Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pẽẽtũrũ 4:11 - ꞌBuuk cĩ Thõõth cĩ Nyekuci

11 Má aꞌnyahi ꞌbaaninit ꞌcĩ õthõõthĩ, duhaak eet thõõth cĩ Nyekuci. Má aꞌnyahi ꞌbaaninit ꞌcĩ ẽẽlĩ eeta, dticcian ꞌthẽk noho ꞌtirriaanaa ĩbaa aaꞌnyi Nyekuci. Adiim occa adticanni hẽlẽggĩ vẽlẽk ꞌgõõlaa ꞌcĩ occa aꞌnyahaakĩ Nyekuc bulẽẽnĩt, hĩnĩngĩtĩ Yeesu Krĩstõ ꞌcĩ abuli nẽ ittiran irkiꞌnyia hĩ irkiꞌnyia. Aamẽn.

အခန်းကိုကြည့်ပါ။ ကော်ပီ




1 Pẽẽtũrũ 4:11
47 ပူးပေါင်းရင်းမြစ်များ  

Ma haaꞌnyeet ngagĩĩt hĩttĩmaneet ꞌThĩttaanĩ, nẽẽthĩ, õgaaeet ngagĩĩt ꞌtĩmmaniittaa cĩ ꞌThĩttaanõ.’


Ma baa ĩtĩnga ꞌJuuda ũũk battaala, ikia õthõõth Yeesu ĩĩ, “Nẽẽthĩ ꞌyioko, ubuluthi Ngeertĩ Eeto nẽ ubuluthi Nyekuci buúk hĩ ĩnõõnnõ.


Nĩngĩtĩ aꞌnyahaanĩ Mũũꞌtha eet cĩggaac ngaatĩ hõdẽẽthõng horrwatõõ ꞌcĩ õdõhõhĩĩ kak nẽ õthõõthak aajĩlõ ĩnõõnnõ Muuraa cĩ ꞌThĩnaĩ. Ma nĩngaata, iita aanytĩhoothĩk Mũũꞌtha thooꞌthioha cĩg rũgẽtaak, hũtũngeekeet ngagĩĩta.


Au hẽlẽggĩ vẽlẽk hĩ Makayyioohit. Nẽ baa ẽhẽnytaa hẽlẽggĩ vẽlẽk, hĩnĩngĩtĩ ĩnõõnnõ nẽ hatĩ obodoothi hĩ ĩnõõnnõ. Hĩdĩhĩthĩt Makayyioohit ooo! Aamẽn.


Hĩnĩngĩtĩ bũnnai baa aaꞌnyĩhoothĩkaa nganĩĩta, haduhaakuung naa ngagiit vẽlẽk hanneekuung, ma hathĩngõõnyannu gẽrrẽẽt, nẽẽthĩ ummuhit eleeti cugguung ꞌgõõlaa ꞌcĩ abũnnaa, ꞌgõõlaa ꞌcĩ attĩmaneeku lemiinit baa aaꞌnyuung Nyekuci ngagiita.


Nẽẽthĩ ꞌyioko, hĩnĩngĩtĩ Yeesu Krĩstõ, occa hadĩhĩth naag Nyekuc ꞌcĩ ĩĩn ꞌgeeꞌnyiahit dioo ooo! Aamẽn.


Nẽ dĩdĩ, maka ꞌbaaniniti! Ĩĩcĩ oou, baa aaꞌnyĩhoothĩk ĩhõõggõ thooꞌthioha cĩg Nyekuci huꞌthuutti.


Nẽẽthĩ hoti ho, má aduheennu nẽ uhuddieeu hode adĩmannu hẽlẽggĩ ꞌcĩg adiimmu niiga, ĩdĩmanit ĩhõõggõ vẽlẽk hĩĩtõ bulẽẽnĩt cĩ Nyekuci.


Aaꞌnyĩk Lorii ꞌcĩ Ẽllẽẽmĩth eet ꞌbaaninit cũũmõ cũũmõ.


Bũnnaiittaa ꞌcĩ aaꞌnya Nyekuci nganĩĩta, hikia hadaeeha naa õkõlaha hĩ ẽẽtĩ ꞌcĩ haganeehi tehenyiinit nẽ ikia ẽtẽhẽny ẽẽtĩ cĩrrĩĩng ꞌcieeth tĩho. Nẽẽthĩ, adiim acĩn eeta hõdẽĩ hõdẽĩ ꞌgõõl ꞌcĩ ehenytiini ho jurrung.


baa uuttiannu niig thõng. Nẽẽthĩ hoti ho, itingolli Nyekuc eleetinii cugguung.


Adiim eeta ꞌcĩg mẽẽlĩg ammũda baliinit, hĩnĩngĩtĩ aduhaak nẽẽg eet nyeemuut cĩ Nyekuci nẽ hõllõngaa haattiyyia naag buúk hĩ nẽẽgĩ. Hĩĩgĩnna naag ꞌthooyyiak cĩg Nyekuci dĩdĩ, nẽẽthĩ, makaaꞌthĩtaa cĩ Krĩstõ, hõthõõꞌtha naag nyeemuut cĩnaang ꞌcĩ ĩĩn Nyekuci hebereec cĩnaang.


Nẽ hĩnĩngĩtĩ ꞌbaaninit ꞌcĩ aaꞌnyiku niig lemmiook ko, adĩhĩth hatĩ nẽẽg Nyekuc. Hĩnĩngĩtĩ ꞌbaaniniti cunuung ꞌcĩ aaꞌnyĩku niig ĩhõõggõ hĩ lemmiook vẽlẽk ko, ẽtẽrꞌtha thõõth ꞌcĩ athiknu niig nyeemuut ꞌcĩ abũnnaa cĩ Krĩstõ.


Hadiimmuung naa ngagiit agaac ꞌtirrian hĩ makaaꞌthĩt ꞌcĩ aꞌnyaheekeet Nyekuci ngagĩĩt ꞌcĩg hẽlẽmĩ ĩnõõnnõ. Ĩĩn ciee ꞌtirrian baa adticaniini Nyekuci,


Ma hothooꞌthu thooꞌthiok ꞌcĩg abathĩ. Aanytĩk thooꞌthiok ꞌcĩg aduhaannu hĩĩ ꞌcĩg abũnnaa, hátĩ hẽẽl eet ꞌcĩg athiknuunga.


Ĩĩttĩk Nyekuc Baangeet ĩlaallẽ hõdõõkõthĩ, hĩnĩngĩtĩ thooꞌthiok vẽlẽk, ꞌthaarĩĩ cĩg Makayyioohit cĩnaac Yeesu Krĩstõ.


Nẽ thõõthaa ꞌcĩ adtuurna, aanytĩk ꞌtirrian cobbi gẽrrẽẽt cĩ Makayyiookto haaꞌnyuung ittiranit.


Aaꞌnyuung hatĩ Yeesu Krĩstõ aallattia idticanit dtiicanĩ ꞌcĩg abũnnaa, ꞌcĩg aꞌnyahaak Nyekuc bulẽẽnĩt hĩ dĩhĩthẽẽnĩt.


nẽẽthĩ, aduha hatĩ eeta vẽlẽk aĩ ĩĩn Yeesu Krĩstõ Makayyioohit bulẽẽttaa cĩ Nyekuc Bangeet.


Aanytĩk thõõth ꞌcĩ othooꞌthu niig hõdõõkõthĩ haaꞌnyĩk eet ꞌcĩg athiknuung ngagiit haccamattoothĩk, hátĩ agaac ngaatĩ occa attacannu eet vẽlẽk ꞌcĩg ajinnuung ngagiit ꞌgõõlaa ꞌcĩ abũnnaa.


Baa accamanoothĩk Nyekuci ngaatĩ aaꞌnyeet ngagĩĩt nyeemuut cĩnnĩ ꞌcĩ abũnnaa nẽ baa hõllõngaa hõthõõꞌtha naag, hátĩ haccamattoothĩk eeta, Nyekuc dioo ꞌcĩ aga thõõth cĩ ꞌthinneeti cĩggaang, ĩnõõnnõ ꞌcĩ hadiimma naag haccamanoothĩk.


Aꞌnyĩĩk eet hĩdĩhĩthĩt nẽ ubuluthit Nyekuc cĩnaac irkiꞌnyia hĩ irkiꞌnyia. Ĩĩn nẽẽ habu ꞌcĩ aalla ũdũt, ꞌcĩ hõllõngaa edeeꞌnyia nẽ hõllõngaa adaahĩ. Ĩĩn nẽẽ dioo Nyekuc. Aamẽn.


Ĩnõõnnõ dioo ꞌcĩ arũgĩ ũdũt, aaĩ nẽẽ lanyitatõõ ꞌcĩ hõllõngaa occa õdõlan ẽẽtĩ umwaa hõbõktõ. Nga hĩcĩn eet umwaa Nyekuc nẽ aitiõõ hatĩ eet umwaa ꞌcĩ acĩn ĩnõõnnõ ũdũt tõõ. Hĩdĩhĩthĩt Nyekuc, aalla hatĩ makaaꞌthĩt cĩnnĩ ooo, Aamẽn!


Nẽ nii Tiito, ꞌlimman thõõth ꞌcĩ õõkõrõõ hĩ ꞌlimman ꞌcĩ ĩĩn dĩdĩ.


Nẽẽthĩ, hẽlẽggĩ ꞌcĩg occa allimani nii cieegi, tilo ĩhõõggõ thooꞌthiohĩĩ ꞌcĩg abathĩ makaaꞌthĩta vẽlẽk nẽ eteretheehu ĩhõõggõ thooꞌthiok ꞌcĩg abũnnaa. Nẽẽthĩ, ma haaꞌnyihi eet umwa hatamaaciina.


Ummuhuttooth makayyiook cugguung baag allimaneekuung ngagiit thõõth cĩ Nyekuci. Ummuhuttooth thooꞌthiok ꞌcĩg abũnnaa baag adĩman nẽẽg rũgẽtaa cĩnĩĩng nẽ unuyyu terethiinit cĩ lemiinit cĩnĩĩng.


Baa iittu niig lemmiook baangaani ꞌrĩng. Nẽẽthĩ, occa ꞌyioko baa illimattu ꞌgoonogu thooꞌthiok ꞌcĩg ĩĩn dĩdĩ cĩg Loriiak. Nẽẽthĩ, ĩko hinnia nga adiimmu eet umwa hillimanuung ngagiit thooꞌthiok ꞌcĩg tiirik cĩg Nyekuci? Nga aattiyyu niig hĩ ĩdõlẽẽta ꞌcĩg nga adiim aam ira nẽ hõllõngaa occa nõõ aaꞌnyĩhoothĩk ahata. Aitiõõ niig nga ũkũmattoothĩk hĩnĩngĩtĩ ꞌlimman ꞌcĩ õkõmĩ ꞌcĩ aaĩ hĩ ahat ꞌcĩ aduk ẽẽtĩ cobbiẽẽnĩ.


ꞌGotoonoga hĩ ngoonoga, ĩthĩhĩt thõõth icci, aꞌnyĩĩk eet hõdẽĩ hõdẽĩ hĩthĩktõ hĩdĩĩkoothong nẽ ma hothooꞌthu hĩdĩĩkoothong nẽ ma haliilliyyu hataman.


Má ammuk eet umwaa aĩ hĩĩnĩ eet cĩ Nyekuci nẽ õthõõth tahatak, ĩggõõl nẽẽ ẽlẽ cĩnnĩ nẽ iittiõõ hõllõngaa adticanni thõõth cĩ Nyekuci hĩ ĩnõõnnõ.


Aaut jurrung hatĩ arũmeennu hĩ eet ꞌcĩg nga helemit Nyekuc, tananga õhõppõõcannuung nẽẽg ngagiit thooꞌthiohĩĩ ꞌcĩg abathĩ. Ma hatĩ kõr ꞌcĩ ẽttẽẽdĩ Nyekuci thooꞌthiok, adĩhĩth hatĩ nẽẽg Nyekuc ngaatĩ aduhaanĩ thooꞌthiok ꞌcĩg abũnnaa ꞌcĩg baag acĩn adĩmani niina.


Iiginnu niig buúk biyyiẽẽn ꞌcĩg arũgĩ, ꞌcĩg ẽhẽnytĩ Nyekuci ꞌcieeth cĩ loriio. Nẽ tarĩ, iittu niig buúk lothippit cĩ paadĩrꞌnya ꞌcĩg ẽllẽẽmĩthĩ. Eelluung hatĩ Yeesu Krĩstõ ngagiit aanytĩk Nyekuc ꞌgaarriẽẽn ꞌcĩg accamana Nyekuci.


Aꞌnyĩĩk eet hõdẽĩ hõdẽĩ hidticattõõĩ ꞌbaaninit ꞌcĩ baa aaꞌnyĩk Nyekuci ĩhõõggõ heelli ꞌgõõnõgĩ. Idticattõõĩ bũnnai cĩ Nyekuci ꞌcĩ maka gẽrrẽẽt ꞌgõõlaa ꞌcĩ abũnnaa.


Nẽẽthĩ, aitiõõ hõllõngaa ĩĩn ngaaoni hatĩ accananiinnu niig, hĩnĩngĩtĩ iiginnu Kristiaanĩta. Ĩdĩhĩthĩt Nyekuc, hĩnĩngĩtĩ iiginnu eet cĩgĩnnĩg.


Aꞌnyĩĩk haau ꞌtirrianĩ hĩ ĩnõõnnõ irkiꞌnyia hĩ irkiꞌnyia. Aamẽn.


Aꞌnyĩĩk bulẽẽnĩt vẽlẽk hũũk hĩ Nyekuc ꞌcĩ odoyyii, hĩnĩngĩtĩ Yeesu Krĩstõ Ellioohit Makayyioohit cĩnaac. Ĩĩn bulẽẽnĩtĩ vẽlẽk hĩ makaaꞌthĩt cĩgĩnnĩg, ngaanĩngĩtĩ baarkit hĩ ꞌyioko, hĩ irkiꞌnyia vẽlẽk! Aamẽn.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ