1 Tẽꞌthaloonika 1:8 - ꞌBuuk cĩ Thõõth cĩ Nyekuci

⁸ Nẽ hĩnĩngĩtĩ ngagiita, ikia ĩꞌthanothoothĩk thõõth cĩ Makayyiookto loonyini vẽlẽk hõllõngaa Maccedoonia hĩ Acaia dioo nẽ ikia agaĩ lemiiniti cunuung cĩ Nyekuci loonyin vẽlẽk, nẽ occa ꞌthẽk iittiõõ hõllõngaa hathithan thõõth icci thõng buúk.

1 Tẽꞌthaloonika 1:8 ပူးပေါင်းရင်းမြစ်များ

Luugithõõ 18:9

Baa accamanoothĩk ꞌJeꞌthoro gẽrrẽẽt ngaatĩ athĩknĩ thooꞌthiok vẽlẽk ꞌcĩg abũnnaa ꞌcĩg adĩmaneek Makayyioohiti eet cĩg Ĩꞌthĩraẽlĩ, ngaatĩ ẽẽlanĩ ĩhõõggõ athĩnĩĩ cĩg eet cĩg Ijjibi.

Dtiicanĩ cĩg ꞌThooyyiahu 18:12

Baa nga ĩĩn eet ꞌcĩ haĩ ꞌGallio makayyioohit ꞌcĩ aggam looc cĩ Acaia, ĩtĩngaacõ eeta cĩg ꞌJudeei ũgẽẽgĩ aggamit Paaulo nẽ ootti lokihooa,

ꞌRooma 1:8

Ĩĩcĩ oou, hala naa Nyekuc ꞌthaarĩĩ cĩg Yeesu Krĩstõ, hĩnĩngĩtĩ ngagiit vẽlẽk. Hadĩmani naa hoti, hĩnĩngĩtĩ athithan eeta loonyini vẽlẽk lemiinit cunuung.

ꞌRooma 15:26

Hĩnĩngĩtĩ baa accamanoothĩk lemmiooha cĩg looc cĩ Maccedoonia hĩ cĩg looc cĩ Acaia, ngaatĩ õhõaanĩ ꞌrabbẽẽt ũgĩ, hatĩ heelli pĩĩrnattiaak lemmioohĩĩ cĩg ꞌJeruꞌthalẽmĩ.

ꞌRooma 16:19

Baa ĩthĩhĩt eeta vẽlẽk lemiinit cunuung nẽ haccamanoothihi naa gẽrrẽẽt, hĩnĩngĩtĩ ngagiita, nẽẽthĩ, hadiimmuung naa ngagiit eggeenyit thõõthaa ꞌcĩ abũnnaa nẽ ĩmmĩrru thõõthaa ꞌcĩ abathĩ.

1 Korinthia 14:36

Iꞌthianaanĩ baa thõõth cĩ Nyekuci hĩ ngagiita? Hode ngagiit baa dioo ꞌcĩg õdõlannuung thõõth cĩ Nyekuci?

2 Korinthia 2:14

Ĩlaallẽ hĩ Nyekuc ngaatĩ aaꞌnyĩkĩ Krĩstõ hutuanõõĩ nyeitee. Eelleet ngagĩĩt Nyekuci buúk, ngaatĩ hõõ hĩꞌthaanĩka nyeemuut cĩ Krĩstõ ꞌcĩ ẽmmẽdĩ loonyini vẽlẽk nẽ õꞌngõlĩ nyeemuut ciee haau hĩgõõng mõhõõkacĩ.

2 Korinthia 3:4

Thõõth ꞌcĩ ĩĩn dĩdĩ ꞌcĩ hagayyia naag hĩ Nyekuc cieeni, má aggamtu niig nyeemuut cĩnaang ko, eelluung hatĩ Krĩstõ aaut hĩcĩ adiim Nyekuci.

Kolooꞌthe 3:16

Aanytĩk nyeemuut cĩ Krĩstõ haau hĩ ngagiit rũgẽtaa cunuung vẽlẽk, hĩcĩ adticaniinnu ꞌgẽẽnyĩth cunuung vẽlẽk ngaatĩ allimannu ꞌgoonogu. Ebenit tegellwa cĩg laiittak taliitta nẽ iittihu Nyekuc ĩlaallẽ.

2 Tẽꞌthaloonika 1:4

Ĩnõõ ꞌcĩ hirriannuung naag ngagiit hĩ lothippiꞌnya cĩg lemmiook cĩg Nyekuci loonyini vẽlẽk. Haduhaaka naag ĩhõõggõ thõõth ꞌcĩ emmeeꞌthu niig pĩĩrnanĩt hĩ thõõth ꞌcĩ aallannu niig elemmu Nyekuc, tananga aꞌnyaku ꞌcannan hĩ pĩĩrnanĩt cobbi gẽrrẽẽt.

2 Tẽꞌthaloonika 3:1

Nẽ thõõth ꞌcĩ adtuurna ꞌgotoonoga hĩ ngoonoga, alayyiooyyieetu ngagĩĩt, hátĩ hĩꞌthanothoothĩk thõõth cĩ Nyekuci looc vẽlẽk hĩdĩĩkoothong, hátĩ hĩthĩhĩt eeta thõõth cĩnnĩ haau hĩcĩ athiknu niig ko.

1 Timotteeo 2:8

Hadiimi naa eet ꞌcĩg maacĩg loonyini vẽlẽk, halayyio hodongit athĩn cĩggĩĩng ꞌcĩg ẽllẽẽmĩth ꞌjieena, hiittiõõ liilii hode pẽkanĩ tõõ.

2 Timotteeo 2:9

ꞌcĩ happĩĩrnanĩĩ ngaatĩ hecebiini baabuutha hĩ ꞌthẽccannioohiti. Nẽ occa hõllõngaa ecebbi thõõth cĩ Nyekuci baabuutha.

3 Yõaannẽ 1:12

Athithan eeta vẽlẽk bũnnai cĩ Demetirio nẽ aduha thõõth ꞌcĩ ĩĩn dĩdĩ ho buúk. Hothoothi naa buúk ĩnõõnnõ jurrung nẽ agayyu niig ngaatĩ ĩĩnnĩ thõõth ꞌcĩ haduhaanna naag ko dĩdĩ.

Terethiinit 14:6

Ma ho, hudtuuha aajĩlõ umwa ꞌcĩ alilliaan hẽẽtahujjieen, aꞌnyaha nyeemuut ꞌcĩ abũnnaa ꞌcĩ aalla ũdũt cĩ Nyekuci, ꞌcĩ aku aduhaak loonyin hĩ habuccieeꞌnya hĩ hattũũgẽt vẽlẽk ꞌcĩg õthõõth thooꞌthiohĩ cũũmõ cũũmõ loota nĩnga.

Terethiinit 22:17

Nẽ othoothito Lorii ꞌcĩ Ẽllẽẽmĩth hĩ lothippit cĩ lemmioohu ĩĩtõ, “Ijjia!” Aꞌnyĩĩk eet ꞌcĩ athĩhĩ thõõth icci hĩĩ, “Ijjia!” Má atab ẽẽtĩ umwaa maam ꞌcĩg ahũdĩ, aꞌnyĩĩk hũhũd maam ꞌcĩg rũgẽt ꞌcĩ aalla ooo.