1 Pẽẽtũrũ 5:1 - ꞌBuuk cĩ Thõõth cĩ Nyekuci

¹ Nẽ ꞌyioko, haꞌnyahi thõõth ꞌcĩ hadiim haduhaakuung ngagiit makayyiook cĩg lothippit cĩ lemmioohu. Hĩĩnĩ naa buúk makayyioohit nẽ hĩĩna hebereec cĩ ꞌcannan cĩ Krĩstõ nẽ hõthõlla hatĩ naag buúk hĩ ĩnõõnnõ bulẽẽnĩt cĩnnĩ, hatĩ ikia õbõda nẽẽ loota nĩnga. Halayyuung ngagiit hĩ makayyioohiti ꞌcĩ haduhõõ hĩ ngagiit thõng.

1 Pẽẽtũrũ 5:1 ပူးပေါင်းရင်းမြစ်များ

ꞌLuuka 24:48

Iiginnu niig hẽbẽrĩ ꞌcĩg agayyu thooꞌthiok iccig vẽlẽk.

Dtiicanĩ cĩg ꞌThooyyiahu 1:22

iꞌthianaanĩ kõr baa baattithimo cĩ Yõaannẽ ĩꞌthõng hikia hõdõngĩ Yeesu hũũk hẽẽtahujjieen. Hĩnĩngĩtĩ, hátĩ hikia hĩĩ ẽẽtĩ ꞌcĩ hẽbẽra ho, hebereec cĩ thõõth baa arũgnaanĩ Makayyioohiti Yeesu.

Dtiicanĩ cĩg ꞌThooyyiahu 1:8

Nẽẽthĩ, ammũdaannu hatĩ ꞌtirriani, hatĩ ikia Lorii ꞌcĩ Ẽllẽẽmĩth hĩ ngagiita. Nẽ hatĩ iittu niig hẽbẽrĩ cĩgannĩg ꞌJeruꞌthalẽma hĩ looccaa cĩ ꞌJudeea hĩ looccaa cĩ Thamaria hĩ looc vẽlẽk.”

Dtiicanĩ cĩg ꞌThooyyiahu 11:30

Nĩngĩtĩ aduhaakĩ nẽẽg Baarnaba hĩ ꞌThaaulo hootti ꞌbaaninit cĩnĩĩng haꞌnyaktoothĩk makayyiook cĩg lemmioohu ꞌJeruꞌthalẽma.

Dtiicanĩ cĩg ꞌThooyyiahu 14:23

Ma nĩngaata, eberria Paaulo hĩ Baarnaba makayyiook cĩg lothippiꞌnya cĩg lemmioohu cũũmõ cũũmõ. Ma ho, edettia eleeti ꞌgẽẽna nẽ alaacõ Makayyioohit, hátĩ gõõng hũꞌthũũtĩ makayyiook iccig.

Dtiicanĩ cĩg ꞌThooyyiahu 15:4

Ma baa õdõlanit Paaulo hĩ Baarnaba ꞌJeruꞌthalẽm, ikia ĩꞌtha lothippiti cĩ lemmioohu hĩ ꞌthooyyiak hĩ makayyiook ĩhõõggõ. Ma nĩngaata, uduktaak Paaulo hĩ Baarnaba eet thõõth vẽlẽk ꞌcĩ ẽẽlĩ Nyekuci ĩhõõggõ hĩdĩmanit.

Dtiicanĩ cĩg ꞌThooyyiahu 15:6

Baa nẽ ommottio ꞌthooyyiaha hĩ makayyiook cĩg lemmioohu nẽ irrioonito thõõth cĩ eet ꞌcĩg hõllõngaa ĩĩn ꞌJudeei ho.

Dtiicanĩ cĩg ꞌThooyyiahu 2:32

“Ũrũgũtha Nyekuci Yeesu icci daahĩtha nẽ ꞌyioko, hĩĩgĩn naag vẽlẽk hẽbẽrĩ cĩg thõõth ꞌcĩ ĩĩn dĩdĩ.

Dtiicanĩ cĩg ꞌThooyyiahu 20:17

Ma Mileeto, ĩꞌthooĩk Paaulo nyeemuut makayyiook cĩg lothippit cĩ lemmiook cĩg Eevvetho.

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

Dtiicanĩ cĩg ꞌThooyyiahu 21:18

Ma baa kõr ꞌcĩ ꞌrĩĩng, hookorria naag vẽlẽk hĩ Paaulo hõõt hĩcĩtta ꞌJeemith nẽ baa aattĩg makayyiooha vẽlẽk tõõ.

Dtiicanĩ cĩg ꞌThooyyiahu 3:15

Uruktu eet ꞌcĩ aaꞌnyeet rũgẽt, nẽẽthĩ, baa ũrũgũtha Nyekuci ĩnõõnnõ daahĩtha. Hĩĩgĩnna ꞌyioko naag hẽbẽrĩ cĩg thõõth ꞌcĩ adtican nẽẽ ho.

2 Korinthia 5:1

Aattĩg eleeti cĩggaac hĩ tuggẽẽta ꞌcĩg haattiyyi naag loota nĩnga. Nẽ má irribattĩ tuggẽẽta cieegi, haga naag haĩ aaꞌnyeet hatĩ ngagĩĩt Nyekuci hõdẽĩ hõdẽĩ nĩngĩtĩ ꞌcĩ haattiyyi. Ĩĩn hatĩ olooyyioha cieeg ꞌcĩg hõllõngaa ẽhẽnyta ẽẽtĩ ꞌcĩ holli õõ. Aattĩg olooyyioha cieeg hẽẽtahujjieen nẽ aalla hatĩ ooo.

2 Korinthia 5:8

Haaut hokomit, hĩnĩngĩtĩ mẽẽn ngaatĩ hadaaknĩ loota nĩnga nẽ hõõt õlõ hẽẽtahujjieen hũrũmtĩ hĩ Makayyioohit.

Pilippi 1:19

hĩnĩngĩtĩ haga naa laiittaa cunuung hĩ eliinit ꞌcĩ aku hĩ Lori cĩ Yeesu Krĩstõ, ꞌgii baa adĩmanoothĩkaa nganĩĩta, aku hatĩ ũũkcĩ hĩĩ thõõth ꞌcĩ heellianĩĩ naana.

1 Timotteeo 5:1

Ma hẽtẽẽtha eet cobbi, tẽẽlĩ ĩnõõnnõ duhaak thõõth hĩdĩĩc, haau hĩcĩ occa aduhaahi maaꞌnyu. Ookorrio hĩ nyahaappanĩt, hĩcĩ aattiyyu hĩ ꞌgotoonogu.

1 Timotteeo 5:19

Ma helemi thõõth ꞌcĩ addangaakĩ eeta makayyiook cĩg lothippit cĩ lemmioohu, hatĩ nga hudukta eeta ꞌramma hode iyyio hĩĩtõ, ĩĩn thõõth nicciee dĩdĩ, nẽẽthĩ hatĩ elemtu.

2 Timotteeo 4:8

Nẽ ꞌthaa icci, ereeyyi nganĩĩt ꞌbaaniniti caannĩ ꞌcĩ abũnnaa, ꞌcĩ hatĩ aaꞌnya Makayyioohiti ꞌcĩ ẽttẽẽd thõõth jurrung kõr ꞌcĩ hatĩ õbõdaanĩ nẽẽ loota nĩnga. Nẽ hõllõngaa ꞌbaaninit caannĩ diooni, aaꞌnyĩk hatĩ nẽẽ ꞌbaaninit eet vẽlẽk ꞌcĩg accamana nẽ ẽrẽẽcõ ĩnõõnnõ kõr ꞌcĩ hatĩ uppwaannanĩ nẽẽnĩ.

Tiito 1:5

Baa huunnikii naa nganiit dtuungaa cĩ Kerete, haĩ dẽcaak dtiic baa nga idionganĩ nẽ ẽbẽra makayyiook cĩg lemmioohu ꞌtaaũnnioohĩ vẽlẽk.

Vilõmẽẽnõ 1:9

Nẽ hĩnĩngĩtĩ mĩnnan cĩnaac, occa hanneekii ꞌmuuk thõõth icci haau hĩ jinẽẽnĩtĩ ꞌcĩ aku hĩ nganĩĩt Paaulo, ꞌcĩ hatahaanya nẽ ꞌyioko hĩĩna baabutheenit, hĩnĩngĩtĩ Yeesu Krĩstõ buúk,

Ebereei 12:1

Nẽẽthĩ hoti ho, irriamaneekeet ngagĩĩt lothippiti cobbi cĩ eet ꞌcĩg ĩĩn hẽbẽrĩ cĩg rũgẽt cĩ lemiitto. Hadiim hũũnnĩk naag hẽlẽggĩ vẽlẽk hĩ ꞌthẽccanẽẽt ꞌcĩg alaammeet ꞌgõõlaa ꞌcĩ hõdõlanĩ rũgẽt ꞌcĩ aalla ooo. Hetemeethit thooꞌthiok ꞌcĩg abathĩ ꞌcĩg alaammeet ngagĩĩt ngaatĩ hanũĩ ꞌlimman cĩ Yeesu.

1 Pẽẽtũrũ 1:12

Baa adukiaak ĩhõõggõ aĩ, adticanoothikuung ngagiita, hõllõngaa adticanoothĩk eleeti cĩggĩĩng ẽmmẽn. Nẽ ꞌyioko, irrioonikuung ngagiit eeta ꞌcĩg allimannuung ꞌtirriaanaa cĩ Lori ꞌcĩ Ẽllẽẽmĩth, baa ĩꞌthooyyia hẽẽtahujjieen. Nẽ baa ĩĩn nyeemuut cĩnĩĩng ko, cunuung diooni, tananga baa adiim aajĩlẽẽta aga nyeemuut tĩho.

1 Pẽẽtũrũ 1:7

Ẽtẽrꞌtha hatĩ ꞌtĩmmanĩ ciee ngaatĩ ĩĩnnĩ lemiiniti cunuung dĩdĩ. Attĩmanni hatĩ lemiiniti cunuung hĩ ꞌdaabĩ ꞌcĩ attĩmanni ꞌgwoyyia, tananga tiir lemiiniti cunuung gẽrrẽẽt hĩllõõan ꞌdaab ꞌcĩ occa aduhoothĩk haaga. Nẽẽthĩ, má aalla õkõmmĩ lemiiniti cunuung hatĩ attĩmanni ꞌtĩmmaanaa ꞌcĩ maka, occa hatĩ aꞌnyahaakuung ngagiit dĩhĩthẽẽnĩt hĩ bulẽẽnĩt ꞌcĩ maka kõr ꞌcĩ akuuni Yeesu Krĩstõ.

1 Pẽẽtũrũ 4:13

Accamattoothĩk ngaatĩ accananiinnu hĩ baa Krĩstõ. Akũmaneekuung hatĩ ꞌcannani ciee ngagiit umuddia taliinit ꞌcĩ maka, hatĩ õbõda nẽẽ bulẽẽttaa cĩnnĩ.

1 Pẽẽtũrũ 5:4

Ma õbõda Krĩstõ tũhayyioohiti ꞌcĩ ĩĩn habu, ammũdaanu hatĩ dũman cĩ bulẽẽnĩt ꞌcĩ hõllõngaa edecciaa ũdũt.

1 Yõaannẽ 3:2

ꞌGotoonoga hĩ ngoonoga, hĩĩtõ naag lõhõlĩ cĩg Nyekuci ẽlẽk, nẽẽthĩ hinnia, nga heteretheeheet nẽẽ ngagĩĩt ꞌgõõl ꞌcĩ hatĩ haattiyyi, hatĩ uppwaanna Krĩstõ. Nẽẽthĩ, haga naag haĩ, haattĩg hatĩ naag hĩ nẽẽnĩ, hĩnĩngĩtĩ hacĩn hatĩ naag ĩnõõnnõ dẽẽdẽ.

2 Yõaannẽ 1:1

Waraga ꞌcĩ aku hĩ nganĩĩt Yõaannẽ makayyioohit cĩ lothippit cĩ lemmioohu cieeni. Hẽhẽẽdahi naa waraga ngaa ꞌcĩ baa ẽbẽra Nyekuci hĩ lõhõlĩ cĩgĩnnĩg vẽlẽk ꞌcĩg hammĩnani naa thõõthaa ꞌcĩ ĩĩn dĩdĩ, haau hĩcĩ ammĩnan ĩnõõnnõ eeta vẽlẽk ꞌcĩg aga thõõth ꞌcĩ ĩĩn dĩdĩ.

3 Yõaannẽ 1:1

Waraga ꞌcĩ heheedi naa Yõaannẽ makayyioohiti cĩ lothippit cĩ lemmioohu cieeni. Heheedihi waraga ꞌgõõna ꞌGaio eet ꞌcĩ hammĩnani gẽrrẽẽt thõõthaa ꞌcĩ ĩĩn dĩdĩ.

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.