1 Tẽꞌthaloonika 3:11 - ꞌBuuk cĩ Thõõth cĩ Nyekuci

¹¹ Nẽẽthĩ ꞌyioko, aꞌnyĩĩk nuun Nyekuc Baangeet cĩnaac hĩ Makayyioohit Yeesu Krĩstõ, hubbuktĩheet ꞌgõõl ꞌcĩ haau hacinnuung ngagiit hĩdĩĩkoothong.

1 Tẽꞌthaloonika 3:11 ပူးပေါင်းရင်းမြစ်များ

Maatteeo 6:14

Má ammaanniku niig eet ꞌcĩg adĩmannuung ngagiit ꞌbuth, ammaannĩk hatĩ ngagiit buúk Maaꞌnyu ꞌcĩ aaĩ hẽẽtahujjieen, ꞌthẽccanẽẽt cugguung.

Maatteeo 6:18

hátĩ hiittiõõ hõllõngaa aga eeta aĩ ẽdẽtaannu eleeti ꞌgẽẽna, acĩn Maaꞌnyu thõõth ꞌcĩ adĩmannu burkiitina nẽ hatĩ ũdũmanuunga.”

Maatteeo 6:26

Ĩcĩnĩt nõõ hĩbaallĩ cĩg hẽẽtkujjieen, hõllõngaa akannĩ nẽẽgĩ hode ajanni, hode aꞌnyak ĩragẽẽt cĩg haalu nẽ aalla irohĩt Maaꞌnyu cĩ hẽẽtkujjieen ĩhõõggõ noho. Hõllõngaa nooyyia ĩllõõannu niig hĩbaallĩ?

Maatteeo 6:32

Eet ꞌcĩg hõllõngaa aga Nyekuc diooni, ꞌcĩg aꞌnyak muhẽẽnĩt ꞌcĩ aaĩ nohota. Aga Maaꞌnyu cĩ hẽẽtkujjieen ngaatĩ adiimmu niig hẽlẽggĩ iccig vẽlẽk.

Maatteeo 6:4

hátĩ ĩdĩmanit eliinit cunuung ko ꞌgõõlaa ꞌcĩ hõllõngaa acĩn eeta. Ĩnõõ ꞌcĩ hatĩ adũmannuung Maaꞌnyu ꞌcĩ acĩn thõõth ꞌcĩ adĩmanni burkiitina.”

Maatteeo 6:6

Nẽẽthĩ, ma alayyi, duhun ꞌcieeth cunni nẽ uꞌnyuugu hattũũg, nẽẽthĩ alau Maaꞌnyu ꞌcĩ hõllõngaa edeeꞌnyia. Ĩnõõ ꞌcĩ hatĩ adũmanni Maaꞌnyu ꞌcĩ acĩn thõõth ꞌcĩ adĩmanni burkiitina.

Maarko 1:3

“Ẽggẽrẽny mõlõõhĩ cĩ eet umwa horrwaa ꞌcĩ õdõhõhĩĩ kak aĩ, ‘Ũkũmatteek ꞌgõõl cĩ Makayyiookto, aanytĩk ꞌgõõl cĩnnĩ hũũlan.’ ”

ꞌLuuka 12:30

Eet ꞌcĩg hõllõngaa aga Nyekuc ꞌcĩg alĩk hẽlẽggĩ ꞌcĩg aattĩg hoti. Aga Baangẽẽtĩ ẽmmẽn ngaatĩ adiimmu niig hẽlẽggĩ iccig.

ꞌLuuka 12:32

“Niig nuyyiooha cĩgannĩg ꞌcĩg ngatũrĩg haaga ho, ma hiteelinnu, hĩnĩngĩtĩ accamanoothĩk Maaꞌnyu ngaatĩ aaꞌnyuung ngagiit habuccieet cĩnnĩ.

Yõaannẽ 20:17

Ma nĩngaata, uduhaak Yeesu ĩnõõnnõ ĩĩnnĩk, “Ma nõõ harabũũttaanĩ, nga hobodooth naa hĩ Baaba. Bĩĩt nõõ hĩ ꞌgotoonoga nẽ uduhaahu ĩhõõggõ ĩĩnnĩhuu, ‘Hobodootha naa hĩ Baaba caannĩ ꞌcĩ ĩĩn Maaꞌnyu cunuung buúk, hĩ Nyekuc caannĩ nẽ ĩĩ Nyekuc cunuung buúk.’ ”

ꞌRooma 1:3

ĩĩn nyeemuut ciee abũnnaa ho, cĩ Ngeerĩnĩ baa aku arrittiaa hĩĩ eet hĩ naaga, hattũũgaa cĩ habu Daavide.

2 Korinthia 6:18

“Hĩĩna hatĩ naa Maaꞌnyu cunuung nẽ iittu hatĩ niig lõhõlĩ cĩgannĩg, haduha naa Makayyioohiti ꞌTirriannioohiti ꞌcĩ hĩllõõani vẽlẽk.”

ꞌGalaaꞌthia 1:4

Hĩnĩngĩtĩ athĩhĩ Yeesu Krĩstõ Nyekuc Baangeet cĩnaac, ĩnõõ ꞌcĩ aku aaꞌnyĩkĩ nẽẽ ẽlẽ cĩnnĩ hĩĩ ꞌgaarrieenit cĩ ꞌthẽccanẽẽt cĩggaac ko, hatĩ hẽẽlaeet ngagĩĩt looccaa cĩ ꞌthẽccaneetu.

Kolooꞌthe 1:2

Hẽhẽẽdakuung naag ngagiit waraga eet ꞌcĩg elleemmu nẽ aallannu elemmu thõõth cĩ Nyekuci, ꞌgotoonoga hĩ ngoonoga cĩg Krĩstõ ꞌtaaũnaa cĩ Kolooꞌthe. Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac haau hĩ ngagiita.

1 Tẽꞌthaloonika 3:13

Halayyi naa haini, aꞌnyĩĩk ꞌthinneeti cugguung hokomit, hátĩ hĩĩtõ tẽllĩg muumaa cĩ Nyekuc Baangeet cĩnaac, kõr ꞌcĩ hatĩ akuuni Makayyioohiti cĩnaac Yeesu Krĩstõ, hĩ eet cĩgĩnnĩg vẽlẽk ꞌcĩg ẽllẽẽmĩthĩ.

1 Tẽꞌthaloonika 4:16

Alluuccia hatĩ Makayyioohiti hẽẽtahujjieen ẽggẽrꞌnya moloohaa cobbi nẽ ẽggẽrꞌnya mõlõõhĩ cĩ habu cĩ aajĩleetu, hĩ molook cĩ tũũrĩ ꞌcĩ avvẽẽnĩ Nyekuci. Ma nĩngaata, arũgna hatĩ eeta baag adaahĩ lemiittaa cĩ Krĩstõ, ĩĩcĩ oou.

1 Tẽꞌthaloonika 5:23

Aꞌnyĩĩk Nyekuc cĩ ganõõnõ ꞌcĩ aaꞌnyeet ngagĩĩt vẽlẽk haaut lõꞌngõõc, haaꞌnyuung hĩĩtõ tẽllĩg loriẽẽta cugguung hĩ eleeti cugguung thooꞌthiohĩ vẽlẽk nẽ aaꞌnyuung ngagiit vẽlẽk aaut hiꞌthihi ꞌthẽccan umwa ũdũt, ĩꞌthõng hõbõda Makayyioohiti cĩnaac Yeesu Krĩstõ.

2 Tẽꞌthaloonika 2:16

Aꞌnyĩĩk Makayyioohit cĩnaac Yeesu Krĩstõ hĩ Nyekuc Baangeet cĩnaac ꞌcĩ ammĩnanneet ngagĩĩt bũnnaiitta cĩnnĩ nẽ aaꞌnyeet kũttan ꞌcĩ aalla ooo hĩ muhẽẽnĩt ꞌcĩ abũnnaa,

2 Tẽꞌthaloonika 3:16

Halayyi naa haini, aꞌnyĩĩk Makayyioohit cĩ ganõõnõ haaꞌnyuung ngagiit ganõn waathinniook vẽlẽk hĩ ꞌgoolliohĩ vẽlẽk. Aꞌnyĩĩk Makayyioohit haau hĩ ngagiit vẽlẽk.

2 Tẽꞌthaloonika 3:5

Hala naa Makayyioohit, hátĩ heteretheehuung ngagiit aꞌnyahit mĩnnan ꞌthinneetinii cugguung, haau hĩcĩ aꞌnyak Nyekuci nẽ etemeeꞌthu thooꞌthiok aauto hĩ Krĩstõ.

1 Yõaannẽ 3:1

Ĩcĩnĩt nõõ ngaatĩ ammĩnanneet Baangẽẽtĩ ngagĩĩt gẽrrẽẽt, aũũyyeet nẽẽ ngagĩĩt anneekeet lõhõlĩ cĩgĩnnĩg, nẽẽꞌthẽk hĩĩgĩn naag lõhõlĩ cĩgĩnnĩg dĩdĩ! Nẽẽthĩ, aitiõõ eeta cĩg looc nicci hõllõngaa aga ngaatĩ hĩĩgĩnnĩ naag lõhõlĩ cĩg Nyekuci, hĩnĩngĩtĩ hõllõngaa aga nẽẽg ĩnõõnnõ.

Terethiinit 21:3

Nẽ hĩthĩha molook ꞌcĩ ẽggẽrꞌnya dtaabawaa cĩ Nyekuci aĩ, “Nẽ ꞌyioko ĩꞌthõng ũdũt, ikia õlõ cĩ Nyekuci ũrũmtĩ hĩ eet cĩgĩnnĩg. Ĩĩn hatĩ eeta, eet cĩgĩnnĩg nẽ ĩĩ Nyekuci, Nyekuc cĩnĩĩng. Nẽ dĩdĩ aarĩk hatĩ Nyekuci õlõ cĩnnĩ hõrggẽẽnaa cĩ eet cĩgĩnnĩg.