1 Tẽꞌthaloonika 2:10 - ꞌBuuk cĩ Thõõth cĩ Nyekuci

¹⁰ Iiginnu niig vẽlẽk hĩ Nyekuc hẽbẽrĩ cĩggaang, ꞌcĩg agayyu ainnu, hĩĩgĩnna naag eet ꞌcĩg ẽllẽẽmĩthĩ nẽ tẽllĩg ꞌthinneeti, hiꞌthihi thõõth umwa ꞌcĩ abathĩ hĩ ngagiit lemmiook cĩg Makayyiooktak.

1 Tẽꞌthaloonika 2:10 ပူးပေါင်းရင်းမြစ်များ

ꞌLuuka 23:41

Aũlan ngaatĩ huukẽnĩ naag, hĩnĩngĩtĩ thooꞌthiok ꞌcĩg abathĩ ꞌcĩg hadĩman naaga, nẽẽthĩ, aꞌngaaꞌnyi ẽẽtĩ ciee haaga.”

Dtiicanĩ cĩg ꞌThooyyiahu 20:18

Ma baa au õdõlan nẽẽg Mileeto ho, ĩĩnnĩk Paaulo ĩhõõggõ, “Agayyu niig ꞌgõõl ꞌcĩ baa haayyi naa baa harũmĩ ĩĩcĩ oou, iꞌthianaanĩ kõr baa nga hakuuni naa dhoortaa cĩ Aaꞌthia thõng.

Dtiicanĩ cĩg ꞌThooyyiahu 20:26

Nẽẽthĩ, haduhaakuung naa ngagiit kõr nicci, ngaatĩ hammĩrrĩ naa biyyiẽẽtĩĩ cĩg eet vẽlẽk.

Dtiicanĩ cĩg ꞌThooyyiahu 24:16

Nẽ harrĩcanaa hõdõõkõthĩ ngaatĩ haꞌnyahĩ ꞌthĩnĩt ꞌcĩ tẽllĩ muumaa cĩ Nyekuci hĩ muumtinii cĩg eetuk.

2 Korinthia 1:12

Nẽ ꞌyioko, ĩĩn ciee ꞌrianĩĩth cĩnaang nẽ aduha ꞌthinneeti cĩggaang ꞌgõõl baa harũmẽẽnĩ hĩ ngagiita nẽ dĩdĩ baa gõõng harũmĩ naag hĩ ngagiit lõꞌngõõc. Baa bũnnai cĩ Nyekuci ꞌcĩ aaꞌnyeet hĩdĩmatta noho, hõllõngaa ꞌgẽẽnyĩth cĩ looc nicci ꞌcĩ hadĩmanna noho ho.

2 Korinthia 11:11

Inni? Hĩnĩngĩtĩ hõllõngaa hammĩnannuung naa ngagiita? Aga Nyekuci ngaatĩ hammĩnannuung naa ngagiita!

2 Korinthia 11:31

Nyekuc Maaꞌnyĩ Makayyioohit cĩnaac Yeesu Krĩstõ, ꞌcĩ aga aĩ hõllõngaa hoolongi naana nẽ aꞌnyĩĩk hĩdĩhĩthĩ nẽẽ ooo!

2 Korinthia 4:2

Nẽẽthĩ hinnianĩ, haharreeka naag thooꞌthiok ꞌcĩg adĩman eeta burkiitina ꞌcĩg ĩĩn ngaaoni. Nẽ hõllõngaa hĩggõõlla eet umwa, hode hõllõngaa hũũhũyya thõõth cĩ Nyekuci. Ĩĩn Nyekuci hebereec cĩnaang ꞌcĩ aga ngaatĩ hõthõõꞌtha naag thõõth ꞌcĩ ĩĩn dĩdĩ. Haduhaanna naag thõõth ꞌcĩ ĩĩn dĩdĩ muumaa cĩ Nyekuci nẽ aga eeta vẽlẽk ꞌcĩg aduha thõõth ꞌcĩ ĩĩn dĩdĩ, thõõth icci.

2 Korinthia 5:11

Haga naag thõõth ꞌcĩ aĩ, hitingolli Makayyioohit nẽ huduktaak eet vẽlẽk hiita hĩ ĩnõõnnõ. Agayyeet Nyekuci ngagĩĩt ngaatĩ hĩĩgĩnnĩ eet ꞌcĩg haattĩg hutuno nẽ hammuhi agayyu niig buúk ngaatĩ hĩĩgĩnnĩ naag eet ꞌcĩg haattĩg hutuno.

2 Korinthia 7:2

Ubbuuktĩheetu ngagĩĩt ꞌthinneeti cugguung. Hĩnĩngĩtĩ hõllõngaa hadĩmanna naag eet umwa ꞌbuth. Hõllõngaa hĩgõrĩꞌtha ꞌgii cĩ eet umwa nẽ hõllõngaa harratanna eet umwa.

1 Tẽꞌthaloonika 1:5

hĩnĩngĩtĩ baa hõllõngaa haꞌnyahaakuung naag ngagiit nyeemuut ꞌcĩ abũnnaa ho utugeetini haaga, baa haꞌnyahaakuung ꞌtirriaanaa ꞌcĩ aku hĩ Lori ꞌcĩ Ẽllẽẽmĩthĩ, hĩ muhẽẽnĩt ꞌcĩ õkõmĩ. Agayyu niig ꞌgõõl baa haattiyyia naag hõrggẽẽnaa cunuung, hĩnĩngĩtĩ ngagiita.

1 Tẽꞌthaloonika 2:5

Agayyu niig buúk nga hĩttĩmatta naag ngaatĩ hĩggõõlla eet umwa. Aga Nyekuci buúk ngaatĩ aitiõõnnĩ thõõth baa hadĩmanna naag, hõllõngaa ĩĩn ꞌgii ꞌcĩ hammũtta lõbõlõbẽẽꞌthĩt cĩnaang.

2 Tẽꞌthaloonika 3:7

Abũnnaa agayyu niig jurrung ngaatĩ occa ĩthahĩꞌtheetu ngagĩĩta nẽ unuyyu thooꞌthiok baag hadĩmanna naaga. Baa hõllõngaa hĩĩgĩnna naag nyamuttiook, baa nga harũmĩ hĩ ngagiita.

1 Timotteeo 4:12

Ma haaꞌnyihi eet umwa hatamaaci, hĩnĩngĩtĩ aĩ nga ĩĩnĩ hĩdĩca. Aꞌnyĩĩk lemmiook hĩcĩtta hĩ nganiit ꞌgõõl ꞌcĩ anũĩ nẽẽg thõõth cĩ Nyekuci, ꞌrioona cunni, hĩ authetaa ꞌcĩ aayyi jurrung, hĩ ꞌgõõlaa ꞌcĩ ammĩnanĩĩ eet, hĩ ngaatĩ ẽlẽmmĩ thõõth cĩ Nyekuci, hĩ ꞌgõõlaa ꞌcĩ hõllõngaa adĩmani thooꞌthiok ꞌcĩg ĩĩn ꞌriiring.

2 Timotteeo 3:10

Ẽlẽ Timotteeo, agau nii thõõth baa hallimaneehi naa eet hĩ authet ꞌcĩ haayyi naana. Aga nii thõõth ꞌcĩ hadiimi hadticani naana, hĩ thõõth ꞌcĩ helemi, hĩ ꞌgõõl ꞌcĩ hẽmmẽẽꞌthĩ naa ꞌcannan, hĩ ngaatĩ hammĩnanĩ eeta, hĩ ngaatĩ hadĩhanĩĩ thooꞌthiok.

1 Pẽẽtũrũ 5:3

Ma harratannu eet ꞌcĩg aggammu niiga, nẽẽthĩ, etereꞌthieek ĩhõõggõ hillimatta thõõth ꞌcĩ abũnnaa hĩ ngagiita.