1 Tẽꞌthaloonika 2:9 - ꞌBuuk cĩ Thõõth cĩ Nyekuci

⁹ Nẽ dĩdĩ ꞌgotoonoga hĩ ngoonoga, occa nẽẽꞌthẽk ammuhooꞌthu pĩĩrnanĩt baa harayya naag dtiic ꞌcĩ õkõmĩ waathĩn hĩ baalin, hátĩ hiittiõõ hõllõngaa haꞌnyahaaka eet umwa heciinit nga hallimannuung nyeemuut ꞌcĩ abũnnaa cĩ Nyekuci.

1 Tẽꞌthaloonika 2:9 ပူးပေါင်းရင်းမြစ်များ

ꞌLuuka 18:7

Ĩcca occa ꞌthẽk hõllõngaa ẽẽl Nyekuci eet cĩgĩnnĩg ꞌcĩg ẽbẽra nẽẽ ẽlẽk, ꞌcĩg ĩĩlaleek ĩnõõnnõ baalin hĩ waathĩn? Ara occa hatĩ iiggiaeek ĩhõõggõ tuu?

ꞌLuuka 2:37

Ma baa adaak maac cĩnnẽẽnĩ, ikia ĩĩ ngaatĩbõyyĩ ĩꞌthõng hõdõlanit irkiꞌnyia cĩgĩnnĩg hĩĩtõ hẽẽn turkiyyio hĩ ꞌwec. Aalla alayyi nẽẽ ꞌCieethaa cĩ Nyekuci baalin hĩ waathĩn nẽ ẽdẽta ẽlẽ ꞌgẽẽna waathinniook ũgĩ.

Dtiicanĩ cĩg ꞌThooyyiahu 18:3

nĩngĩtĩ õkõ ammũdaanĩ ĩhõõggõ ngaatĩ ĩĩnnĩ eet ꞌcĩg ẽhẽnyta maccamẽẽta. Baa ĩĩn Paaulo buúk eet ꞌcĩ ẽhẽnyta maccamẽẽta. Nĩngĩtĩ arũmẽẽnĩ Paaulo hĩ ĩhõõggõ nẽ idticattõõ hõdẽĩ.

Dtiicanĩ cĩg ꞌThooyyiahu 20:24

Nẽẽthĩ, hõllõngaa haallahi naa rũgẽt caannĩ hatĩ nẽẽ hẽdẽcaaha dtiic baa aaꞌnya Makayyioohiti Yeesu ho. Nẽ dtiici niccia, ĩĩn dtiic ꞌcĩ haduhaanĩ nyeemuut ꞌcĩ abũnnaa cĩ bũnnai cĩ Nyekuci.

Dtiicanĩ cĩg ꞌThooyyiahu 20:31

Hõlõ, ebehit eleeti jurrung! Ummuhuttooth nõõ ngaatĩ hirrioonĩkuung naa ngagiit hõdẽĩ hõdẽĩ irkiꞌnyia iyyio baalin hĩ waathĩn tilaalõnĩ.

ꞌRooma 1:1

Nganĩĩt Paaulo ꞌcĩ hĩĩnĩ dticciannioohit cĩ Yeesu Krĩstõ. Baa ẽbẽraanna Nyekuci nganĩĩt hĩĩ ꞌthooyyiahit nẽ aaꞌnya hirrioon nyeemuut ꞌcĩ abũnnaa cĩ Nyekuci.

ꞌRooma 15:16

hátĩ hĩĩ dticciannioohit cĩ Yeesu Krĩstõ ꞌcĩ hadticanoothihi eet ꞌcĩg hõllõngaa ĩĩn ꞌJudeei, ꞌcĩ haꞌnyahi dtiic ꞌcĩ hallimanĩĩ nyeemuut ꞌcĩ abũnnaa cĩ Nyekuci, hátĩ hĩĩtõ eeta ꞌcĩg hõllõngaa ĩĩn ꞌJudeei ꞌbaaninit ꞌcĩ ẽlẽmĩ Nyekuci, ꞌcĩ ũtũũny Lorii ꞌcĩ Ẽllẽẽmĩthĩ.

ꞌRooma 15:19

Nẽ dĩdĩ, haduha naa ꞌgõõl ꞌcĩ baa adticanĩ Krĩstõ thooꞌthiok ꞌcĩg ĩnaat eeta, ꞌtirriaanaa cĩ Lori ꞌcĩ Ẽllẽẽmĩthĩ. Baa hirrioona naa nyeemuut cĩnnĩ ꞌcĩ abũnnaa, iꞌthianaanĩ ꞌJeruꞌthalẽma ĩꞌthõng hõdõlan looc cĩ Illiriko.

1 Korinthia 4:12

Hadticaniinna gẽrrẽẽt athĩnĩĩ cĩggaang ẽmmẽn. Má accĩĩnneet eeta, haggatanna naag thõng, má adĩmanneet eeta ꞌbuth, hẽmmẽẽꞌtha.

1 Korinthia 9:15

Nẽẽthĩ, nga hidticanõõĩ naa makaaꞌthĩt caannĩ ho. Nẽ hõllõngaa heheedi naa thõõth icci, muhẽẽttaa ꞌcĩ hatĩ adĩmannu niig thõõth icci, hĩnĩngĩtĩ nganĩĩta. Mẽẽn ngaatĩ occa hadaaknĩ hĩllõõan ngaatĩ aggamaanna eet umwaa ꞌrianĩĩth icci.

1 Korinthia 9:18

Dũman caannĩ ho inoo? Ĩnõõnnõ cieeni. Má hallimani naa nyeemuut ꞌcĩ abũnnaa, abũnnaa haaꞌnyihi eet haaga hõllõngaa hũũtẽnĩ thõng, hátĩ hiittiõõ hõllõngaa hadticaniini makaaꞌthĩt caannĩ, hatĩ hallimani eeta.

1 Korinthia 9:4

Ĩcca occa hõllõngaa haꞌnyak naag makaaꞌthĩt ꞌcĩ hũdẽẽttõ hĩ cĩ duhẽẽttõ?

2 Korinthia 11:27

Baa hadticanii naa gẽrrẽẽt nẽ haꞌnyaha baalinniook ꞌcĩg mẽẽlĩg hiꞌthihi ũꞌnyaak nẽ haau uraa, aamma kõrra, hiꞌthihi ꞌgii ꞌcĩ hadahi. Ahũdda lajjõ hĩnĩngĩtĩ hiꞌthihi ceremwa ꞌcĩg habungẽẽnĩ jurrung, hatĩ alalĩ lõõcĩ.

2 Korinthia 11:9

Tananga baa happĩĩrna naa hiꞌthihi ꞌgii ꞌcĩ haꞌnyahi baa harũmĩ hĩ ngagiita, baa hõllõngaa hatĩkĩannuung naa ngagiita. Lemmiook baag au looccaa cĩ Maccedoonia dioo, baag au aꞌnyahaaka ꞌbaaninit nẽ nga hĩtĩkĩĩan eet umwa hõrggẽẽnaa cunuung ꞌgõõlaa umwaanĩ nẽ haalla hatĩ hadĩmani noho ũdũt.

2 Korinthia 6:5

Baa huuktea naag nẽ haarrihoothĩha baabuuthatõõ nẽ uukeet lothippiti ngagĩĩt tabattĩ mẽẽlĩg. Hidticattooa naag gẽrrẽẽt nẽ hacĩneenna haal hiꞌthihi ꞌgẽẽn.

Pilippi 4:16

Tananga baa nga haaĩ naa ꞌtaaũnaa ĩĩcĩ Tẽꞌthaloonika, baa ĩꞌthõõakaangu eliinit tabattĩ hiriiri.

1 Tẽꞌthaloonika 1:3

Gõõng haduhaaka naag Nyekuc Baangeet hõdõõkõthĩ thõõth cĩ lemiinit cunuung hĩ dtiic cunuung cĩ mĩnnaanõ, ꞌcĩ ĩĩn dĩdĩ hĩ ĩnõõnnõ, hĩ ngaatĩ aꞌnyaku muhẽẽnĩt ꞌcĩ õkõmĩ hĩ Makayyioohit cĩnaac Yeesu Krĩstõ.

1 Tẽꞌthaloonika 2:2

Baa hippiirriawa naag nẽ hodoomtea ꞌtaaũnaa cĩ eet cĩg Pilippi, nẽẽthĩ, eliittaa cĩ Nyekuci, iita okomit ꞌthinneeti cĩggaang nẽ hillimattuung ngagiit nyeemuut cĩnnĩ ꞌcĩ abũnnaa, tananga baa abũrreet eeta ꞌcĩg mẽẽlĩg ngagĩĩta.

1 Tẽꞌthaloonika 2:6

Baa hõllõngaa hadiimma naag dĩhĩthẽẽnĩt cĩ eetu nẽ hõllõngaa hadiimma hĩ ngagiit hode hĩ eet umwa. Nẽẽthĩ, hĩ ꞌthooyyiaha cĩg Krĩstõ, occa hinnia baa hau hajinnuung ngagiit eliinit.

1 Tẽꞌthaloonika 3:10

Halaiinna naag waathĩn hĩ baalin hõdõõkõthĩ ꞌthinneetinii cĩggaang dĩdĩ, hátĩ haaꞌnyeet Nyekuci hommottio tarĩ, hátĩ hiita haanytuung ngagiit thooꞌthiok ꞌcĩg nga aitiõõ lemiittaa cunuung ĩcĩ Nyekuci.

1 Timotteeo 1:11

ammuddiaa ꞌlimmanĩ niccia nyeemuutaa ꞌcĩ abũnnaa, ĩcĩ aaꞌnya nganĩĩt Nyekuci ꞌcĩ abuli nẽ ẽllẽẽm gẽrrẽẽt.

1 Timotteeo 4:10

nẽ hadticaniinna gẽrrẽẽt, ngaatĩ haarĩka muhẽẽnĩt cĩnaang hĩ Nyekuc ꞌcĩ arũgĩ, ꞌcĩ ĩĩn Ellioohit cĩ eet vẽlẽk, hĩ dẽẽdẽ eet ꞌcĩg elemit ĩnõõnnõ.

1 Timotteeo 5:5

Nẽ ngaatĩbõyyĩ ꞌcĩ appĩĩrna dĩdĩ, cĩ aitiõõ ittioonnioha cĩgĩnnĩg tõõ, aarĩk nẽẽ lemiinit hĩ muhẽẽnĩt cĩnnĩ vẽlẽk hĩ Nyekuc nẽ ala ĩnõõnnõ hõdõõkõthĩ waathĩn hĩ baalin vẽlẽk, hátĩ hẽẽl Nyekuci ĩnõõnnõ.

2 Timotteeo 1:3

Hanneehi naa Nyekuc ꞌcĩ hadticanoothihi ꞌthĩnĩtaa ꞌcĩ tẽllĩ ho ĩlaallẽ, hĩ baa anneek nyakangaaꞌnya cĩggaac ĩnõõnnõ ĩlaallẽ. Hammuhaannii naa nganiit baalin hĩ waathĩn hiriiri, hatĩ hala Nyekuc.