1 Pẽẽtũrũ 4:16 - ꞌBuuk cĩ Thõõth cĩ Nyekuci

¹⁶ Nẽẽthĩ, aitiõõ hõllõngaa ĩĩn ngaaoni hatĩ accananiinnu niig, hĩnĩngĩtĩ iiginnu Kristiaanĩta. Ĩdĩhĩthĩt Nyekuc, hĩnĩngĩtĩ iiginnu eet cĩgĩnnĩg.

1 Pẽẽtũrũ 4:16 ပူးပေါင်းရင်းမြစ်များ

Dtiicanĩ cĩg ꞌThooyyiahu 11:26

Ma baa õkõ ammũda ĩnõõnnõ ho, aꞌnyaha Antioha ngaatĩ õmmõtõõnĩ hĩ lothippit cĩ lemmioohu irkit hũtũrũũr, nĩngĩtĩ allimanĩ eet. Baa ꞌtaaũn cĩ Antiohĩ ho, ꞌcĩ atimanĩ eeta akannẽẽkĩ nuyyiook ꞌthaar anneek Kristiaanĩta.

Dtiicanĩ cĩg ꞌThooyyiahu 26:28

Ẽdẽcĩ Agirippa Paaulo anneek, “Occa ꞌyioko ammuhi nii ꞌthaawaa ꞌcĩ huturi ho, occa alũllũũmannaa nganĩĩt hikia hĩĩ Kristiaani nĩĩcĩ noho?”

Dtiicanĩ cĩg ꞌThooyyiahu 28:22

Hatabba ꞌyioko hathĩkna, aĩ muhẽẽnĩtĩ cunni neegi, hĩnĩngĩtĩ hagayya lokor nicci vẽlẽk, õthõõth eeta lothippit ꞌcĩ nga ĩĩn ngeju ho ꞌbuth.”

Dtiicanĩ cĩg ꞌThooyyiahu 5:41

Ma baa uduhutta ꞌthooyyiaha ꞌcieethaa cĩ lokihoo, baa atalĩ nẽẽg gẽrrẽẽt, hĩnĩngĩtĩ accamana Nyekuci ĩhõõggõ pĩĩrnattaa cĩ uukẽnĩ ꞌthaarĩĩ cĩg Yeesu.

Pilippi 1:20

Hammuhuneehi naa haini, hõllõngaa hatĩ haꞌngaoni ũdũt, nẽẽthĩ, aalla hatĩ õkõmĩ nganĩĩt ꞌthĩnĩt, hĩnĩngĩtĩ Krĩstõ, haau hĩ gõõng hõdõõkõthĩ. Nẽ haga naa haini, aꞌnyahaak hatĩ rũgẽtĩ caannĩ Krĩstõ bulẽẽnĩt, tananga harugi hode hadaahi.

Pilippi 1:29

nẽ aggatanuunga. Hõllõngaa aggatannuung, hĩnĩngĩtĩ aꞌnyaku niig lemiinit hĩ Krĩstõ diooni, nẽẽthĩ, aggatannuung, hĩnĩngĩtĩ accananiinnu niig buúk, hĩnĩngĩtĩ ĩnõõnnõ.

2 Timotteeo 1:12

Ĩnõõ ꞌcĩ happĩĩrnanĩĩ naa hĩ ꞌyioko ho. Nẽ hõllõngaa haꞌngaaoni, hĩnĩngĩtĩ haga naa Krĩstõ ꞌcĩ helemi naa dĩdĩ nẽ õkõmĩ nganĩĩt ꞌthĩnĩt haini, ĩnõõnnõ ꞌcĩ occa aꞌthũũnna nganĩĩt dtiicaa cĩnnĩ, ĩꞌthõng kõr ꞌcĩ hatĩ õbõdaanĩ nẽẽnĩ.

ꞌJeemith 2:7

Hõllõngaa nooyyia ĩhõõggõ ꞌcĩg arannĩ ꞌthaar ꞌcĩg abuli cĩg Makayyioohit cunuung?

1 Pẽẽtũrũ 2:12

Aaut jurrung hatĩ arũmeennu hĩ eet ꞌcĩg nga helemit Nyekuc, tananga õhõppõõcannuung nẽẽg ngagiit thooꞌthiohĩĩ ꞌcĩg abathĩ. Ma hatĩ kõr ꞌcĩ ẽttẽẽdĩ Nyekuci thooꞌthiok, adĩhĩth hatĩ nẽẽg Nyekuc ngaatĩ aduhaanĩ thooꞌthiok ꞌcĩg abũnnaa ꞌcĩg baag acĩn adĩmani niina.

1 Pẽẽtũrũ 4:11

Má aꞌnyahi ꞌbaaninit ꞌcĩ õthõõthĩ, duhaak eet thõõth cĩ Nyekuci. Má aꞌnyahi ꞌbaaninit ꞌcĩ ẽẽlĩ eeta, dticcian ꞌthẽk noho ꞌtirriaanaa ĩbaa aaꞌnyi Nyekuci. Adiim occa adticanni hẽlẽggĩ vẽlẽk ꞌgõõlaa ꞌcĩ occa aꞌnyahaakĩ Nyekuc bulẽẽnĩt, hĩnĩngĩtĩ Yeesu Krĩstõ ꞌcĩ abuli nẽ ittiran irkiꞌnyia hĩ irkiꞌnyia. Aamẽn.

1 Pẽẽtũrũ 4:14

Nẽẽthĩ hoti ho, accamattoothĩk hatĩ odoommuung eeta, hĩnĩngĩtĩ ĩĩgĩnnu Lemmiook, hĩnĩngĩtĩ aaĩ bulẽẽnĩtĩ cĩ Lori cĩ Nyekuci hĩ ngagiita.

1 Pẽẽtũrũ 4:19

Nẽẽthĩ hoti ho, má accananniinnu niig ꞌgõõlaa ꞌcĩ aaꞌnyĩk Nyekuc haccamanoothĩk, aallattia ĩdĩmanit thooꞌthiok ꞌcĩg aũlan nẽ akattu Nyekuc baa ẽhẽnytaannuung hẽbẽrĩ rũgẽtaa cunuung, hĩnĩngĩtĩ aitiõõ hatĩ nẽẽ hõllõngaa ũũnnikuunga.