth cĩ Nyekuci, hĩnĩngĩtĩ thooꞌthiok ꞌcĩg abathĩ baag hammũdaanna naaga. Baa agayyu niig buúk jurrung ngaatĩ hatĩ haccananiini naaga.

1 Tẽꞌthaloonika 3:3 ပူးပေါင်းရင်းမြစ်များ

ꞌLuuka 21:12

“Nẽẽthĩ, õõa ꞌcĩ nga hẽdẽẽnytaĩ hẽlẽggĩ cieegi, aggammuung hatĩ nẽẽg ngagiit nẽ õhõggõõrattuunga. Ooyyuung hatĩ lokihẽẽtĩ ꞌCieethinii cĩg Laiittak nẽ aarrihuung baabuuthnyanĩ nẽ aꞌnyaktaauung hẽbẽrẽẽnnĩĩ cĩg habueetu hĩ ꞌgaala ꞌcĩg obbitig, hĩnĩngĩtĩ ꞌthaar cĩgannĩg.

Yõaannẽ 16:2

Iiggiaeekuung hatĩ eeta ngagiit ꞌCieethaa cĩ Laiitto battaala. Nẽ dĩdĩ, aku hatĩ kõrra ꞌcĩ arukuung ẽẽtĩ umwaa ngagiita nẽ ummuk ĩĩ hadticanoothihi Nyekuc.

Yõaannẽ 16:33

Baa huduhaahuung naa thõõth icci, hátĩ aaut lõꞌngõõc, hĩnĩngĩtĩ nganĩĩta. Ammũdaannu hatĩ ꞌcannan looccaa nĩĩcĩ. Nẽẽthĩ, aanytĩk ꞌthinneeti cugguung hokomit! Hĩllõõana naa looc nicci.”

Dtiicanĩ cĩg ꞌThooyyiahu 14:22

Baa aaꞌnyĩk nẽẽg ꞌthinneeti cĩg nuyyioohu hokomit nẽ irrioottĩk ĩhõõggõ huꞌthuutti lemiinit. Nĩngĩtĩ aduhaakĩ ĩhõõggõ annẽẽkĩ, “Hippiirria ꞌthẽk nga huduhunit habuccieet cĩ Nyekuci.”

Dtiicanĩ cĩg ꞌThooyyiahu 2:25

Aduha habuui Daavide thõõth ꞌcĩ Yeesu aĩ, “ ‘Hacini naa Makayyioohit hõdõõkõthĩ muumaa caannĩ. Hĩnĩngĩtĩ aaĩ nẽẽ attiaa caannĩ ĩcobbi, nẽ aitiõõ hatĩ ꞌgii ꞌcĩ hiteelli tõõ.

Dtiicanĩ cĩg ꞌThooyyiahu 21:11

Ma nĩngaata, ittiha hadẽẽngõ cĩ Paaulo nẽ ẽcẽbĩ athĩn hĩ ꞌthõõ cĩgĩnnĩg. Nĩngĩtĩ mĩĩ anneekeet ngagĩĩt nẽẽ, “Aduha Lorii ꞌcĩ Ẽllẽẽmĩth aĩ, ‘Aattĩg hatĩ makayyiooha ũgẽẽgĩ cĩg ꞌJudeei ꞌJeruꞌthalẽma nẽ ecebit baattĩ hadẽẽngõ icci. Nẽ tarĩ, hátĩ aanytĩk ĩnõõnnõ eet ꞌcĩg hõllõngaa ĩĩn ꞌJudeei.’ ”

Dtiicanĩ cĩg ꞌThooyyiahu 21:13

Anneekeet hinnia Paaulo nẽẽ, “Inni urruuyyio ĩꞌthõng uduullaangu ꞌthĩnĩt caannĩ ho? Helemi naa ngaatĩ hecebiini baabuutha nẽ hadaaha, hĩnĩngĩtĩ ꞌthaar cĩg Makayyioohit Yeesu. Hẽlẽma naa ngaatĩ hadaaknĩ, hĩnĩngĩtĩ Yeesu ꞌJeruꞌthalẽma!”

Dtiicanĩ cĩg ꞌThooyyiahu 9:16

Nganĩĩt hatĩ ꞌcĩ heterꞌtheehi ĩnõõnnõ ꞌgõõl ꞌcĩ accananiini, hĩnĩngĩtĩ ꞌthaar cĩgannĩg.”

ꞌRooma 5:3

Hõllõngaa noho dioo, haccamanoothĩk naag buúk, hĩnĩngĩtĩ ꞌcannan cĩnaac, hĩnĩngĩtĩ haga naag eelleet ꞌcannani ngagĩĩt haallattia hidticattoothĩk Nyekuc,

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

1 Korinthia 4:9

Aaĩ hĩ nganĩĩt hĩcĩ aarĩkeet ngagĩĩt Nyekuci ꞌthooyyiak ngaatĩ abathĩ gẽrrẽẽt. Haattiyyia naag hĩ baabuuthnya ꞌcĩg õõt adaahito thõng. Aranneet aajĩlẽẽta hĩ eet cĩg looc nicci ngagĩĩta.

Eevvetho 3:13

Ĩnõõ ꞌcĩ occa hõllõngaa aduulẽnĩ ngagiit ꞌthinneeti, hatĩ haccanannii naa hĩnĩngĩtĩ ngagiit ko. Nẽẽthĩ nẽẽꞌthẽk, aꞌnyahaakuung hatĩ ngagiit ꞌcannani caannĩ ho bulẽẽnĩt.

Pilippi 1:28

ꞌgõõlaa ꞌcĩ hõllõngaa iꞌngoliinnu mĩrõk cugguung ũdũt. Ĩĩn ciee terethiinit hĩ ĩhõõggõ ꞌcĩ aĩ, aitiõõ hatĩ hõllõngaa ẽẽla Nyekuci ĩhõõggõ, ẽẽlannuung hatĩ nẽẽ ngagiita,

Kolooꞌthe 1:23

Nẽẽthĩ, má aallannu elemmu nẽ okomtu thõõth ꞌcĩ ĩĩn dĩdĩ, ma hẽꞌngẽlannu thõõthaa baa ĩĩn dĩdĩ ĩbaa ithiktu niig nyeemuutaa ꞌcĩ abũnnaa. Baa irrioonni nyeemuut ꞌcĩ abũnnaa ho looc vẽlẽk nẽ naa Paaulo, baa ẽbẽraawa Nyekuci hĩĩ dticciannioohit ꞌcĩ hirriooni thõõth icci.

1 Tẽꞌthaloonika 5:9

Baa hõllõngaa ẽbẽranneet ngagĩĩt Nyekuci hatĩ huukeet lĩĩlĩẽẽttaa cĩnnĩ, baa adiim nẽẽ hiita hummuddia naag eliinit hĩ Makayyioohit cĩnaac Yeesu Krĩstõ.

2 Tẽꞌthaloonika 1:4

Ĩnõõ ꞌcĩ hirriannuung naag ngagiit hĩ lothippiꞌnya cĩg lemmiook cĩg Nyekuci loonyini vẽlẽk. Haduhaaka naag ĩhõõggõ thõõth ꞌcĩ emmeeꞌthu niig pĩĩrnanĩt hĩ thõõth ꞌcĩ aallannu niig elemmu Nyekuc, tananga aꞌnyaku ꞌcannan hĩ pĩĩrnanĩt cobbi gẽrrẽẽt.

2 Timotteeo 1:8

Ma haꞌngaaoni ngaatĩ aduhaakĩ eet thõõth cĩ Makayyioohit cĩnaac, hode ma haꞌngaaoni, hĩnĩngĩtĩ nganĩĩt buúk, tananga haaĩ baabuutha, hĩnĩngĩtĩ hadticanoothihi Krĩstõ. Dticcianõõĩ ꞌtirrian baa aaꞌnyi Nyekuci nẽ hotholit hĩ nganĩĩt pĩĩrnanĩt ꞌcĩ hammũda naag, hatĩ haduhaak eet nyeemuut ꞌcĩ abũnnaa.

1 Pẽẽtũrũ 2:21

Hĩnĩngĩtĩ baa ẽbẽraauung Nyekuci ngagiit hátĩ accanattĩ, hĩcĩ anuyyu ꞌcannan baa Krĩstõ baa ẽtẽrꞌtha nẽẽ ngaatĩ accananiini hĩnĩngĩtĩ ngagiita.

Terethiinit 2:10

Nẽ ma hiꞌngolinnu ꞌgõõl ꞌcĩ hatĩ õõ accananiinnu. Aggammuung hatĩ habuui cĩ loriẽẽt ꞌcĩg abathĩ nẽ aarihuung baabuuthatõõ, accananiinnu hatĩ gẽrrẽẽt waathinniook õmmõtõ, ꞌgõõl ꞌcĩ hatĩ attĩmannuung habuui cĩ loriẽẽt ꞌcĩg abathĩ ho niccia. Ma huunniku thõõth cĩ Nyekuci ũdũt, tananga adiim arukuunga habuui cĩ loriẽẽt ꞌcĩg abathĩ ho. Haaꞌnyuung hatĩ naa ꞌbaaninit ꞌcĩ rũgẽt ꞌcĩ aalla ooo, hĩnĩngĩtĩ ĩllõõattu niig ꞌtĩmman cĩ ꞌThĩttaanõ.

Terethiinit 2:13

Haga naa nĩngĩtĩ aattiyyu niig ko, ĩĩn ꞌtaaũn ꞌcĩ aayyi habuẽẽꞌthĩt cĩ ꞌThĩttaanõ, nẽẽthĩ, nga aalla aꞌthuunnu niig thõõth caannĩ noho. Tananga baa aruhi Antipa, ẽẽtĩ baa ĩĩn hebereec caannĩ hõrggẽẽnaa cunuung, ꞌtaaũnaa cĩ ꞌThĩttaanõ hataa, aalla nga ẽlẽmmaangu niig nganĩĩt noho.