1 Tẽꞌthaloonika 2:18 - ꞌBuuk cĩ Thõõth cĩ Nyekuci

¹⁸ Baa hadiimma ngaatĩ haau hacinnuung dĩdĩ nẽ baa hattĩmani naa Paaulo dẽẽdẽ tabattĩ hiriiri ngaatĩ hakuuni, alaammeet hinnia ngagĩĩt ꞌThĩttaanĩ ngaatĩ hauunna.

1 Tẽꞌthaloonika 2:18 ပူးပေါင်းရင်းမြစ်များ

Maatteeo 4:10

Ẽdẽcĩ Yeesu anneek, “Maꞌnyanĩ ngaatĩ haayyi naana ꞌThĩttaan! Eheeddi ꞌBuuhaa cĩ Nyekuci aĩ, ‘Buluth Nyekuc Makayyioohit cunni nẽ idticanoothihuu ĩnõõnnõ diooni.’ ”

ꞌRooma 1:13

ꞌGotoonoga hĩ ngoonoga, hõllõngaa hadiimmuung naa ngagiit herehuung ngaatĩ hammuhi naa tabattĩ mẽẽlĩg hikia hicinuung ngagiita, nẽẽthĩ hinnia, hũlũhoothĩha hĩĩ noho, hátĩ hũlũllũũmana eet hõrggẽẽnaa cunuung helemit Nyekuc, hĩ baa hadĩmani eetinii ꞌcĩg hõllõngaa ĩĩn ꞌJudeei.

ꞌRooma 15:22

Baa gõõng alaamma nganĩĩt dtiici caannĩ ngaatĩ haĩ hikia hicinuung ngagiita.

1 Korinthia 16:21

Heheedi naa Paaulo dẽẽdẽ ꞌthaainit icci attiaa caannĩ.

Pilippi 4:16

Tananga baa nga haaĩ naa ꞌtaaũnaa ĩĩcĩ Tẽꞌthaloonika, baa ĩꞌthõõakaangu eliinit tabattĩ hiriiri.

Kolooꞌthe 4:18

Hẽhẽẽdakuung naa Paaulo ꞌthaainit icci athĩnĩĩ cĩgannĩg. Ma hataarroꞌthu thõõth ꞌcĩ hecebiini naa baabuutha ho. Aꞌnyĩĩk bũnnai cĩ Nyekuci haau hĩ ngagiita.

2 Tẽꞌthaloonika 3:17

Nẽ ꞌyioko, ꞌthaainit caannĩ ꞌcĩ heheedi naa Paaulo attiaa caannĩ cieeni. Gõõng heheedi waragẽẽt vẽlẽk hoti dtuurnatta, hátĩ agaac aĩ ĩĩn waragẽẽt cĩgannĩg dĩdĩ.

Vilõmẽẽnõ 1:9

Nẽ hĩnĩngĩtĩ mĩnnan cĩnaac, occa hanneekii ꞌmuuk thõõth icci haau hĩ jinẽẽnĩtĩ ꞌcĩ aku hĩ nganĩĩt Paaulo, ꞌcĩ hatahaanya nẽ ꞌyioko hĩĩna baabutheenit, hĩnĩngĩtĩ Yeesu Krĩstõ buúk,

Terethiinit 2:10

Nẽ ma hiꞌngolinnu ꞌgõõl ꞌcĩ hatĩ õõ accananiinnu. Aggammuung hatĩ habuui cĩ loriẽẽt ꞌcĩg abathĩ nẽ aarihuung baabuuthatõõ, accananiinnu hatĩ gẽrrẽẽt waathinniook õmmõtõ, ꞌgõõl ꞌcĩ hatĩ attĩmannuung habuui cĩ loriẽẽt ꞌcĩg abathĩ ho niccia. Ma huunniku thõõth cĩ Nyekuci ũdũt, tananga adiim arukuunga habuui cĩ loriẽẽt ꞌcĩg abathĩ ho. Haaꞌnyuung hatĩ naa ꞌbaaninit ꞌcĩ rũgẽt ꞌcĩ aalla ooo, hĩnĩngĩtĩ ĩllõõattu niig ꞌtĩmman cĩ ꞌThĩttaanõ.