1 Tẽꞌthaloonika 2:6 - ꞌBuuk cĩ Thõõth cĩ Nyekuci

⁶ Baa hõllõngaa hadiimma naag dĩhĩthẽẽnĩt cĩ eetu nẽ hõllõngaa hadiimma hĩ ngagiit hode hĩ eet umwa. Nẽẽthĩ, hĩ ꞌthooyyiaha cĩg Krĩstõ, occa hinnia baa hau hajinnuung ngagiit eliinit.

1 Tẽꞌthaloonika 2:6 ပူးပေါင်းရင်းမြစ်များ

Yõaannẽ 12:43

Accamana makayyiooha cĩg ꞌJudeei dĩhĩthẽẽnĩt cĩ eetu hĩllõõan dĩhĩthẽẽnĩt cĩ Nyekuci.

Yõaannẽ 5:41

“Hõllõngaa haallahi naa dĩhĩthẽẽnĩt cĩ eetu,

Yõaannẽ 5:44

Occa elemiinnu niig hutuno hatĩ adiimmu dĩhĩthẽẽnĩt ꞌcĩ aku hĩ ꞌgoonogu nẽ hõllõngaa aallaku ngaatĩ ammũdaannu dĩhĩthẽẽnĩt ꞌcĩ aku hĩ Nyekuc ꞌcĩ odoyyii?

Yõaannẽ 7:18

Ẽẽtĩ ꞌcĩ õthõõthĩ ẽlẽ cĩnnĩ ẽmmẽn, abuluth nẽẽ ẽlẽ cĩnnĩ. Nẽẽthĩ, ẽẽtĩ ꞌcĩ adticanoothĩk eet baa ĩꞌthõõa ĩnõõnnõ, ĩĩn eet ꞌcĩ aduha thõõth ꞌcĩ ĩĩn dĩdĩ. Aitiõõ thõõth ꞌcĩ ĩĩn õlõng ꞌcĩ aduha nẽẽ tõõ.

1 Korinthia 11:9

nẽ baa hõllõngaa ẽhẽnytaak Nyekuci eet ꞌcĩ maacĩ ngaa ꞌcĩ ngayyi, baa ẽhẽnytaak nẽẽ ngaa ꞌcĩ ngayyi eet ꞌcĩ maacĩ.

2 Korinthia 13:10

Ĩnõõ ꞌcĩ hẽhẽẽdakuung naa ngagiit thooꞌthiok iccig nga haayyia ꞌrẽẽna, hátĩ ma hikia, hiittiõõ hõllõngaa hothoothikuung komiitta makaaꞌthĩtaa caannĩ, ĩĩ baa aaꞌnya Makayyioohiti. Baa aaꞌnyĩhoothĩkaa nganĩĩt makaaꞌthĩt ciee, hátĩ heelluung ngagiita nẽ baa hõllõngaa aaꞌnyĩhoothĩkaa, hátĩ hĩꞌthannuung ngagiit thõng.

2 Korinthia 4:5

Hõllõngaa hirrioonna naag thõõth cĩ eleeti cĩggaang, aĩ nyeemuut cĩnaang nẽẽ, ĩĩn Yeesu Krĩstõ Makayyioohit. Ĩꞌthõõanneet nẽẽ ngagĩĩt hiita hĩĩtta appahacaaꞌnya cugguung, hĩnĩngĩtĩ ĩnõõnnõ.

ꞌGalaaꞌthia 1:10

Hõllõngaa haini naa, hátĩ hatalit eeta, hadiimi naa hatal Nyekuci. Ammuku niig ainnu hadiimi naa hatalit eeta? Má baa hĩdĩman naa noho, occa ꞌyioko hõllõngaa hĩĩnĩ appahaca cĩ Krĩstõ.

ꞌGalaaꞌthia 5:26

Nẽẽthĩ ꞌyioko, occa hõllõngaa hathĩngõõnyan, nẽ hongoongoyyiõõ ngaatĩ haĩnnĩ hĩllõõan ꞌgoonogeet.

ꞌGalaaꞌthia 6:13

Aitiõõ eeta ꞌcĩg etteeddi eleeti hõllõngaa anũ nyattal nẽ adiimmuung nẽẽg ngagiit etteeddi, hátĩ hirrianit nẽẽg, hĩnĩngĩtĩ eleeti cugguung.

1 Tẽꞌthaloonika 2:9

Nẽ dĩdĩ ꞌgotoonoga hĩ ngoonoga, occa nẽẽꞌthẽk ammuhooꞌthu pĩĩrnanĩt baa harayya naag dtiic ꞌcĩ õkõmĩ waathĩn hĩ baalin, hátĩ hiittiõõ hõllõngaa haꞌnyahaaka eet umwa heciinit nga hallimannuung nyeemuut ꞌcĩ abũnnaa cĩ Nyekuci.

1 Timotteeo 5:17

Occa hadũman makayyiook cĩg lothippit cĩ lemmiohu tabattĩ ꞌramma, hatĩ horoong maka dtiici cĩnĩĩng ꞌcĩ irrioonĩkĩ eet nẽ illimatteek thõõth cĩ Nyekuci ho.