1 Pẽẽtũrũ 4:17 - ꞌBuuk cĩ Thõõth cĩ Nyekuci

¹⁷ Iꞌthianaaĩ Nyekuci ẽttẽẽd thooꞌthiok cĩg eet cĩgĩnnĩg ẽlẽk. Má iꞌthianaanĩ hĩ ngagĩĩt, aaĩ occa hinnia hatĩ hĩ eet ꞌcĩg abũrĩ nyeemuut cĩnnĩ ꞌcĩ abũnnaa hutuno?

1 Pẽẽtũrũ 4:17 ပူးပေါင်းရင်းမြစ်များ

ꞌLuuka 23:31

Má hinnia ma adĩman eeta ꞌcĩg maacĩg hẽlẽggĩ iccig nga cũlak hẽẽt ko, aaĩ hinnia hatĩ hutuno hatĩ õdõhõha?”

ꞌRooma 1:1

Nganĩĩt Paaulo ꞌcĩ hĩĩnĩ dticciannioohit cĩ Yeesu Krĩstõ. Baa ẽbẽraanna Nyekuci nganĩĩt hĩĩ ꞌthooyyiahit nẽ aaꞌnya hirrioon nyeemuut ꞌcĩ abũnnaa cĩ Nyekuci.

ꞌRooma 2:9

Uuki hatĩ ꞌthẽccanniooha vẽlẽk ꞌcannaana, tananga eet cĩg ꞌJudeei hode ꞌcĩg hõllõngaa ĩĩn ꞌJudeei.

ꞌGalaaꞌthia 3:1

Niig ꞌgiiꞌthiaha cĩg ꞌGalaaꞌthia ho! Abuuyyuung occa ꞌthẽk ngagiit nganĩ? Baa odooddothoothĩk Yeesu Krĩstõ hurucceea hẽbẽrẽẽnnĩĩ cugguung vẽlẽk.

ꞌGalaaꞌthia 5:7

Baa elemtu niig ngaatĩ ookorru hĩ Yeesu Krĩstõ nẽ ĩĩ nganĩ ꞌcĩ occa aku ataddaannuung ngagiit ꞌgõõlaa ꞌcĩ elemmu thõõth ꞌcĩ ĩĩn dĩdĩ ho?

ꞌGalaaꞌthia 6:10

Nẽẽthĩ, hĩdĩmanit eet vẽlẽk jurrung, hatĩ hummuddia ꞌrõtĩ ꞌcĩ hadĩmanĩ ĩhõõggõ jurrung, ettebehini hatĩ ĩĩn nẽẽg eet ꞌcĩg ẽlẽmĩ Makayyioohit Yeesu.

2 Tẽꞌthaloonika 1:8

ꞌcĩg aꞌnyak ꞌgwoo ꞌcĩ alanyĩtĩ. Uuk hatĩ Makayyioohiti cĩnaac Yeesu, eet ꞌcĩg hõllõngaa aga Nyekuc nẽ hõllõngaa athĩhĩ nyeemuut cĩnnĩ ꞌcĩ abũnnaa.

1 Timotteeo 3:15

Má hõllõngaa hakuu hĩdĩĩkoothong, etereꞌthii hatĩ waraga ciee ꞌgõõl ꞌcĩ occa haattiyyi naag lothippiti cĩ lemmiook cĩg halang cĩ Nyekuci jurrung, hĩnĩngĩtĩ hĩĩgĩn naag halang cĩ Nyekuci ꞌcĩ arũgĩ, ꞌcĩ ĩĩn hitiir ꞌcĩ õkõmĩ ꞌcĩ hammũdaanĩ thõõth ꞌcĩ ĩĩn dĩdĩ.

Ebereei 11:8

Lemiinit ꞌcĩ baa aaꞌnyĩk Abũrahaamõ hĩthĩk Nyekuc, baa aduhaak Nyekuci ĩnõõnnõ hũtũngeek õlõ cĩnnĩ nẽ ũũk looccaa umwaanĩ ĩĩcĩ hatĩ aaꞌnyĩk Nyekuci ĩnõõnnõ hũũk hirigith. Baa ajanĩ nẽẽ weet haaga nẽ hõllõngaa aga ꞌgõõl ꞌcĩ õkõõĩ ho.

Ebereei 2:2

Hĩnĩngĩtĩ thõõth baa aduha aajĩlẽẽta, ĩĩn thõõth dĩdĩ nẽ má baa ẽꞌthẽcan ẽẽtĩ umwaanĩ, uuki eet tĩho thõng.

Ebereei 2:4

Aduha Nyekuci nẽẽ dẽẽdẽ aĩ thõõth ꞌcĩ ĩĩn dĩdĩ cieeni, ꞌgõõlaa ꞌcĩ adticanĩ thooꞌthiok ꞌcĩg mẽẽlĩg ꞌcĩg ĩnaat eeta nẽ aaꞌnyĩk eet Lori ꞌcĩ Ẽllẽẽmĩth hĩ ꞌbaaninit hĩcĩ adiim nẽẽnĩ.

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

1 Pẽẽtũrũ 2:5

Iiginnu niig buúk biyyiẽẽn ꞌcĩg arũgĩ, ꞌcĩg ẽhẽnytĩ Nyekuci ꞌcieeth cĩ loriio. Nẽ tarĩ, iittu niig buúk lothippit cĩ paadĩrꞌnya ꞌcĩg ẽllẽẽmĩthĩ. Eelluung hatĩ Yeesu Krĩstõ ngagiit aanytĩk Nyekuc ꞌgaarriẽẽn ꞌcĩg accamana Nyekuci.

1 Pẽẽtũrũ 2:8

nẽ, “Bẽẽ ꞌcĩ adaaca eet hĩ bẽẽ ꞌcĩ aaꞌnyĩk ĩhõõggõ hetteedito looc.” Baa adaaca ĩhõõggõ bẽẽ, hĩnĩngĩtĩ baa hõllõngaa ẽlẽmĩ nẽẽg nyeemuut nẽ tabiinit ꞌcĩ baa adiimik Nyekuci ĩhõõggõ niccia.