1 Tẽꞌthaloonika 1:6 - ꞌBuuk cĩ Thõõth cĩ Nyekuci

⁶ Ma baa iita elemtu niig Nyeemuut cĩ Yeesu, iita aauttu niig buúk hĩ naaga nẽ aauttu hĩ Makayyioohiti Yeesu. Tananga baa ummuddiaau niig pĩĩrnanĩt cobbi gẽrrẽẽt thõõthaa cĩ, ikia aaꞌnyuung Lorii ꞌcĩ Ẽllẽẽmĩth ngagiit accamattoothĩk.

1 Tẽꞌthaloonika 1:6 ပူးပေါင်းရင်းမြစ်များ

Maatteeo 16:24

Nĩngĩtĩ aduhaakĩ Yeesu nuyyiook cĩgĩnnĩg annẽẽkĩ, “Má adiim eet umwaa ĩĩn nuyyioohit caannĩ, aꞌnyĩĩk hataarõthĩ ẽlẽ cĩnnĩ nẽ irriongan hurucce cĩnnĩ nẽ ũnũa nganĩĩta.

Yõaannẽ 8:12

Ma baa othooꞌthio Yeesu hĩ eet tarĩ, ikia ĩĩnnĩk nẽẽ ĩhõõggõ, “Hĩĩnĩ naa lanyit cĩ looc vẽlẽk. Ẽẽtĩ ꞌcĩ anũyya nganĩĩta, aitiõõ hatĩ nẽẽ hõllõngaa õvvõ muguratõõ, ammũda hatĩ nẽẽ lanyit cĩ rũgẽtõ.”

Dtiicanĩ cĩg ꞌThooyyiahu 13:52

Nẽẽthĩ, baa accamanoothĩk nuyyiooha ꞌtaaũnaa cĩ Antiohĩ nẽ baa ikia Lorii ꞌcĩ Ẽllẽẽmĩth hĩ ĩhõõggõ.

Dtiicanĩ cĩg ꞌThooyyiahu 5:41

Ma baa uduhutta ꞌthooyyiaha ꞌcieethaa cĩ lokihoo, baa atalĩ nẽẽg gẽrrẽẽt, hĩnĩngĩtĩ accamana Nyekuci ĩhõõggõ pĩĩrnattaa cĩ uukẽnĩ ꞌthaarĩĩ cĩg Yeesu.

Dtiicanĩ cĩg ꞌThooyyiahu 9:31

Baa ikia aau lothippiti cĩ lemmioohu ganõõna looccaa cĩ ꞌJudeea hĩ ꞌGalileea hĩ Thamaria nẽ alaacõ Makayyioohit. Iita ittiranit nẽẽg gẽrrẽẽt, hĩnĩngĩtĩ ẽẽl Lorii ꞌcĩ Ẽllẽẽmĩth ĩhõõggõ aaꞌnyĩk hittoorri hĩĩtõ mẽẽlĩg.

ꞌRooma 15:13

Hala naa Nyekuc ꞌcĩ aaꞌnyĩk eet muhẽẽnĩt ꞌcĩ abũnnaa, haggatanuung ngagiit accamattoothĩk aaut ganõõna, hĩnĩngĩtĩ lemiinit cunuung. Nẽ aꞌnyĩĩk ꞌtirrian cĩ Lori ꞌcĩ Ẽllẽẽmĩth haaꞌnyuung ngagiit muhẽẽnĩt ꞌcĩ abũnnaa.

1 Korinthia 11:1

Ũnnẽẽc terethiinit caannĩ hĩcĩ hanũ naa terethiinit cĩ Krĩstõ.

1 Korinthia 11:2

Hirriani naa hĩnĩngĩtĩ ngagiita, hĩnĩngĩtĩ ammuhaannaangu niig nganĩĩt hõdõõkõthĩ nẽ uꞌthuuttu ꞌlimman baa hallimaneekuung naana.

1 Korinthia 4:16

Nẽẽthĩ hoti ho, halayyuung naa ngagiit, hátĩ ĩthahĩꞌthiaangu nganĩĩta.

2 Korinthia 6:10

nẽ haccamanoothĩka ooo tananga korrioohĩĩ cĩg pĩĩrnattaak. Nẽ tananga hĩĩgĩnna naag hullaha, haanytĩha naag eet ꞌcĩg mẽẽlĩg gẽrrẽẽt baliinit, tananga hiꞌthihi ꞌgii ꞌcĩ haꞌnyaka naaga, ĩĩn hẽlẽggĩ vẽlẽk cĩggaang.

2 Korinthia 8:5

Iita itikta nẽẽg ꞌbaaninit ꞌcĩ maka hĩllõõan baa hammuhuneeka naaga. Atiman nõõ nẽẽg ngaatĩ aaꞌnyĩkĩ eleeti cĩggĩĩng hĩ Makayyioohit Yeesu, hĩ ngagĩĩt buúk, haau hĩ baa adiim Nyekuci ĩhõõggõ hidticanit.

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

Eevvetho 5:1

Nẽẽthĩ hoti ho, ĩthahithit Nyekuc hĩ lohollia cĩgĩnnĩg ꞌcĩg ammĩnan nẽẽnĩ

Pilippi 3:17

ꞌGotoonoga hĩ ngoonoga, hadiimmuung naa ngagiit aaut hĩ naana nẽ ĩcĩtta thõõth hĩ eet baag anũ terethiinit cĩnaang.

2 Tẽꞌthaloonika 1:4

Ĩnõõ ꞌcĩ hirriannuung naag ngagiit hĩ lothippiꞌnya cĩg lemmiook cĩg Nyekuci loonyini vẽlẽk. Haduhaaka naag ĩhõõggõ thõõth ꞌcĩ emmeeꞌthu niig pĩĩrnanĩt hĩ thõõth ꞌcĩ aallannu niig elemmu Nyekuc, tananga aꞌnyaku ꞌcannan hĩ pĩĩrnanĩt cobbi gẽrrẽẽt.

2 Tẽꞌthaloonika 3:7

Abũnnaa agayyu niig jurrung ngaatĩ occa ĩthahĩꞌtheetu ngagĩĩta nẽ unuyyu thooꞌthiok baag hadĩmanna naaga. Baa hõllõngaa hĩĩgĩnna naag nyamuttiook, baa nga harũmĩ hĩ ngagiita.

2 Tẽꞌthaloonika 3:9

Baa nẽẽꞌthẽk hõllõngaa haĩnna naag occa habũrra eliinit cunuung, nẽẽthĩ hinnianĩ, hiita hidticattooa, hĩnĩngĩtĩ hadiimma hetereꞌthuung ngagiit, hátĩ ĩcĩtta niig ꞌgõõl ꞌcĩ adticaniinnu hĩ ngagĩĩt hatĩ unuyyieetu.

2 Timotteeo 4:2

ꞌLimmaneek eet thõõth cĩ Nyekuci jurrung, tananga ammũjĩ hode õkõmĩ ngaatĩ adĩmanĩĩ noho, raa ꞌlimmaneek eet thõõth cĩ Nyekuci ooo, tẽrẽth eet ꞌgoolliok ꞌcĩg abathĩ, ꞌgerenyeek ꞌthẽccanniook, aꞌnyĩĩk ꞌthinneeti cĩggĩĩng hokomit nẽ ꞌlimmanõ ꞌthĩnĩtaa cĩ õkõmĩ.

Ebereei 10:34

Baa ippiiriau niig hõdẽĩ hĩ eet baag aarĩhoothiku baabuuthatõõ. Ma baa ootti eeta ijjio cugguung vẽlẽk, baa ẽlẽmaaku taliitta. Baa agayyu niig ngaatĩ ereeyyuung ngagiit hẽlẽggĩ cugguung ꞌcĩg abũnnaa ꞌcĩg aalla ũdũt.

1 Pẽẽtũrũ 1:6

Nẽẽthĩ, accamattoothĩk dĩdĩ. Nga ꞌthẽk aayyiaa taliiniti cobbi gẽrrẽẽt ĩĩcĩ oou, tananga occa nga emmeꞌthu ꞌtĩmman ꞌgoolliohĩĩ ꞌcĩg mẽẽlĩg hĩdĩhĩdĩĩc.

1 Pẽẽtũrũ 1:8

Ammĩnannu niig Yeesu tananga nga ĩcĩnĩt ĩnõõnnõ. Tananga hõllõngaa acinnu ĩnõõnnõ ꞌyioko, elemmu niig ĩnõõnnõ nẽ accamattoothihu taliittaa ꞌcĩ aꞌnyak bulẽẽnĩt ꞌcĩ hõllõngaa athithanni.

1 Pẽẽtũrũ 3:13

Nganĩ ꞌcĩ occa adĩmannuung ngagiit ꞌbuth hatĩ abũraneeku ngaatĩ adĩmannu thõõth ꞌcĩ abũnnaa?

3 Yõaannẽ 1:11

ꞌGõõna cĩ ꞌthĩnĩtõ, ma hĩthakꞌtha thooꞌthiok ꞌcĩg abathĩ ꞌcĩg adĩman eeta ũgẽẽgĩ! Nũũ terethiinit cĩ eet ꞌcĩg adĩman thooꞌthiok ꞌcĩg abũnnaa diooni. Gaooth ĩĩ, eeta ꞌcĩg adĩman dtiicanĩ ꞌcĩg abũnnaa, ẽtẽrꞌtha nẽẽg ngaatĩ ĩĩnnĩ lõhõlĩ cĩg Nyekuci. Nẽ eeta ꞌcĩg adĩman thooꞌthiok ꞌcĩg abathĩ, ẽtẽrꞌtha nẽẽg ngaatĩ nga hagayyi nẽẽg Nyekuc.