1 Tẽꞌthaloonika 2:16 - ꞌBuuk cĩ Thõõth cĩ Nyekuci

¹⁶ Alaammeet nẽẽg ngagĩĩt ngaatĩ hallimaneeka eet ꞌcĩg hõllõngaa ĩĩn ꞌJudeei thõõth cĩ Krĩstõ, hátĩ heellia nẽẽgĩ. Nẽ ꞌgõõlaa cĩ, aalla eeta cĩg ꞌJudeei ꞌcĩg hõllõngaa ĩĩn lemmiook cĩg Yeesu, ittoorothi ꞌthẽccanẽẽt cĩggĩĩng noho. Nĩngĩtĩ hatĩ aku alĩĩlĩkĩ Nyekuci ĩhõõggõ uruta.

1 Tẽꞌthaloonika 2:16 ပူးပေါင်းရင်းမြစ်များ

ꞌThianaattõ 15:16

Aꞌnyak hatĩ lohollia cugunnig irkiꞌnyia ꞌmiiaꞌnya ꞌwec (400) nga hoboddia hiita ngaati, hĩnĩngĩtĩ hõllõngaa hatĩ hiiggia naa eet cĩg Amoorĩ hĩdĩĩkoothong. Aattĩg hatĩ nẽẽg ngaati ĩꞌthõng hẽꞌthẽcattõõ gẽrrẽẽt, nẽẽthĩ hatĩ huuka naa ĩhõõggõ.”

Maatteeo 12:45

Õkõ hatĩ aꞌnyaha nẽẽ ꞌgõõnõgĩ tũkĩramma ꞌcĩg abathĩ hĩllõõanit ĩnõõnnõ hõõt haauto nĩngaata. Nĩngĩtĩ hatĩ abathõõꞌthĩ authẽtĩ cĩ eeto hĩllõõan baa oou. ꞌGõõl ꞌthẽk hatĩ ꞌcĩ aattiyyi eeta ꞌcĩg abathĩ cĩg irkiꞌnyia niccig cieeni.”

Maatteeo 23:32

Ĩdĩmanit noho, edecciaak dtiic baa iꞌthiattaaĩ maajihu!

Maatteeo 24:14

Nẽ irrioonni hatĩ nyeemuut ꞌcĩ abũnnaa cĩ habuccieet cĩ Nyekuci loonyini vẽlẽk, hátĩ hĩthĩhĩt eeta vẽlẽk, nẽẽthĩ hatĩ ikia decciaanĩtĩ cĩ lootu.”

Maatteeo 24:6

Athiknu hatĩ thooꞌthiok cĩg joreenu nẽ ma hiꞌngolinnu. Aluba ꞌthẽk hatĩ hẽlẽggĩ ꞌcĩg aattĩg hoti, nẽẽthĩ nẽẽ hatĩ nga aku decciaanĩtĩ cĩ lootu.

Maatteeo 3:12

Aꞌnyak nẽẽ hẽddẽm cĩ anyiitto attiaa cĩnnĩ. Aany hatĩ nẽẽ haal hilongana nẽ aarĩk ĩragawatõõ nẽ udduutik ngarrimo ꞌgwoyyiaa ꞌcĩ hõllõngaa adĩĩtĩ.”

Maarko 16:16

Ẽẽtĩ ꞌcĩ ẽlẽmĩ nyeemuut nẽ aggam baattithimo, eelliaa hatĩ nẽẽnĩ, nẽẽthĩ, ẽẽtĩ ꞌcĩ hõllõngaa ẽlẽmĩ, uuki hatĩ nẽẽnĩ.

Dtiicanĩ cĩg ꞌThooyyiahu 13:45

Ma baa adtuuha eeta cĩg ꞌJudeei lothippit ko, iita ĩlĩĩllẽẽcõ gẽrrẽẽt, nẽ odoomito Paaulo, hĩnĩngĩtĩ thooꞌthiok ꞌcĩg aduha nẽẽ ho.

Dtiicanĩ cĩg ꞌThooyyiahu 13:50

Ma nĩngaata, baa hinnia õõ alũllũũman makayyiooha cĩg ꞌJudeei eet ũgĩ ꞌcĩg obbitig ꞌtaaũnatõõ, hĩ ngaaĩ ũgĩ ꞌcĩg iꞌngolli thõõth cĩ Nyekuci. Nĩngĩtĩ aaꞌnyĩkĩ eeta cĩg ꞌJudeei ĩhõõggõ hutuhuyyioothĩk Paaulo hĩ Baarnaba nẽ iꞌthiattaaĩ ĩdĩmanit ĩhõõggõ ꞌbuth. Nĩngĩtĩ iiggiaĩ ĩhõõggõ looccaa cĩnĩĩng battaala.

Dtiicanĩ cĩg ꞌThooyyiahu 14:19

Ma ho, iita makayyiooha ũgẽẽgĩ cĩg ꞌJudeei Antioha hĩ Ikonium hiita hũlũllũũmanit lothippit hũtũbũrĩt Paaulo. Õhõda ĩnõõnnõ biyyiẽẽnĩ nẽ utugurrieek ꞌtaaũna battaala, muhẽẽttaa ꞌcĩ aĩnnĩ adaak oho ẽlẽk.

Dtiicanĩ cĩg ꞌThooyyiahu 14:2

Nẽẽthĩ, eeta cĩg ꞌJudeei ꞌcĩg baag abũrĩ Makayyioohit, iita ẽꞌthẽcanit eet ũgĩ ꞌcĩg hõllõngaa ĩĩn ꞌJudeei hĩlĩĩllẽẽcõ hutuhuyyioothĩk nuyyiook cĩg Makayyiooktak.

Dtiicanĩ cĩg ꞌThooyyiahu 14:5

Ma ho, iꞌthiattaaĩ eeta ũgẽẽgĩ ꞌcĩg hõllõngaa ĩĩn ꞌJudeei hĩ eet ꞌcĩg ĩĩn ꞌJudeei hĩ makayyiook cĩggĩĩng, utuhanit thõõth ꞌcĩ adĩmanĩ Paaulo hĩ Baarnaba ꞌbuth, hĩ ngaatĩ õhõdaanĩ ĩhõõggõ biyyiẽẽnĩ hadaahito.

Dtiicanĩ cĩg ꞌThooyyiahu 17:13

Ma baa ĩthĩhĩt eeta cĩg ꞌJudeei ꞌtaaũnaa cĩ Tẽꞌthaloonika ngaatĩ allimanĩ Paaulo eet thõõth cĩ Nyekuci ꞌtaaũnaa cĩ Berea ho, õõt nẽẽg buúk ĩĩcĩ ꞌtaaũn tĩho hõõt hulluuthito lothippit hĩdĩmanit Paaulo ꞌbuth.

Dtiicanĩ cĩg ꞌThooyyiahu 19:9

Nẽẽthĩ, baa hinnia ĩllõõrĩth eeta ũgẽẽgĩ hõrggẽẽnaa cĩnĩĩng nẽ ũtũbũrĩt ngaatĩ ẽlẽmmĩ nyeemuut cĩnnĩ, nẽ tarĩ othoothito lothippita nyeemuut cĩ Yeesu ꞌbuth. Nĩngĩtĩ ũũnnĩkĩ Paaulo ꞌcieeth cĩ laiitto nẽ ookorit hĩ lemmiook, hõõt hatĩ gõõng hothooꞌthio hĩ ĩhõõggõ hõdõõkõthĩ, ꞌcieethaa cĩ ꞌlimmaanõ ĩcĩ eet ꞌcĩ haĩ ꞌTirannu.

Dtiicanĩ cĩg ꞌThooyyiahu 21:21

Baa adukiaak lemmiook cĩg ꞌJudeei ꞌJeruꞌthalẽma ngaati aĩ, allimani nii eet ꞌcĩg ꞌJudeei ꞌcĩg arũmĩ hĩ eet ꞌcĩg hõllõngaa ĩĩn ꞌJudeei vẽlẽk, hũtũngteek nyattal cĩ Mũũꞌtha. Nẽ tarĩ ĩthĩhĩt aĩ, allimaneehi nii ĩhõõggõ hiittiõõ hõllõngaa ẽttẽẽd eleeti ꞌcĩg lõhõlĩ cĩggĩĩng ꞌcĩg maacĩg, hode hiittiõõ hõllõngaa anũ nyeppiteeꞌnya cĩg ꞌJudeei.

Dtiicanĩ cĩg ꞌThooyyiahu 23:12

Ma loohoth cĩnnĩ, iita ulutti eeta cĩg ꞌJudeei nẽ ũbũtanit lõbũtĩ ꞌcĩ hõllõngaa aduhẽẽnĩ hode ahũdẽẽnĩ, ĩꞌthõng huruhit Paaulo.

Dtiicanĩ cĩg ꞌThooyyiahu 24:9

Nĩngĩtĩ awacahĩ eeta cĩg ꞌJudeei nẽ elemit thõõth ꞌcĩ aduha ꞌTertullio ho.

Dtiicanĩ cĩg ꞌThooyyiahu 25:2

Ma ĩĩca, iita makayyiooha cĩg paadĩrꞌnyaannu hĩ makayyiook ũgĩ cĩg eet cĩg ꞌJudeei, uduktaak ĩnõõnnõ thooꞌthiok ꞌcĩg au abĩllĩ nẽẽg Paaulo.

Dtiicanĩ cĩg ꞌThooyyiahu 25:7

Ma baa uppwaanna Paaulo ho, ĩtĩngaacõ eeta cĩg ꞌJudeei baag au ꞌJeruꞌthalẽma, itigirria thooꞌthiok ꞌcĩg abathĩ ꞌcĩg mẽẽlĩg ꞌcĩg abĩllĩ nẽẽg Paaulo, nẽ tarĩ hõllõngaa ẽtẽrꞌtha thooꞌthiok iccig ngaatĩ ĩĩnnĩ dĩdĩ buúk.

Dtiicanĩ cĩg ꞌThooyyiahu 4:12

Yeesu dioo ꞌcĩ aꞌnyak ꞌtirrian ꞌcĩ eellianĩ eeta. ꞌThaar cĩgĩnnĩg dioo loota nĩnga ꞌcĩg occa ẽẽla eet umwa.”

Dtiicanĩ cĩg ꞌThooyyiahu 9:23

Ma baa allanganit waathinniooha ꞌcĩg mẽẽlẽẽgĩ, iita utuhanit eeta cĩg ꞌJudeei thõõth ꞌcĩ aruhi ꞌThaaulo,

1 Korinthia 10:33

tananga hĩcĩ hattĩmani naa haaꞌnyĩk eet haccamattoothĩk ꞌgoolliohĩ vẽlẽk. Hĩnĩngĩtĩ hõllõngaa hadiimi naa bũnnai caannĩ dioo, hadiimi bũnnai cĩ eet ꞌcĩg mẽẽlĩg, hátĩ heellia nẽẽgĩ.

ꞌGalaaꞌthia 5:11

ꞌGotoonoga hĩ ngoonoga, má nga hallimani naa thõõth ꞌcĩ occa etteedini eleeti cĩg eet ꞌcĩg maacĩg, inni haccanattaa eeta cĩg ꞌJudeei nganĩĩt ko? Occa hõllõngaa ĩĩn nyeemuut cĩ hurucceeo, thõõth umwa ꞌcĩ abathĩ, hatĩ nga hanneehi naa eet etteedit eleeti.

Eevvetho 3:13

Ĩnõõ ꞌcĩ occa hõllõngaa aduulẽnĩ ngagiit ꞌthinneeti, hatĩ haccanannii naa hĩnĩngĩtĩ ngagiit ko. Nẽẽthĩ nẽẽꞌthẽk, aꞌnyahaakuung hatĩ ngagiit ꞌcannani caannĩ ho bulẽẽnĩt.

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

1 Tẽꞌthaloonika 1:10

Nẽ athithan tarĩ eeta ꞌgõõl ꞌcĩ ereeyyu niig Ngeertĩ Nyekuci, ꞌcĩ hatĩ aku hẽẽtahujjieen, baa arũgtha Nyekuci daahĩtha, ĩnõõnnõ Yeesu ꞌcĩ hatĩ aku ẽẽlanneet ngagĩĩt lĩĩlĩẽẽttaa cĩ Nyekuci, kõr ꞌcĩ hatĩ aku ẽttẽẽdĩ nẽẽ thooꞌthiok cĩg eetuk, hatĩ kõr ꞌcĩ decciaanĩt cĩ lootu.

2 Tẽꞌthaloonika 2:10

Aku hatĩ ĩggõõl nẽẽ eet cĩg iꞌngittõõthĩ, hĩnĩngĩtĩ thooꞌthiok cĩgĩnnĩg ꞌcĩg abathĩ. Uuk hatĩ Nyekuci eet ꞌcĩg ĩggõõl ꞌThĩttaanĩ ho, hĩnĩngĩtĩ baa abũrĩ nẽẽg ngaatĩ ammĩnanĩ thõõth ꞌcĩ ĩĩn dĩdĩ, ꞌcĩ occa baa aaꞌnyĩk Nyekuc hẽẽla ĩhõõggõ.

1 Timotteeo 2:4

Adiim Nyekuci eet vẽlẽk heellia, hátĩ hiita hagaacõ thõõth ꞌcĩ ĩĩn dĩdĩ.

Ebereei 6:8

Nẽ mana ꞌcĩ adak ꞌdwaanĩ nẽ uwwatana, ĩĩn mana ꞌcĩ accĩĩnĩ thõng nĩngĩtĩ atũũthẽnĩ.

Terethiinit 22:11

Ẽẽtĩ ꞌcĩ adĩman thooꞌthiok ꞌcĩg abathĩ, aꞌnyĩĩk haala hĩdĩman thooꞌthiok ꞌcĩg abathĩ noho nẽ ẽẽtĩ ꞌcĩ ara ꞌthẽccan, aꞌnyĩĩk hara ꞌthẽccan. Nẽ ẽẽtĩ ꞌcĩ adtican thooꞌthiok ꞌcĩg abũnnaa, aꞌnyĩĩk haala hĩdĩman thooꞌthiok ꞌcĩg abũnnaa nẽ aꞌnyĩĩk eet ꞌcĩ ẽllẽẽmĩth haala hẽllẽẽm ũdũt.”