1 Tẽꞌthaloonika 2:14 - ꞌBuuk cĩ Thõõth cĩ Nyekuci

¹⁴ Nẽẽthĩ hoti ho, ꞌgotoonoga hĩ ngoonoga, baa accanattuung ngagiit eeta cĩg looc cunuung ẽmmẽn. ꞌGõõlaa cĩ, ĩyahiꞌthu niig lothippiꞌnya cĩg lemmiook cĩg Nyekuci looccaa cĩ ꞌJudeea, baag accanan ꞌJudeei cĩggĩĩng ẽmmẽn, hĩnĩngĩtĩ ẽlẽmĩ nẽẽg Yeesu Krĩstõ.

1 Tẽꞌthaloonika 2:14 ပူးပေါင်းရင်းမြစ်များ

Dtiicanĩ cĩg ꞌThooyyiahu 11:19

Baa ĩꞌthaanni nuyyiooha ũgẽẽgĩ, hĩnĩngĩtĩ pĩĩrnanĩt ꞌcĩ abathĩ gẽrrẽẽt baa iꞌthianaanĩ kõr baa aruhẽẽnĩ Tẽẽvẽnõ. Baa avvir nẽẽg õõ ꞌrẽẽna loonyinii cĩg Venicia hĩ Ciporo hĩ ꞌtaaũnaa cĩ Antiohĩ, nẽẽthĩ hinnia baa õõ aduhaak nẽẽg eet cĩg ꞌJudeei dioo nyeemuut.

Dtiicanĩ cĩg ꞌThooyyiahu 13:50

Ma nĩngaata, baa hinnia õõ alũllũũman makayyiooha cĩg ꞌJudeei eet ũgĩ ꞌcĩg obbitig ꞌtaaũnatõõ, hĩ ngaaĩ ũgĩ ꞌcĩg iꞌngolli thõõth cĩ Nyekuci. Nĩngĩtĩ aaꞌnyĩkĩ eeta cĩg ꞌJudeei ĩhõõggõ hutuhuyyioothĩk Paaulo hĩ Baarnaba nẽ iꞌthiattaaĩ ĩdĩmanit ĩhõõggõ ꞌbuth. Nĩngĩtĩ iiggiaĩ ĩhõõggõ looccaa cĩnĩĩng battaala.

Dtiicanĩ cĩg ꞌThooyyiahu 14:19

Ma ho, iita makayyiooha ũgẽẽgĩ cĩg ꞌJudeei Antioha hĩ Ikonium hiita hũlũllũũmanit lothippit hũtũbũrĩt Paaulo. Õhõda ĩnõõnnõ biyyiẽẽnĩ nẽ utugurrieek ꞌtaaũna battaala, muhẽẽttaa ꞌcĩ aĩnnĩ adaak oho ẽlẽk.

Dtiicanĩ cĩg ꞌThooyyiahu 14:2

Nẽẽthĩ, eeta cĩg ꞌJudeei ꞌcĩg baag abũrĩ Makayyioohit, iita ẽꞌthẽcanit eet ũgĩ ꞌcĩg hõllõngaa ĩĩn ꞌJudeei hĩlĩĩllẽẽcõ hutuhuyyioothĩk nuyyiook cĩg Makayyiooktak.

Dtiicanĩ cĩg ꞌThooyyiahu 14:4

Nẽẽthĩ, baa hinnia eꞌngerri eeta ꞌtaaũna thõng. Baa ẽlẽmĩ ũgẽẽgĩ thõõth cĩ eet cĩg ꞌJudeei nẽ elemit ũgẽẽgĩ thõõth cĩ ꞌthooyyiahu.

Dtiicanĩ cĩg ꞌThooyyiahu 14:5

Ma ho, iꞌthiattaaĩ eeta ũgẽẽgĩ ꞌcĩg hõllõngaa ĩĩn ꞌJudeei hĩ eet ꞌcĩg ĩĩn ꞌJudeei hĩ makayyiook cĩggĩĩng, utuhanit thõõth ꞌcĩ adĩmanĩ Paaulo hĩ Baarnaba ꞌbuth, hĩ ngaatĩ õhõdaanĩ ĩhõõggõ biyyiẽẽnĩ hadaahito.

Dtiicanĩ cĩg ꞌThooyyiahu 17:13

Ma baa ĩthĩhĩt eeta cĩg ꞌJudeei ꞌtaaũnaa cĩ Tẽꞌthaloonika ngaatĩ allimanĩ Paaulo eet thõõth cĩ Nyekuci ꞌtaaũnaa cĩ Berea ho, õõt nẽẽg buúk ĩĩcĩ ꞌtaaũn tĩho hõõt hulluuthito lothippit hĩdĩmanit Paaulo ꞌbuth.

Dtiicanĩ cĩg ꞌThooyyiahu 18:12

Baa nga ĩĩn eet ꞌcĩ haĩ ꞌGallio makayyioohit ꞌcĩ aggam looc cĩ Acaia, ĩtĩngaacõ eeta cĩg ꞌJudeei ũgẽẽgĩ aggamit Paaulo nẽ ootti lokihooa,

Dtiicanĩ cĩg ꞌThooyyiahu 8:1

Baa abĩlĩ ꞌThaaulo nĩngaata hĩcĩn hoddiaanĩt ꞌcĩ adaaknĩ Tẽẽvẽnõ ho. Ma kõr niccia, itigirriaak pĩĩrnanĩtĩ ꞌcĩ maka gẽrrẽẽt lothippit cĩ lemmioohu ꞌJeruꞌthalẽma. Nĩngĩtĩ ĩꞌthanõthõõthĩkĩ nuyyiooha vẽlẽk looccaa cĩ ꞌJudeea hĩ looccaa cĩ Thamaria, hidionganit ꞌthooyyiaha diooni.

Dtiicanĩ cĩg ꞌThooyyiahu 8:3

Nĩngĩtĩ iꞌthianaanĩ ꞌThaaulo ĩꞌthaanĩ lothippit cĩ lemmioohu. Õyõyyõr ꞌcieethini vẽlẽk, agurra eet ꞌcĩg maacĩg hĩ ngaaĩ nẽ aarĩk ĩhõõggõ baabuuthatõõ.

Dtiicanĩ cĩg ꞌThooyyiahu 9:1

Baa ara ẽrrẽan ꞌThaaulo nuyyiook cĩg Makayyiooktak ngaatĩ aduhaanĩ thooꞌthiok ꞌcĩg adiim aruhi ĩhõõggõ. Nẽ ũũk ẽttẽẽda waragẽẽt hĩ paadĩr cobbi,

Dtiicanĩ cĩg ꞌThooyyiahu 9:13

Ẽdẽcĩ hinnia Anania Yeesu anneek, “Makayyioohit, ẽddẽẽbtahaa eeta ꞌcĩg mẽẽlĩg gẽrrẽẽt thooꞌthiok ꞌcĩg abathĩ ꞌcĩg aruhi ẽẽtĩ ciee nuyyiook cugunnig ꞌJeruꞌthalẽma.

Dtiicanĩ cĩg ꞌThooyyiahu 9:31

Baa ikia aau lothippiti cĩ lemmioohu ganõõna looccaa cĩ ꞌJudeea hĩ ꞌGalileea hĩ Thamaria nẽ alaacõ Makayyioohit. Iita ittiranit nẽẽg gẽrrẽẽt, hĩnĩngĩtĩ ẽẽl Lorii ꞌcĩ Ẽllẽẽmĩth ĩhõõggõ aaꞌnyĩk hittoorri hĩĩtõ mẽẽlĩg.

1 Korinthia 10:32

Ma haĩnanaannu eet umwa hẽttẽẽd looc, hode ꞌJudeeinit hode ꞌGiriheenit hode lothippit cĩ lemmiook cĩg Nyekuci,

1 Korinthia 7:17

Adiim aꞌthuunnu niig hõdẽĩ hõdẽĩ ꞌgõõl baa aarikuung ngagiit Makayyioohiti nẽ aallattiaau hĩ baa avviyyuung ngagiit Nyekuci baa ĩĩcĩ oou. Thõõth caannĩ ꞌcĩ haduhaahi lothippiꞌnya cĩg lemmioohu vẽlẽk hũnnẽẽcõ cieeni.

ꞌGalaaꞌthia 1:22

Nẽ korrioohĩ nĩĩcag buúk, baa nga hagayyia lothippiꞌnya ꞌcĩg lemmiook cĩg Yeesu Krĩstõ cĩg looc cĩ ꞌJudeea ho nganĩĩta.

1 Tẽꞌthaloonika 1:1

Nganĩĩt Paaulo, hĩ ꞌThĩĩla hĩ Timotteeo ꞌcĩg hẽhẽẽdakuung ngagiit lothippit cĩ lemmiook cĩg ꞌtaaũn cĩ Tẽꞌthaloonika waraga icci ho. Hẽhẽẽdakuung ngagiit eet ꞌcĩg iiginnu eet cĩg Nyekuc Baangeet cĩnaac hĩ Makayyioohit Yeesu Krĩstõ. Aꞌnyĩĩk bũnnai cĩ Nyekuci hĩ authet ꞌcĩ aattiyyu lõꞌngõõc, haau hĩ ngagiit vẽlẽk.

1 Tẽꞌthaloonika 1:6

Ma baa iita elemtu niig Nyeemuut cĩ Yeesu, iita aauttu niig buúk hĩ naaga nẽ aauttu hĩ Makayyioohiti Yeesu. Tananga baa ummuddiaau niig pĩĩrnanĩt cobbi gẽrrẽẽt thõõthaa cĩ, ikia aaꞌnyuung Lorii ꞌcĩ Ẽllẽẽmĩth ngagiit accamattoothĩk.

1 Tẽꞌthaloonika 3:4

Nẽ dĩdĩ, baa gõõng haduhaakuung naag ngagiit baa nga harũmĩ hĩ ngagiit hanneekuung, haccananni hatĩ naaga. Nẽ ꞌyioko, hiita haccanattĩ dĩdĩ hĩcĩ ꞌthẽk agayyu niig buúk ko.

2 Tẽꞌthaloonika 1:1

Nganĩĩt Paaulo ꞌcĩ hẽhẽẽdakuung waraga icci ho, hẽhẽẽdakuung ngagiit lothippit cĩ lemmiook cĩg ꞌtaaũn cĩ Tẽꞌthaloonika, ꞌcĩg iiginnu eet cĩg Nyekuc Baangeet cĩnaac hĩ Makayyioohit Yeesu Krĩstõ. Ĩꞌthaayyuung ꞌThĩĩla hĩ Timotteeo buúk ngagiita.

2 Tẽꞌthaloonika 1:4

Ĩnõõ ꞌcĩ hirriannuung naag ngagiit hĩ lothippiꞌnya cĩg lemmiook cĩg Nyekuci loonyini vẽlẽk. Haduhaaka naag ĩhõõggõ thõõth ꞌcĩ emmeeꞌthu niig pĩĩrnanĩt hĩ thõõth ꞌcĩ aallannu niig elemmu Nyekuc, tananga aꞌnyaku ꞌcannan hĩ pĩĩrnanĩt cobbi gẽrrẽẽt.