1 Tẽꞌthaloonika 2:7 - ꞌBuuk cĩ Thõõth cĩ Nyekuci

⁷ Nẽ haaunna hinnia hĩĩgĩnna tarbalĩg hõrggẽẽnaa cunuung, haautta hĩ morwahit gõõng aꞌthũũnnĩ lõhõlĩ cĩgĩnnĩg ꞌcĩg kidicig.

1 Tẽꞌthaloonika 2:7 ပူးပေါင်းရင်းမြစ်များ

Dtiicanĩ cĩg ꞌThooyyiahu 13:18

nẽ ũꞌthũũtĩ ĩhõõggõ irkiꞌnyia hẽẽn ꞌwec horrwatõõ ꞌcĩ õdõhõhĩĩ kak.

1 Korinthia 2:3

Baa hakuu naa hĩ ngagiit hĩ ẽẽtĩ ꞌcĩ hõllõngaa hattirani nẽ hiꞌngolli nẽ habarrita gẽrrẽẽt.

1 Korinthia 9:22

Hĩ eet ꞌcĩg hõllõngaa õkõmĩ ꞌthinneeti, hikia haau naa buúk hĩ ẽẽtĩ ꞌcĩ hõllõngaa õkõmĩ ꞌthĩnĩt, hátĩ hũlũllũũman ĩhõõggõ hiita hĩĩtõ lemmiook. Hikia hĩĩna naa ꞌgii vẽlẽk hĩ eet vẽlẽk, hátĩ hẽẽla ũgĩ.

2 Korinthia 10:1

Haini naa Paaulo ammuku niig ainnu hĩĩnĩ naa teelliahit hatĩ harũmĩ hĩ ngagiita nẽ haꞌthĩlani hatĩ hayyia ꞌrẽẽna? Halayyuung naa ngagiit dĩdĩ haini ĩthĩktõ, hĩnĩngĩtĩ baa tarbal Krĩstõ nẽ alal ꞌthĩnĩt cĩ nẽẽnĩ.

2 Korinthia 13:4

Tananga baa odooddothoothĩk nẽẽ hurucceea, aaĩ hĩcĩ baa appĩĩrna ꞌtirriani cĩnnẽẽnĩ. Nẽ ꞌyioko, arũgĩ nẽẽ ꞌtirriaanaa cĩ Nyekuci. Noho, happĩĩrna hatĩ naag buúk hĩ baa Krĩstõ. Nẽẽthĩ nẽẽꞌthẽk, acinnu hatĩ harũgĩ naag hĩ ĩnõõnnõ ꞌtirriaanaa cĩ Nyekuci nẽ hatĩ hidticattoothihuung ngagiita.

ꞌGalaaꞌthia 4:19

Lohollia cĩgannẽẽgĩ! Ahuccieeka nganĩĩt thõõth cunuung ꞌcĩ ũtũngteehu thõõth ꞌcĩ ĩĩn dĩdĩ, haau hĩ ngaa ꞌcĩ attur ꞌgoonnia nẽ aalla hatĩ huciithi ciee ĩꞌthõng iita elemit niig Yeesu Krĩstõ rũgẽtaa cunuung dĩdĩ.

1 Tẽꞌthaloonika 2:11

Agayyu niig buúk ngaatĩ haꞌthuunnuung naag ngagiit hõdẽĩ hõdẽĩ jurrung, hĩgõõng aꞌthũũnnĩ nyakangaan hĩ morwahit lõhõlĩ cĩggĩĩng.

ꞌJeemith 3:17

Nẽẽthĩ ĩĩcĩ oou, tẽlla ꞌgẽẽnyĩthĩ ꞌcĩ aku hẽẽtahujjieen. Abbĩꞌthĩĩ tamaati hĩ dtiicanĩ ꞌcĩg abũnnaa. Hõllõngaa ahal eeta nẽ aduha thõõth ꞌcĩ ĩĩn dĩdĩ hõdõõkõthĩ.