1 Tẽꞌthaloonika 1:1 - ꞌBuuk cĩ Thõõth cĩ Nyekuci

¹ Nganĩĩt Paaulo, hĩ ꞌThĩĩla hĩ Timotteeo ꞌcĩg hẽhẽẽdakuung ngagiit lothippit cĩ lemmiook cĩg ꞌtaaũn cĩ Tẽꞌthaloonika waraga icci ho. Hẽhẽẽdakuung ngagiit eet ꞌcĩg iiginnu eet cĩg Nyekuc Baangeet cĩnaac hĩ Makayyioohit Yeesu Krĩstõ. Aꞌnyĩĩk bũnnai cĩ Nyekuci hĩ authet ꞌcĩ aattiyyu lõꞌngõõc, haau hĩ ngagiit vẽlẽk.

1 Tẽꞌthaloonika 1:1 ပူးပေါင်းရင်းမြစ်များ

Dtiicanĩ cĩg ꞌThooyyiahu 15:22

Ma ho, ummuhit ꞌthooyyiaha hĩ makayyiook hĩ lothippit cĩ lemmioohu hũtũrũũr, heberria eet ũgĩ cĩggĩĩng nẽ ĩꞌthõõcõ hõõt Antioha hookorit hĩ Paaulo hĩ Baarnaba. Nĩngĩtĩ ẽbẽraanĩ nẽẽg ꞌJuuda ꞌcĩ haĩ ꞌthaar ũgĩ Barthaba hĩ ꞌThĩĩla. Baa ĩĩn eeta cieeg ĩĩn ꞌramma ho makayyiook hõrggẽẽnaa cĩ nuyyiook cĩg Makayyiooktak.

Dtiicanĩ cĩg ꞌThooyyiahu 15:27

Hĩꞌthõõanna naag ꞌJuuda hĩ ꞌThĩĩla buúk. Eet ꞌcĩg hatĩ au aduhaakuung thõõth ꞌcĩ aduhõõ hĩ ꞌcĩ hẽhẽẽdda naag waragaawa ho thõng.

Dtiicanĩ cĩg ꞌThooyyiahu 15:40

Baa õkõõĩ Paaulo ꞌThĩĩla nẽ õõt alayyiõõĩ nuyyiooha hĩ Makayyioohit tarbalꞌthẽẽta cĩnnĩ hũꞌthũũtĩ ĩhõõggõ.

Dtiicanĩ cĩg ꞌThooyyiahu 16:19

Ma baa iiyyela makayyiooha cĩg bũhẽẽcak ngaatĩ iittiõõĩ ꞌgõõl aa gõõng ammũdaanĩ nẽẽg ꞌrabbẽẽt tõõ ho, iita aggamit Paaulo hĩ ꞌThĩĩla nẽ utugurit ꞌgõõlaa cĩ ꞌcuuho ootti lokihooa.

Dtiicanĩ cĩg ꞌThooyyiahu 16:25

Ma baa baal hõrggẽẽna, iita alayyio Paaulo hĩ ꞌThĩĩla nẽ ebetteek Nyekuc tegellwa. Nẽ baa athĩhĩ baabuuthnya ũgẽẽgĩ buúk ꞌcĩg baag arũmĩ hĩ ĩhõõggõ nĩngaata ngaatĩ ebeniini.

Dtiicanĩ cĩg ꞌThooyyiahu 16:29

Ma ho, ũtũvva ꞌgaalacĩ eet huttuhulliaak ĩnõõnnõ ꞌgwoo huduhuni baabuuthatõõ. Baa abarrit nẽẽ gẽrrẽẽt, nĩngĩtĩ akannĩ huruꞌnyia muumaa cĩ Paaulo hĩ ꞌThĩĩla.

Dtiicanĩ cĩg ꞌThooyyiahu 17:11

Baa abũnnaa eeta cĩg Berea hĩllõõanit cĩg Tẽꞌthaloonika nẽ baa accamana nyeemuut gẽrrẽẽt. Korrioohĩ vẽlẽk, agiil nẽẽg ꞌBuuk cĩ Nyekuci, hátĩ hummuddia hatĩ ĩĩn thooꞌthioha ꞌcĩg aduha Paaulo ho dĩdĩ.

Dtiicanĩ cĩg ꞌThooyyiahu 18:5

Ma baa au ꞌThĩĩla hĩ Timotteeo looccaa cĩ Maccedoonia, ikia aala Paaulo illiman eet cĩg ꞌJudeei thõõth baa ĩĩnnĩ Yeesu Krĩstõ.

Dtiicanĩ cĩg ꞌThooyyiahu 19:22

Ma ho, ĩꞌthõ nẽẽ elliook cĩgĩnnĩg ꞌrammaattĩg, Timotteeo hĩ Erathto hõõt Maccedoonia, baa nga aaĩ nẽẽ looccaa cĩ Aaꞌthia hĩdĩhĩdĩĩc.

Dtiicanĩ cĩg ꞌThooyyiahu 20:4

Baa õõkõr nẽẽ hĩ eet ꞌcĩ haĩ Thopater ngeertĩ eet ꞌcĩ haĩ Piru ꞌcĩ aku ꞌtaaũnaa cĩ Berea, hĩ eet ꞌcĩ haĩ Arithtarko hĩ eet ꞌcĩ haĩ ꞌThekondo ꞌcĩg au ꞌtaaũnaa cĩ Tẽꞌthaloonika. Baa aaĩ eet umwaa tõõ, ꞌcĩ haĩ ꞌGaio ꞌcĩ aku ꞌtaaũnaa cĩ ꞌDerbe nẽ baa aaĩ Timotteeo buúk. Nẽ baa ĩĩ Ticiko hĩ Torovimo ꞌcĩg baag au looccaa cĩ Aaꞌthia.

ꞌRooma 1:7

Hẽhẽẽdakuung naa ngagiit vẽlẽk waraga icci ꞌRoomattĩ. Ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac hĩ Makayyioohit cĩnaac Yeesu Krĩstõ, haau hĩ ngagiita.

1 Korinthia 1:2

Hẽhẽẽdakuung naa ngagiit waraga, lothippit cĩ lemmiook cĩg Nyekuci ꞌtaaũnaa cĩ Korinthia. Baa ẽbẽraauung Yeesu Krĩstõ ngagiit ĩĩtõ eet cĩgĩnnĩg dẽẽdẽ nẽ alayyioou ꞌthaarĩĩ cĩgĩnnĩg, haau hĩcĩ ꞌyioko hala naag hĩ eet ũgĩ vẽlẽk ꞌcĩg aũ ĩnõõnnõ anneek Makayyioohit.

2 Korinthia 1:1

Nganĩĩt Paaulo ꞌcĩ hĩĩnĩ ꞌthooyyiahit cĩ Yeesu Krĩstõ, ꞌcĩ hẽhẽẽdakuung waraga icci, hĩnĩngĩtĩ baa ẽbẽraawa nganĩĩt Nyekuci thõõthaa cĩ. Harũmeenna hĩ Timotteeo ꞌcĩ ĩĩn lemmioohit hĩ naa buúk. Hĩꞌthõõakuung naa ngagiit waraga icci, lemmiook cĩg ꞌtaaũn cĩ Korinthia hĩ lothippit cĩ lemmiook vẽlẽk ꞌcĩg aattĩg looccaa cĩ Acaia.

2 Korinthia 1:19

Hĩnĩngĩtĩ Yeesu Krĩstõ Ngeertĩ Nyekuci baa hallimaneekuung naag ngagiita, hõllõngaa aĩ pang pang thõõthaa ꞌcĩ ĩĩn dĩdĩ, hode ĩĩcĩ hõllõngaa ĩĩn dĩdĩ. Ĩnõõnnõ baa haduhaakuung naag hĩ ꞌThĩĩla hĩ Timotteeo Nyeemuut cĩnnĩ ꞌcĩ Abũnnaa. Ĩĩn thooꞌthioha ꞌcĩg aduha Nyekuci vẽlẽk dĩdĩ nẽ adĩman hõdõõkõthĩ thõõth ꞌcĩ aduha nẽẽnĩ.

ꞌGalaaꞌthia 1:2

Nẽ hĩꞌthaayyuung naag hõdẽĩ hĩ ꞌgotoonoga hĩ ngoonoga, ngagiit lothippiꞌnya cĩg lemmiook cĩg ꞌGalaaꞌthia. Waraga ꞌcĩ eheedothoothĩk lemmiook ꞌtaaũnnioohĩĩ cĩg looc cĩ ꞌGalaaꞌthia.

ꞌGalaaꞌthia 1:22

Nẽ korrioohĩ nĩĩcag buúk, baa nga hagayyia lothippiꞌnya ꞌcĩg lemmiook cĩg Yeesu Krĩstõ cĩg looc cĩ ꞌJudeea ho nganĩĩta.

Eevvetho 1:2

Halayyi naa, hátĩ hĩĩtõ Nyekuci Baangẽẽtĩ hĩ Makayyioohit cĩnaac Yeesu Krĩstõ, tarbalĩg hĩ ngagiit nẽ aggatattuung ngagiit ganõõna.

Pilippi 1:1

Waraga ꞌcĩ aku hĩ nganĩĩt Paaulo hĩ Timotteeo ꞌcĩg hĩĩgĩnna dticcianniook cĩg Yeesu Krĩstõ cieeni. Eheedothoothĩk waraga ciee eet vẽlẽk cĩg Nyekuci ꞌcĩg ĩĩn nuyyiook cĩg Yeesu Krĩstõ ꞌtaaũnaa cĩ Pilippi, hĩ makayyiook cugguung hĩ elliook cĩggĩĩng.

Kolooꞌthe 1:1

Waraga ꞌcĩ hẽhẽẽda naa Paaulo, ẽẽtĩ baa ẽbẽraanna Nyekuci tabiittaa cĩnnĩ hĩĩ ꞌthooyyiahit cĩ Yeesu Krĩstõ cieeni. Hẽhẽẽdanna hõdẽĩ hĩ ꞌgotooneet Timotteeo.

2 Tẽꞌthaloonika 1:1

Nganĩĩt Paaulo ꞌcĩ hẽhẽẽdakuung waraga icci ho, hẽhẽẽdakuung ngagiit lothippit cĩ lemmiook cĩg ꞌtaaũn cĩ Tẽꞌthaloonika, ꞌcĩg iiginnu eet cĩg Nyekuc Baangeet cĩnaac hĩ Makayyioohit Yeesu Krĩstõ. Ĩꞌthaayyuung ꞌThĩĩla hĩ Timotteeo buúk ngagiita.

1 Timotteeo 1:2

Heheedihi naa waraga Timotteeo, loholeec caannĩ dẽẽdẽ lemiitta. Aꞌnyĩĩk Nyekuc Baangeet cĩnaac hĩ Makayyioohit cĩnaac Yeesu Krĩstõ hatamaattihii nẽ aanyti bũnnai hĩ ganõn.

2 Timotteeo 1:2

Timotteeo, ĩĩnĩ nii loholeec caannĩ cĩ ꞌthĩnĩtõ. ꞌNyaak bũnnai hĩ tamaati hĩ authet ꞌcĩ aayyi lõꞌngõõc, ꞌcĩ aku hĩ Nyekuc Baangeet hĩ Makayyioohit cĩnaac Yeesu Krĩstõ.

Ebereei 13:23

Hadiimmuung naa ngagiit ꞌyioko agaac ĩĩtõ, ooggia ꞌgõtõõnẽẽtĩ cĩnaac Timotteeo baabuutha. Má ikia nẽẽ ngaati hĩdĩĩkoothong, hõthõkta hatĩ ĩnõõnnõ hikia hicinuung ngagiita.

1 Pẽẽtũrũ 5:12

Ẽẽlla ꞌThĩĩla nganĩĩt hẽtẽhẽẽdahuung waraga icci huturi ho, ĩĩn nẽẽ nuyyioohit ꞌcĩ aꞌthũũnnĩ thõõth cĩ Makayyiookto jurrung. Hadiimi hakũtannuung nẽ huduhaahuung ꞌgõõl ꞌcĩ ĩĩnnĩ Nyekuci tarbal dĩdĩ, hátĩ aallattia aꞌnyahit lemiinit hĩ ĩnõõnnõ.

1 Yõaannẽ 1:3

Haduhaakuung naag ngagiit thõõth ꞌcĩ hĩcĩtta nẽ hĩthĩkta, hátĩ iita hũrũmtĩ hĩ ngagĩĩt hõdẽĩ. Nẽ hũrũmtĩ hõdẽĩ hĩ Baangeet hĩ Ngeerĩnĩ Yeesu Krĩstõ.

ꞌJuud 1:1

Waraga ꞌcĩ heheedi naa ꞌJuudi dticciannioohiti cĩ Yeesu Krĩstõ ꞌcĩ hĩĩnĩ ꞌgõtõnĩ ꞌJeemithi cieeni. Heheedihi naa waraga icci eet vẽlẽk ꞌcĩg baag ũtũvva Nyekuci Baangẽẽtĩ ꞌcĩ amĩnannuung ngagiit tũhaiittaa cĩ Yeesu Krĩstõ.