1 Tẽꞌthaloonika 2:13 - ꞌBuuk cĩ Thõõth cĩ Nyekuci

¹³ Hanneeka naag Nyekuc hõdõõkõthĩ ĩlaallẽ, hĩnĩngĩtĩ elemtu niig thõõth cĩnnĩ baa hallimannuung naaga. Baa aku thõõth ciee hĩ ĩnõõnnõ nẽ baa hõllõngaa aku thõõth ciee hĩ eet cĩ holli õõ haaga. Nẽẽthĩ ꞌyioko, hĩ baa elemtu niig thõõth cĩnnĩ ho, idticanõõ nẽẽ hĩ ngagiit ꞌcĩg iiginnu lothippit cĩ lemmiook cĩgĩnnĩg.

1 Tẽꞌthaloonika 2:13 ပူးပေါင်းရင်းမြစ်များ

Maatteeo 10:20

hĩnĩngĩtĩ hõllõngaa hatĩ ngagiit ꞌcĩg hatĩ othooꞌthu ho, Lori cĩ Maaconu ꞌcĩ hatĩ aduhaakuung thõõth ꞌcĩ hatĩ ooyyu othooꞌthu.

Maatteeo 10:40

“Ẽẽtĩ ꞌcĩ elemmuung ngagiita, ẽlẽmma nganĩĩt buúk nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩta.

ꞌLuuka 11:28

Ẽdẽcĩ hinnia Yeesu anneek, “Aꞌnyĩĩk haggatattĩ eeta ꞌcĩg athĩhĩ thõõth cĩ Nyekuci nẽ elemita.”

ꞌLuuka 5:1

Baa kõr umwa abĩlĩ Yeesu dẽmẽtaa cĩ bũlũc ꞌcĩ haĩ ꞌJẽnẽꞌtharẽt, alliman lothippiꞌnya ꞌcĩg õꞌngõnyõõnĩ ꞌgõõl ꞌcĩ auuni hĩ ĩnõõnnõ, hiita hĩthĩhĩt thõõth cĩ Nyekuci.

ꞌLuuka 8:11

“Aĩ ꞌlimmanĩ ꞌcĩ awantoothĩk ko nẽẽ, ĩthakꞌthoothĩk hinyomona ꞌcĩg athacci ho thõõth cĩ Nyekuci.

ꞌLuuka 8:21

Ẽdẽcĩ hinnia Yeesu ĩnõõnnõ anneek, “Morwahit hĩ ꞌgotoonoga eeta ꞌcĩg athĩhĩ thõõth cĩ Nyekuci nẽ idticattõõĩ.”

Yõaannẽ 15:3

Iittu niig tẽllĩg ẽlẽk, hĩnĩngĩtĩ thõõth aa huduhaahuung naa ngagiita.

Yõaannẽ 17:17

Ĩĩn thõõth cunni thõõth ꞌcĩ ĩĩn dĩdĩ. Nẽ aꞌnyĩĩk thõõth cunni ꞌcĩ ĩĩn dĩdĩ ho, haaꞌnyĩk ĩhõõggõ hĩĩtõ eet cugunnig.

Yõaannẽ 17:19

Hẽlẽmanaa naa ẽlẽ caannĩ, hĩnĩngĩtĩ ĩhõõggõ, hátĩ hĩĩtõ nẽẽg ooo eet cĩg thõõth ꞌcĩ ĩĩn dĩdĩ.

Dtiicanĩ cĩg ꞌThooyyiahu 10:33

Nĩngĩtĩ hĩthõõanĩĩ eet hĩdĩĩkoothong nẽ abũnnaa gẽrrẽẽt ngaatĩ akuuni. Nẽẽthĩ ꞌyioko, hattiyyia naag vẽlẽk ngaati muumaa cĩ Nyekuci, hĩthĩkta thooꞌthiok ꞌcĩg anneeki nganiit Makayyioohiti duhaaheet ngagĩĩta.”

Dtiicanĩ cĩg ꞌThooyyiahu 13:48

Ma baa athĩhĩ eeta ꞌcĩg hõllõngaa ĩĩn ꞌJudeei nyeemuut icci ho, iita accamattoothĩk gẽrrẽẽt nẽ ubuluthit thõõth cĩ Makayyiookto. Nẽ eeta vẽlẽk ꞌcĩg baag ẽbẽra rũgẽt ꞌcĩ aalla ũdũt, elemit Makayyioohit Yeesu.

Dtiicanĩ cĩg ꞌThooyyiahu 16:14

Ngaaĩnĩĩ ꞌcĩg hothoothonna ho, baa aaĩ ngaa umwaa ꞌcĩ haĩ Liidia ꞌcĩ aku ꞌtaaũnaa cobbi ĩĩcĩ Thiatira, ꞌcĩ baa ũũtẽnĩ ceremwa ꞌcĩg õkõmĩ ꞌcĩg ꞌrẽggẽẽg. Baa ala nẽẽ Nyekuc gẽrrẽẽt, nĩngĩtĩ abbuuhi Makayyioohiti Yeesu ꞌthĩnĩt cĩnnĩ hĩthĩk nyeemuut cĩ Paaulo.

Dtiicanĩ cĩg ꞌThooyyiahu 17:11

Baa abũnnaa eeta cĩg Berea hĩllõõanit cĩg Tẽꞌthaloonika nẽ baa accamana nyeemuut gẽrrẽẽt. Korrioohĩ vẽlẽk, agiil nẽẽg ꞌBuuk cĩ Nyekuci, hátĩ hummuddia hatĩ ĩĩn thooꞌthioha ꞌcĩg aduha Paaulo ho dĩdĩ.

Dtiicanĩ cĩg ꞌThooyyiahu 17:32

Ma baa athĩhĩ eeta thõõth ꞌcĩ arũgnaanĩ ẽẽtĩ daahĩtha ho, iꞌthiattaaĩ ũgẽẽgĩ atararit nĩĩcĩ noho. Baa aĩ ũgẽẽgĩ nẽẽ, “Hadiim hatĩ hau hathĩkna thõõth icci hĩ nganiit tarĩ kõr umwa.”

Dtiicanĩ cĩg ꞌThooyyiahu 2:41

Baa ĩĩn eeta ꞌcĩg elemit nyeemuut icci nẽ aggamit baattithimo aalibꞌnya iyyio nẽ ittoorriothoothĩk hĩ ꞌgõõnõgĩ cĩg kõr niccia.

Dtiicanĩ cĩg ꞌThooyyiahu 8:14

Ma baa ĩthĩhĩt ꞌthooyyiaha ꞌJeruꞌthalẽma ngaatĩ ẽlẽmmĩ eeta cĩg Thamaria thõõth cĩ Nyekuci ho, iita iꞌthooyyik nẽẽg ĩhõõggõ Pẽẽtũrũ hĩ Yõaannẽ.

ꞌRooma 10:17

Nẽẽthĩ, aku lemiiniti, hĩnĩngĩtĩ thĩhẽẽnĩt cĩ nyeemuut ꞌcĩ abũnnaa nẽ aduha nyeemuut ciee thõõth cĩ Krĩstõ.

2 Korinthia 3:18

Nẽ naag nuyyiooha cĩg Krĩstõ, ꞌcĩg hõllõngaa ammũtĩ muumti, hedeenyothi naag bulẽẽnĩt cĩ Makayyiookto nẽ ũtũhũeet Lorii cĩ Ẽllẽẽmĩth hiriiri, haaut hĩ Makayyioohiti cĩ abuli.

ꞌGalaaꞌthia 4:14

Nẽ tananga baa hommoori gẽrrẽẽt, baa hõllõngaa aaꞌnyuung ngagiit mõõrĩthĩ caannĩ ꞌcannan nẽ tarĩ hõllõngaa appallaarannaangu hode iiggiayyiaangu thõng buúk. Baa akũmaneekaangu hinnia haau hĩcĩ akũmaneeku aajĩlõ cĩ Nyekuci, hode akũmaneeku Yeesu Krĩstõ dẽẽdẽ.

Kolooꞌthe 1:6

ĩꞌthanothoothĩk nyeemuut ciee loonyin vẽlẽk ꞌgõõlaa ꞌcĩ abũnnaa gẽrrẽẽt. Nẽ ikia ĩtĩlĩth ꞌgõõla hõdẽẽthõng hõrggẽẽnaa cunuung, nganĩngĩtĩ kõr baa athiknu niig thõõth ꞌcĩ ĩĩn dĩdĩ cĩ tarbalꞌthẽẽt cĩ Nyekuci, thooꞌthiohĩ vẽlẽk ĩcĩg ĩĩn dĩdĩ.

Ebereei 4:12

Hĩnĩngĩtĩ arũgĩ thõõth cĩ Nyekuci nẽ attiranĩ. ꞌLẽhẽd hĩllõõan nyetuboot ꞌcĩ ꞌlẽhẽdĩ gẽrrẽẽt, ẽttẽẽd thõõth cĩ Nyekuci loriẽẽt hõdõlan lobulẽẽt hĩ õnyõ, ĩꞌthõng hũmmũda mũyan hĩ muhẽẽnĩt cĩ ꞌthinneeti cĩggaac.

Ebereei 4:2

Baa hĩthĩhĩt naag nyeemuut ꞌcĩ abũnnaa ho, hĩ baa athĩhĩ eeta cĩg Ĩꞌthĩraẽlĩ. Nẽ baa ũtũbũrĩt nẽẽg thõõth baa ĩthĩhĩt ẽlẽk. Ma ho, iittiõõ nyeemuut ciee hõllõngaa ẽẽl ĩhõõggõ, hĩnĩngĩtĩ hõllõngaa aꞌnyak nẽẽg lemiinit.

ꞌJeemith 1:18

Adiimmeet Nyekuci ngagĩĩt hĩĩtõ eet cĩgĩnnĩg nẽ ĩꞌthõõa nyeemuut ꞌcĩ ĩĩn dĩdĩ haaꞌnyeet ngagĩĩt rũgẽt ꞌcĩ ĩĩn ngeju.

1 Pẽẽtũrũ 1:23

Baa aaꞌnyuung Nyekuci ngagiit rũgẽt ꞌcĩ ĩĩn ngeju ꞌcĩ hõllõngaa aku ꞌgiiaa ꞌcĩ occa adaahĩ, nẽẽthĩ, aku ꞌgiiaa ꞌcĩ hõllõngaa occa adaahĩ. Baa ittirriaau niig tarĩ, nyeemuutaa cĩ Nyekuci ĩcĩ arũgĩ ũdũt.

1 Pẽẽtũrũ 1:25

Nẽẽthĩ, aalla thõõth cĩ Makayyiookto ũdũt.” Nẽ ĩĩn thõõth tĩho nyeemuut ꞌcĩ abũnnaa baa allimanoothikuung ngagiita.

1 Pẽẽtũrũ 2:2

Aaut hĩ ĩdõlẽẽta ꞌcĩg adiim ira ꞌcĩg tẽllĩg ꞌcĩg au hĩ Nyekuc diooni, ꞌcĩ occa eelluung ngagiit ĩtĩlĩthĩt elliaattaa cunuung,

2 Pẽẽtũrũ 3:2

Hadiimmuung naa ngagiit ummuhuttooth thooꞌthiok baag aduha põrõvẽtaaꞌnya baag ẽllẽẽmĩth baag baarkit, hĩ tilooinit cĩ Makayyioohit Ellioohit cĩnaac baa allimaneekuung ꞌthooyyiaha cugguung.

1 Yõaannẽ 3:3

Aaꞌnyeet thõõth ꞌcĩ haarĩkĩ ꞌthinneeti thõõth icci ho, helleemit hĩcĩ ẽllẽẽmĩth Krĩstõ.