1 Tẽꞌthaloonika 3:10 - ꞌBuuk cĩ Thõõth cĩ Nyekuci

¹⁰ Halaiinna naag waathĩn hĩ baalin hõdõõkõthĩ ꞌthinneetinii cĩggaang dĩdĩ, hátĩ haaꞌnyeet Nyekuci hommottio tarĩ, hátĩ hiita haanytuung ngagiit thooꞌthiok ꞌcĩg nga aitiõõ lemiittaa cunuung ĩcĩ Nyekuci.

1 Tẽꞌthaloonika 3:10 ပူးပေါင်းရင်းမြစ်များ

ꞌLuuka 2:37

Ma baa adaak maac cĩnnẽẽnĩ, ikia ĩĩ ngaatĩbõyyĩ ĩꞌthõng hõdõlanit irkiꞌnyia cĩgĩnnĩg hĩĩtõ hẽẽn turkiyyio hĩ ꞌwec. Aalla alayyi nẽẽ ꞌCieethaa cĩ Nyekuci baalin hĩ waathĩn nẽ ẽdẽta ẽlẽ ꞌgẽẽna waathinniook ũgĩ.

Dtiicanĩ cĩg ꞌThooyyiahu 26:7

Ĩĩn ciee thõõth ꞌcĩ baa adukiaa ꞌcĩ ꞌyioko ẽrẽ habuccieeꞌnya cĩggaac ĩĩn õmmõtõ hĩ ꞌramma ho, baa adiim acĩn nẽẽg hedeeꞌnyia, hĩcĩ arrĩcana nẽẽg ngaatĩ adticanõõthĩkĩ Nyekuc waathĩn hĩ baalin. Habuu, addangaaka nganĩĩt eeta cĩg ꞌJudeei, hĩnĩngĩtĩ muhẽẽnĩt icci abũnnaa ho.

2 Korinthia 1:15

Baa hagaoothi naa ꞌrianĩĩth cunuung hĩnĩngĩtĩ ngagĩĩta nẽ hikia hummuha ngaatĩ hẽhẽẽrõnaakuung ngagiit ĩĩcĩ oou. ꞌGõõlaa cĩ, iita ummuddiaau niig ꞌgattan ꞌcĩ hẽhẽẽrõnaakuung naa tabattĩ ꞌramma.

2 Korinthia 1:24

Nẽ hõllõngaa hĩĩgĩnna makayyiook cĩg hattĩnganeekuung ngagiit ꞌgii ꞌcĩ occa elemmu. Hadticanni naag hĩ ngagiit hõdẽĩ, hĩnĩngĩtĩ taliinit cunuung, hátĩ iita okomit niig lemiittaa cunuung.

2 Korinthia 13:11

Dtuurnattaa caannĩ, ꞌgotoonoga hĩ ngoonoga, ĩlaallẽ, hũũha naana. Aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga, ĩthĩhĩt ĩlaali caannĩ, aꞌnyahit muhẽẽnĩt hõdẽẽthõng, aaut niig vẽlẽk lõꞌngõõc. Nẽ hatĩ au ganõnĩ cĩ Nyekuci hĩ mĩnnan cĩnnĩ hĩ ngagiita.

2 Korinthia 13:9

Haccamanoothĩka naag hatĩ okommu niiga nẽ hippiirriawa naaga. Nẽ halaiinna naag gẽrrẽẽt haĩnna, aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga.

Pilippi 1:25

Hĩnĩngĩtĩ hagawa thõõth icci, haga naa haini haalla hatĩ harugi nẽ harũmĩ hatĩ hĩ ngagiit vẽlẽk, hátĩ heeluung ngagiit ĩtĩlĩthĩt nẽ accamattoothihu, hĩnĩngĩtĩ lemiinit cunuung,

Kolooꞌthe 1:28

Hirrioonĩka naag eet nyeemuut cĩ Krĩstõ nẽ hidticattooyyia ꞌgẽẽnyĩth vẽlẽk hillimatta eet hĩ ngaatĩ hilootta eet vẽlẽk, hátĩ hiita hĩtĩlĩthĩt nuyyiooha cĩg Krĩstõ vẽlẽk hokomit lemiitta.

Kolooꞌthe 4:12

Ĩꞌthaayyuung Epavarato cĩ lothippit cunuung ngagiita, ꞌcĩ ĩĩn dticciannioohit cĩ Yeesu Krĩstõ. Alayyi nẽẽ hõdõõkõthĩ gẽrrẽẽt, hĩnĩngĩtĩ ngagiita, hátĩ okomit lemiittaa cunuung nẽ ĩdĩmattu tabiinit cĩ Nyekuci jurrung.

1 Tẽꞌthaloonika 3:11

Nẽẽthĩ ꞌyioko, aꞌnyĩĩk nuun Nyekuc Baangeet cĩnaac hĩ Makayyioohit Yeesu Krĩstõ, hubbuktĩheet ꞌgõõl ꞌcĩ haau hacinnuung ngagiit hĩdĩĩkoothong.

2 Tẽꞌthaloonika 1:11

Ĩnõõ ꞌcĩ halaiinnuung naag ngagiit hõdõõkõthĩ haĩnna, aꞌnyĩĩk Nyekuc haaꞌnyuung eet baag ẽbẽraauung nẽẽ ẽlẽk ko, uꞌthuutti thõõth cĩnnĩ authetaa ꞌcĩ aattiyyu. Aꞌnyĩĩk ĩnõõnnõ heeluung ngagiit ꞌtirriaanaa cĩnnĩ ũbũttaath nẽ elemtu thõõth cĩnnĩ.

2 Timotteeo 1:3

Hanneehi naa Nyekuc ꞌcĩ hadticanoothihi ꞌthĩnĩtaa ꞌcĩ tẽllĩ ho ĩlaallẽ, hĩ baa anneek nyakangaaꞌnya cĩggaac ĩnõõnnõ ĩlaallẽ. Hammuhaannii naa nganiit baalin hĩ waathĩn hiriiri, hatĩ hala Nyekuc.

Vilõmẽẽnõ 1:22

Kũmaneeka ꞌcieeth umwa hikia haavvi. Haꞌnyahi muhẽẽnĩt ꞌcĩ abũnnaa haini, ẽdẽcĩ hatĩ Nyekuci laiinit cunni nẽ aaꞌnya hikia hicinii hĩdĩĩkoothong.

Terethiinit 4:8

Nẽ aꞌnyak hẽlẽggĩ ꞌcĩg arũgĩ ĩĩn ꞌwec ko vẽlẽk, havvuuto tõrkõnõn. Havvuutõnĩĩ nĩĩcĩg, aꞌnyak hẽbẽrĩ ĩĩttõõ hĩ battaala vẽlẽk nẽ aalla ebenni hẽlẽggĩ niccieeg arũgĩ ho, baalin hĩ waathĩn aĩ, “Ẽllẽẽmĩth, ẽllẽẽmĩth, ẽllẽẽmĩth, Makayyioohiti Nyekuci ꞌTirriannioohiti ꞌcĩ ĩllõõan vẽlẽk, baa aaĩ ĩĩcĩ oou nẽ aaĩ ꞌyioko nẽ õbõda hatĩ tarĩ.”

Terethiinit 7:15

Ĩnõõ ꞌyioko cĩ, “Abĩllĩ nẽẽg muumaa cĩ dtaaba cĩ Nyekuci nẽ alaacõ ĩnõõnnõ baalin hĩ waathĩn ꞌCieetõõ cĩnnĩ ho. Nẽ ẽẽtĩ ꞌcĩ iccioloonganĩ dtaaba ho, ẽbbẽttaanĩk hatĩ nẽẽ cẽrẽm cĩnnĩ hubung ĩhõõggõ vẽlẽk.