1 Tẽꞌthaloonika 2:17 - ꞌBuuk cĩ Thõõth cĩ Nyekuci

¹⁷ ꞌGotoonoga hĩ ngoonoga, baa nõõ heꞌngerrio naag hĩ ngagiit hĩdĩhĩdĩĩc. Nẽẽthĩ hinnia, nga hatarrioꞌthuung naag ngagiit ꞌthinneetinii cĩggaang. Hammuka gẽrrẽẽt ꞌgõõl ꞌcĩ haau hacinnuung ngagiit tarĩ, ĩnõõ ꞌcĩ hattĩmanna gẽrrẽẽt ꞌgõõl ꞌcĩ hõbõdaanna ho.

1 Tẽꞌthaloonika 2:17 ပူးပေါင်းရင်းမြစ်များ

ꞌThianaattõ 31:30

Haga naa thõõth ꞌcĩ aaꞌnyi nganiit diim bodooth ĩĩcĩ õlõ cĩ maaconu ho. Nẽẽthĩ nẽẽ, ĩgorĩtheehaa hẽlẽggĩ ꞌcĩg ĩĩn nyekuꞌnya cĩgannĩg buúk inni?”

ꞌThianaattõ 45:28

Ma nĩngaata, õthõõth Ĩꞌthĩraẽlĩ ĩĩ, “Ĩko bẽrẽ nga arũgĩ loholeec caannĩ Yothebo! Hõkõ hatĩ hacini naa ĩnõõnnõ nga harugi ho.”

ꞌThianaattõ 48:11

Ma ho, ĩĩnnĩk nẽẽ ngeerĩnĩ Yothebo, “Ẽlẽ maac ciee hammuhi baa nẽẽ haini nga hatĩ hacciinnii tarĩ? Nẽ thĩ hĩ ꞌyioko ho, aaꞌnya Nyekuci hĩcĩn lõhõlĩ cugunnig buúk.”

ꞌLuuka 12:58

Hatĩ ma ookorru hĩ eet ꞌcĩ baa adĩmanoonnu ꞌbuth ooyyu lokihooa, ꞌtĩmman gẽrrẽẽt ngaatĩ occa ẽdẽcaaku hĩ ĩnõõnnõ thõõth cunuung ko ꞌgõõla, nga õdõlanit ꞌgaadĩ. Má aitiõõ, agurreeki hatĩ nẽẽ nganiit ꞌgaadĩ, nĩngĩtĩ hatĩ avvaanĩ ꞌgaadĩ boliith hudhukteehi baabuuthatõõ.

ꞌLuuka 22:15

Nĩngĩtĩ annẽẽkĩ Yeesu ĩhõõggõ, “Iyyia ꞌthẽk hatabi hadahi ꞌgẽẽn cĩ Kõr cĩ Haangittõõ ho, hĩ ngagiit hõdẽĩ nga haccananĩ.

Dtiicanĩ cĩg ꞌThooyyiahu 17:10

Ma baa baalin niccia noho, ĩꞌthõõcõ nuyyiooha cĩg Makayyiooktak Paaulo hĩ ꞌThĩĩla hõõt ĩĩcĩ ꞌtaaũn ꞌcĩ haĩ Berea. Ma baa õdõlanit ĩĩca, õõt uduhunit ꞌCieeth cĩ Laiitto cĩ ꞌJudeei.

ꞌRooma 1:13

ꞌGotoonoga hĩ ngoonoga, hõllõngaa hadiimmuung naa ngagiit herehuung ngaatĩ hammuhi naa tabattĩ mẽẽlĩg hikia hicinuung ngagiita, nẽẽthĩ hinnia, hũlũhoothĩha hĩĩ noho, hátĩ hũlũllũũmana eet hõrggẽẽnaa cunuung helemit Nyekuc, hĩ baa hadĩmani eetinii ꞌcĩg hõllõngaa ĩĩn ꞌJudeei.

ꞌRooma 15:23

Nẽẽthĩ ꞌyioko, iittiõõ nĩngĩtĩ nga hadticaniini naa loonyini ĩcĩg tõõ nẽ hĩ baa hadiimi irkiꞌnyia ꞌcĩg mẽẽlĩg ngaatĩ hakuu hacinnuunga,

1 Korinthia 5:3

Tananga nga haitiõõ naa dẽẽdẽ tõõ, aaĩ ꞌthĩnĩt caannĩ hĩ ngagiita. Nẽ hetteedĩha eet ꞌcĩ baa adĩman thõõth icci thõõth ẽlẽk, haau hĩcĩ haaĩ naa nĩĩca.

Kolooꞌthe 2:5

Tananga hĩĩnĩ naa ꞌrẽẽn hĩ ngagiita, haalla hammukuung ngagiit hõdõõkõthĩ. Nẽ hatali ngaatĩ hathĩknĩ aĩ, aattiyyu ꞌgõõlaa ꞌcĩ abũnnaa nẽ elemtu Krĩstõ komiitta.

1 Tẽꞌthaloonika 3:6

Ma baa õbõda Timotteeo õdõlaneet ngagĩĩt ngaati, ikia aꞌnyahaaheet nyeemuut ꞌcĩ abũnnaa ꞌcĩ aku hĩ ngagiit ꞌcĩ aĩ, nga aꞌthuunnu niig lemiinit hĩ mĩnnan cunuung cĩ Nyekuci gẽrrẽẽt noho. Nẽ tarĩ ĩĩ, accamanoothiku gẽrrẽẽt, hatĩ ammuhaanneetu ngagĩĩt ammuku ainnu, hommottio occa! Haau hĩcĩ hammuka naag buúk ngaatĩ haĩnna, hommottio occa!