1 Tẽꞌthaloonika 1:9 - ꞌBuuk cĩ Thõõth cĩ Nyekuci

⁹ Nẽ tarĩ, baa athithan eeta vẽlẽk thõõth ꞌcĩ elemmeetu niig ngagĩĩt, kõr baa hẽhẽẽrõnaakuung, hĩ ꞌgõõl baa uunniku niig hẽlẽggĩ ꞌcĩg ala eeta hĩĩtõ nyekuꞌnya nẽ idticattoothihu Nyekuc dĩdĩ ꞌcĩ arũgĩ.

1 Tẽꞌthaloonika 1:9 ပူးပေါင်းရင်းမြစ်များ

Maatteeo 16:16

Ẽdẽcĩ ꞌThimõõnẽ Pẽẽtũrũ ĩnõõnnõ anneek, “Ĩĩnĩ nii Krĩstõ, Ngeertĩ Nyekuc ꞌcĩ arũgĩ.”

Dtiicanĩ cĩg ꞌThooyyiahu 14:15

“Hõlõ, ne ꞌcĩ adĩmannu niig hoti ho? Hĩĩgĩnna naag eet haaga hĩ niiga. Haꞌnyahaakuung naag ngagiit nyeemuut ꞌcĩ abũnnaa, hanneekuung ũtũngteek thooꞌthiok iccig abathĩ ho, elemit Nyekuc ꞌcĩ arũgĩ, ꞌcĩ ẽhẽnyta hẽẽtkujjieen hĩ looc hĩ bũlũc hĩ hẽlẽggĩ vẽlẽk ꞌcĩg aattiyyi ĩhõõggõ.

ꞌRooma 9:26

Nẽ, “Baa adukiaak ĩhõõggõ kõr umwa aĩ, ‘Hõllõngaa iiginnu niig eet cĩgannĩg,’ nẽẽthĩ ngaatĩho noho, haĩ hatĩ ĩhõõggõ, ‘Lõhõlĩ cĩg Nyekuc ꞌcĩ arũgĩ.’ ”

1 Korinthia 12:2

Agayyu niig baa nga agaac niig Nyekuc, baa arahannuung ngagiit hẽlẽggĩ ꞌcĩg aarru niig hĩĩtõ nyekuꞌnya nẽ alayyu hẽlẽggĩ ꞌcĩg hõllõngaa õthõõth buúk.

1 Tẽꞌthaloonika 2:1

ꞌGotoonoga hĩ ngoonoga, baa agayyu niig aĩ, baa hõllõngaa hẽhẽẽrõnaakuung naag ngagiit haaga.

1 Tẽꞌthaloonika 2:13

Hanneeka naag Nyekuc hõdõõkõthĩ ĩlaallẽ, hĩnĩngĩtĩ elemtu niig thõõth cĩnnĩ baa hallimannuung naaga. Baa aku thõõth ciee hĩ ĩnõõnnõ nẽ baa hõllõngaa aku thõõth ciee hĩ eet cĩ holli õõ haaga. Nẽẽthĩ ꞌyioko, hĩ baa elemtu niig thõõth cĩnnĩ ho, idticanõõ nẽẽ hĩ ngagiit ꞌcĩg iiginnu lothippit cĩ lemmiook cĩgĩnnĩg.

1 Timotteeo 4:10

nẽ hadticaniinna gẽrrẽẽt, ngaatĩ haarĩka muhẽẽnĩt cĩnaang hĩ Nyekuc ꞌcĩ arũgĩ, ꞌcĩ ĩĩn Ellioohit cĩ eet vẽlẽk, hĩ dẽẽdẽ eet ꞌcĩg elemit ĩnõõnnõ.

Ebereei 12:22

Nẽ ꞌyioko, iitiaau niig muuraa cĩ ꞌThionĩ hĩ õlõõ cĩ Nyekuci ꞌJeruꞌthalẽma. ꞌTaaũn cobbi cĩ Nyekuc ꞌcĩ arũgĩ cieeni, nĩngĩtĩ au adahĩ aajĩlẽẽta ꞌcĩg ĩĩn aalibꞌnya hĩ aalibꞌnya karrama.

1 Yõaannẽ 5:21

Niiga lõhõlẽẽtĩg, ũtũbũrĩt hẽlẽggĩ ꞌcĩg aar eeta hĩĩtõ nyekuꞌnya.

Terethiinit 17:2

Atagguutho nẽẽ hĩ habuẽẽt vẽlẽk loota nĩnga. Nẽ ngaaoni cĩnnẽẽnĩ, aau hĩcĩ eet ꞌcĩg ahũd viino hũdũũtĩtõ nẽ idticanit thooꞌthiok ꞌcĩg ĩĩn ꞌriiring loota nĩnga.”