1 Pẽẽtũrũ 4:10 - ꞌBuuk cĩ Thõõth cĩ Nyekuci

¹⁰ Aꞌnyĩĩk eet hõdẽĩ hõdẽĩ hidticattõõĩ ꞌbaaninit ꞌcĩ baa aaꞌnyĩk Nyekuci ĩhõõggõ heelli ꞌgõõnõgĩ. Idticattõõĩ bũnnai cĩ Nyekuci ꞌcĩ maka gẽrrẽẽt ꞌgõõlaa ꞌcĩ abũnnaa.

1 Pẽẽtũrũ 4:10 ပူးပေါင်းရင်းမြစ်များ

Maatteeo 20:28

haau hĩ Ngeertĩ Eeto baa aku hikia hidticanoothĩk eet, hõllõngaa hidticattoothĩk eeta ĩnõõnnõ, baa aku ajalana nẽẽ rũgẽt cĩnnĩ hẽẽla eet ꞌcĩg mẽẽlĩg.”

Maatteeo 24:14

Nẽ irrioonni hatĩ nyeemuut ꞌcĩ abũnnaa cĩ habuccieet cĩ Nyekuci loonyini vẽlẽk, hátĩ hĩthĩhĩt eeta vẽlẽk, nẽẽthĩ hatĩ ikia decciaanĩtĩ cĩ lootu.”

Maatteeo 24:21

Korriook hatĩ ꞌcĩg ꞌcannan cobbi gẽrrẽẽt tĩko, ꞌcĩ nga haau nganĩngĩtĩ ẽhẽnytaanĩ Nyekuci looc nẽ hõllõngaa hatĩ aku ꞌcannani ꞌcĩ aaĩ hoti tarĩ ũdũt.

Maatteeo 24:45

“Nganĩ ꞌcĩ ĩĩn dticciannioohit ꞌcĩ abũnnaa ꞌcĩ ẽggẽẽnyĩth, ꞌcĩ anneek baattĩ olu, bẽẽk õlõ cĩnnĩ nẽ aaꞌnyĩk eet cĩg olu ꞌgẽẽn ꞌthaa ꞌcĩ adiimi nẽẽgĩ?

Maatteeo 25:17

Nẽ dticciannioohiti baa aggam ꞌtalẽnꞌnya ꞌramma buúk, ũmmũda ũgĩ ꞌramma tarĩ.

Maatteeo 25:44

“Ẽdẽcĩ hatĩ nẽẽg ĩnõõnnõ anneek, ‘Makayyioohit nĩngaan baa ꞌcĩ hacinni naag nganiit adaki magĩthĩ hode aammi kõrra hode ĩĩnĩ tahanit hode aaĩ arriẽẽn hode ommoori hode aaĩ baabuutha nẽ hõllõngaa heelli ho?’

Maarko 10:45

Hĩnĩngĩtĩ baa hõllõngaa aku Ngeertĩ Eeto loota nĩnga, hiita hidticattoothĩk eeta, baa aku nẽẽ, hátĩ hidticanoothĩk eet nẽ aaꞌnyĩk rũgẽt cĩnnĩ hẽẽlaĩĩ eet vẽlẽk.”

ꞌLuuka 12:42

Ẽdẽcĩ Makayyioohiti Pẽẽtũrũ anneek, “Dticciannioohit thĩ iina ꞌcĩ ẽggẽẽnyĩth nẽ idtican dtiic cĩ makayyioohit cĩnnĩ jurrung, ꞌcĩ aarĩk makayyioohiti hẽbẽk ꞌgõõnõgĩ nẽ aaꞌnyĩk ĩhõõggõ ꞌgẽẽn ꞌthaawaa ꞌcĩ aũlanĩ?

ꞌLuuka 19:13

Ma baa õbõhĩ ĩtĩnga, ũtũvvũ dticcianniook cĩgĩnnĩg õmmõtõ nẽ aaꞌnyĩk ĩhõõggõ hõdẽĩ hõdẽĩ ꞌrabbẽẽt ꞌcĩg mẽẽlĩg nẽ ĩĩnnĩk, ‘Idticattĩ ꞌrabbẽẽt iccig tũjaar ĩꞌthõng hõbõda naana.’

ꞌLuuka 8:3

Yõaanna ngaa cĩ ꞌCuutha, makayyioohit cĩ halang cĩ Ẽrõõdẽ, hĩ Thuꞌthaana hĩ ꞌgõõnõgĩ ũgĩ. Baa adticanoothĩk ngaaĩ cieeg Yeesu hĩ nuyyiook cĩgĩnnĩg.

ꞌRooma 15:25

Nẽẽthĩ, nga hikia, adiim hõkõ nõõ ꞌJeruꞌthalẽma haꞌnyahoothĩk lemmiook ꞌbaaninit ĩĩca.

ꞌRooma 15:27

Baa thõõth ꞌcĩ adiim adĩman nẽẽg cieeni. Nẽẽthĩ, ꞌgõõl ꞌcĩ baa õthõlĩ nẽẽg ꞌrabbẽẽt hĩ eet cĩg ꞌJudeei, aaĩ hinnia hĩcĩ adũmaneek nẽẽg ĩhõõggõ ngabolo, hĩnĩngĩtĩ baa otholit eeta cĩg ꞌJudeei hĩ eet ꞌcĩg hõllõngaa ĩĩn ꞌJudeei, ꞌgattan cĩ Loriio.

1 Korinthia 15:10

Nẽẽthĩ, bũnnaiittaa cĩ Nyekuci, hĩĩna naa nganĩĩt hĩ ꞌyioko ho nẽ baa hõllõngaa hahirangĩĩ naa bũnnai cĩ Nyekuci haaga. Aitiõõ ũdũt, baa hadticannii naa hĩllõõan ꞌthooyyiak vẽlẽk, nẽẽthĩ, baa hõllõngaa nganĩĩt ẽmmẽn ꞌcĩ hadticannii ho, baa hadticannii hĩnĩngĩtĩ baa aaĩ bũnnai cĩ Nyekuci hĩ nganĩĩta.

1 Korinthia 3:10

Bũnnaiittaa ꞌcĩ aaꞌnya Nyekuci nganĩĩta, hikia hadaeeha naa õkõlaha hĩ ẽẽtĩ ꞌcĩ haganeehi tehenyiinit nẽ ikia ẽtẽhẽny ẽẽtĩ cĩrrĩĩng ꞌcieeth tĩho. Nẽẽthĩ, adiim acĩn eeta hõdẽĩ hõdẽĩ ꞌgõõl ꞌcĩ ehenytiini ho jurrung.

1 Korinthia 4:7

Ne ꞌcĩ ẽllẽẽmĩth hĩ ngagiit gẽrrẽẽt ko? Ne ꞌcĩ aꞌnyaku niig ꞌcĩ baa nga haaꞌnyĩhoothĩhuung ko? Nẽ má baa aaꞌnyĩhoothĩhuung ngagiit ꞌgii tĩho nẽ occa athĩngõõnyannu niig hutuno?

2 Korinthia 6:1

Hĩcĩ hadticanni naag hõdẽĩ hĩ Nyekuci, halayyuung naag ngagiit haĩnna, idticattõõĩ bũnnai cĩ Nyekuci ꞌgõõlaa ꞌcĩ abũnnaa.

2 Korinthia 9:1

Hõllõngaa occa hẽhẽẽdakuung naa ngagiit waraga, hĩnĩngĩtĩ thõõth cĩ ꞌbaaninit cunuung ꞌcĩ aaꞌnyiku lemmiook ꞌcĩg aattĩg ꞌJeruꞌthalẽma ho.

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

Eevvetho 4:11

Baa ĩnõõnnõ ꞌcĩ ẽbẽra eet ũgĩ hĩĩtõ ꞌthooyyiak nẽ ẽbẽra ũgĩ hĩĩtõ põrõvẽtaaꞌnya nẽ ẽbẽra ũgĩ hĩĩtõ eet ꞌcĩg allimaneek eet thõõth cĩ Nyekuci nẽ ẽbẽra ũgĩ hĩĩtõ paadĩrꞌnya hĩ ꞌlimmanniook,

2 Timotteeo 1:18

Aꞌnyĩĩk Makayyioohit Yeesu Krĩstõ hatamaatĩk ĩnõõnnõ, kõr ꞌcĩ hatĩ ẽttẽẽdĩ nẽẽ thooꞌthiok cĩg lootu. Aga nii buúk gẽrrẽẽt, ngaatĩ baa ẽẽlla nẽẽ nganĩĩt ꞌgoolliohĩĩ ꞌcĩg mẽẽlĩg, baa haaĩ ꞌtaaũnaa cĩ Eevvetho.

Tiito 1:7

Hĩnĩngĩtĩ aaꞌnyĩk Nyekuci makayyioohit cobbi cĩ lothippit cĩ lemmioohu, hidticanoothĩk ĩnõõnnõ. Abũnnaa ĩĩn eet ꞌcĩ aitiõõ thõõth ꞌcĩ abathĩ tõõ. Abũnnaa hõllõngaa ĩĩn eet ꞌcĩ athĩngõõnyanĩ, abũnnaa ĩĩn eet ꞌcĩ hõllõngaa aaburii ꞌthĩnĩt. Abũnnaa ĩĩn eet ꞌcĩ hõllõngaa ĩĩn duuttiahit, hode aangal jora, hode adiim ꞌrabbẽẽt ꞌcĩg mẽẽlĩg ꞌgõõlaa ꞌcĩ abathĩ.

Ebereei 6:10

Aitiõõ Nyekuci hõllõngaa ahaleek eet umwa tuu, ĩnõõ ꞌcĩ hõllõngaa ataarrõꞌthĩ nẽẽ dtiicanĩ cugguung hĩ mĩnnan ꞌcĩ ẽtẽrꞌthaannu niig ngaatĩ eellu eet cĩgĩnnĩg, hĩcĩ nga aalla eellu noho ho.

1 Pẽẽtũrũ 5:10

Tarbalꞌthẽẽtaa cĩnnĩ, baa ũtũvvaauung ngagiit Nyekuci, hátĩ otholit bulẽẽnĩt cĩnnĩ ꞌcĩ aalla ũdũt, hĩnĩngĩtĩ Yeesu Krĩstõ. Nẽẽthĩ, urutaa ꞌcĩ accanatteeu hĩdĩhĩdĩĩc, ẽẽlannuung hatĩ nẽẽ ngagiit nẽ aaꞌnyuung okomit lemiittaa cunuung.

1 Pẽẽtũrũ 5:12

Ẽẽlla ꞌThĩĩla nganĩĩt hẽtẽhẽẽdahuung waraga icci huturi ho, ĩĩn nẽẽ nuyyioohit ꞌcĩ aꞌthũũnnĩ thõõth cĩ Makayyiookto jurrung. Hadiimi hakũtannuung nẽ huduhaahuung ꞌgõõl ꞌcĩ ĩĩnnĩ Nyekuci tarbal dĩdĩ, hátĩ aallattia aꞌnyahit lemiinit hĩ ĩnõõnnõ.