1 Pẽẽtũrũ 5:10 - ꞌBuuk cĩ Thõõth cĩ Nyekuci

¹⁰ Tarbalꞌthẽẽtaa cĩnnĩ, baa ũtũvvaauung ngagiit Nyekuci, hátĩ otholit bulẽẽnĩt cĩnnĩ ꞌcĩ aalla ũdũt, hĩnĩngĩtĩ Yeesu Krĩstõ. Nẽẽthĩ, urutaa ꞌcĩ accanatteeu hĩdĩhĩdĩĩc, ẽẽlannuung hatĩ nẽẽ ngagiit nẽ aaꞌnyuung okomit lemiittaa cunuung.

1 Pẽẽtũrũ 5:10 ပူးပေါင်းရင်းမြစ်များ

ꞌLuuka 22:32

Nẽẽthĩ, halaooyyi naa nganiita ꞌThimõõnẽ, hátĩ hõkõm lemiiniti cunnẽẽnĩ. Nẽ ma õbõda hĩ nganĩĩta, ẽẽl ꞌgotoonogu buúk.”

ꞌRooma 15:13

Hala naa Nyekuc ꞌcĩ aaꞌnyĩk eet muhẽẽnĩt ꞌcĩ abũnnaa, haggatanuung ngagiit accamattoothĩk aaut ganõõna, hĩnĩngĩtĩ lemiinit cunuung. Nẽ aꞌnyĩĩk ꞌtirrian cĩ Lori ꞌcĩ Ẽllẽẽmĩth haaꞌnyuung ngagiit muhẽẽnĩt ꞌcĩ abũnnaa.

ꞌRooma 15:5

Aaꞌnyuung occa hatĩ Nyekuci temeethi hĩ kũttan hĩ lori cĩ rũmẽẽttõ hõrggẽẽnaa cunuung hĩcĩ anuyyu Yeesu Krĩstõ,

ꞌRooma 16:25

Ĩdĩhĩthĩt Nyekuc! Occa aaꞌnyuung nẽẽ ngagiit ittiranit nyeemuutaa caannĩ ĩcĩ abũnnaa, ĩcĩ ĩĩn nyeemuut cĩ Yeesu Krĩstõ. Hĩnĩngĩtĩ baa ammiꞌthi nyeemuut ciee irkiꞌnyia ꞌcĩg mẽẽlĩg ꞌrĩng.

ꞌRooma 9:11

Nẽẽthĩ, baa nga hittirria lohollia ꞌcĩg ĩĩn heengti ho, hode hĩdĩmanit ꞌgiimwa ꞌcĩ abũnnaa hode ꞌcĩ abathĩ, ikia ũmmũda Rẽbẽka nyeemuut umwa hĩ Nyekuc, ꞌcĩ aĩ, ẽbẽra Nyekuci eet hĩnĩngĩtĩ tabiinit cĩnnĩ.

ꞌRooma 9:24

Hĩĩgĩn naag eet ꞌcĩg heberriaa ho, eetinii cĩg ꞌJudeei hĩ ĩcĩg hõllõngaa ĩĩn ꞌJudeei,

1 Korinthia 1:10

Hammaannikuung naa ngagiit ꞌgotoonoga hĩ ngoonoga, ꞌthaarĩĩ cĩg Makayyioohit cĩnaac Yeesu Krĩstõ, ũrũmtĩ baaĩ nuun niig vẽlẽk, hátĩ hiittiõõ ngẽrõõnĩtĩ hõrggẽẽnaa cunuung tõõ, hátĩ horoong ũrũmtĩ jurrung muhẽẽtta hĩ ꞌthinneetinii cugguung.

1 Korinthia 1:9

Nyekuci ꞌcĩ aũyyuung ngagiit iita ũrũmtĩ hĩ Ngeerĩnĩ Yeesu Krĩstõ Makayyioohit cĩnaac ko, ĩĩn Nyekuc ꞌcĩ aꞌthũũnnĩ thooꞌthiok.

2 Korinthia 13:11

Dtuurnattaa caannĩ, ꞌgotoonoga hĩ ngoonoga, ĩlaallẽ, hũũha naana. Aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga, ĩthĩhĩt ĩlaali caannĩ, aꞌnyahit muhẽẽnĩt hõdẽẽthõng, aaut niig vẽlẽk lõꞌngõõc. Nẽ hatĩ au ganõnĩ cĩ Nyekuci hĩ mĩnnan cĩnnĩ hĩ ngagiita.

2 Korinthia 4:17

Nẽ pĩĩrnanĩtĩ ciee haꞌnyak naag abadtẽc ko, ĩĩn ꞌcĩ akũmaneekeet ngagĩĩt, hátĩ hummuddia bulẽẽnĩt ꞌcĩ maka ꞌcĩ aalla ooo.

Pilippi 4:13

Occa hadticani ꞌgii vẽlẽk, hĩnĩngĩtĩ Krĩstõ ꞌcĩ aaꞌnya nganĩĩt ꞌtirrian ko.

Kolooꞌthe 2:7

Aanytĩk lemiinit cunuung hĩtĩlĩth hĩ Krĩstõ nẽ aanytĩhu ĩnõõnnõ haau hĩ miirihi cĩ rũgẽt cunuung. Okomit lemiittaa cunuung hĩ baa allimanoothikuung ngagiit hátĩ atalit ĩnõõnnõ gẽrrẽẽt.

1 Tẽꞌthaloonika 2:12

Baa haduhaakuung naag ngagiit hanneekuung aaut jurrung nẽ hiittihuung ũnnẽẽc thõõth cĩ Nyekuci, hĩ ngaatĩ hamammaayannuung ngagiit aaut ꞌgõõlaa ꞌcĩ accamana Nyekuci, hĩnĩngĩtĩ ĩnõõnnõ ꞌcĩ ẽbẽraannuung ngagiit aĩ iita otholit hĩ ĩnõõnnõ bulẽẽnĩt cĩ habuccieet cĩ õlõ cĩnnĩ.

2 Tẽꞌthaloonika 2:14

Avvaannuung nẽẽ ngagiit nyeemuutaa ꞌcĩ abũnnaa ĩcĩnaang, hátĩ otholit bulẽẽnĩt cĩ Makayyioohit cĩnaac Yeesu Krĩstõ.

2 Tẽꞌthaloonika 2:17

hũkũtattuung hokomit ꞌthinneeti nẽ eelluung hõdõõkõthĩ ĩdĩmanit thooꞌthiok ꞌcĩg abũnnaa nẽ uduktaau thooꞌthiok ꞌcĩg ĩĩn dĩdĩ.

2 Tẽꞌthaloonika 3:3

Nẽẽthĩ, aꞌthũũnnĩ Makayyioohiti thõõth, hátĩ haaꞌnyuung hokomit ꞌthinneeti nẽ uꞌthuuttuung ngagiit hiittiõõ hõllõngaa ommotoonnu hĩ bathi cĩ ꞌThĩttaanõ.

1 Timotteeo 6:12

ꞌTĩmman gẽrrẽẽt ngaatĩ anũĩ thõõth cĩ Nyekuci, hátĩ mũda rũgẽt ꞌcĩ aalla ooo, baa auyyi nganiit Nyekuci, kõr baa aduhaanĩ lemiinit cunni cĩ thõõth cĩ Nyekuci lothippitaa cĩ eet ꞌcĩg mẽẽlĩg.

2 Timotteeo 1:9

Baa ẽẽlaeet ngagĩĩt Nyekuci nẽ ẽbẽraaeet hĩĩtõ eet cĩgĩnnĩg ꞌcĩg haattĩg authetaa ꞌcĩ ẽllẽẽmĩthĩ. Adĩman Nyekuci hoti, hõllõngaa, hĩnĩngĩtĩ thõõth ꞌcĩ hadĩman naaga, adĩman nẽẽ noho, hĩnĩngĩtĩ bũnnai cĩnnĩ. Baa aaꞌnyeet Nyekuci ngagĩĩt bũnnai, ꞌthaarĩĩ cĩg Yeesu Krĩstõ, baa nga heteheꞌnyiaa lõõcĩ.

2 Timotteeo 2:10

Ĩnõõ cĩ hẽmmẽẽꞌthĩ naa thooꞌthiok vẽlẽk, hĩnĩngĩtĩ eet baag ẽbẽra Nyekuci, hátĩ hummuddia nẽẽg buúk elliaanĩt ꞌcĩ aaĩ hĩ Yeesu Krĩstõ bulẽẽttaa ꞌcĩ aalla ooo.

Ebereei 9:15

Ĩnõõ ꞌcĩ ĩĩnnĩ Yeesu jayyio ꞌcĩ õthõõthĩ eet hĩ Nyekuc lõhõtaa ꞌcĩ ĩĩn ngeju, hátĩ hiita hummuddia eeta vẽlẽk baag avvaa, rũgẽt ꞌcĩ aalla ooo baa aduha Nyekuci. Hĩnĩngĩtĩ baa ꞌthẽk adaahĩ Krĩstõ, hátĩ hõõga ĩhõõggõ ukẽẽttaa cĩ ꞌthẽccanẽẽt baag adĩman lõhõtaa baa ꞌrẽẽnĩ.

1 Pẽẽtũrũ 1:15

Nẽẽthĩ, hĩcĩ ẽllẽẽmĩth ẽẽtĩ baa aũũyyuung ngagiita, elleemit niig buúk thooꞌthiohĩ vẽlẽk ĩcĩg adĩmannu niiga.

1 Pẽẽtũrũ 4:10

Aꞌnyĩĩk eet hõdẽĩ hõdẽĩ hidticattõõĩ ꞌbaaninit ꞌcĩ baa aaꞌnyĩk Nyekuci ĩhõõggõ heelli ꞌgõõnõgĩ. Idticattõõĩ bũnnai cĩ Nyekuci ꞌcĩ maka gẽrrẽẽt ꞌgõõlaa ꞌcĩ abũnnaa.

1 Pẽẽtũrũ 4:11

Má aꞌnyahi ꞌbaaninit ꞌcĩ õthõõthĩ, duhaak eet thõõth cĩ Nyekuci. Má aꞌnyahi ꞌbaaninit ꞌcĩ ẽẽlĩ eeta, dticcian ꞌthẽk noho ꞌtirriaanaa ĩbaa aaꞌnyi Nyekuci. Adiim occa adticanni hẽlẽggĩ vẽlẽk ꞌgõõlaa ꞌcĩ occa aꞌnyahaakĩ Nyekuc bulẽẽnĩt, hĩnĩngĩtĩ Yeesu Krĩstõ ꞌcĩ abuli nẽ ittiran irkiꞌnyia hĩ irkiꞌnyia. Aamẽn.

2 Pẽẽtũrũ 1:3

ꞌTirriaanaa cĩnnĩ, aaꞌnyeet Nyekuci ngagĩĩt hẽlẽggĩ vẽlẽk ꞌcĩg hadiim naag haautti rũgẽtaa ꞌcĩ aaꞌnyĩk Nyekuc haccamanoothĩk. Hammũda naag hẽlẽggĩ iccig vẽlẽk ngaatĩ hau hagaĩ ĩnõõnnõ, baa aũũyyeet nẽẽ ngagĩĩt hiita hĩ ĩnõõnnõ bulẽẽttaa cĩnnĩ ĩcĩ ĩllõõan nẽ ẽllẽẽm gẽrrẽẽt.

1 Yõaannẽ 2:25

Baa uduhaaheet Ngeerĩnĩ ngagĩĩt rũgẽt ꞌcĩ aalla ooo.

ꞌJuud 1:24

Nẽ ꞌyioko, aꞌnyĩĩk bulẽẽnĩt vẽlẽk hũũk hĩ Nyekuc, ꞌcĩ ũũlũ ngaatĩ aꞌthuunnuung ngagiit ꞌgõõlaa ꞌcĩ occa arahannu, nẽ aꞌnyahaauung ngagiit taliittaa cobbi gẽrrẽẽt iita ngaatĩ aayyi nẽẽ bulẽẽttaa cĩnnĩ ĩĩcĩ hiꞌthihi ꞌthẽccan umwa.